[᭔᭓ 43B]
᭔᭓᭞
ᬓᬤᬶᬗᬶᬭᬶᬂᬢᬦ᭄ᬤ᭄ᬬᬵᬫ᭄ᬓᬸᬮ᭄ᬲᬂᬋᬱᬶᬫ᭄ᬦᭂᬂᬢᬦ᭄ᬫᭀᬮᬄ᭟ᬦᬶᬢᬦᬸᬲᬬᬦ᭄ᬬᬬᬢ᭄ᬦᬮᬶᬦᬶᬤᬸᬯᬲ᭄ᬢ᭄ᬭᬓᬮᬫ᭄ᬩᬶᬲᬵᬫ᭄ᬧᬸᬦᬶᬥᭂᬧ᭄ᬮᬭᬶᬲ᭄ᬫᭀᬚᬃᬩᬬᬲᬶᬭᬋᬱᬶᬭᬯᬶᬲ᭄ᬓᬓᬲᬍᬬᬾᬗ
ᬢᬶᬗᬾᬦ᭄ᬤᬄᬤᬾᬦᬶᬭᬫᬯ᭄ᬢᬸᬧᬢᬾᬦᭂᬦᬯᬓᬶᬗ᭄ᬯᬂᬓᬮᬶᬦ᭄ᬢᬂᬤᬾᬭᬫᬦᭂᬲᬶᬦ᭄ᬢᬦ᭄ᬧᬢᬸᬂᬢᬸᬂᬳᬫᬸᬜ᭄ᬘᬗᬓᭂᬦ᭄ᬓᬢᬺᬱ᭄ᬡᬦ᭄᭟ᬓᬶᬩᬮᬂᬢᬫᬓ᭄ᬳᬲᬶᬳᬵᬓ᭄ᬦᬬᬦᬭᬯᬸᬓᬳᬓ᭄ᬱᬶᬫᬗᬼ
ᬤᬾᬦᬶᬭᬮᬸᬬᬵᬭᬹᬧᬦᬶᬭᬓᬬᬾᬗᬹᬦᬶᬓ᭄ᬜᭂᬫ᭄ᬓᭂᬜᭂᬫ᭄ᬳᬫᬦᬶᬲ᭄ᬯᬶᬘᬓ᭄ᬱᬡᬵᬗᬤᬸᬲ᭄ᬫᬸᬳᬲᬶᬦ᭄ᬲᬮᬭᬲ᭄ᬮᬭᬲ᭄ᬉᬚᬭᬶᬭᬗᬲᬶᬳᬲᬶᬄᬳᬭᬶᬦᬶᬗ᭄ᬲᬸᬦ᭄ᬲᬂᬓᬤᬶᬤᬾᬯᬦᬶᬂᬘᬶᬧ᭄ᬢ᭟
ᬫᬓᬧᬫᬹᬃᬡ᭄ᬦᬦᬶᬂᬘᬶᬧ᭄ᬢᬲᬂᬓᬤᬶᬫᬥᬸᬚᬮᬤᬶᬳᬢ᭄ᬫᬚᬷᬯᬲᬓᬮᬗᭀᬦ᭄ᬢᬸᬳᬸᬲᬶᬭᬓᬓ᭄ᬬᬍᬯᬶᬄᬢᬸᬮ᭄ᬬᬢᬲᬂᬳ᭄ᬬᬂᬕᭀᬭᬶᬫᬗ᭄ᬕᭂᬄᬳᬲ᭄ᬢᬶᬢᬶᬦᬶᬂᬮᬸᬮᬸᬢ᭄ᬳᬸᬧ᭄ᬢᬶᬦᬶᬭᬾᬂᬚ᭄ᬜᬦᬵ
[ ᭔᭔ 44A]
ᬢᬦᬶᬗᬾᬢᬂᬗᬬᬧᬢᬶᬓᬂᬢᬶᬦᬸᬚᬸᬳᬲᬶᬦᬶᬭᬫᬭᬾᬭᬶᬗ᭄ᬯᬂ᭟ᬧᬭᬦ᭄ᬧᬦᬯᬸᬭᬦᬶᬗ᭄ᬯᬂᬳᬳᬸᬢᬂᬧᬶᬭᬭᬶᬗᬲᬶᬄᬳᬕᬸᬂᬲᬓᬲᬧ᭄ᬭᬢᬶᬯ᭄ᬬᬢᬦ᭄ᬮ᭄ᬬᬦ᭄ᬚᬷᬯᬦᬶᬗ᭄ᬲᬸᬦᬶᬓᬶᬕᬶᬦᬯᬳ
ᬦᬳᬸᬭᬶᬦ᭄ᬳᬢ᭄ᬫᬚᬷᬯᬲᬂᬳᬭᬹᬫ᭄ᬭᬹᬫ᭄ᬳᬬᬸᬯᬦᬘᬭᬫᬾᬥᬳᬓ᭄ᬱᬫᬦᭂᬦᬶᬗ᭄ᬲᬸᬦᬶᬓᬶᬲᬂᬳ᭄ᬬᬗᬬᬸᬤᬾᬯᬦᬶᬂᬘᬶᬧ᭄ᬢᬧᬗᬾᬭᬦ᭄᭟ᬳᬶᬗᬸᬲᬧᬶᬗᬭᬲᬭᬲ᭄ᬤᬸᬄᬫᬵᬲ᭄ᬫᬶᬭᬄ
ᬳᬶᬗ᭄ᬲᬸᬦ᭄ᬬᬬᬶᬧᬶᬭᬤᬾᬦᬶᬭᬓᬍᬲ᭄ᬯᬦ᭄ᬳᬢᬸᬃᬯᬲᬶᬭᬬᬬᬶᬭᬶᬂᬧᬗ᭄ᬓᭀᬦᬶᬂᬗ᭄ᬲᬸᬦᬶᬓᬮᬄᬢᬓᬓᬦ᭄ᬢᬳᬍᬲᬸᬓᬶᬩᬮᬂᬢᬫᬓ᭄ᬳᬗᬸᬘᬧ᭄ᬮᬸᬫᬭᬶᬲ᭄ᬢᬲᬶᬭᬬᬬᬶᬗᬸᬗ᭄ᬲᬶᬳᬶᬩᬸ
ᬳᬦᬭᬶᬂᬕᬶᬭᬶᬓᬜ᭄ᬘᬦ᭟ᬤᬾᬳᬶᬲ᭄ᬢ᭄ᬭᬷᬮᬶᬭᬶᬂᬲ᭄ᬮᬸᬫᬫ᭄ᬧᬄᬲᬶᬭᬯᬦᬫᬦ᭄ᬤᬸᬮᬸᬭᬶᬦ᭄ᬓᬶᬕᬭᭀᬓᬓ᭄ᬳᬦᬾᬗᬸᬦ᭄ᬢᬢ᭄ᬲᬫᬲᬦ᭄ᬬᬦᬾᬮᬸᬫᬭᬶᬲ᭄ᬳᬢᬢ᭄ᬯᬢᬢ᭄ᬯᬯᬾᬗᬹᬦᬶᬕᬲᭂᬗ᭄ᬕ
Page:Bali-lontar-gaguritan-balangtamak-300ppi.pdf/44
This page has been proofread.
