[ ᭒᭖ 26B]
ᬦᬾᬦ᭄ᬢᭂᬦ᭄ᬗ᭄ᬭᬸᬗᬸᬳᬸᬚᬃᬳᬸᬚᬃ᭟ᬲᬂᬥᬃᬫ᭄ᬫᬯᬵᬗ᭄ᬰᬗᬦ᭄ᬤᬶᬓᬳᬮᬸᬲ᭄᭞ᬢᬦ᭄ᬯᬶᬓᬦ᭄ᬓ᭄ᬭᬡᬦᬾᬳᬯᬶᬦᬦ᭄ᬲᬂᬪᬶᬫᬩ᭄ᬭᬗ᭄ᬢᬶ᭞ᬢᬦ᭄ᬓᬬᬸᬦ᭄ᬜᭂᬫ᭄ᬪᬄᬲᬂᬧᬡ᭄ᬥᬸ᭞ᬲᬂᬥᬃᬫ᭄ᬫᬫᬮᬶᬄᬫᬶᬢᬸᬢᬸᬃᬳᬤᬶ
ᬲᬂᬪᬶᬫᬲᬾᬦᬦᬾ᭞ᬧᬢᬸᬢ᭄ᬲᭂᬫ᭄ᬩᬄᬤᬲᬂᬧᬡ᭄ᬥᬸ᭞ᬚᬮᬭᬦ᭄ᬦᬯᬸᬃᬳᬸᬢᬗᬾ᭞ᬫᬭᬶᬂᬲᬂᬕᬸᬭᬸᬭᬸᬧᬓ᭟ᬭᬳᬤᬾᬦᬵᬪᬶᬫᬳᬗᬸᬘᬧ᭄ᬕᬗ᭄ᬲᬸᬄ᭞ᬲ᭄ᬬᬓᬸᬢᬦ᭄ᬜᭂᬫ᭄ᬩᬳᬾ᭞ᬬᬤᬶᬦ᭄ᬫᬳᬶᬃᬂᬲᬂ
ᬳ᭄ᬬᬂᬕᬸᬭᬸ᭞ᬢᬦ᭄ᬯᭂᬦᬂᬲ᭄ᬬᬓᬸᬳᬜᭂᬫ᭄ᬩᬄ᭞ᬳᬧᬦ᭄ᬲ᭄ᬬᬓᬸᬩᬬᬸᬲᬸᬢ᭟ᬤᬾᬯᬶᬓᬸᬦᬸᬦ᭄ᬢᬶᬫᬗ᭄ᬓᬶᬦ᭄ᬢᬦ᭄ᬧᬲᬯᬸᬃ᭞ᬳᭂᬗ᭄ᬲᭂᬓ᭄ᬭᬶᬂᬳᬗᬶᬦᬾ ᭞ᬲᬂᬤᬃᬫ᭄ᬫᬗᬦ᭄ᬤᬶᬓᬫᬮᬶᬄ᭞ᬫᬲᬶᬄᬳᬲᬶᬄᬮᬶᬦ᭄ᬢᬂᬲᬸᬗ᭄ᬲᬸ
ᬢ᭄᭞ᬓᬍᬲᭀᬦ᭄ᬳᬶᬤᬭᬶᬂᬓᬬᬸᬦ᭄᭞ᬦᬓᬸᬮᬫᬦᬶᬲ᭄ᬳᬸᬚᬭᬾ᭞ᬤᬸᬄᬓᬓᬥᬃᬫ᭄ᬫᬧᬸᬓᬸᬮᬸᬦ᭄᭞ᬲᬧᬸᬦᬧᬶᬓᬓᬪᬶᬫ᭞ᬚ᭄ᬭᬶᬚᬶᬦ᭄ᬳᬶᬤᬦᬾᬢᬦ᭄ᬲᬫᬵ᭟ᬘᬶᬗᬓᬶᬦ᭄ᬜᬲᬳᬤᬾᬯᬫ
[ ᭒᭗ 27A]
ᬮᬸ᭞ᬚ᭄ᬭᬶᬚᬶᬦ᭄ᬓᬦᬾ᭞ᬲᬂᬲᬳᬤᬾᬯᬜᬯᬸᬭᬶᬦ᭄᭞ᬯ᭄ᬬᬓ᭄ᬢᬶᬢᬦ᭄ᬧᬢᭂᬄᬧᬸᬦᬶᬓᬸ᭞ᬲᬂᬲᬳᬤᬾᬯᬓᬧᬸᬗ᭄ᬓᬸᬃ᭞ᬲᬂᬪᬶᬫᬫᬗ᭄ᬓᬶᬦ᭄ᬳᬸᬚᬭᬾ᭞ᬳᬤᬶᬲᬶᬂᬩᬶᬦᬧᬸᬦᬶᬓᬸ᭞ᬳᭀᬭᬳᬂᬳᬤᬶ
ᬢᬦ᭄ᬧᬥ᭞ᬦᭀᬂᬳᬶᬯᬲᬶᬦ᭄ᬦᬾᬓᬸᬮ᭟ᬤᬲᬂᬪᬶᬫᬢᬦ᭄ᬢᬳᬸᬓ᭄ᬦᬾᬂᬳᬧᬸᬮ᭄᭞ᬓᭂᬤᭂᬗᬂᬢᬗᬦᬾ ᭞ᬓᬳᬫ᭄ᬩᬶᬮ᭄ᬭᬭᬶᬲ᭄ᬤᬶᬕ᭄ᬮᬶᬲ᭄᭞ᬳᬦ᭄ᬢᬸᬓ᭄ᬲᬂᬲᬤᬾᬯᬳᬶᬓᬸ᭟ᬓᬲᬸᬫ᭄ᬩᬳᬂᬭᬶᬂᬲᬂᬧ
ᬡ᭄ᬥᬸ᭞ᬳᬫᭂᬗ᭄ᬕᬄᬲᬂᬪᬶᬫᬗ᭄ᬓᬾ᭞ᬭᬤᬾᬦᬵᬦᬓᬸᬮᬫᬘᭂᬩᬸᬃ᭞ᬲᬋᬂᬭᬤᬾᬦ᭄ᬲᬳᬤᬾᬯ᭞ᬭᬭᬶᬲ᭄ᬫᭂᬮᬳᬶᬩ᭄ᬕᬕ᭄ᬮᬶᬲᬦ᭄᭟᭐᭟ᬧᬸᬘᬸᬂ᭟ᬓᬩᬶᬦᬸᬭᬸ᭞ᬲᬳᬫᬗᬦ᭄ᬤᬶᬓᬕ
ᬗ᭄ᬲᬸᬄ᭞ᬳᬦ᭄ᬢᬶᬲ᭄ᬬᬓᬸᬲᬾᬢᬦ᭄᭞ᬚᬼᬫᬍᬢᬸᬄᬢᬸᬤᬸᬲ᭄ᬓᬺᬣᬶ᭞ᬳᬦ᭄ᬢᬶᬲ᭄ᬬᬓᬸ᭞ᬦᬢᬦ᭄ᬳᬸᬭᬸᬂᬳᬶᬩᬧ᭄ᬚᬄ᭟ᬥᬃᬫᬲᬸᬦᬸ᭞ᬕ᭄ᬮᬶᬲ᭄ᬫᬗᬫ᭄ᬩᬶᬮ᭄ᬫᬫᭂᬮᬸᬓ᭄᭞ᬲᬋᬂᬲᬂᬳᬃᬚᬸᬦ᭞ᬢᬸᬫᬸ
Page:Bali-lontar-gaguritan-bhima-swargga-02-300ppi.pdf/27
This page has been proofread.
