This page has been proofread.
[᭑᭔ 14B]
᭑᭔
ᬓ᭄ᬫᬫᬶ᭞ᬫᬗ᭄ᬓᬾᬬᬦ᭄ᬢᬦ᭄ᬲᬶᬭᬓᬲᬶᬳ᭞ᬲᬸᬦᬶᬦ᭄ᬢᬢᬸᬮᬸᬂᬳᬶᬂᬬᬬᬶ᭞ᬦᬯᬶᬧᬸᬢᬸᬲᬶᬂᬓᬃᬤᬶ᭞ᬧᭂᬚᬄᬲᬶᬭᬚᬬᬾᬂᬰᬢ᭄ᬭᬹ᭞ᬳᬶᬓᬶᬢᬧᬸ
ᬢᬦᬶᬗ᭄ᬯᬂ᭞ᬳᬶᬂᬩᬾᬲᬸᬓ᭄ᬲᬶᬭᬳᬶᬗᬫ᭄ᬩᬶᬮ᭄᭞ᬩᭂᬜ᭄ᬘᬶᬗᬦᬓᬮᬯᬦ᭄ᬧᬸᬢ᭄ᬭᬦᬶᬭᬾᬓᬶ᭟᭚ᬬᬫᬖ᭄ᬦᬶᬳᬫ᭄ᬬᬃᬱ᭞ᬳᬗᭂᬦ᭄ᬤᬾᬦ᭄ᬬ
ᬫᬸᬯᬸᬲ᭄ᬭᬭᬶᬲ᭄᭞ᬤᬳᬢ᭄ᬳᬾᬭᬶᬲ᭄᭞ᬤᬳᬢ᭄ᬳᬾᬭᬂᬳᬫ᭄ᬩᬤᬾᬯᬵ᭞ᬳᬦ᭄ᬤᬶᬓᬓ᭠ᬲᭀᬭᬦ᭄ᬚᬸᬭᬶᬢ᭄᭞ᬯᭀᬂᬲ᭄ᬮᬫ᭄ᬦᬶᬱ᭄ᬝᬫᬶᬲ᭄ᬓᬶᬦ᭄᭞ᬤᬳᬢ᭄ᬤᬶᬦᬬ
ᬳᬸᬮᬄᬫᬦᬸᬄ᭞ᬳᬫ᭄ᬩᬲᭂᬗᬶᬢ᭄ᬓᬮᬶᬦ᭄ᬢᬂ᭞ᬬᬦ᭄ᬢᬦ᭄ᬳᬧᭂᬚᬄᬲᬶᬭᬳᬫᬶᬃ᭞ᬤᬤ᭄ᬬᬢᭂᬧᬸᬂ᭞ᬢᬦ᭄ᬲᬸᬤᬳᬢᬶᬓᬯᬸᬮ᭟᭚
[᭑᭕ 15A]
ᬬᬫᬵᬖ᭄ᬦᬶᬫ᭄ᬯᬄᬳᬗᬸᬘᬧ᭄᭞ᬫᬭᬶᬂᬲᬶᬭᬧᬢᬶᬄᬓᬮᬶᬄ᭞ᬲᬗ᭄ᬕᬵᬧᬢᬶᬲᬗ᭄ᬕᬮᬬᬂ᭞ᬲᬸᬦ᭄ᬤᬸᬢᬓᬶᬢᬓᬃᬯᬾᬓᬶ᭞ᬮᬸᬗᬳᬶᬂᬧᬸᬲᭂᬃᬪᬸᬫᬶ᭞
ᬳᬫᬦ᭄ᬤᬓᬶᬚᬬᬾᬂᬰᬢ᭄ᬭᬸ᭞ᬳᬧᬦ᭄ᬳᬕᬸᬂᬤᭀᬱᬦᬶᬭ᭞ᬓᬯᬦᭂ᭠ᬦ᭄ᬫᬭᬳᬾᬂᬭᬾᬓᬶ᭞ᬲᬶᬭᬫᬗ᭄ᬓᬢ᭄᭞ᬲᬤᬶᬦᬦᬾᬫᬗ᭄ᬓᬾᬮᬸᬗ᭄ᬳ᭟᭚ᬓ᭄ᬭᬶ
ᬬᬦ᭄ᬳᬧᬢᬶᬄᬓᬭᭀᬦᭂᬫ᭄ᬩᬄ᭞ᬲᬶᬗ᭄ᬕᬶᬄᬲᬦ᭄ᬤᬶᬓᬦ᭄ᬦᬺᬧᬢᬶ᭞ᬫᬲᬢᬦᬸᬃᬭᬸᬂᬓᬩᬦ᭄ᬤ᭞ᬧᬶᬭᬓᭀᬤᬭᬶᬲᬶᬳᬫᬶᬃ᭞ᬯᬸᬲ᭄ᬳᬫᬶᬢ᭄ᬓ᭠
ᬭᭀᬦᬾᬓᬾ᭞ᬬᬫᬵᬖ᭄ᬦᬶᬲᬺᬧᬍᬫ᭄ᬩᬸ᭞ᬓᬭᬶᬳᬶᬂᬧᬗᬲ᭄ᬢ᭄ᬭ᭄ᬬᬦ᭄᭞ᬳᬶᬂᬓᬾᬦᬾᬩᬶᬱᬲᬫᬓᬦ᭄᭟᭚ᬯᬾᬦ᭄ᬢᭂᬦ᭄ᬧᬸᬢ᭄ᬭᬳᬫ᭄ᬩᬓᬦ᭄ᬬ
