This page has been proofread.
[᭕᭐ 50B]
᭕᭐
ᬦ᭄᭞ᬭᬭᬶᬲ᭄ᬫᬮᬶᬗ᭄ᬕᬶᬄᬲᬫᬶᬓᬶᬤᬶᬓ᭄᭞ᬘᬦᬂᬮᬜ᭄ᬚᬭᬦᬾᬭᬭᬶᬲ᭄᭞ᬤᬸᬭᬸᬲᬂᬯᬾᬤᬗᬾᬤᬸᬫᬸᬦ᭄᭞ᬳᬗ᭄ᬕᬾᬦ᭄ᬓᬢᬫ᭄ᬩᭂᬢᬦ᭄ᬢᬶᬢ᭄ᬬᬂ᭞ᬯ᭄ᬬ
ᬓ᭄ᬢ᭄ᬬᬦ᭄ᬢᬶᬢ᭄ᬬᬂᬓᬭᬶᬳᬮᬶᬢ᭄᭞ᬢ᭄ᬯᬄᬧᬶᬢᬸᬤᬸᬄ᭞ᬫᬢᭂᬫᬸᬧᬢᬸᬭᬸᬦ᭄ᬭᬓᬵ᭟᭟᭑᭗᭟ᬧᬇᬘ᭄ᬙᬾᬦ᭄ᬫᬾᬫᬾᬢᬶᬢ᭄ᬬᬂᬦᬸᬦᬲ᭄᭞ᬫᬶ
ᬯᬄᬫ᭄ᬩᭀᬓ᭄ᬫ᭄ᬩᭀᬓ᭄ᬲᬫᬶ᭞ᬫᭀᬫᭀᬢ᭄ᬫᬧᬶᬘ᭄ᬙᬭᬶᬂᬢᬶᬢ᭄ᬬᬂ᭞ᬫᬗ᭄ᬓᬶᬦ᭄ᬲᭀᬓᬾᬳᬫ᭄ᬧᭂᬳᬂᬳᬗᬶᬦ᭄᭞ᬓᬾᬢᭀᬧᬫᬸᬜᬶᬦ᭄ᬜ
ᬫᬦᬶᬲ᭄᭞ᬲᬫ᭄ᬩᬶᬮ᭄ᬫᬗᬶᬲᬶᬦᬶᬦ᭄ᬩᬶᬬᬸ᭞ᬳᬲᭂᬫ᭄ᬳᬲᭂᬫ᭄ᬫᬶᬯᬄᬚᬚ᭞ᬦᬲᬶᬫ᭄ᬯᬄᬳᬸᬮᬫ᭄ᬳᬓᬯᬶᬲ᭄᭞ᬧᬥᬧᬢᬸᬄ᭞ᬳᬶᬲᬶᬦ᭄ᬲᭀ
[᭕᭑ 51A]
ᬓᬾᬲᭀᬯᬂᬲᭀᬯᬂ᭟᭟᭑᭘᭞ᬦᬶᬲᬭᭀᬚᬫᬶᬢᬸᬤᬸᬳᬂ᭞ᬳᬶᬗ᭄ᬕᬶᬄᬩᬧᬦᬶᬓᬶᬫᬗ᭄ᬓᬶᬦ᭄᭞ᬋᬋᬳᬂᬕᭂᬦᬄᬧᬲᬗ᭄ᬕ᭄ᬭᬦ᭄᭞ᬫ
ᬗ᭄ᬤᬫᬶᬬᬶᬤᬦ᭄ᬳᬓᬶᬤᬶᬓ᭄᭞ᬕᬸᬫᭂᬦ᭄ᬢᭀᬲ᭄ᬓᬵᬢᬹᬭᬦ᭄ᬳᬶᬗ᭄ᬕᬶᬄ᭞ᬭᬭᬶᬲᬂᬤᬩ᭄ᬤᬩᬂᬲᬵᬫ᭄ᬧᬸᬦ᭄᭞ᬜᬦ᭄ᬢᭀᬲᬂᬯᬸᬲ᭄ᬫᬢᬢᬄ᭞ᬦᬶᬲᬭᭀ
ᬚᬓᬲᬗ᭄ᬕᬄᬭᬭᬶᬲ᭄᭞ᬭᬢᬸᬤᬬᬸ᭞ᬮᬶᬗ᭄ᬕᬶᬳᬾᬤᬸᬫᬸᬦ᭄ᬳᬢᬹᬭᬂ᭟᭟᭑᭙᭟ᬫᬸᬜᬶᬦ᭄ᬕᭂᬦ᭄ᬤᬾᬭᬾᬗᬋᬫ᭄ᬧ᭄ᬯᬂ᭞ᬤᬮᬂᬕᭂᬤᭀᬕᬾ
ᬫᬜ᭄ᬭᬶᬢ᭄᭞ᬳᬤᬫᬧᬸᬦ᭄ᬥᬸᬄᬗᬫᬮᬢ᭄᭞ᬗᬯᬶᬍᬢ᭄ᬫᬶᬯᬄᬫᬓᬯᬶᬦ᭄᭞ᬳᬶᬤᬲᬗ᭄ᬕᬶᬗᬾᬦᬢᬳᬶᬦ᭄᭞ᬲᬵᬫ᭄ᬧᬸ
