[᭑᭖ 16B]
᭑᭖
᭞ᬫᬗᭂᬮᬶᬲᬂᬬᬫᬜᬕ᭄ᬚᬕ᭄᭞ᬢᬦ᭄ᬥ᭄ᬬᬸᬲ᭄ᬭᬭᬶᬲ᭄ᬫᬵᬢᬸᬃ᭞ᬳᭂᬫ᭄ᬩᭀᬓ᭄ᬢᬶᬢ᭄ᬬᬂᬫᭂᬦᬯᭂᬕᬂ᭞ᬕᬸᬂᬳᬫ᭄ᬧᬸᬭᬵ᭞ᬢᬶᬢ᭄ᬬᬂᬫᬫᬶᬢᬂᬧᬸᬦᬶᬓᬶ᭞ᬢᭀᬕᭀᬕ᭄ᬳᭂᬫ᭄ᬩᭀᬓᬾᬳᬶᬦᬸᬦ᭄ᬬᬦ᭄᭟ᬭᬓᬦᬾᬭᬭᬶᬲ᭄ᬫ
ᬜᬯᬸᬭᬶᬦ᭄᭞ᬢ᭄ᬬᬂᬦᬯᭂᬕᬂ᭞ᬦᬸᬦᬲ᭄ᬕᬸᬂᬳᬫ᭄ᬧᬸᬭᬵ᭞ᬦᬶᬓᬶᬲᬶᬲᬦ᭄ᬧᬶᬮᬶᬳᬦᬾ᭞ᬓᬳᬶᬘᬾᬦ᭄ᬳᬦ᭄ᬢᬸᬓ᭄ᬲᬂᬧ᭄ᬭᬪᬸ᭞ᬳᬤᬶᬓᬘᬾᬦ᭄ᬤᬶᬢᬸᬫᬶᬮᬶᬳᬶᬦ᭄᭞ᬫᬗ᭄ᬓᬶᬦ᭄ᬩ᭄ᬯᬶᬦ᭄ᬳᬤᬶᬗᬃᬱᬬᬂ᭞ᬭᬳᬶᬦᬾ
ᬫᬳᬢᬹᬃ᭞ᬲᬂᬧ᭄ᬭᬪᬸᬫᬗᬶᬘᬾᬦᬶᬦ᭄ᬢᬶᬢ᭄ᬬᬂ᭞ᬫᬱᬧᬸᬭᬸᬦ᭄᭞ᬢᬶᬢ᭄ᬬᬂᬧᬘᬂᬫᬫᬶᬮᬶᬳᬶᬦ᭄᭞ᬬᬦ᭄ᬢᬦ᭄ᬲᬂᬧ᭄ᬭᬪᬸᬫᬶᬘᬬᬂ᭟ᬭᬤᬾᬦ᭄ᬤᬾᬯᬷᬭᬭᬶᬲ᭄ᬫᬜᬯᬸᬭᬶᬦ᭄᭞ᬢ᭄ᬬᬂᬦᬯᭂᬕᬂ᭞ᬲᬵᬫ᭄ᬧᬸᬦ᭄ᬳᬤᬶ
ᬫᭂᬗ᭄ᬕᬄ᭞ᬩᬗᭂᬢ᭄ᬭᬶᬂᬤᬾᬯᬾᬓ᭄ᬢᬶᬢ᭄ᬬᬗᬾ᭞ᬢᭀᬕᭀᬕ᭄ᬳᬗ᭄ᬕᬾᬦ᭄ᬢᬶᬢ᭄ᬬᬂᬇᬪᬸ᭞ᬳᬗ᭄ᬕᬾᬦ᭄ᬫᬜ᭄ᬮᬶᬫᬸᬭᬂᬲ᭄ᬥᬶᬄ᭞ᬢᬶᬢ᭄ᬬᬂᬢᬦ᭄ᬯᬾᬦ᭄ᬢᭂᬦ᭄ᬗᬢᬸᬭᬂ᭞ᬬᬤᬶᬦ᭄ᬳᬤᬶᬩᭂᬦ᭄ᬥᬸ᭞ᬢᬶᬢ᭄ᬬᬂᬦᬸᬦᬲ᭄ᬕᬸᬂᬳᬫ᭄ᬧᬸᬭᬵ᭞ᬢᬶ
[᭑᭗ 17A]
᭑᭗
ᬢ᭄ᬬᬂᬮᬶᬬᬂ᭞ᬢᬺᬱ᭄ᬡᬫᭂᬜᬫᬭᬶᬂᬳᬤᬶ᭞ᬲᬶᬬᭀᬲᬦ᭄ᬓᬃᬱᬳᬶᬦ᭄ᬢᬶᬢ᭄ᬬᬂ᭟᭜᭟ᬧᬸᬧᬸᬄᬧᬗ᭄ᬓᬸᬃ᭟᭜᭟ᬳᬶᬕᬮᬸᬄᬳᬚᭂᬂᬬᭂᬩᬸᬤᬮ᭄᭞ᬫᬗᬫ᭄ᬩ᭄ᬭᬾᬲ᭄ᬩᬦ᭄ᬕᭂᬤᭂᬕᬾᬢᬦ᭄ᬱᬶᬦᬶᬧᬶ᭞ᬭᬭᬶᬲ᭄ᬫᬜᬕ᭄ᬚᬕᬶ
ᬦ᭄ᬳᬶᬮᬶᬓᬸ᭞ᬧᬢ᭄ᬭᬾᬩᬾᬲ᭄ᬧᭂᬲᬸᬬᬾᬄᬢᬶᬗᬮ᭄᭞ᬕᬸᬲ᭄ᬢᬶᬮᬶᬓᬸᬜᬶᬗᬓᬶᬦ᭄ᬳᭀᬓᬦᬾᬩᭂᬦ᭄ᬥᬸ᭞ᬓᭂᬦᬧᬳᬶᬤᬾᬯᬮᬭᬵ᭞ᬳᭂᬜᬾᬦ᭄ᬗᬯᬾᬮᬂᬳᬶᬫᬡᬶᬓ᭄᭟ᬲᬵᬗ᭄ᬓᬦ᭄ᬫᬦᭀᬗᭀᬲ᭄ᬬᭂᬚᬸ
ᬫᬄ᭞ᬳᭂᬤᬫᬮᬮᬶᬳᬦᬓ᭄ᬮᬶᬬᬸᬦᬦ᭄ᬕᬢᬶᬮ᭄᭞ᬳᬶᬕᬮᬸᬄᬳᬚᭂᬂᬫᬲᬯᬸᬃ᭞ᬦᬾᬦ᭄ᬢᭂᬦ᭄ᬯᬾᬦ᭄ᬢᭂᬦ᭄ᬫᬗᬯᬾᬮᬂ᭞ᬦᬶᬓᬶᬳᬶᬫ᭄ᬩᭀᬓ᭄ᬦᬸᬯᬾᬢᭀᬕᭀᬕ᭄ᬮᬶᬦ᭄ᬢᬂᬳᬮᬸᬲ᭄᭞ᬫᬍᬤ᭄ᬢᬶ
ᬢ᭄ᬬᬗᬾᬓᬮᬶᬦ᭄ᬢᬂ᭞ᬳᬶᬮᬶᬓᬸᬭᬭᬶᬲ᭄ᬜᬯᬸᬭᬶᬦ᭄᭟ᬤᭀᬂᬓᭂᬫᭂᬳᬶᬤᬾᬯᬦᬸᬦᬲ᭄᭞ᬢ᭄ᬓᬾᬦ᭄ᬳᬶᬫ᭄ᬩᭀᬓ᭄ᬗᬸᬤ᭄ᬬᬂᬤᬤᬶᬫᬸᬮᬶᬄᬗᭂᬮᬶᬂ᭞ᬳᬶᬕᬮᬸᬄᬳᬚᭂᬂᬫᭂᬲᬯᬸᬃ᭞ᬲᬵᬫ᭄ᬧᬸᬦ᭄ᬢᬶᬢ᭄ᬬᬂᬧᬸ
