[ ᭑ 1B]
᭑᭞
᭛᭜᭛ᬒᬁᬅᬯᬶᬖ᭄ᬦᬵᬫᬲ᭄ᬢᬸ᭛᭜᭛ᬳᬤᬓᬶᬤᬸᬂᬕᬸᬕᬸᬭᬶᬢᬦ᭄ᬫᬢᭂᬫ᭄ᬩᬂᬢᬶᬓᬸᬲ᭄ᬓᬩᬦ᭄ᬢᬶᬂᬦᬾᬓᭀᬘᬧ᭄ᬚᬍᬫᬩᭀᬤᭀᬩ᭄ᬢᬄᬢᬦᬶᬗᬶᬤᭂᬧ᭄ᬫᬸᬜᬶᬩᬩᭀᬢᭀᬄᬳᬸᬮᬶᬘᭂᬦᬶ
ᬓ᭄ᬫᬬᬸᬲ᭄ᬮᬸᬤᬶᬦ᭄ᬢᬦᬶᬫᬫ᭄ᬧᬸᬄᬧ᭄ᬬᬦᬓ᭄ᬧᬓᬸᬭᬫ᭄ᬩᬾᬬᬦ᭄ᬦᬾᬳᬶᬩᬸᬓᬂᬮᬸᬄᬫᭀᬯᬦᬶᬳᬧ᭄ᬮᬓᬸᬢᬸᬲ᭄ᬢ᭄ᬓᬦᬶᬦᬾᬦᬸᬤᬶᬩᬲᬂ᭟ᬳᬶᬩᬸᬓ᭄ᬫᬗᬶᬩᬸᬓᬂᬳᬯᬓ᭄ᬲᬶᬂᬳᬗ᭄ᬓᬸᬄᬢᬸᬯᬄᬧᬢᬸᬢᬶᬦ᭄
ᬓᬢᬸᬯᭀᬦ᭄ᬤᬤᬶᬓᬾᬩᭀᬭᭀᬲ᭄ᬫᬤᬕᬂᬢᬦᬶᬫᬩᬢᬶᬚᬦᬶᬢᬸᬮᬸᬲ᭄ᬫᬗᬼᬲ᭄ᬢᬶᬳᬸᬫᬄᬳᭀᬜᬭᬶᬗ᭄ᬕᬂᬭᬶᬗ᭄ᬕᬸᬂᬭᬳᬩᬾᬧᬲᭂᬮᭀᬫ᭄ᬧᭀᬂᬧᬥᬳᭂᬗ᭄ᬲᬸᬩᬶᬦᬦ᭄ᬳᬸᬧᬶᬄᬢᬸᬗ᭄ᬕᬮ᭄ᬳᬸᬚᬦ᭄ᬫ
ᬮᬳᬶᬩ᭄ᬓᬩᬢᬦ᭄ᬳᬸᬫᬄ᭟ᬳᬢᬸᬢ᭄ᬫᬗ᭄ᬮᬄᬢᬳᬸᬫᬄᬩᬳᬦ᭄ᬫᬗᬳᬤᬶᬚᬦᬶᬓᬯᬶᬰᬬᬦᬾᬫᬗᭀᬗ᭄ᬕᭀᬂᬓᬧᬶᬲᬮᬵᬕᭂᬦ᭄ᬤᬂᬕᭂᬦ᭄ᬤᬶᬂᬢᬧᬶᬳᬾᬲᬸᬗ᭄ᬲᬂᬓᬧᬶᬂᬲᬭᬸᬗᬶᬜᬩᬦ᭄ᬲᬭᬶᬸᬩᬸᬓ᭄
[ ᭒ 2A]
ᬲᬸᬩᬳᭂᬜᬕ᭄ᬧᬘᬮᭀᬫ᭄ᬧᭀᬂᬲᬶᬂᬓᬫ᭄ᬩᭂᬦ᭄ᬳᬗ᭄ᬕᬾᬦᬫ᭄ᬩᭂᬮᬶᬦ᭄ ᬢ᭄ᬚᬚᬳᬶᬢᬦᬾᬗᬮᬶᬧᬦ᭄᭟ᬩᬲ᭄ᬓᬤᬸᬭᬸᬲ᭄ᬦᬫᬾᬧᭀᬗᬄᬩᬸᬓᬵᬢ᭄ᬯᬭᬦᬯᬂᬳᬶᬫ᭄ᬩᬶᬤᬓᬶᬦ᭄ᬳᬯᬓᬾ
ᬫᬜᬮᭀᬦ᭄ᬓᬮᬲ᭄ᬓᬲᬦ᭄ᬓᬶᬲ᭄ᬓᬶᬲ᭄ᬕᬸᬤᬶᬕ᭄ᬢ᭄ᬯᬭᬦᬯᬂᬮᬳᬤᬼᬗᬶᬲ᭄ᬩᭀᬓᬾᬩᬭᬓ᭄ᬮᬸᬤᬶᬦ᭄ᬧᬸᬚᬸᬢ᭄ᬕᬶᬮᬶᬂᬫᬓᬩ᭄ᬭᬾᬂᬩ᭄ᬭᬾᬗᬦ᭄ᬜᭀᬜᭀᬦᬾᬩᬾᬓᬾᬦᬦ᭄ᬢᭂᬗᬶᬦ᭄ᬲᬮᬂᬯ
ᬮᬸᬄᬓᬭᬶᬳᬸᬯᬢ᭄ᬧᬲᬸᬮᬾᬗ᭄ᬓᬢ᭄᭟ᬢᬸᬯᬄᬓᬢᬸᬤᬸᬄᬓᬦ᭄ᬢᭀᬜᬳᬦ᭄ᬳᬭᬂᬬᬾᬦ᭄ᬢᭀᬢᬦᬶᬩᬮᬶᬂᬲᬾᬧᬦ᭄ᬫᬫ᭄ᬮᬲ᭄ᬫᬍᬦ᭄ᬤᭀᬂᬩᬲᬗᬾᬲᬸᬩᬫᬳᬶᬲᬶᬢᭀᬗ᭄ᬓᭀᬩᭂᬳᬗᬦ᭄ᬗ
ᬦ᭄ᬢᬶᬄᬬᬓᬾᬫᬗ᭄ᬮᬶᬓᬲ᭄ᬫᬦᬸᬦᬸᬦ᭄ᬚᬦᬶᬢᬸᬮᬸᬲ᭄ᬫᬗᬾᬩᭀᬂᬧ᭄ᬬᬦᬓᬾ ᬩᭂᬓ᭄ᬧᬕᬸᬮᬦ᭄ᬢᬶᬂᬫᭂᬥᭂᬫ᭄ᬩᬗᬸᬦ᭄ᬳᬯᬓᬾᬮᬸᬤᬶᬦᬼᬫᬸᬳᬦ᭄᭟ᬮᬸᬯᬶᬄᬬᬦ᭄ᬫᬲᬦ᭄ᬕᬮᬸᬗᬦ᭄ᬓᬾᬫ᭄ᬯᬦᬶᬢ᭄ᬯᬄᬫᬧᬸᬮᬶ
Page:Bali-lontar-gaguritan-berayut-01-300ppi.pdf/2
This page has been proofread.
