[ ᭖ 6B]
᭖᭞
᭟᭐᭟ᬧᭂᬲᬸᬕᭂᬢᬶᬄᬍᬗᬭᬾᬫᬓᭂᬘᬄᬓᭂᬘᬄ᭞ᬮᬾᬦ᭄ᬳᬤᬢᬶᬫ᭄ᬧᬂᬜᬕ᭄ᬚᬕᬶᬦ᭄᭞ᬗᬶᬕᭂᬮ᭄ᬗᬫᬮᬸᬯᬂ᭞ᬢᬦ᭄ᬫᬵᬦᬓ᭄ᬮᬸᬄᬗᭂᬧᭂᬮᬓ᭄᭞ᬓᬫᭂᬫᭂᬕᬦ᭄ᬫᬜᬸᬗ᭄ᬓᬶᬭᬶᬢ᭄᭞
ᬦᬾᬮᬸᬄᬫᬗᬸᬫ᭄ᬩᬂ᭞ᬫᬗᬸᬤᬳᬶᬩᬫᬮᬳᬶᬩ᭄᭟᭐᭟ᬫᬮᬸᬯᬭᬦ᭄ᬧᬲ᭄ᬬᬢᬾᬲᬸᬭᬸᬧ᭄ᬲᬃᬬ᭄ᬬ᭞ᬢᭂᬧᬶᬲᬶᬭᬶᬗᬾᬫᬗ᭄ᬓᬶᬦ᭄᭞ᬫᬗ᭄ᬯᬗᬸᬦᬂᬕᭂᬮᬃ᭞ᬫᬢᬾᬫ᭄ᬩᭀ
ᬓ᭄ᬗᬦ᭄ᬢᭀᬫᬭ᭞ᬚᭀᬗ᭄ᬓᭀᬓᬲᬸᬫᬦᭀᬗᭀᬲᬶᬦ᭄᭞ᬢᭀᬗᭀᬲ᭄ᬫᬜᬦ᭄ᬥᬶᬂ᭞ᬫᬸᬲᬸᬳᬾᬦᬾᬫᬫᬭᬦᬶᬦ᭄᭟᭐᭟ᬳᬶᬓᬬᬂᬮᬶᬫᬜ᭄ᬚᬮᬦᬂᬧᬸᬢᬶᬄᬭᬢ᭞
ᬧᬋᬓ᭄ᬓᬬᭀᬥ᭄ᬬᬧᬸᬭᬶ᭞ᬫᬵ ᬢᬸᬃᬧᬳᬸᬦᬶᬗ᭞ᬭᬶᬂᬳᬶᬤᬰ᭄ᬭᬶᬦᬭᬾᬦ᭄ᬤ᭄ᬭ᭞ᬳᬦ᭄ᬢᬸᬓ᭄ᬰᬢ᭄ᬭᬸᬫᬗ᭄ᬭᬯᬸᬳᬶᬦ᭄᭞ᬭᬵᬚᬦᬵᬯᬸᬱ᭞ᬧᭂᬲᬾᬗᬦᬾᬲᬗᬚᬶ᭟᭐᭟ᬓᬘᬭᬶ
[ ᭗ 7A]
ᬢᬳᬶᬤᬰ᭄ᬭᬶᬘᬡ᭄ᬥᬶᬓᬸᬲᬸᬫ᭞ᬭᬶᬂᬩᬜ᭄ᬘᬶᬗᬄᬓᬢᬗ᭄ᬓᬶᬮ᭄᭞ᬧᭂᬧᭂᬓ᭄ᬧᬭᬵᬪᬸᬚᬗ᭄ᬕ᭞ᬳᬶᬧᬢᬶᬄᬫ᭄ᬯᬂᬲᬗᬃᬬ᭄ᬬ᭞ᬲᬫᬗᬋᬧᬓᭂᬦ᭄ᬮᬶᬗ᭄ᬕᬶᬄ᭞ᬫᬲᬶᬤ᭄ᬬᬓ᭄ᬭᬫ᭞ᬧᬢᬶᬄᬕᬢ
ᬦᬃᬫ᭄ᬩᬄᬳᬕ᭄ᬮᬶᬲ᭄᭟᭐᭟ᬭᬢᬸᬳᬕᬸᬂᬢᬶᬢ᭄ᬬᬂᬦᬸᬦᬲ᭄ᬧᬗᬫ᭄ᬧᬸᬭ᭞ᬦ᭄ᬭᭀᬚᭀᬕ᭄ᬲᭂᬥᭂᬓ᭄ᬰ᭄ᬭ᭄ᬬᬵᬕᬸᬗᬚᬂ᭞ᬳᬢᬸᬃᬧᬗᬯ᭄ᬭᬸᬳᬵ᭞ᬢᭂᬧᬶᬲᬶᬭᬶᬂᬧᬸᬦᬶᬓᬵ ᭞ᬰᬢ᭄ᬭᬸ
ᬳᬕᬸᬂᬫᬗ᭄ᬭᬯᬸᬳᬶᬦ᭄᭞ᬭᬵᬚᬦᬯᬸᬲ᭞ᬧᭂᬲᬾᬗᬦ᭄ᬳᬶᬤᬲᬗᬚᬶ᭟ᬧᭀᬮᬶᬄᬫ᭄ᬬᬥᬵᬓᬯᬸᬮᬦ᭄ᬘᭀᬓᭀᬃᬳᬶᬤᬾᬯ᭞ᬩᬾᬘᬾᬓ᭄ᬲᬫᬶᬦᬦ᭄ᬤᬂᬓᬦᬶᬦ᭄᭞ᬲᬂ
ᬦᬣᬭᬭᬶᬲ᭄ᬗᬦ᭄ᬤᬶᬓ᭞ᬭᬶᬂᬳᬶᬧᬢᬶᬄᬲᬸᬭᬩᬬ᭞ᬮᬯᬸᬢᬂᬚᬦᬶᬢᬦ᭄ᬤᬶᬗᬶᬦ᭄᭞ᬓ᭄ᬬᬬᬶᬧᬢᬶᬄᬫᬗ᭄ᬓᬢ᭄᭞ᬳᭂᬤᬵ ᬲᬗ᭄ᬕᬄᬩᬸᬯᬶᬦ᭄ᬫᬸᬮᬶᬄ᭟᭐᭟ᬫᬭᬦ᭄ᬢᬩᬦ᭄ᬚᬢ᭄ᬫ
Page:Bali-lontar-gaguritan-candi-kusuma-c-300ppi.pdf/7
This page has been proofread.
