[ ᭒ 2B]
᭒᭞
ᬦᬸᬯᬬᬚ᭄ᬜᬫᬓᬵᬤᬶ᭞ᬪᬸᬢᬬᬚ᭄ᬜᬵ᭞ᬧᬶᬦᬶᬄᬧᬸᬗ᭄ᬓᬸᬃ᭞ᬧᬢᬸᬢᬾᬲᬧᬸᬦᬶᬓᬵ᭞ᬲᬂᬋᬱᬶᬲᬸᬫᬳᬸᬃᬲᬫᬶ᭞ᬯᬦ᭄ᬢᬄᬧᬢᬸᬢ᭄᭞ᬧᬓᬬᬸᬦ᭄ᬘᭀᬓᭀᬃᬳᬶᬤᬾᬯ᭟᭐᭟ᬲᬂᬦᬵᬣ
ᬫᬮᬶᬄᬗᬦ᭄ᬤᬶᬓ᭞ᬳᬶᬂᬳᬶᬧᬢᬶᬄᬫᬗ᭄ᬓᬸᬪᬸᬫᬷ᭞ᬫᬗ᭄ᬤᬫᬗ᭄ᬯᬗᬸᬦ᭄ᬧᬬᬚ᭄ᬜᬦ᭄᭞ᬲᬶᬭᬧᬢᬶᬄᬫᬵ ᬢᬸᬃᬪᬓ᭄ᬢᬶ᭞ᬢᬶᬢ᭄ᬬᬂᬓᬮᬶᬦ᭄ᬢᬂᬲᬳᬶᬭᬶᬂ᭞ᬓᬤᬶᬓᬬᬸᬦ᭄ᬘᭀᬓᭀᬃᬭᬢᬸ᭞ᬫ
ᬗ᭄ᬓᬶᬦ᭄ᬘᬶᬢ᭄ᬬᬂᬗᬯᬗᬸᬦᬂ᭞ᬚᬮᬶᬂᬯᬘᬦᬦ᭄ᬫᬺᬧᬢᬶ᭞ᬲᬫᬶᬩᬸᬩᬃ᭞ᬲᬂᬧ᭄ᬭᬪᬸᬭᬭᬶᬲ᭄ᬓᬧᬸᬭ᭟᭐᭟ᬢᬦ᭄ᬤ᭄ᬯᬓᭀᬘᬧ᭄ᬓᬂᬓᬯᬃᬡ᭄ᬦ᭞ᬧᬸᬧᬸᬢ᭄ᬧᬬᬚ᭄ᬜᬦᬾᬲᬫᬶ᭞ᬧᬗᬗ᭄ᬕᬾᬦᬾᬲᬃᬯ᭄ᬯ
ᬧᭂᬝᬵᬳᬓ᭄᭞ᬲᬂᬦᬵᬣᬫᬶᬚᬶᬮ᭄ᬓᬝᬵᬗ᭄ᬓᬶᬮ᭄᭞ᬤᬶᬧᬬᬚ᭄ᬜᬦ᭄ᬫᬮᬶᬗ᭄ᬕᬶᬄ᭞ᬯᬢᭂᬓ᭄ᬋᬱᬶᬲᬫᬶᬭᬯᬸᬄ᭞ᬳᬦᬾ ᬩᬰ᭄ᬭᬶᬦᬭᬾᬦ᭄ᬤ᭄ᬭ᭞ᬲᬂᬦᬵᬣᬗᬦ᭄ᬤᬶᬓᬳᬭᬶᬲ᭄᭞ᬲᬶᬗ᭄ᬕᬶᬄᬧ᭄ᬭᬡ᭄ᬥ᭞ᬧᬶ
[ ᭓ 3A]
ᬦᬲ᭄ᬫᬮᬶᬄᬢᬶᬕᬂᬤᬶᬦ᭟᭐᭟ᬢᬢᭂᬓ᭄ᬋᬱᬶᬭᬶᬂᬧᬢᬧᬦ᭄᭞ᬤᬸᬭᬸᬂᬯᬾᬦ᭄ᬢᭂᬦ᭄ᬭᬯᬸᬄᬫ᭄ᬭᬶᬓᬶ᭞ᬪᬕᬯᬦ᭄ᬯᬺᬱ᭄ᬧᬢᬶᬗᬸᬘᬧ᭄᭞ᬳᬶᬗ᭄ᬕᬶᬄᬭᬢᬸᬰ᭄ᬭᬷᬪᬹᬧᬢᬶ᭞ᬫᬮᬶᬄᬓᬮᬶᬄᬓᬶᬤᬶ
ᬦᬫᬗ᭄ᬓᬶᬦ᭄᭞ᬳᬶᬤᬲᬫᬶᬧᬘᬂᬭᬯᬸᬄ᭞ᬗᬶᬭᬶᬗᬂᬰ᭄ᬭᬷᬦᬭᬦᬵᬣ᭞ᬧᬸᬧᬸᬢ᭄ᬗᬩᬯᭀᬲᬾᬫᬗ᭄ᬓᬶᬦ᭄᭞ᬲᬫᬶᬩᬸᬤᬮ᭄᭞ᬧᬡ᭄ᬥᬶᬢᬓᬮᬶᬄᬲᬂᬦᬵᬣ᭟᭐᭟ᬭᬯᬸᬶᬂᬳᬶᬦᬓᬃ
ᬬ᭄ᬬ᭞ᬯᬢᭂᬓ᭄ᬢᬧᬭᬯᬸᬄᬦᬗ᭄ᬓᬶᬮ᭄᭞ᬧ᭄ᬭᬬᬫᬗᬲ᭄ᬢᬯᬬᬚ᭄ᬜᬵ᭞ᬓᬧᬬᬚ᭄ᬜᬦ᭄ᬗᭀᬚᭀᬕ᭄ᬲᬫᬶ᭞ᬲᬂᬦᬵᬣᬦᬸᬮᬶᬫᬶᬚᬶᬮ᭄᭞ᬭᬶᬂᬧ᭄ᬬᬚ᭄ᬜᬦ᭄ᬳᬶᬤᬫᬮᬸᬗ᭄ᬕᬸᬄ᭞ᬓᬢᬗ᭄ᬓᬶᬮ᭄ᬳᬦ᭄ᬢᬸ
ᬓ᭄ᬧᬡ᭄ᬥᬶᬢ᭞ᬲᬂᬋᬱᬶᬗᬲ᭄ᬢᬯᬲᬫᬶ᭞ᬜ᭄ᬚᬬᬵᬚᬬ᭞ᬲᬂᬧ᭄ᬭᬪᬸᬘᬡ᭄ᬥᬶᬓᬸᬲᬸᬫ᭟᭐᭟ᬕ᭄ᬭᬶᬬᭂᬗᬦ᭄ᬯᬾᬥᬦ᭄ᬧᬤᬡ᭄ᬥ᭞ᬮ᭄ᬯᬶᬃᬩ᭄ᬭᬳ᭄ᬫᬭᬗᬶᬲᭂᬧ᭄ᬲᬭᬶ᭞ᬮᬾᬤᬂᬲᬂᬦᬵᬣᬓᬸᬲᬸᬫ
Page:Bali-lontar-gaguritan-candi-kusuma-c-300ppi.pdf/3
This page has been proofread.
