[᭑᭐᭓ 103 B]
᭑᭐᭓
ᬫ᭄ᬮᬂᬮᬳᬸᬢ᭄ᬳᬶᬯᬶᬲᬭᬲ᭄ᬫᬶᬩᬗᬸᬦ᭄ᬚᭂᬚᭂᬄᬜᬦᬾᬧᬸᬧᬸᬢ᭄ᬤᬤᬶᬳᭂᬗ᭄ᬲᬧ᭄ᬓᬾᬦ᭄ᬢᬶᬦ᭄ᬤᬫ᭄ᬯᬂᬧᬳᬶᬍᬄᬭᬾᬄᬫᬓ᭄ᬮᭀᬢ᭄ᬯᬭᬫᬸᬭᬸᬓ᭄ᬳᬶᬤ᭄ᬯᬕᬸᬂᬩ᭄ᬯᬶᬦ᭄ᬗᬦ᭄ᬤᬶᬓᬵᬳᬶᬫᬤᬸᬭᬕᬵᬓᬳᬸᬓᬶᬦ᭄᭟ᬢᬸᬦ᭄ᬤᬾᬦ᭄ᬗᬩᬩᭀᬭᬾᬗᬾᬸᬶᬳᬗ᭄ᬕᬮ᭄ᬳᬶᬓᬘᬶ
ᬬᬮ᭄ᬩᬗᬸᬦ᭄ᬫᬚᬮᬦ᭄ᬕᭂᬮᬶᬲ᭄ᬓᬲᬶᬗᬵᬋᬧᬵᬫᬗ᭄ᬮᬳᬸᬢ᭄ᬫ᭄ᬩᭀᬓ᭄ᬫᬗᬢᬸᬭᬂᬳᭀᬤᬓ᭄ᬫᬃᬕ᭄ᬕᬶᬳᬾᬗ᭄ᬕᬮ᭄ᬳᬶᬫᬤᬸᬭᬕᬵᬫᬲᬳᬸᬢ᭄ᬳᬶᬤᬾᬯᬕᬸᬂᬳᬶᬤᬤᬶᬚᬤᬶᬳᬸᬦ᭄ᬤᬕ᭄ᬳᬸᬦ᭄ᬤᬕ᭄ᬫᬮᬶᬗ᭄ᬕᬶᬄ᭟ᬳᬶᬫᬤᬸᬭᬕᬵᬗᬾᬗ᭄ᬕᬮᬂᬗᬳᬾ
ᬳᭀᬤᬓ᭄ᬳᬘᬯᬦ᭄ᬧᬸᬧᬸᬢ᭄ᬕᭂᬮᬶᬲ᭄ᬫᬯᬤᬄᬩᭀᬓᭀᬃᬫᬧᬳᬸᬢ᭄ᬳᬾᬗ᭄ᬕᬮᬸᬢ᭄ᬣᬫᬚᬮᬦ᭄ᬓᬫ᭄ᬩᭂᬦ᭄ᬜᬦᬾᬩᬢᬶᬓ᭄ᬋᬫ᭄ᬩᬂᬩᬗ᭄ᬲᬳᬸᬫᬸᬃᬲᬗ᭄ᬓᬸᬳᬸᬩ᭄ᬤᬤᬸᬓᬸᬮᬶᬢᬦ᭄ᬫᬲᬩᬸᬓ᭄ᬬᬲᬸᬢ᭄ᬭᬓᬸᬦᬶᬂ᭟ᬲᬸᬩᬢ᭄ᬓᭂᬤᬶᬧᬬᬸᬦᬦ᭄ᬳᬶᬤᬾ
ᬯᬕᬸᬂᬜᭂᬜᭂᬃᬗᬦ᭄ᬤᬶᬓᬵᬳᬭᬶᬲ᭄ᬦᬄᬩᭀᬭᬾᬳᬶᬦ᭄ᬓᬳᬶᬫᬮᬸᬭᬭᬶᬲ᭄ᬜᭂᬜ᭄ᬚᬸᬳᬂᬢᬗᬦ᭄ᬳᬶᬤᬾᬯᬕᬸᬂᬦᬭᬾᬓᬂᬮᬶᬬᬢᬶᬦ᭄ᬫᬮᬸᬢᭀᬳᬍᬫ᭄ᬳᬍᬫᬦ᭄ᬳᬶᬩᭂᬢ᭄ᬯᬭᬳᬶᬗᭂᬢ᭄ᬓᬾᬦ᭄ᬳᭂᬲᬶᬂ᭟ᬓᬤᬸᬓᬦ᭄ᬕ᭄ᬥᬾᬦᬾᬓ᭄ᬭᬸᬭ
[᭑᭐᭔ 104 A]
ᬧ᭄ᬥᬲ᭄ᬳᬶᬩᬚ᭄ᬦᭂᬂᬫᬼᬢ᭄ᬩᭂᬢ᭄ᬦᬸᬳᬸᬓᬶᬦ᭄ᬳᬶᬫᬤᬸᬭᬕᬫᬗᬸᬦ᭄ᬢᬸᬓ᭄ᬮᬕᬸᬅ᭄ᬕ᭄ᬥᭂᬕᬾᬮᬶᬯᬢ᭄ᬳᬶᬤᬾᬯᬕᬸᬂᬩ᭄ᬯᬶᬦ᭄ᬗᬓ᭄ᬱᬶᬦᬾᬫᬳᬸᬭᬸᬓ᭄ᬫᭂᬗ᭄ᬕᬄᬓ᭄ᬫᬕ᭄ᬥᬶᬬᬂᬕᬕᬫ᭄ᬮᬦᬾᬳᬸᬍᬲᬶᬦ᭄᭟ᬳᬶᬤᬾᬯᬕᬸᬂᬭᬭᬶᬲ᭄ᬫᬸᬗ᭄ᬕᬳᬦ᭄ᬜᬭᬸᬜᬭᬸᬫᬦ᭄ᬢᬸᬓᬦ᭄ᬗᬦ᭄ᬤᬶᬓᬵ
ᬳᬭᬶᬲ᭄ᬓ᭄ᬫᬘᬶᬬᬮ᭄ᬗᬮᬧ᭄ᬜᬫ᭄ᬩᬸᬓᬳᬶᬓ᭄ᬩᬸᬲ᭄ᬮᬸᬩ᭄ᬩ᭄ᬤᬓ᭄ᬳᬶᬓᬘᬶᬬᬮ᭄ᬗᬾᬗ᭄ᬕᬮᬂᬫᬗᬮᬧ᭄ᬜᬫ᭄ᬩᬸᬲᬸᬩᬗᬢᬸᬭᬂᬫᬦ᭄ᬢᬸᬓᬦ᭄ᬳᬶᬤ᭄ᬯᬕᬸᬂᬓ᭄ᬜᭂᬫ᭄ᬗᬓ᭄ᬱᬶ᭟ᬩᬶᬄᬲᬸᬩᬳᬶᬩᬜᭂᬓᭂᬦᬂᬜᬾᬦ᭄ᬓᬩᬳᬂᬗᬸᬤᬵᬫᬓ᭄ᬮᭀᬕᬢᬶᬳᬶᬓᬘᬶᬬᬮ᭄
ᬫ᭄ᬧᭂᬲ᭄ᬫᬢᬸᬃᬫᬺᬧ᭄ᬭᬶᬂᬩᬮᬾᬓᬨᬮ᭄ᬢᬶᬢ᭄ᬬᬂᬳᬚ᭄ᬭᬶᬄᬗᬶᬗ᭄ᬲᬦᬂᬭᬢᬸᬤᬾᬯᬕᬸᬂᬩ᭄ᬯᬦ᭄ᬗᬦ᭄ᬤᬶᬓᬵᬜᬾᬦ᭄ᬳᬤᬤᬶᬢᬸᬫᬋᬗᬶᬦ᭄᭟ᬳᬶᬓᬘᬶᬬᬮ᭄ᬫᭂᬧᭂᬲ᭄ᬜᬸᬫ᭄ᬩᬄᬭᬢᬸᬯᬾᬦ᭄ᬢᭂᬦ᭄ᬩᬩᬾᬤᬦ᭄ᬫᬶᬦᬩ᭄ᬳᬸᬯᬶᬮ᭄ᬢᬓᬾᬦᬶᬦ᭄ᬢᬶᬢ᭄ᬬᬂᬫᬗ᭄ᬮᬸᬃᬫᬯᬶᬦᬦ᭄ᬫᬗ
ᬮ᭄ᬬᬩ᭄ᬓᬢᬓᬾᬦᬦ᭄ᬳᬶᬧᬸᬦ᭄ᬫᬢᬸᬃᬢᬦ᭄ᬧᬳᬸᬦ᭄ᬤᬸᬓ᭄ᬭᬭᬶᬲ᭄ᬢᬶᬢ᭄ᬬᬂᬓᬘᬶᬗᬓᬦ᭄ᬲᬫ᭄ᬧᬸᬦ᭄ᬢᬶᬢ᭄ᬬᬂᬫᬢᬸᬃᬲᬫᬶ᭟ᬧᬋᬓᬦ᭄ᬘᭀᬓᭀᬃᬳᬶᬤᬾᬯ᭄ᬯᬳᬶᬤᬩᬕᬸᬲ᭄ᬗᬸᬭᬄᬭᬭᬶᬲ᭄ᬫᬮᬶᬗ᭄ᬕᬶᬄᬗᬶᬂᬲ᭄ᬯᬩᬯᬵᬕ᭄ᬲᬶᬢ᭄ᬩᬮᬸᬢ᭄ᬓ᭄ᬜᭂᬫ᭄ᬭᬭᬶᬲ᭄ᬗᬦ᭄ᬤᬶᬓᬵ
Page:Bali-lontar-gaguritan-cokoratu-02-250ppi.pdf/104
This page has been proofread.
