[᭓᭙ 39B]
᭓᭙᭟
ᬫ᭄ᬩᬳᬤᬕᬶᬂᬲᬂᬧᬡ᭄ᬥᬸ᭞ᬭᬤᬾᬦᬃᬚ᭄ᬚᬸᬦᬋᬓᬾ᭞ᬳᬲᬸᬂᬲᭂᬫ᭄ᬩᬄᬯᬸᬲ᭄ᬲᬂᬩᬬᬸ᭞ᬲᬂᬧᬡ᭄ᬥᬸᬮᬦ᭄ᬤᬾᬯᬶᬫᬤ᭄ᬭᬷᬬ᭞ᬭᬤᬾᬦ᭄ᬦᬓᬸᬮᬳᬲᬸᬂᬲᭂᬫ᭄ᬩᬄ᭟᭜᭟ᬳᬮᬶᬗ᭄ᬕᬶᬄᬋᬓᬾᬲᬂᬧᬡ᭄ᬥᬸᬳᬶᬓᬸ᭞ᬲᬂᬲᬤᬾᬯᬦᭂᬫ᭄ᬩᬄ᭞
ᬳᬗᬤᭂᬕ᭄ᬲᬂᬧᬡ᭄ᬟᬸᬢᬾᬓᬶ᭞ᬢᬦ᭄ᬓᬯᬰᬢᬫᬸᬯᬸᬲ᭄᭞ᬫ᭄ᬯᬄᬤᬾᬯᬷᬫᬤ᭄ᬭᬷᬧᬸᬦᬶᬓᬸ᭞ᬓᬮᬶᬄᬢᬦ᭄ᬧᬯᬸᬯᬸᬲᬋᬓᬾ᭞ᬫ᭄ᬯᬂᬢᬦ᭄ᬓᬯᬰᬮᬸᬫᬓᬸ᭞ᬳᬗ᭄ᬳᬶᬂᬳᬗᬤᭂᬕ᭄ᬓᬾᬯᬮ᭞ᬭᬤᬾᬦ᭄ᬪᬷᬫᬢᬦ᭄ᬧᬦᭂᬫ᭄ᬩᬄ᭟
᭐᭟ᬧᬸᬧᬸᬄᬧᬸᬘᬸᬂ᭟᭜᭟ᬤᬾᬯᬷᬓᬸᬦ᭄ᬢᬷ᭞ᬗᬲᬶᬳᬲᬶᬄᬳᬫᬸᬯᬸᬲ᭄᭞ᬤᬸᬄᬭᬳᬤᬾᬦ᭄ᬪᬷᬫ᭞ᬲᭂᬫ᭄ᬩᬳᬦ᭄ᬲᬂᬧᬡ᭄ᬥᬸᬢᬾᬓᬶ᭞ᬯᭂᬮᬲ᭄ᬳᬶᬗ᭄ᬲᬸᬦ᭄᭞ᬳᬦᭀᬦ᭄ᬢᭀᬦ᭄ᬦ᭄ᬤᬶᬓᬦᬶᬂᬩᬧ᭟᭜᭟ᬲᬯᬸ
ᬭᬘ᭞ᬯᬘᬦᬦᬶᬭᬲᬂᬳᬶᬩᬸ᭞ᬫᬾᬭᬾᬦᬾᬬᬩᬧ᭞ᬗᬢᬸᬭᬂᬲᭂᬫ᭄ᬩᬄᬧᬸᬦᬶᬓᬶ᭞ᬭᬶᬂᬲᬂᬧᬡ᭄ᬥᬸ᭞ᬳᬲᬸᬯᬾᬦ᭄ᬫᬲᬂᬲᬗ᭄ᬲᬭ᭟᭜᭟ᬢᬦ᭄ᬧᬯᬸᬯᬸᬲ᭄᭞ᬭᬳᬤᬾᬦ᭄ᬪᬷᬫᬲᭂᬫᬸᬳᬰ᭄ᬭᬸ᭞ᬕᬕᭂ᭠
[᭔᭐ 40A]
ᬢᬸᬭᬶᬧᭀᬮᬄ᭞ᬜᬂᬳᬶᬓᬂᬲᭀᬘᬫᬸᬭᬶᬭᬶᬂ᭞ᬫᬧᬶᬢᬦ᭄ᬤ᭄ᬭᬸᬄ᭞ᬢᬦᬦᬗᬺᬗᭃᬯᬘᬦ᭟᭜᭟ᬥᬃᬫ᭄ᬫᬵᬫᬺᬢ᭞ᬳᬗᬸᬘᬧ᭄ᬳᬲᭂᬫᬸᬲᭂᬦ᭄ᬤᬸ᭞ᬢᬦ᭄ᬤ᭄ᬭᬸᬄᬭᬶᬂᬤᬤᬮᬦ᭄᭞ᬭᬳᬤᬾᬦ᭄ᬪᬷᬫ᭠
ᬳᬭᬸᬦ᭄ᬢᬶᬓ᭄᭞ᬲᬯᬸᬃᬫᬦᬸᬓ᭄᭞ᬓᬶᬦᭀᬦ᭄ᬳᬗᬢᬸᬭᬂᬲᭂᬫ᭄ᬩᬄ᭟᭜᭟ᬧᬸᬧᬸᬄᬅᬤ᭄ᬭᬷ᭟᭜᭟ᬭᬳᬤᬾᬦ᭄ᬪᬷᬫᬳᬗᬸᬘᬧ᭄ᬳᬰ᭄ᬭᬸ᭞ᬢᬦ᭄ᬧᬦᭂᬫ᭄ᬩᬄᬋᬓᬾ᭞ᬳᬓᬸᬭᬶᬂᬲᬂᬧᬡ᭄ᬟᬸᬢᬶᬓᬶ᭞ᬫᬶᬯᬄ
ᬭᬶᬂᬤᬾᬯᬷᬫᬤ᭄ᬭᬷᬳᬶᬓᬸ᭞ᬢᬦ᭄ᬳᬋᬧ᭄ᬳᬶᬗ᭄ᬲᬸᬦ᭄ᬲ᭄ᬬᬓᬸ᭞ᬢᬦ᭄ᬯᭂᬦᬂᬲᬶᬦᭂᬫ᭄ᬩᬄᬋᬓᬾ᭞ᬳᬶᬓᬪᬝᬭᬧᬡ᭄ᬥᬸ᭞ᬳ᭄ᬬᬂᬕᬸᬭᬸᬳᬓᬸᬢᬦ᭄ᬲᬸᬫ᭄ᬩᬄ᭞ᬳᬧᬦ᭄ᬩ᭄ᬭᬢᬦᬶᬸᬂᬭᬶᬂᬧᬯᬗ᭄ᬲᬸᬦ᭄᭟᭜᭟ᬰ᭄ᬭᬷᬤᬾᬯᬷᬓᬸ
ᬦ᭄ᬢᬷᬋᬓᬾᬢᬦ᭄ᬲᬯᬸᬃ᭞ᬲᭂᬲᭂᬓᬦ᭄ᬓᬦ᭄ᬢᬦᬾ᭞ᬰ᭄ᬭᬷᬥᬃᬫ᭄ᬫᬵᬫ᭄ᬭᬢᬗᬢᬸᬭᬶᬦ᭄᭞ᬗᬲᬶᬳᬲᬶᬄᬲᭂᬫᬸᬲᭂᬦ᭄ᬤᬸ᭞ᬢᬦᬦᬉᬚᬃᬓᬭᬸᬗᬸ᭞ᬦᬓᬸᬮᬳᬭᬶᬲᬸᬚᬭᬾ᭞ᬥᬸᬄᬓᬓᬳᬚᬶᬧᬸᬓᬸᬮᬸᬦ᭄᭞ᬧᬸ
Page:Bali-lontar-gaguritan-bhima-swargga-01-300ppi.pdf/40
This page has been proofread.
