[᭒᭖ 26B]
᭒᭖᭟
ᬲᬂᬕᬥᬶᬂᬳᬭᬦ᭄ᬦᬾᬓᬶ᭞ᬳᬫᬶᬍᬢ᭄ᬢᬦ᭄ᬧᬦᬯᬸᬢ᭄᭞ᬳᬸᬯᬳᬸᬯᬶᬳᬭᬦ᭄ᬳᬶᬧᬸᬦ᭄᭞ᬲᬂᬚᭀᬕᭀᬃᬫᬡᬶᬓᬸᬚᬭᬾ᭞ᬲᬸᬩᬳᬶᬄᬳᬗ᭄ᬭᬸᬗᬸ᭞ᬯᬲ᭄ᬢᬸᬓᬶᬫᬗ᭄ᬕᬶᬄᬲ᭄ᬯᬃᬕ᭄ᬕ᭞ᬫᬭᬶᬂᬫᬾᬭᬸᬢᬸᬫ᭄ᬧᬂᬮᬶᬫ᭟᭜᭟ᬳᬶᬓᬶᬮᭀᬃᬯᬾ
ᬢᬦ᭄ᬢᬶᬦᬸᬬᬸᬓ᭄ᬫᬸ᭞ᬫᬃᬕ᭄ᬕᬓᬲ᭄ᬯᬃᬕ᭄ᬕᬦᬾ᭞ᬲᬧᬯᬦᬶᬳᬗᬮᬗᬶᬦ᭄᭞ᬲᬂᬅᬢ᭄ᬫᬦᭂᬫ᭄ᬩᬄᬳᬮᬸᬲ᭄᭞ᬧᬸᬓᬸᬮᬸᬦ᭄ᬤᬾᬲᬂᬲᬶᬦᬸᬳᬸᬦ᭄᭞ᬳᬦᬶᬂᬳ᭄ᬬᬂᬲᬸᬦ᭄ᬫᬗ᭄ᬓᬾ᭞ᬮᬸᬫᬫ᭄ᬧᬄᬳᬗᬦ᭄ᬢᬸᬦ᭄ᬳᬦ᭄ᬢᬸᬦ᭄᭞ᬧ᭄ᬭᬧ᭄ᬢᬭᬶᬂᬩᬜ᭄ᬚᬃᬲᭂᬓᬃ᭞ᬳᬭᬭ᭄ᬬᬦ᭄ᬲᬶᬭᬭᬶᬂ᭠
ᬬᬰ᭟᭜᭟ᬳᬓᬾᬄᬅᬢ᭄ᬫᬢᬫᬮᬓᬸᬳᬦᬹᬢ᭄᭞ᬳᬢᬯᬦ᭄ᬢᬗᬶᬲᬾ᭞ᬅᬧᬦ᭄ᬯ᭄ᬭᬸᬄᬫᬭᬶᬂᬫᬃᬕ᭄ᬕᬶ᭞ᬗᬸᬘᬧ᭄ᬲᬂᬳᬧᬸᬢᬸᬲ᭄᭞ᬯᭂᬮᬲ᭄ᬲᬶᬭᬮᬯᬦ᭄ᬳᬶᬗ᭄ᬲᬸᬦ᭄᭞ᬳᬧᬦᬶᬂᬦᭂᬫᬸᬚᭂᬮᬾ᭞ᬮᬫᬸᬦ᭄ᬳᬸᬭᬶᬧ᭄ᬫᬭᬶᬂᬩᬾᬲᬸ
ᬓ᭄᭞ᬳᬶᬗ᭄ᬲᬸᬦ᭄ᬳᬦᬯᬸᬭᬳᬸᬢᬂ᭞ᬲᬂᬯᬶᬓᬸᬳᬮᭀᬦ᭄ᬳᬗᬸᬘᬧ᭄᭟᭜᭟ᬳᬗᬸᬲᬧ᭄ᬲᬶᬭᬳᬲᭂᬫᬸᬲᭂᬦ᭄ᬤᬸ᭞ᬓᬗᭂᬦᬶᬂᬅᬢ᭄ᬫᬦᬾ᭞ᬲ᭄ᬯᬭᬦᬾᬳᬗᬲᬶᬳᬲᬶᬄ᭞ᬥᬸᬄᬳᬚᬲᬶᬭᬫᬶᬮᬸ᭞ᬳᬧ
[᭒᭗ 27A]
ᬦ᭄ᬢ᭄ᬯᬭᬯᬶᬤᬶᬭᬳᬬᬸ᭞ᬲᬂᬅᬢ᭄ᬫᬳᬮᭀᬦ᭄ᬮᬫ᭄ᬧᬳᬾ᭞ᬧ᭄ᬭᬧ᭄ᬢᬭᬶᬂᬩᬓᬢ᭄ᬫᬸ᭞ᬓᬜ᭄ᬘᬶᬢ᭄ᬧ᭄ᬭᬧ᭄ᬢᬯᬶᬥ᭄ᬬᬥᬭ᭞ᬳᬫ᭄ᬩᬓ᭄ᬢᬚᬫ᭄ᬧᬦ᭄ᬳᭂᬫᬵᬲ᭄᭟᭜᭟ᬯᬶᬥ᭄ᬬᬥᬭᬷᬧ᭄ᬭᬲᬫᬢᬸᬫᬸᬭᬸᬦ᭄᭞ᬳᬫ᭄ᬩᬯ
ᬅᬢ᭄ᬫᬦᬾ᭞ᬫ᭄ᬯᬂᬧ᭄ᬭᬯᬢᭂᬓ᭄ᬲ᭄ᬯᬃᬕ᭄ᬕᬢᬾᬓᬶ᭞ᬢᬢᬩᬸᬳᬦ᭄ᬕᬸᬫᬸᬭᬸᬄ᭞ᬲᭀᬭᬶᬂᬭᬩᬤ᭄ᬤ᭄ᬯᬂᬢᬍᬫ᭄ᬧᬸᬂ᭞ᬧᬭᬾᬭᬾᬢ᭄ᬯᬃᬕ᭄ᬕᬲᬭᬶᬦᬾ᭞ᬕᭂᬦ᭄ᬤᬶᬂᬕᭀᬂᬫᬸᬦ᭄ᬬᬳᬗ᭄ᬮᬗᬸᬦ᭄᭞ᬕᬸᬦ᭄ᬢᬂᬓᬸᬫᭂᬭᬶᬜ᭄ᬘᬶᬂᬋᬗᭃᬦ᭄ᬬ᭞ᬘᬸᬭᬶᬂ᭠
ᬫᬸᬦ᭄ᬬᬓᬓ᭄ᬮᭂᬦ᭄ᬢᬶᬗᬦ᭄᭟᭜᭟ᬲᬶᬦᬫ᭄ᬩᬸᬢᬢ᭄ᬫᬦᬾᬲᬂᬳᬧᬸᬢᬸᬲ᭄᭞ᬕᬶᬦᬯᬫᬗ᭄ᬓᬾ᭞ᬭᬶᬂᬚᬫ᭄ᬧᬦᬮᬸᬲ᭄ᬳᬗ᭄ᬭᬯᬶᬢ᭄᭞ᬳᬭᬶᬂᬭᬶᬂᬲᬸᬢ᭄ᬭᬳᬸᬗᬸ᭞ᬳᬭᬩ᭄ᬩᬵᬂᬳᬶᬚᭀᬫᬸᬗᬸᬩ᭄᭞ᬓᬮᬲᬲᬸᬢ᭄ᬭᬚᬶᬚᬶᬗ᭄ᬕ
ᬳ᭞ᬲᬫᬶᬧᬧᬢ᭄ᬭᬦ᭄ᬳᬮᬸᬲ᭄᭞ᬘᬶᬦᬭᬜ᭄ᬘᬗᬶᬂᬓᭀᬫᬮ᭞ᬓᬸᬫᬧᬲᭂᬗᬶᬂᬓᭀᬫ᭄ᬩᬮ᭟᭜᭟ᬯᬶᬥ᭄ᬬᬥᬭᬧ᭄ᬭᬲᬫᬳᬗ᭄ᬭᬸᬗᬸ᭞ᬳᬫᬸᬫᬸᬦ᭄ᬤᬸᬢ᭄ᬓᬩᬾᬄ᭞ᬧᬧᬦ᭄ᬤᭀᬦ᭄ᬳᬓᬾᬄᬭᬶᬂᬫᬶᬳᬶ
Page:Bali-lontar-gaguritan-bhima-swargga-01-300ppi.pdf/27
This page has been proofread.
