[ ᭖᭐ 60B]
ᬓᬤᬶᬫᬗᬸᬭᬸᬕᬶᬦ᭄ᬧᬲᬶᬄᬲᬂᬧ᭄ᬭᬪᬸᬮᬶᬧ᭄ᬬᬢ᭄ᬯᬭᬗᬶᬢᬸᬗᬂᬕᬸᬫᬶ᭟ᬩᬓᬮᬧᬓᬶᬩᬮᬂᬢᬫᬓ᭄ᬢᬸᬫᬦᬂᬧᬓ᭄ᬱᬦᬾᬘᬓ᭄ᬭᬾᬂᬪᬸᬫᬶᬗᬲᭀᬭᬂᬲᬂᬦᬵᬣᬕᬸᬲ᭄ᬢᬶᬫᬶᬯᬄᬢᬶᬢ᭄ᬬᬂᬲ᭄ᬗᬶᬢᬗᬳᬸ
ᬮᬶᬗᬹᬦᬶᬫᬢᬗ᭄ᬕᭂᬄᬕᭂᬦ᭄ᬤᬤᬸᬓᬾᬫᬳᬩ᭄ᬬᬦ᭄ᬢᬸᬦᬶ᭟ᬫᬗ᭄ᬓᬶᬦ᭄ᬢᬶᬢ᭄ᬬᬂᬳᬶᬭᬂᬕᬸᬲ᭄ᬢᬶᬓᬚ᭄ᬭᭀᬧᬸᬭᬫᬋᬓ᭄ᬭᬶᬂᬰ᭄ᬭᬶᬪᬹᬧᬢᬶᬢᬾᬳᬂᬗᬢᬸᬭᬂᬕᬸᬲ᭄ᬢᬶᬯᬬᬦ᭄ᬓᬍᬫᭂᬲᬦ᭄ᬤᬦᬳᬷᬦᬳᬸᬫ᭄ᬩ
ᬓ᭄ᬧᬶᬧᬶᬲ᭄ᬳᬦ᭄ᬢᬸᬓ᭄ᬓᬶᬯᬦᬢᬶᬢ᭄ᬬᬂᬚᬳᬗ᭄ᬕᬾᬦ᭄ᬲᬓ᭄ᬱᬶ᭟ᬧᬦ᭄ᬲᬸᬓᬭᬩ᭄ᬦᭂᬄᬓᬾᬢᭀᬤᬬᬦᬶᬩᬵᬧᬦ᭄ᬓᭂᬭᬸᬂᬫᬜᬳᬸᬭᬶᬦ᭄ᬗᬸᬤᬓᬾᬢᭀᬩᬳᬦ᭄ᬦᬾᬦᭀᬭᬓᬤᬾᬦᬤ
ᬲᬚᬬᬗ᭄ᬫᬲᬶᬦ᭄ᬧᬢᬶᬩᬗᭂᬢ᭄ᬫᬶᬭᭀᬕᬕᬸᬲ᭄ᬢᬶᬯᬬᬦ᭄ᬦᬯᬸᬭᬶᬦ᭄ᬗᬸᬤᬤᭀᬕᬅᬧᬦ᭄ᬫᬸᬲᬸᬄᬰᬮᬶᬮᬶᬭᬦ᭄ᬰᬢ᭄ᬭᬸᬯ᭄ᬦᬂᬮᬶᬜᭀᬓᬶᬦ᭄ᬫᭂᬦ᭄ᬤᭂᬧ᭄ᬘᬳᬶᬫᬸᬥᬢ᭄ᬯᬄᬢᬸᬫ᭄ᬩᬸᬄᬓᬘ᭄ᬕᬶᬗ
[ ᭖᭑ 61A]
ᬦ᭄ᬩᬩᬳᬶᬮ᭄ᬫᬄᬫᬗᬸᬭᬶᬓ᭄ᬢ᭄ᬯᬭᬬᬢᬯᬂᬚᬮᬦ᭄ᬓᬚ᭄ᬭᭀᬦ᭄ᬚᬦᬶ᭟ᬕᬸᬲ᭄ᬢᬶᬯᬬᬦ᭄ᬫᬮᬸᬫᬚᬮᬦ᭄ᬬᬋᬗᬲ᭄ᬫᬜᭀᬕ᭄ᬚᭀᬕ᭄ᬰ᭄ᬭᬷᬪᬹᬧᬢᬶᬭᬸᬦ᭄ᬢᬕ᭄ᬫᬗᬢᬸᬭᬂᬲᬶᬗ᭄ᬕᬶᬄᬤᬾᬯᬲᬂᬦᬵ
ᬣᬓᬢᭀᬦ᭄ᬮᬶᬗ᭄ᬕᬰ᭄ᬭᬷᬪᬹᬧᬢᬶᬫᬦᬶᬲᬾᬗ᭄ᬭᬸᬲᬓ᭄ᬳᬢᬮ᭄ᬭᬶᬂᬫᬥᬸᬕᭂᬦ᭄ᬤᬶᬲ᭄᭟ᬧᬦᬶᬓᬓᬶᬩᬮᬂᬢᬫᬓ᭄ᬫᬲᬂᬦᬬᬗ᭄ᬢᭀᬕᬂᬤᬬᬭᬶᬭᬶᬄᬗᬤᬸᬯᬂᬓᬤᬦᬦ᭄ᬧᬜ᭄ᬚᬓᬾᬓᬍᬫᭂᬲᬦ᭄
ᬯᬾᬦ᭄ᬢᭂᬦ᭄ᬫᬭᬧᬶᬢᬸᬂᬩᬗ᭄ᬲᬶᬢ᭄ᬦᬾᬫᬸᬗ᭄ᬕᬸᬄᬭᬶᬂᬲᬸᬭᬵᬢ᭄ᬓᬶᬯᬮᬂᬢᬫᬓ᭄ᬗᬶᬲᬶ᭟ᬢ᭄ᬓᬾᬦ᭄ᬢᬶᬢ᭄ᬬᬂᬲᬵᬫ᭄ᬧᬸᬦᬸᬕᬶᬓᬍᬫᭂᬲᬦ᭄ᬓᬶᬩᬮᬂᬢᬫᬓ᭄ᬘᬸᬯᬶᬮ᭄ᬯᬾᬦ᭄ᬢᭂᬦ᭄ᬲᬓ᭄ᬱᬶᬦ᭄ᬢᬶᬢ᭄ᬬᬂᬧᬦ᭄ᬲᬸᬓ
ᬭᬦᬾᬢᬢᬲ᭄ᬲᬋᬂᬢᬶᬢ᭄ᬬᬂᬫᬜᬗ᭄ᬕᬸᬧᬶᬦ᭄ᬕ᭄ᬮᬶᬲ᭄ᬤᬬᬦ᭄ᬜᬬᬢ᭄ᬦᬳᬶᬭᬢᬸᬫᬗ᭄ᬓᬶᬦ᭄᭟ᬮᬫᬸᬦ᭄ᬓᬾᬢᭀᬳᬶᬩᬢᬢᬲ᭄ᬓᬍᬫᭂᬲᬦ᭄ᬓᬶᬯᬦᬚᬢᬶᬭᬸᬲᬶᬢ᭄ᬧᬗ᭄ᬤᬜᬾᬯᬕᬭᬧ
Page:Bali-lontar-gaguritan-balangtamak-300ppi.pdf/61
This page has been proofread.
