This page has been proofread.
[᭔᭖ 46B]
᭔᭖
᭟᭓᭟ᬫᬭᬶᬂᬢᬸᬢ᭄ᬯᬦ᭄ᬳᬕᬸᬂᬓᬳᬶᬮᬾᬦᬂ᭞ᬓᬮᬶᬄᬲᭀᬭᭀᬄᬫᬸᬗ᭄ᬕᬄᬰᬸᬘᬶ᭞ᬲᬰᬦ᭄ᬢᬸᬦ᭄ᬜᬵᬲᬃᬯᬗᭂᬫ᭄ᬧᬢ᭄᭞ᬫᬸᬯᬂᬲᬚᬶᬤᬾᬯᬤᬾ
ᬯᬷ᭞ᬫᬳᬚᬸᬫᬦ᭄ᬧᬸᬢᬶᬄᬓᬸᬦᬶᬂ᭞ᬫᬢᬢᬜ᭄ᬘᭂᬩ᭄ᬫᬶᬬᬸᬮᬮᬸᬂ᭞ᬫᬧᬥᬧᬲᬃᬯᬧ᭄ᬢᬓ᭄᭞ᬚᬶᬦᬄᬓᬺᬫ᭄ᬧ᭄ᬬᬓ᭄ᬫᬓᬓᬺᬘᬾᬦᬶᬦ᭄᭞
ᬧᬶᬚᭂᬳᬸᬤᬸᬄ᭞ᬕ᭄ᬮᬃᬲᬳᬧᬖ᭄ᬦᬾᬬᬦ᭄᭟᭟᭔᭟ᬍᬫ᭄ᬩᬢᬾᬍᬩᭂᬂᬳᬲᬶᬦᬓ᭄᭞ᬦᬲᬶᬲᬲᬳᬦ᭄ᬳᬢᬦ᭄ᬤᬶᬂ᭞ᬚᬚ᭄ᬭᭀᬦ᭄ᬳᭂᬫ᭄ᬩᬳᭂ
ᬫ᭄ᬩᬳᬦ᭄᭞ᬩᬮᬸᬂᬕᬕᭂᬡ᭄ᬥᬶᬂᬢᬦ᭄ᬫᬭᬶ᭞ᬓᬘᬂᬓᭀᬫᬓ᭄ᬫᬯᬤᬄᬢᬗ᭄ᬓᬶᬄ᭞ᬚᬗᬦ᭄ᬲᬓ᭄ᬯᬮᬶᬫᬸᬯᬂᬢᬮᬸᬄ᭞ᬤᭀᬦ᭄ᬓᬾᬮᭀᬭᬾᬳᬮᬸ
[᭔᭗ 47A]
ᬗ᭄ᬕᬄ᭞ᬭᬸᬫ᭄ᬩᬄᬕᬶᬮᬾᬫᬶᬲᬶᬳᭂᬢᬶᬄ᭞ᬘᬮᭀᬦ᭄ᬲᬸᬮᬸᬂ᭞ᬫᬯᬤᬄᬩᬵᬦ᭄ᬧᬗᭀᬭᬾᬗᬦ᭄᭟᭟᭕᭟ᬯᬾᬦ᭄ᬢᭂᬦ᭄ᬫᬮᬶᬄᬩᬩᬓᬸᬮᬦ᭄᭞
ᬦᬲᬶᬫᬯᬤᬄᬩᬓᬸᬮ᭄ᬘᭂᬭᬶᬓ᭄᭞ᬫᬲ᭄ᬭᬾᬫ᭄ᬩᬾᬂᬤᬯᬸᬦ᭄ᬧᬶᬲᬂ᭞ᬳᭂᬩᬾᬦ᭄ᬜᬦᬾᬢ᭄ᬯᬄᬳᬓᬯᬶᬲ᭄᭞ᬢᬸᬯᬓᬾᬫᬯᬤᬄᬕᬺᬘᬶ᭞
ᬳᬭᬓ᭄ᬩᬺᬫ᭄ᬫᬯᬤᬄᬧᬸᬘᬸᬂ᭞ᬫᬚᬶᬦᬄᬲᭂᬮᬳᬾᬩᬶᬤᬂ᭞ᬭᬶᬂᬥᬓ᭄ᬱᬶᬡᬦᬾᬲᬯᬶᬚᬶ᭞ᬫᬸᬯᬄᬇᬓᬸ᭞ᬩᬦ᭄ᬢᭂᬦ᭄ᬧᬘᬂᬧᬢ
ᬢᬩᬦ᭄᭟᭟᭖᭟ᬲᬬᬸᬢ᭄ᬗᬦ᭄ᬢᬾᬦ᭄ᬫᬓᭂᬫ᭄ᬩᬭᬦ᭄᭞ᬧᬗᬫ᭄ᬩᬾᬬᬦᬾᬫᬦᬸᬮᬸᬭᬶᬦ᭄᭞ᬢᬢᭂᬩᬲᬦ᭄ᬲᭀᬮᬲ᭄ᬤᬸᬮᬂ᭞
