[᭔᭕ 45B]
᭔᭕᭟
ᬧᬮᬾᬗᭀᬄᬢᬦ᭄ᬧᬩᬬᬸ᭞ᬧ᭄ᬭᬲᬫᬳᬦᬕᬶᬄᬢᬸᬦ᭄ᬢᬸᬦ᭄ᬳᬯᬸᬭᬳᬦ᭄᭟᭜᭟ᬪᬝᬭᬚᬕᬢ᭄ᬦᬵᬣᬳᬯᬸᬯᬸᬲ᭄᭞ᬥᬸᬄᬲᬂᬩᬬᬸᬋᬓᬾ᭞ᬳᬸᬭᬶᬧ᭄ᬲᬂᬪᬷᬫᬧᬸᬦᬶᬓᬶ᭞ᬫᬢᬶᬯᭀᬲ᭄ᬯᬃᬕ᭄ᬕᬳᬶ
ᬓᬸ᭞ᬲᬫᬢᬦ᭄ᬳᬤᬺᬯᬾᬩᬬᬸ᭞ᬫᬶᬯᬄᬫᬭᬶᬂᬫᬥ᭄ᬬᬧᬤ᭞ᬬᬦ᭄ᬭᬸᬲᬓ᭄ᬫᬥ᭄ᬬᬧᬸᬦᬶᬓᬸ᭞ᬳᬶᬗ᭄ᬲᬸᬦᬺᬓᬾᬢᬦ᭄ᬧᬓᬺᬢᬶ᭞ᬧᬭᬦ᭄ᬧᭀᬮᬳᬾᬫᬗ᭄ᬓᬦ᭟᭜᭟ᬬᬦ᭄ᬢᬦ᭄ᬳᬸᬭᬶᬧᬲᬂᬪᬷᬫᬧᬸᬦᬶᬓᬸ᭞ᬳᬶ
ᬗ᭄ᬲᬸᬦ᭄ᬳᬢᬢᬓᬾᬦ᭄᭞ᬫᬘᬦᬲᭂᬤᭂᬂᬓᬧᬗᬶᬢ᭄᭞ᬢᬢᬯᬶᬲ᭄ᬢ᭄ᬭᬾᬂᬲᬶᬓᭂᬓᬸᬂ᭞ᬬᬦ᭄ᬯ᭄ᬭᬸᬄᬲᬂᬪᬷᬫᬳᬶᬓᬸ᭞ᬯᭂᬓᬶᬸᬂᬦᬂᬓᬂᬳᭀᬮᬶᬄᬢᬶᬃᬣᬦᬾ᭞ᬫᬶᬯᬄᬢᬪᬝᬭᬧᬡ᭄ᬥᬸ᭞ᬫᬸᬗ᭄ᬕᬄᬫᬭᬶᬂᬫᬾᬭᬸᬯᬾᬢᬦ᭄᭞ᬢᬸ
ᬫ᭄ᬧᬂᬲᬯᭂᬮᬲ᭄ᬧᬮᬶᬗ᭄ᬕᬶᬄᬦ᭄ᬬ᭟᭜᭟ᬲᬫᬗ᭄ᬓᬦᬧᬗᬸᬘᬧ᭄ᬳ᭄ᬬᬂᬕᬸᬭᬸ᭞ᬳ᭄ᬬᬂᬩᬬᬸᬳᬢᬸᬭᬾ᭞ᬧᬸᬓᬸᬮᬸᬦ᭄ᬲᬶᬗ᭄ᬕᬶᬳᬩᭂᬘᬶᬓ᭄᭞ᬧᬕᭂᬄᬮᬶᬗ᭄ᬕᬶᬄᬧᬸᬓᬸᬮᬸᬦ᭄᭞ᬬᬦ᭄ᬫᬗ᭄ᬓᬦᬲᬂᬲᬶᬦᬸᬳᬸᬦ᭄᭞ᬳ᭄ᬬᬂᬩᬬᬸᬳᬦᭂᬫ᭄ᬩᬄᬋ
[᭔᭖ 46A]
ᬓᬾ᭞ᬳᬫᬶᬢ᭄ᬧᬝᬶᬓ᭄ᬲᬂᬲᬶᬦᬸᬳᬸᬦ᭄᭞ᬪᬝᬭᬩᬬᬸᬮᬸᬫᬫ᭄ᬧᬄ᭞ᬧ᭄ᬭᬱ᭄ᬢᬭᬶᬂᬮᬬᭀᬦ᭄ᬲᬂᬪᬶᬫ᭟᭜᭟ᬳᬶᬗᬸᬮᬶᬳᬸᬮᬶᬄᬧᬸᬦᬂᬲᬂᬩᬬᬸ᭞ᬳᬗ᭄ᬮᬶᬮᬶᬃᬭᬳᬤ᭄ᬬᬦ᭄᭞ᬳᬲᭂᬫᬸᬓᬧᬸᬧᬸᬗᬦ᭄ᬳᬗᬶᬢᬶᬓ᭄᭞
ᬪᬝᬭᬩᬬᬸᬫᬸᬯᬸᬲ᭄᭞ᬳᬶᬗ᭄ᬲᬸᬦ᭄ᬳᬗᬦ᭄ᬢᬸᬓᬂᬩᬬᬸ᭞ᬭᬳᬤᬾᬦ᭄ᬪᬷᬫᬉᬚᬭᬾ᭞ᬧᬭᬦ᭄ᬓᬭᬦᬶᬂᬳᬸᬫᬦ᭄ᬢᬸᬓ᭄᭞ᬲ᭄ᬬᬓᬸᬲᬸᬓᬧᭂᬚᬳ᭞ᬦᬳᬸᬫᬭᬶᬂᬇᬦ᭄ᬤ᭄ᬭᬮᭀᬓ᭟᭜᭟ᬪᬝᬭᬩᬬᬸᬯᬸᬯᬸᬲᬾᬳ
ᬮᬸᬲ᭄᭞ᬥᬸᬄᬲᬂᬪᬷᬫᬋᬓᬾ᭞ᬪᬝᬭᬚᬕᬢ᭄ᬦᬵᬣᬗᬸᬭᬶᬧ᭄᭞ᬓᬘ᭄ᬭᬓᬭᬤᬸᬄᬳᬸᬢᬸᬲ᭄᭞ᬳᬶ᭠ᬤᬳ᭄ᬬᬂᬕᬸᬭᬸᬫᬵᬢᬸᬃ᭞ᬓᬂᬘᬭᬓᬦᬾᬭᬶᬂᬳᬶᬤ᭞ᬪᬝᬭᬩᬬᬸᬧᬸᬓᬸᬮᬸᬦ᭄᭞ᬲᬂᬚᬕᬢ᭄ᬦᬵᬣᬲᬸᬲᬸᬳᬦᬦ᭄
᭞ᬬᬦ᭄ᬳᬸᬭᬶᬧ᭄ᬭᬳᬤᬾᬦ᭄ᬩᬷᬫ᭟᭜᭟ᬳᬸᬫᭂᬤᭂᬓ᭄ᬧᬸᬓᬸᬮᬸᬦ᭄ᬲᬂᬲᬶᬦᬸᬳᬸᬦ᭄᭞ᬭᬶᬂᬳ᭄ᬬᬂᬚᬕᬢ᭄ᬦᬵᬦᬶᬸᬂᬣ᭞ᬧᬋᬂᬭᬶᬂᬲᬂᬪᬷᬫᬳᬶᬓᬶ᭞ᬪᬝᬭᬩᬬᬸᬳᬦᬸᬳᬸᬦ᭄᭞ᬫᬋᬓ᭄ᬭᬶᬂᬲᬂᬓᬲᬸᬳᬸᬦ᭄᭞ᬧᬋᬂᬮᬦ᭄ᬲᬂ
Page:Bali-lontar-gaguritan-bhima-swargga-01-300ppi.pdf/46
This page has been proofread.
