[᭓᭕ 35B]
᭓᭕
ᬫᬢᭀᬬᬧᬯᬶᬢᬺᬦᬶᬂ᭞ᬭᬤᬾᬦ᭄ᬫᬦ᭄ᬢ᭄ᬭᬶᬫᬗᬶᬭᬶᬗᬂ᭞ᬦᬸᬮ᭄ᬬᬕ᭄ᬮᬶᬲ᭄ᬫᬫᬃᬕ᭄ᬕᬶᬬᬦᬂᬳᬶᬲ᭄ᬢ᭄ᬭᬶ᭞ᬳᬦᬭᬸᬂᬮᬫ᭄ᬧᬳᬾᬲᬵᬫ᭄ᬧᬸᬦ᭄᭞ᬢᬦ᭄ᬓᬸᬭᬂᬧᬯᬃᬡ᭄ᬦᬬᬦ᭄᭞ᬧᬦ᭄ᬢᭂᬲ᭄
ᬜᬦ᭄ᬤᬕ᭄ᬚᬗ᭄ᬕᬮᬓᬤᬶᬭᬶᬳᬦᬸᬢ᭄᭞ᬯᬸᬲ᭄ᬳᬤᭀᬄᬮᬫ᭄ᬧᬄᬳᬶᬤ᭞ᬧ᭄ᬭᬵᬧ᭄ᬢᬳᬦᬾᬂᬰᬹᬭᬦᬥᬶ᭞ᬲᬵᬃᬯ᭄ᬯᬩᬸᬗ᭄ᬳᬵᬦ᭄ᬥᭂᬂᬓᭂᬫ᭄ᬩᬂ᭞ᬳᬗᬶᬦ᭄ᬢᬭᬶᬓ᭄ᬜᭂᬧᬸᬓᬂᬩᭀ
ᬦᬾᬫᬶᬳᬶᬓ᭄ᬓᬮᬗᭂᬦ᭄ᬲᬂᬓᬮᬶᬄᬤᬶᬢᬸᬫᬶᬯᬄᬲᬸᬦ᭄ᬤᬭᬶᬫᬗ᭄ᬭᬵᬓ᭄ᬮ᭄ᬯᬶᬃᬓᬓ᭄ᬯᬶᬦ᭄ᬭᬶᬂᬲᬂᬧᬸᬯᬸᬢ᭄ᬫᬗ᭄ᬕᬶᬄᬳᬬᬸ᭞ᬳᬓᬾᬢᭀᬬᬾᬦ᭄ᬲᬯᬗᬂ᭞
ᬓᬮ᭄ᬗᬸᬦ᭄ᬳᬶᬤᬵᬲᬂᬓᬵᬮᬶᬄ᭟ᬓᬘᬶᬗᬓ᭄ᬧᬜ᭄ᬘᭀᬭᬦ᭄ᬫ᭄ᬮᬄ᭞ᬢᭀᬬᬳ᭄ᬦᬶᬂᬧᬯᬶᬢᬺᬳᬭᬸᬫ᭄ᬍᬯᬶᬄ᭞ᬫᬜᬦ᭄ᬤᬶᬂᬢᬮᬕᬳᬮᬸᬲ᭄᭞ᬩᬸᬗᬦ᭄ᬢᬸᬜ᭄ᬚᬸᬂ
[᭓᭖ 36A]
ᬫᬜ᭄ᬘᬯᬃᬡ᭄ᬦ᭞ᬫᬶᬳᬶᬓ᭄ᬗᬮᬸᬩ᭄ᬢᬫ᭄ᬩᬸᬮᬶᬮᬶᬗᬦᬾᬗᭂᬫ᭄ᬧᬸᬃ᭞ᬫᬶᬭᬶᬩ᭄ᬳᬸᬮᬢ᭄ᬫᬜᭂᬤᬶᬢᬂ᭞ᬭᬯ᭄ᬳ᭄ᬲᬗ᭄ᬳ᭄ᬬᬂᬲ᭄ᬫᬵᬭᬭᬢᬶᬄ᭟ᬳᬓᬾᬢᭀᬩᬳᬦ᭄ᬕᬸᬘᬧᬂ
᭞ᬓᬫ᭄ᬮᬳᬦᬾᬤᬶᬢᬫᬦ᭄ᬲᬸᬭᬵᬦᬥᬷ᭞ᬭᬳᬤᬾᬦᬵᬕᬮᬸᬄᬳᬸᬫ᭠ᬢᬸᬃ᭞ᬤᬸᬄᬮᬶᬭᬤᬾᬦᬵᬫᬦ᭄ᬢ᭄ᬭ᭄ᬬᬵ᭞ᬦᬸᬦᬲ᭄ᬩ᭄ᬮᬶᬫᬲᬶᬭᬫ᭄ᬳᬶᬭᬶᬓᬶᬤᬸᬫᬸᬦ᭄᭞ᬭᬳ
ᬤᬾᬦ᭄ᬓᬮᬶᬄᬫᬲᬶᬭᬫ᭄᭞ᬯᬸᬲ᭄ᬫᬤ᭄ᬬᬸᬲ᭄ᬳᬶᬤᬲᬂᬓᬮ᭄ᬳ᭄᭟ᬢᬸᬫᬸᬮᬶᬫᬗᬮᬲ᭄ᬓᬵᬃ᭞ᬫᬢ᭄ᬭᬗᬦᬲᬂᬳᬢ᭄ᬫᬵᬫᬓᬵᬓᬮᬶᬄ᭞ᬭᬳᬤᬾᬦ᭄ᬫᬦ᭄ᬢ᭄ᬭᬶᬳᬫᬸᬯᬸᬲ᭄᭞
ᬤᬸᬄᬳᬤᬶᬚᬮᬦ᭄ᬢᬸᬮᬓ᭄᭞ᬫᬦᬯ᭄ᬕᬕ᭄ᬧᬫᬶᬢ᭄ᬢᭂᬓᬾᬦ᭄ᬳ᭄ᬬᬂᬕᬸᬭᬸ᭞ᬧᬤᬍᬫ᭄ᬘ᭄ᬦᬶᬂᬓᬸᬢᬂ᭞ᬫᬶᬯᬄᬦ᭄ᬢᭀᬦᬶᬤᬸᬓᬸᬄᬳᬶᬲ᭄ᬢ᭄ᬭᬶ᭟ᬭᬳᬤᬾᬦ᭄ᬤᬾᬯᬶ᭠
Page:Bali-lontar-gaguritan-cilinaya-02-400ppi.pdf/36
This page has been proofread.
