This page has been proofread.
[᭑᭘ 18B]
᭑᭘
ᬗᬶᬧᬶᬓ᭄ᬳᬶᬧᬶᬓ᭄᭞ᬧᬫᬸᬧᬸᬢ᭄ᬧᬘᬂᬢᬦ᭄ᬭᬳᬬᬸ᭞ᬬᬾᬦᬶᬂᬫᬸᬮᬤᬓᬶᬦ᭄ᬮᬶᬫ᭞ᬢᬸᬯᬄᬳᬯᬾᬢ᭄ᬧᬘᬂᬢᬶᬦᬲ᭄ᬢᬶ᭟᭟᭒᭐᭞ᬓᬾ
ᬢᭀᬧᬗᬺᬱᭂᬧ᭄ᬫᬾᬫᬾᬦ᭄ᬜᬵ᭞ᬍᬯᬶᬄᬜᬧ᭄ᬜᬧ᭄᭞ᬩᬳᬦᬾᬬᬢ᭄ᬯᬭᬧᬶᬥᬶᬓ᭄᭞ᬢᬦ᭄ᬤ᭄ᬯᬳᬶᬘᬶᬧᬓ᭄ᬭᬯᬸᬄ᭞ᬦᬦ᭄ᬥᬦ᭄ᬫᬶᬬᭀᬂ
ᬫᬸᬯᬂᬲᭀᬦ᭞ᬩᬶᬓᬸᬮ᭄ᬢᬶᬦᬢᬶᬂ᭞ᬢᬸᬫᬸᬮᬶᬳᬳᬸᬚᬃᬳᬮᬸᬲ᭄᭞ᬫ᭄ᬭᬶᬓᬫᬾᬫᬾᬗᬮᬶᬄᬲ᭄ᬮᬾᬧᬳᬦ᭄᭞ᬫᬗ᭄ᬤᬳᭂᬫᬵᬲ᭄ᬳᬶᬓᬸ
ᬯᬶᬚᬶᬮ᭄᭚᭐᭚ᬧᬸᬄᬯᬶᬚᬶᬮ᭄᭟᭟᭑᭞ᬫᬗ᭄ᬮᬯᬸᬢ᭄ᬫᬾᬫᬾᬦ᭄ᬦᬾᬫᬚᬮᬦ᭄ᬕᬢᬶ᭞ᬳᬶᬜ᭄ᬘᭂᬕ᭄ᬗᬮᬶᬄ
[᭑᭙ 19A]
ᬲ᭄ᬮᬾᬧᬳᬦ᭄᭞ᬓᬩᬓ᭄ᬢᬶᬭᬶᬂᬘᬾᬓᬾᬃᬘᬶᬧᬓᬾ᭞ᬤᬶᬢᬸᬳᬶᬬᬮᬯᬸᬢ᭄ᬫᬗᬯᬸᬤᬶᬦ᭄᭞ᬩᬸᬗ᭄ᬓᬸᬗᬾᬭᬶᬂᬤᬶᬂᬤᬶᬂ᭞ᬳᭂᬦ᭄ᬢᭀᬫᬗ᭄ᬤᬤᬤᬶ
ᬳᭂᬫᬵᬲ᭄ᬮᬶᬬᬸ᭟᭟᭒᭟ᬫᬾᬫᬾᬦ᭄ᬜᬦᬾᬳᬗᭀᬩ᭄ᬫᬗᬢᭀᬦᬶᬦ᭄᭞ᬲ᭄ᬮᬾᬧᬳᬦ᭄ᬤᬤᬶᬫᬵᬲ᭄᭞ᬮ᭄ᬯᬶᬃᬢᬦ᭄ᬧᬾᬦ᭄ᬤᬄᬲᬸᬗ᭄ᬮᬧᬦᬾ᭞
ᬲᬬᬦ᭄ᬫᬸᬯᬸᬄᬮ᭄ᬬᬗᬾᬤᬶᬳᬢᬶ᭞ᬩᬶᬦ᭄ᬢᬦ᭄ᬩᬶᬦ᭄ᬢᬦ᭄ᬗᬯᬳᬶᬓᬲᬸᬕ᭄ᬬᬦᬾᬬᬫᬤᬸᬬᬸᬦ᭄᭟᭟᭓᭟ᬓᬵᬮᬤᬶᬢᬸ᭞ᬫᬗ᭄ᬓᬶᬦ᭄ᬬᬵ
ᬦᬩ᭄ᬤᬩᬶᬦ᭄᭞ᬗᭂᬜ᭄ᬘᬦᬂᬧᬸᬫᬳᬦ᭄᭞ᬲᬫᬶᬧᬥᬫᬮᬓᬃᬓᬬᬸᬢᬾᬯᬾᬮ᭄᭞ᬕᭂᬤᭀᬂᬩᬮᬾᬕ᭄ᬥᬾᬫᬶᬯᬄᬮᭀᬚᬶ᭞
