This page has been proofread.
[᭑᭙ 19B]
᭑᭙
ᬳᬫ᭄ᬚᬳ᭄ᬦ᭞ᬳᬶᬓᬢᬲᬂᬚᬬᬾᬂᬢᬶᬦᭀᬦ᭄᭞ᬬᬦ᭄ᬭᬫᬲᬺᬂᬫᭂᬚᬳᬦ᭞ᬳᬫ᭄ᬩᬓᬭᭀᬢᬸᬫᬸᬢ᭞ᬳᬫ᭄ᬩᬾᬮᬦᬶᬦ᭄ᬚᬬᬂᬰ
ᬢ᭄ᬭᬸ᭞ᬲᬃᬯᬶᬦᬗᬶᬲ᭄ᬳᬲᬲᬫ᭄ᬩᬢ᭄᭟᭚ᬫᭀᬚᬃᬲᬂᬪᬸᬧᬢᬶᬓᬃᬯᬾᬓᬶ᭞ᬳᬧᬕᭂᬳᬾᬦᬶᬦᬶᬗᬸᬘᬧ᭞ᬢᬦ᭄ᬧᬲᬂᬳᬫᭂᬚᬄ᭠
ᬋᬓᭀ᭞ᬫᬯᬄᬢᬲᬶᬭᬢᬸᬫᬸᬢ᭄ᬩᬾᬮ᭞ᬫᬭᬾᬂᬲ᭄ᬮᬫ᭄ᬧᬢᬵᬓ᭞ᬩᬩᬦ᭄ᬤᬦᬶᬱ᭄ᬝᬓᬮᬗ᭄ᬓᬸᬂ᭞ᬧᬭᬶᬲᬓ᭄ᬱᬢ᭄ᬫᬾᬄᬩᭀᬢ᭄ᬳ
ᬩᬸᬲᬄ᭟᭚ᬧᬦ᭄ᬓᬕᬸᬗᬦ᭄ᬤᭀᬱᬦᬾᬓᬶ᭞ᬫᬭᬾᬂᬫᬾᬳᬦᬾᬂᬓᬸᬦ᭞ᬓᬭᬦᬾᬲᬸᬦ᭄ᬫᭂᬚᬄᬫᬗ᭄ᬓᬾ᭞ᬢᬸᬃᬯᭀᬂᬲ᭄ᬮᬫ᭄ᬓᬚ᭠
[᭒᭐ 20A]
ᬦ᭄ᬢᬓ᭞ᬦᭀᬭᬲᬫᬯᬗ᭄ᬤ᭞ᬲᬂᬧᬸᬢ᭄ᬭᬶᬓᬭᭀᬳᬸᬫᬢᬹᬃ᭞ᬲᬤ᭄ᬬᬦ᭄ᬲ᭄ᬮᬫ᭄ᬚᬬᬾᬂᬭᬡ᭟᭚ᬳᬶᬓᬳᬫ᭄ᬩᬜ᭄ᬭᬓᬾᬦ᭄ᬤᬭᬶ᭞ᬓᬯᬸᬮ
ᬤᬤᬧᬯᭀᬗᬦ᭄᭞ᬲᬃᬯ᭄ᬬᬦᬗᬶᬲ᭄ᬩᭂᬓᬸᬢ᭄ᬓᬭᭀ᭞ᬳᬗ᭄ᬭᬗ᭄ᬓᬮ᭄ᬢ᭄ᬯᬚᬬᬾᬂᬭᬡ᭟ᬢ᭄ᬯᬦ᭄ᬫᬸᬭᬓ᭄ᬓᬗᬦᬶᬂᬢ᭄ᬯᬲ᭄᭞ᬦ᭄ᬭᬩᬲ᭄ᬢᬶᬣ᭠
ᬦᬶᬂᬘᬓ᭄ᬱᬸ᭞ᬢᬸᬫᭀᬦ᭄ᬲᬂᬤ᭄ᬬᬄᬓᬧᬶᬢᬺᬱ᭄ᬡᬦ᭄᭟᭚ᬤᬸᬤᬸᬲᬶᬭᬯᬾᬤ᭄ᬬᬭᬶᬂᬧᬢᬶ᭞ᬫᬾᬗᭂᬢᬶᬤ᭄ᬬᬄᬕᬦ᭄ᬤᬭᬶᬦ᭄ᬬ᭞ᬧᬶᬢᬸ᭠
ᬮᬸᬲ᭄ᬧᬢᬶᬢᬺᬱ᭄ᬡᬦᬾ᭞ᬬᬾᬓᬸᬫᬃᬫᬦᬶᬂᬢ᭄ᬯᬦ᭄ᬫᬾᬦᬓ᭄᭞ᬲᬬᬦ᭄ᬓᬗᭂᬦ᭄᭞ᬢ᭄ᬯᬲᬶᬭᬳᬓᬶᬂᬓᬶᬂᬲᬶᬭᬫᬺᬗᬸᬢ᭄ᬗᬸᬢ᭄᭞᭠
