This page has been proofread.
[᭗ 7B]
᭗᭟
ᬮᬶᬄᬕᬶᬢᬶᬓ᭄᭞ᬲᬶᬮᬶᬄᬳᬭᬸᬕ᭄᭞ᬓᬲᭀᬃᬤᬸᬃᬕ᭄ᬕᬦᬾᬫᬓᭂᬚᬂ᭟᭜᭟ᬤᬤᬶᬫᬸᬦ᭄ᬤᬸᬃ᭞ᬤᬸᬃᬕ᭄ᬕᬦᬾᬬᬓᬸᬫᬭᬸᬤᬸᬓ᭄᭞ᬓᬢᬶᬕ᭄ᬢᬶᬕ᭄ᬩᬦ᭄ᬩᬚ᭄ᬭ᭞ᬓᬘᬓ᭄ᬭᬓᬧᬦᬄ
ᬲᬫᬶ᭞ᬧᬥᬫᬲᬸᬓ᭄᭞ᬭᬶᬂᬕᬕᬡᬗᬯᬂᬗᬯᬂ᭟᭜᭟ᬓᬢᬹᬢ᭄ᬩᬸᬭᬶ᭞ᬭᬶᬂᬕᬕᬡᬓᬧᬮᬬᬸ᭞ᬧᬥᬫᬗ᭄ᬮᬮᬬᬂ᭞ᬭᬶᬂᬕᬕᬡᬫᬫᭂᬦ᭄ᬤᬓᬶᬦ᭄᭞ᬧᬥᬦᭂ
ᬫᬸ᭞ᬓᬢᬶᬕ᭄ᬢᬶᬕ᭄ᬓᬚᭂᬗ᭄ᬓᬚᭂᬗ᭄ᬓ᭟᭜᭟ᬧᬥᬓᭀᬦ᭄ᬤᬸᬃ᭞ᬮᬾᬬᬓ᭄ᬫᬜ᭄ᬘᬯᬃᬡᬓᭀᬦ᭄ᬤᬸᬃ᭞ᬓᬲᭀᬭᬦ᭄ᬩᬦ᭄ᬬᬸᬤ᭄ᬟ᭞ᬧᬘᬾᬕ᭄ᬘᬾᬕ᭄ᬬᬓᬢᬄᬫᬢᬶ᭞ᬕᬸᬫᬭᬸ
ᬤᬸᬕ᭄᭞ᬩᬩᬳᬶᬦᬾᬓᬸᬫᬋᬲ᭄ᬯᬓ᭄᭟᭜᭟ᬲᬸᬩᬲᬸᬯᬸᬂ᭞ᬤᬸᬃᬕ᭄ᬕᬦᬾᬲᬫᬶᬫᬮᬶᬂᬮᬬᬸ᭞ᬳᬤᭀᬄᬫᬭᬄᬤᬾᬰ᭞ᬢ᭄ᬯᬭᬦᬸᬦᬂᬳᬤᬶᬭᬶ᭞ᬧᬥᬭᬯᬸᬄ᭞
[᭘ 8A]
ᬳᬶᬩᬕᬸᬲ᭄ᬬᬫᬓᬧᬢ᭄ᬧᬢ᭄᭟᭜᭟ᬤᭂᬮᭀᬓᬶᬦ᭄ᬤᬶᬢᬸ᭞ᬜᬫᬦᬾᬦᬸᬫᬲᬶᬄᬓᬸᬭᬸ᭞ᬚᭂᬫᬓ᭄ᬩᬩᬬᭀᬦ᭄ᬬ᭞ᬳᬚᬓ᭄ᬧᬢ᭄ᬧᬢ᭄ᬲᭂᬮᬕᭂᬦ᭄ᬢᬶ᭞ᬫᬡᬂ
ᬩᬬᬸ᭞ᬤᬤᬶᬩᬗᬸᬦ᭄ᬫᬗᬸᬭᬫᬂ᭟᭜᭟ᬳᬸᬲᬸᬤᬸᬲᬸᬤ᭄᭞ᬳᬭᬤ᭄ᬩᬬᬸᬦᬾᬫᬧᬸᬦ᭄ᬤᬸᬄ᭞ᬤᬸᬫᬭᬳᬶᬢᭂᬢᬦ᭄᭞ᬫᬢᬸᬧ᭄ᬢᬸᬧ᭄ᬫᬦᬳᬾᬚᬦᬶ᭞ᬩᬧᬕᬸᬭᬸ᭞ᬳᬶᬩᭂ
ᬮᬶᬤᬦᬾᬤᬶᬚ᭟᭜᭟ᬲᬯᬸᬃᬓᭂᬜᬸᬂ᭞ᬳᬶᬅᬗ᭄ᬕᬧᬢᬶᬧᬸᬦᬶᬓᬸ᭞ᬳᬧᬓᬢᬓᭀᬦᬂ᭞ᬩᭂᬮᬶᬚᬸᬫᬄᬦᬸᬗ᭄ᬕᬸᬘᬳᬶ᭞ᬳᭂᬜᬾᬦ᭄ᬧᬸᬭᬸᬦ᭄᭞ᬤᬸᬃᬕ᭄ᬕᬦᬾᬬ
ᬧᬩᬍᬲᬢ᭄᭟᭜᭟ᬲᬬᬦ᭄ᬗ᭄ᬭᬸᬗᬸ᭞ᬉᬚᬃᬜᬫᬦᬾᬳᬮᬸᬲ᭄᭞ᬬᬦ᭄ᬓᭂᬦᭂᬄᬓᭂᬦᭂᬳᬂ᭞ᬧᬦ᭄ᬢᭂᬲ᭄ᬢ᭄ᬯᬄᬧᬶᬢᬸᬢᬸᬃᬧᬶᬗᬶᬢ᭄᭞ᬩᭂᬮᬶᬩᬕᬸᬲ᭄᭞ᬳᬚᬳᬶᬦ᭄ᬚᬓᬸᬤ
