[ ᭖᭕ 65B]
᭖᭕᭞
ᬤᭂᬮᭀᬓᬶᬦ᭄ᬫᬦᬶᬲᬂᬓᬶᬦᬾᬦ᭄ᬮᬭᬶᬲ᭄ᬮᬸᬫᬓᬸᬫᬗᬯᬲ᭄ᬓᬶᬲᬂᬯᬦᬓᬳᬤᬂᬭᬶᬗᬸᬫᬄᬲ᭄ᬧᬶᬲᬤᬜᬭᬸᬓᬢᭀᬦ᭄ᬲᬶᬭᬯᬮᬂᬢᬫᬓ᭄᭟ᬳᬜᬩᬸᬓ᭄ᬓᬭᭀᬫᬰᬷᬮᬫᬫᬦ᭄ᬢ᭄ᬭᬲᬵᬫ᭄ᬧᬸ
ᬦ᭄ᬫᭂᬫᬸᬲ᭄ᬢᬶᬦᬶᬢᬦᬸᬲᬋᬗᬗ᭄ᬭᬯᭀᬲ᭄ᬳᬶᬭᬸᬦᬶᬲ᭄ᬭᭀᬡᬷᬬᬫᬸᬮᬶᬄᬫᬢᬸᬃᬭᬶᬂᬰ᭄ᬭᬷᬪᬹᬧᬢᬶᬤᬾᬯᬮᬘᬸᬃᬤᭀᬭᬗᬸᬢ᭄ᬕᬸᬢ᭄ᬲᬸᬫᬶᬗ᭄ᬓᬶᬦ᭄ᬫᬜᭂᬕᭂᬭᬂᬫᬜᬶᬗ᭄ᬓᬸᬃᬜᬩᬸᬓ᭄ᬫᬮᬶᬗ᭄ᬕᬶᬄᬗᭂᬜᭂᬂᬫᬸ
ᬢ᭄ᬭᬸᬲᬂᬧ᭄ᬭᬪᬸᬮᬭᬶᬲ᭄ᬗᬦ᭄ᬤᬶᬓ᭟ᬓᬸᬤ᭄ᬬᬂᬲᬶᬤ᭄ᬥᬲᬸᬩᬮᬯᬲ᭄ᬦᬾᬢᬶᬫ᭄ᬧᬮ᭄ᬜᬦᬾᬓᬭᬶᬋᬘᬂᬳᬧᬲᬸᬩᬧᬸᬦᬄᬲᬂᬧ᭄ᬭᬪᬸᬮᬭᬶᬲ᭄ᬜᭀᬮᬾᬓᬶᬦ᭄ᬢᬶᬹᬗᭂᬢᭂᬮᬂᬫᬭᬶᬂᬮᬢᬶᬳᬚᬳᬦ᭄ᬓ
ᬕᬾᬢ᭄ᬬᬓᬓᬸᬲᬂᬧ᭄ᬭᬪᬸᬲᬵᬫ᭄ᬧᬸᬦ᭄ᬮᬷᬡᬳᬫ᭄ᬩᬢᬭᬸᬩᬸᬢᬂᬢᬗᬶᬲ᭄ᬲᬚ᭄ᬭᭀᬳᬸᬫᬸᬂᬓᬶᬯᬮᬂᬢᬫᬓ᭄ᬧᬮᬢ᭄ᬭᬵ᭟ᬦᬶᬢᬦᬸᬢᬦ᭄ᬤ᭄ᬯᬫᬸᬮᬶᬲᬄᬦᬶᬭᬗ᭄ᬤᬜᭂᬭᬶᬢ᭄ᬫᬗ᭄ᬮᬶᬂᬳᬸᬫᬸᬂᬭᬫᬾᬳᬲᭂᬲᬫ᭄ᬩ
[ ᭖᭖ 66A]
ᬢ᭄ᬓᬶᬕᬭᭀᬕᬓ᭄ᬚᭂᬭᬢ᭄ᬚᭂᬭᬶᬢ᭄ᬧ᭄ᬲᬸᬫᬗ᭄ᬤᬧᬶᬧᬶᬲ᭄ᬭᬵᬚᬢᬓᬦᬓᬲᬵᬫ᭄ᬧᬸᬦ᭄ᬕᬶᬦᬯᬫᬭᬶᬂᬬᬰᬧᬶᬦᬶᬦ᭄ᬤᬮᬬᭀᬦ᭄ᬲᬂᬫᬵᬢᬶᬳᬾᬩᭂᬓ᭄ᬭᬸᬭᬸᬩ᭄ᬲᬓᬾᬂᬬᬢᬶᬲᬲᭂᬮᬶᬭᬦ᭄᭟ᬩᬶᬦᭂᬩᭂ
ᬳᬦ᭄ᬲ᭄ᬓᬃᬕᬦ᭄ᬤᬫᬭᬭᬫ᭄ᬧᬾᬫ᭄ᬭᬶᬓ᭄ᬱᬸᬫᬶᬭᬶᬓ᭄ᬮᬬᭀᬦᬶᬭᬧᬶᬦᭂᬢᬶᬬᬦ᭄ᬢᬶᬦᬮᬾᬦᬦ᭄ᬤᬾᬧᬜ᭄ᬚᬮᬶᬦ᭄ᬲᬦᬦ᭄ᬧ᭄ᬢᬸᬂᬲᬸᬫᬚᬶᬓᭀᬘᬧᬦ᭄ᬩᬜ᭄ᬚᬭᬾᬳᬸᬫᬸᬂᬭᬯᭀᬲᬾᬦᭂᬩᬦᭂᬩ
ᬳᬧᬦ᭄ᬪᬸᬫᬶᬓᬺᬢ᭄ᬢᬢᬶᬢᬶᬓ᭄ᬧ᭄ᬭᬬᬦᬶᬧᬸᬦ᭄ᬧᬢᬸᬄᬗᬯᬶᬭᬗᬗᬯᬓ᭄᭟ᬦᬾᬗᭂᬤᬾᬦᬶᬦ᭄ᬕᬸᬲ᭄ᬢᬶᬯᬬᬦ᭄ᬧᬦ᭄ᬲᬸᬓᬭᬮᬶᬦ᭄ᬢᬂᬧᭂᬤᬶᬄᬳᬶᬕᬮᬸᬃᬢ᭄ᬓᬾᬦ᭄ᬳᬶᬩᬘᭀᬓ᭄ᬳᬶᬫᭀᬜ᭄ᬘᭀ
ᬲᬓᬧᬶᬦ᭄ᬳᬶᬓᬧᬶᬃᬧᬥᬫᬗ᭄ᬭᬕᬯᬶᬱ᭄ᬝᬶᬕᬸᬲ᭄ᬢᬶᬯᬬᬦ᭄ᬤᬾᬭᭀᬫᬸᬯᬸᬲ᭄ᬚᬦᬶᬚᬮᬦᬳᬕᭂᬦᬂᬜ᭄ᬚᬸᬯᬂᬧᬗᭂᬦ᭄ᬤᬢᬶᬓᭂᬮᬶᬦ᭄ᬳ᭄ᬤᬮᬶᬬᬸᬳᬚᬓ᭄ᬳᬦᬂᬤᬸᬯᬂᬤᬰ᭟ᬚᬦᬶᬫᬚᬮᬦ᭄ᬬᬓ᭄ᬫᬵ
Page:Bali-lontar-gaguritan-balangtamak-300ppi.pdf/66
This page has been proofread.
