This page has been proofread.
[᭒᭘ 28B]
᭒᭘
᭞ᬦᬶᬮᬸᬄᬫᬲᬯᬸᬃᬓᭂᬜᬶᬂ᭞ᬢᬶᬢ᭄ᬬᬂᬮᬘᬸᬃ᭞ᬳᬤᬦ᭄ᬢᬶᬢ᭄ᬬᬂᬦᬶᬲᬭᭀᬚ᭟᭟᭒᭟ᬳᬸᬫᬄᬢ᭄ᬬᬂᬭᬶᬂᬩᬜ᭄ᬚᬃᬲᭂᬓᬃ᭞ᬢᬶᬢ᭄ᬬᬂᬳᬸᬩᬸᬄᬲᬓᬾᬂ
ᬳᬮᬶᬢ᭄᭞ᬓᬢᬶᬗ᭄ᬕᬮᬦ᭄ᬫᬾᬫᬾᬩᬧ᭞ᬇᬭᬶᬓᬶᬢᬶᬢ᭄ᬬᬂᬫᬧᬜ᭄ᬚᬶᬂ᭞ᬓᬦ᭄ᬢᬸᬦ᭄ᬮᬭᬾᬲᬵᬫ᭄ᬧᬸᬦ᭄ᬓᬵᬫ᭄ᬩᬶᬮ᭄᭞ᬳᬦ᭄ᬢᬸᬓ᭄ᬳᬶᬤᬲᬂᬧ᭄ᬭᬪᬸ᭞ᬤᬭᬶ
ᬓᬶᬢᬶᬢ᭄ᬬᬂᬫᬫᬋᬓᬦ᭄᭞ᬭᬶᬂᬳᬶᬤᬤᬾᬯᬵᬕᬸᬂᬇᬲ᭄ᬢ᭄ᬭᬷ᭞ᬩᬲ᭄ᬗᬮᬗ᭄ᬓᬸᬂ᭞ᬮᬘᬸᬃᬢᬶᬢ᭄ᬬᬂᬢᬦ᭄ᬧᬓᬤᬂ᭟᭟᭓᭟ᬳᬶᬘᬾᬓᬾᬃᬘᬶᬧ
ᬓ᭄ᬳᬗ᭄ᬮᬤ᭄ᬧ᭄ᬭᬡ᭞ᬕᬸᬮ᭄ᬬᬧ᭄ᬭᬶᬂᬭᬹᬧᬮ᭄ᬯᬶᬄᬫᬦᬶᬲ᭄᭞ᬧᬫᬸᬮᬸᬦᬾᬜᬦ᭄ᬤᬢ᭄ᬳᬶᬚᭀ᭞ᬳᬮᬶᬲᬾᬢᬚᭂᬧ᭄ᬫᬳᬶᬗᬶᬤ᭄᭞ᬚᬭᬶᬚᬶᬭᬸᬭᬸ
[᭒᭙ 29A]
ᬲ᭄ᬗᬸᬭᬶᬡᬶᬂ᭞ᬓ᭄ᬫᬶᬓᬦᬾᬫᬦᬶᬲᬼᬫᬸᬤ᭄᭞ᬦᬭᭀᬚᬦᬾᬮ᭄ᬯᬶᬃᬜᬸᬄᬤᬡ᭄ᬝᬵ᭞ᬳᬶᬘᬶᬧᬓ᭄ᬫᬦᬳᬾᬧᬮᬶᬂ᭞ᬜᬕ᭄ᬮᬶᬗ᭄ᬮᬸᬂ᭞ᬢᬦ᭄ᬲᬄᬫ
ᬭᬯᬢ᭄ᬭᬶᬂᬢᬶᬗ᭄ᬳᬮ᭄᭟᭟᭔᭟ᬳᬤᬸᬄᬤᬾᬯᬤᭀᬂᬧᬶᬘᬬᬂ᭞ᬧᬯᬬᬗᬦᬾᬳᬲᬶᬓᬶ᭞ᬳᬗ᭄ᬕᬾᬦ᭄ᬢᬶᬢ᭄ᬬᬂᬧᬫᬹᬃᬡᬬᬦ᭄᭞ᬫᬦᬄ
ᬢᬶᬢ᭄ᬬᬂᬲᬬᬦ᭄ᬧᬮᬶᬂ᭞ᬧᬮᬶᬂᬭᬶᬂᬳᬶᬫᬵᬲ᭄ᬫᬡᬶᬓ᭄᭞ᬫᬗ᭄ᬤᬾᬢᬦ᭄ᬮᬮᬶᬳᬶᬭᬢᬸ᭞ᬧᬸᬦᬶᬓᬶᬢᬶᬢ᭄ᬬᬂᬗᬢᬹᬭᬂ᭞ᬓᭂᬯᬦ᭄ᬢᭂᬦ᭄ᬳᬗ᭄ᬕᬾ
ᬦ᭄ᬧᬓᬾᬮᬶᬂ᭞ᬦᬶᬓᬶᬩᬸᬗ᭄ᬓᬸᬂ᭞ᬲᭀᬘᬦ᭄ᬜᬵᬫᬵᬲ᭄ᬤᬮᬶᬫ᭟᭟᭕᭟ᬦᬶᬲᬭᭀᬚᬫᬦᬳᬾᬩᬸᬗ᭄ᬲᬂ᭞ᬢᬸᬯᬶᬢ᭄ᬯᬄᬢᬸᬥᬸᬳᬶᬂᬯᬶᬥᬶ
