This page has been proofread.
[᭓᭔ 34B]
᭓᭔
ᬯᬶᬓᬦ᭄᭞ᬲᬓ᭄ᬢ᭄ᬬᬵᬦᭀᬭᬭᭀᬭᭀ᭞ᬳᬶᬬᬫᬸᬮᬦᬶᬓᬗᬾᬭᬲ᭄᭞ᬫᬭᬶᬬᬫᬾᬗᭂᬢ᭄ᬳᬶᬭᬶᬓᬵ᭞ᬦᭀᬭᬕᬮᬂᬫᬯᬓ᭄ᬲᬸᬯᬸᬂ᭞ᬢᬦ᭄ᬳᬦ
ᬫᬺᬢ᭄ᬢᬫ᭄ᬯᬄᬳᬶᬮᬂ᭟ᬦᭀᬭᬲᬮ᭄ᬯᬶᬭᬶᬂᬗᬳᬸᬭᬶᬧ᭄᭞ᬢᬦ᭄ᬳᬦᬵᬲᬮ᭄ᬯᬶᬭᬶᬂᬢᬯᬂ᭞ᬳᬸᬮᬢ᭄ᬭᬶᬂᬳᬸᬮᬢ᭄ᬢᬦ᭄ᬳᬦᬵ᭞ᬚᬩᬵᬚ᭄ᬭᭀᬦᭀᬭᬵᬳᬦᬵ᭞
ᬓᬩᬾᬳᬦᬓᬮᬶᬯᬢᬦ᭄᭞ᬤᭀᬦᬶᬂᬳᬭᬂᬚᬦ᭄ᬫᬵᬯ᭄ᬭᬸᬄ᭞ᬓ᭠ᬮᬯᬦ᭄ᬮᬶᬯᬢᬶᬂᬤᭀᬦ᭄᭟ᬳᬚ᭄ᬜᬦᬵᬓᬮᬯᬦ᭄ᬲᬫᬵᬥᬶ᭞ᬬᭀᬖ
ᬓᬮᬯᬦ᭄ᬳᬚ᭄ᬜᬦᬵ᭞ᬧᬸᬚᬶᬮᬯᬦᬦᬶᬂᬲᭂᬫ᭄ᬩᬄ᭞ᬳ᭄ᬬᬂᬳᬶᬓᬵᬓᬩᬾᬄᬓᬸᬗ᭄ᬓᬸᬮᬦ᭄᭞ᬍᬬᭂᬧ᭄ᬮᬗᬶᬢ᭄ᬲᬫ᭄ᬩᬭᬦ᭄ᬬ᭞ᬢᬦ᭄ᬧᬭᬯᬢ᭄ᬭᬯᬢᬶᬓᬸ᭞
[᭓᭕ 35A]
ᬭᬕᬭᬕᬦᬶᬂᬳᬯᬓ᭄᭟ᬳᬯ᭄ᬢᬸᬓᭂᬫ᭄ᬩᬗᬶᬂᬮᬗᬶᬢ᭄᭞ᬯᬗᬶᬦᬾᬦᭀᬭᬦᬵᬳᬦᬵ᭞ᬢᬦ᭄ᬧᬳᬫ᭄ᬩᬦ᭄ᬳᬦᬵᬋᬓᭀ᭞ᬳᬢᬢᬢᬵᬢᬭᬶᬢᬵ
᭞ᬓᬮᬗᭂᬦᬶᬓᬂᬧᬝᬓᬵ᭞ᬧᬥᬳᬗᬶᬧ᭄ᬬᬂᬧᬸᬦᬶᬓᬸ᭞ᬦᬶᬂᬭᬵᬢ᭄ᬧᬶᬦᬗ᭄ᬕᬶᬄᬦᬶᬭᬵ᭟ᬫᬮᬓᬸᬧᬓ᭄ᬱᬫᬗᬯᬶ᭞ᬓᬤ᭄ᬬᬯᭀᬂᬢᬢᬲᬶᬂᬰᬲ᭄ᬢ᭄ᬭ
ᬢ᭄ᬯᬦ᭄ᬲᭂᬫᬾᬭᬸᬢᬋᬓᭀ᭞ᬳᬗᬶᬓᭂᬢ᭄ᬳᬶᬓᭂᬢ᭄ᬧ᭄ᬭᬮᬫ᭄ᬩᬂ᭞ᬓᬤ᭄ᬬᬵᬗ᭄ᬕᬦᬶᬂᬓᬸᬦᬂᬓᬸᬦᬂ᭞ᬳᬦ᭄ᬤᬭᬸᬂᬓ᭄ᬜᬭᬶᬂᬲᬶᬢᬗ᭄ᬲᬸ᭞ᬤᬸᬭᬦ᭄ᬧᬘᬲᬂᬓᬯ᭄ᬬ᭟
ᬯᬸᬲ᭄ᬓᬳᬶᬓᭂᬢ᭄ᬓᭂᬫ᭄ᬩᬗᬶᬂᬮᬗᬶᬢ᭄᭞ᬳᬭᬦᬶᬂᬧ᭄ᬭᬮᬫ᭄ᬩᬂᬳᬶᬓᬵ᭞ᬓᬂᬓᬸᬓᬸᬲ᭄ᬓᭀᬘᬧᬶᬂᬕᬶᬢ᭞ᬳᬓ᭄ᬯᬾᬄᬦᭀᬭᬯᭀᬂᬯᬶᬓᬦ᭄᭞ᬦᬗᬶᬂᬫᬭ
