[᭑᭗ 17B]
᭑᭗
ᬦ᭄ᬧᬡ᭄ᬬᬲᬂᬋᬱᬶ᭞ᬗ᭄ᬭᬶᬬᭂᬂᬯᬾᬤᬦᬾᬲᬫᬶ᭞ᬮ᭄ᬯᬶᬃᬩ᭄ᬭᬵᬳ᭄ᬫᬭᬗᬶᬲᭂᬧ᭄ᬲᬦ᭄ᬢᬸ᭞ᬧᬸᬧᬸᬢ᭄ᬲᬘᬭᬦᬶᬂᬧᬸᬡ᭄ᬬ᭞ᬲᬂᬋᬱᬶᬫ᭄ᬭᬮᬶᬦᬲᬫᬶ᭞ᬳᬯᬸᬦ᭄ᬳᭀᬫ᭞ᬓᬜᬸᬢ᭄ᬭᬶᬂᬕᬸᬦᬸᬂᬳᬶᬫᬮᬬ᭟᭐᭟ᬲᬫ᭄ᬧᬸᬦ᭄ᬧᬸᬧᬸᬢᬶ
ᬓᬂᬳᬃᬬ᭄ᬬ᭞ᬲᬂᬧ᭄ᬭᬪᬹᬫᬦ᭄ᬢᬸᬓ᭄ᬧᬸᬭᬶ᭞ᬳᬶᬤᬃᬫ᭄ᬫᬬᬸᬤᬧᬫᬶᬢ᭄ᬩᬸᬤᬮ᭄᭞ᬢᬦ᭄ᬓᭀᬘᬧᬦᬭᬶᬂᬫᬃᬕ᭄ᬕᬶ᭞ᬭᬯᬸᬄᬭᬶᬂᬤᬺᬲ᭄ᬢᬚᬸᬭᬶ᭞ᬮ᭄ᬬᬂᬫᬦᬳᬾᬓᬮᬗ᭄ᬓᬸᬂ᭞ᬧᭀᬮᬶᬄᬗᬶᬭᬶᬂᬰ᭄ᬭᬶᬦᬭᬾᬦ᭄ᬤ᭄ᬭ᭞ᬗᬯᬗᬸᬦ᭄ᬬᬚ᭄ᬜᬫᬓᭂᬃᬢ᭄ᬣᬶ᭞᭠
ᬤᬤᬶᬳᬦᬸᬢ᭄᭞ᬓ᭄ᬦᭂᬳᬾᬫᬗᬸᬗᬸᬦ᭄ᬬᬚ᭄ᬜ᭟᭐᭟ᬦ᭄ᬤᬦᬓᭀᬘᬧ᭄ᬭᬶᬂᬲ᭄ᬯᬃᬕ᭄ᬕᬦ᭄᭞ᬳᬶᬤᬲᬗ᭄ᬳ᭄ᬬᬂᬰᬶᬯᬫᬗ᭄ᬓᬶᬦ᭄᭞ᬳᬾᬯᭂᬄᬧᬓᬬᬸᬦᬦ᭄ᬳᬶᬤ᭞ᬳᬦ᭄ᬢᬸᬓ᭄ᬭᬶᬂᬯᬶᬱ᭄ᬡᬸᬮᭀᬓᬲ᭄ᬧᬶ᭞ᬤᬱᬭᬯᬶᬱ᭄ᬡᬸᬜᬺᬯᬤᬶ᭞ᬭᬶᬗ
ᬬᭀᬤ᭄ᬬᬵᬜ᭄ᬦᭂᬂᬭᬢᬸ᭞ᬤᬱᬭᬰᬶᬯᬗᬦ᭄ᬤᬶᬓ᭞ᬭᬶᬂᬪᬖᬯᬦ᭄ᬧᬲᬸᬨᬣᬶ᭞ᬓ᭄ᬫᬤᬾᬯ᭞ᬢᬸᬳᬸᬦ᭄ᬓᬳᬬᭀᬤ᭄ᬬᬧᬸᬭ᭟᭐᭟ᬪᬖᬯᬦ᭄ᬦᬭᬤᬮᬸᬗ᭄ᬳ᭞ᬓᬳᬬᭀᬤ᭄ᬬᬧᬸᬭᬫᬗ᭄ᬓᬶᬦ᭄᭞ᬲᬂᬧ᭄ᬭᬪᬹᬘᬡ᭄ᬥᬶᬓᬸᬲᬸ᭠
[᭑᭘ 18A]
ᬫ᭞ᬲᬶᬦᬾᬩᬭᬶᬂᬧᬜ᭄ᬘᬦᬶᬢᬶ᭞ᬧᭂᬧᭂᬢ᭄ᬲᬂᬯᬶᬓᬸᬦᬗ᭄ᬓᬶᬮ᭄᭞ᬲᬂᬧ᭄ᬭᬩᬸᬓᬕ᭄ᬬᬢ᭄ᬫᬦ᭄ᬮᬸᬮᬸ᭞ᬪᬖᬯᬦᬵᬭᬤᬧ᭄ᬭᬧ᭄ᬢ᭞ᬢᬸᬫ᭄ᬤᬸᬦ᭄ᬤᬾᬦᬶᬭᬲᬗ᭄ᬳᬚᬶ᭞ᬳᬸᬤᬸᬄᬧᭂᬤᬡ᭄ᬥ᭞ᬤᬸᬭᬸᬲ᭄ᬫᬸᬗ᭄ᬕᬳᬶᬂᬲᬶᬗ᭄ᬕᬲᬩ᭄ᬦ᭟᭐᭟ᬪᬖᬯᬦ᭄ᬦᬭ
ᬤᬫᬸᬗᬄ᭞ᬫᬮᬸᬗ᭄ᬕᬸᬄᬭᬶᬂᬧᬜ᭄ᬘᬦᬶᬢᬶ᭞ᬲᬗᬦᬗ᭄ᬓᬶᬮ᭄ᬧᬥᬩ᭄ᬗᭀᬂ᭞ᬳᬦ᭄ᬢᬸᬓ᭄ᬢᭂᬫ᭄ᬩᬾᬦᬾᬫᬗ᭄ᬕᬸᬳᬶᬦ᭄᭞ᬳ᭄ᬬᬂᬦᬭᬤᬵᬗ᭄ᬮᬶᬂᬳᬭᬶᬲ᭄᭞ᬚᬮᬦ᭄ᬓᬾᬳᬶᬤᬾᬯᬫᬦ᭄ᬢᬸᬓ᭞ᬤᬶᬯᬶᬲ᭄ᬦᬸᬮᭀᬓᬲᬸᬯᬸᬂᬧᬶᬲᬦ᭄᭞
ᬧᬦ᭄ᬤᬶᬓᬦ᭄ᬳ᭄ᬬᬂᬧᬱᬸᬨᬣᬶ᭞ᬳᬧᬂᬤᬾᬯ᭞ᬫᬦ᭄ᬢᬸᬓ᭄ᬮᬕᬶᬓᬲ᭄ᬯᬃᬕ᭄ᬕᬦ᭄᭟᭐᭟ᬲᬂᬧ᭄ᬭᬪᬹᬭᬭᬶᬲ᭄ᬗᬦ᭄ᬤᬶᬓ,ᬭᬶᬂᬲᬯᬢᭂᬓ᭄ᬲᬗᬦᬗ᭄ᬓᬶᬮ᭄᭞ᬳᬦ᭄ᬢᬸᬓ᭄ᬳᬶᬤᬚᬕᬩᬸᬤᬮ᭄᭞ᬫᬦ᭄ᬢᬸᬓ᭄ᬓᬲ᭄ᬯᬃᬕ᭄ᬕᬦ᭄ᬫᬗ᭄ᬓᬶᬦ᭄᭞ᬪ
ᬖᬯᬦᬶᬮᭀᬘᬡᬕ᭄ᬮᬶᬲ᭄᭞ᬫᬳᬢᬸᬭᬶᬗ᭄ᬲᬗ᭄ᬳᬳᬸᬮᬸᬦ᭄᭞ᬳᬶᬗ᭄ᬕᬶᬄᬭᬢᬸᬲᬂᬓᬢᭀᬂ᭞ᬢᬶᬢ᭄ᬬᬂᬲᬧᬸᬦᬧᬶᬫᬗ᭄ᬓᬶᬦ᭄᭞ᬢᬶᬢ᭄ᬬᬂᬗᬶᬭᬶᬂ᭞ᬲᬂᬧ᭄ᬭᬪᬹᬭᬭᬶᬲ᭄ᬗᬦ᭄ᬤᬶᬓ᭟᭐᭟ᬲᬫ᭄ᬧᬸᬦᬂᬧᬤᬡ᭄ᬥ᭠
Page:Bali-lontar-gaguritan-candi-kusuma-b-300ppi.pdf/18
This page has been proofread.
