This page has been proofread.
[᭕᭑ 51B]
᭕᭑
ᬫᬗ᭄ᬓᬦᬵ᭞ᬢᭂᬃᬮᬸᬕᬜ᭄ᬘᬂ᭞ᬋᬢᬶᬗᬋᬢᬶᬂᬳᬸᬭᬶ᭞ᬉᬤ᭄ᬭᬦ᭄ᬮ᭄ᬯᬶᬃᬮᬶᬭᬸᬧᬧᬦ᭄᭟᭚ᬤᬤ᭄ᬬᬕᭂᬫ᭄ᬧᬃᬘᬭᬶᬢᬦ᭄ᬫᬦ᭄ᬢ᭄ᬭᬶ᭞ᬓᬭᬾᬧᭀᬢᬦ᭄᭞ᬢ᭄ᬯᬶ
ᬓ᭄ᬦᬭᬶᬦᬦ᭄ᬤᬓ᭄᭞ᬳᬶᬗᬸᬫ᭄ᬩᬃᬳᬸᬫ᭄ᬩᬃᬭᬳᬤᬾᬦ᭄᭞ᬓᬚᬶᬗ᭄ᬓ᭄ᬭᬓᬾᬢ᭄ᬬᬳᬗ᭄ᬭᬶᬓ᭄᭞ᬢ᭄ᬭᬸᬲᬶᬂᬉᬦ᭄ᬢᬢ᭄ᬲᬶᬭᬢ᭄ᬯᬦ᭄ᬫᬦ᭄ᬢ᭄ᬭᬶ᭞ᬤᬿᬢ᭄ᬬᬓᬲᬸᬫ᭄ᬩᬃᬲᬸᬫ᭄ᬩᬃ
ᬯᭀᬂᬅᬭᬩ᭄ᬧᬧᬕ᭄ᬲᬸᬦ᭄᭞ᬫᬗ᭄ᬓᬾᬲᬂᬚᬕᬢ᭄ᬳᬭᬶᬡ᭞ᬭᬶᬚ᭄ᬭᭀᬯᭂ᭠ᬢᭂᬂ᭞ᬤᬤᬶᬢ᭄ᬯᬶ᭞ᬲᬶᬭᬳᬗ᭄ᬮᬶᬮᬶᬃ᭞ᬲᬚ᭄ᬭᭀᬦᬶᬂᬕᬃᬪᬭᬓ᭄ᬱᬲ᭟᭚
ᬤᬤ᭄ᬬᬓ᭄ᬭᭀᬤᬲᬶᬭᬢ᭄ᬯᬦ᭄ᬫᬦ᭄ᬢ᭄ᬭᬶ᭞ᬳᬶᬂᬯᬺᬤᬬ᭞ᬯ᭄ᬭᬸᬄᬲᬚ᭄ᬭᭀᬦᬶᬂᬕᬃᬪ᭞ᬳᬕᭂᬮᬶᬲ᭄ᬢᬲᬶᬭᬭᬳᬤ᭄ᬬᬦ᭄᭞ᬧᬧᬸᬲᬸᬄᬤᬾᬢ᭄ᬬᬕᬶᬦᬶ
[᭕᭒ 52A]
ᬮᬸᬢ᭄᭞ᬕᬶᬦᭀᬤᭀᬢᬦ᭄ᬳᬶᬂᬧᭂᬤᬂᬦᬾᬓᬸ᭞ᬧᭂᬕᬢ᭄ᬧᬧᬸᬲᬸᬄᬦᬶᬭ᭞ᬲᬂᬤᬾᬢ᭄ᬬᬗ᭄ᬭᬓ᭄ᬳᬸᬫᬸᬂ᭞ᬮ᭄ᬯᬶᬃᬧᬾᬦ᭄ᬤᬄᬳᬗ᭄ᬭᬸᬩᬸᬄᬚᬕᬢ᭄᭞ᬢ᭄ᬯᬶᬯᬶ
ᬫᬹᬃᬘ᭞ᬕᬸᬫᭂᬮᬸᬕ᭄ᬢᬶᬩᬳᬶᬂᬲᬶᬢᬶ᭞ᬯᬗ᭄ᬓᬾᬦᬾᬧᬾᬦ᭄ᬤᬄᬅᬃᬖᬵ᭟᭚ᬭᬤᬾᬦ᭄ᬚᬩᬢ᭄ᬳᬭᬶᬡᬳᬸᬫᬶᬚᬶᬮ᭄᭞ᬲᬓᬶᬂᬕᬃᬪᬵ᭞ᬤᬿᬢ᭄ᬬᬯᬶ
ᬦ᭄ᬤᬸᬧᭂᬚᬄ᭞ᬬᬫᬕ᭄ᬦᬶᬤᬢᭂᬂᬳᬕᭂ᭞ᬫᬸᬮᬢ᭄ᬲᬭᬲᬂᬧ᭄ᬭᬪᬸ᭞ᬫᬭᬶᬂᬤᬿᬢ᭄ᬬᬲᬫ᭄ᬧᬸᬦ᭄ᬗᬫᬲᬶᬦ᭄᭞ᬳᬦ᭄ᬢ᭄ᬬᬦ᭄ᬓ᭄ᬭᭀᬤᬦᬶᬭ᭞ᬳᬕᭂᬮᬶ᭠
ᬲ᭄ᬫᬭᬂᬗᬬᬸᬦ᭄᭞ᬓᬧᬗ᭄ᬕᬶᬄᬲᬶᬭᬭᬳᬤ᭄ᬬᬦ᭄᭞ᬰ᭄ᬭᬶᬦᬭᬾᬦ᭄ᬤ᭄ᬭᬵ᭞ᬳᬲ᭄ᬭᬸᬤᬾᬦᬶᬭᬳᬗ᭄ᬮᬶᬂ᭞ᬩᭀᬜ᭄ᬘᬄᬓᭀᬰᬓ᭄ᬢᬶᬳᬫᭂᬚᬄ᭟᭚
