[᭑᭑᭔ 114 B]
᭑᭑᭔
ᬓᬵᬓᬤᬶᬫᬦᭂᬓ᭄ᬩᬜᬸᬢᬸᬳᬸᬢᬦ᭄ᬧᬭᬸᬧᬫᬯ᭄ᬬᬓ᭄ᬢᬶᬳ᭄ᬬᬂᬲ᭄ᬫᬭᬗᬸᬧ᭄ᬢᬶᬳᬦ᭄ᬤᬦᬶᬓᬸᬂᬲᬲᭀᬮᬄᬗᬯᬾᬧ᭄ᬭᬧᬜ᭄ᬘ᭟ᬳᬸᬧᬲᬶᬂᬯᭀᬂᬲᬦᬕᬭᬯ᭄ᬬᬓ᭄ᬢᬶᬳᬭᬕᬬᬦ᭄ᬫᬦᬶᬲ᭄ᬓᭀᬭᬢᬸᬓ᭄ᬜᭂᬫ᭄ᬗᬦ᭄ᬤᬶᬓᬵᬓᬫ᭄ᬩᭂᬦᬾᬤᬾᬳᬩᬫ
ᬳᬶᬮᭀᬅ᭄ᬗᬗᬢᬸᬭᬂᬕᭂᬮᬶᬲ᭄ᬓᭀᬭᬢᬸᬫᬯᬲ᭄ᬢ᭄ᬭᬲᬫ᭄ᬧᬸᬦ᭄ᬕᬕᬸᬮᬸᬂᬤᬤᬸᬗ᭄ᬭᬜᬩ᭄ᬫᬢ᭄ᬧᬶᬘᬦ᭄ᬤᬦᬵᬓᬓᬯᬶᬫᬧᬧᭂᬓᭂᬓ᭄ᬩᬢᬶᬓ᭄ᬲᬸᬢ᭄ᬭᬲᬶᬫᬮᬶᬬᬵ᭟ᬫᬓᬫ᭄ᬧᬸᬄᬲᬸᬢ᭄ᬭᬮᬸᬲ᭄ᬮᬸᬲᬦ᭄ᬓᬶᬦᬸᬮᬮᬢᬾᬂᬫᬲ᭄ᬕᬤ᭄ᬥᬶᬩᬸᬮᬂ
ᬓᬫ᭄ᬧᬸᬳᬾᬗᬮ᭄ᬬᬮᬄᬓᬯᬘᬫᬭᬾᬦ᭄ᬤᬄᬳᬮᬶᬫ᭄ᬫᭀᬤ᭄ᬭᬾᬩᬶᬦ᭄ᬢᬂᬩᬄᬦᬭᬶᬤᬲ᭄ᬢᬭᬾᬲᬸᬩᬵᬫᬧᬳᬸᬢ᭄ᬢᬗᬶᬜᬼᬕ᭄ᬫᬧ᭄ᬭᬤ᭄ᬥᬵᬫᬩᬸᬂᬗ᭄ᬓᬸᬂᬯᬶᬦ᭄ᬢᭂᬦ᭄ᬤᬶᬓᬘᬶᬂᬲᬸᬩᬵᬧᬳᬸᬢ᭄ᬫᬜᬸᬗ᭄ᬓ᭄ᬮᬶᬢ᭄ᬳᬶᬚᬬᬵᬮᬦᬵ᭟ᬗᭂᬲᭀᬭᬂ
ᬍᬗᬶᬲ᭄ᬓ᭄ᬫᬶᬢᬦ᭄ᬲᭀᬭᭀᬄᬧᬗ᭄ᬕᭀᬦ᭄ᬚᬶᬫ᭄ᬰᬓ᭄ᬢᬶᬲᬸᬩᬵᬫᬶᬲᬶᬕᬕᭂᬫᭂᬢᬦ᭄ᬲᬶᬂᬓ᭄ᬦᭂᬳᬂᬍᬂᬍᬂᬧᬮᬶᬂᬮᬳᬸᬢ᭄ᬗᬦ᭄ᬤᬶᬓᬵᬳᬭᬶᬲ᭄ᬳᬶᬕᬭᬾᬂᬕᬭᬶᬢ᭄ᬥᬵᬫᬶᬮᬸᬭᬭᬶᬲ᭄ᬳᬶᬤ᭄ᬥᬵᬓᬵᬳᭀᬤᬮ᭄ᬧᬘᬦ
[᭑᭑᭕ 115 A]
ᬗᬦ᭄ᬧᭀᬮᬾᬂᬧᬜ᭄ᬘᬶᬫᬩᬸᬘᬸᬫᬲ᭄ᬫᬲᬮᬸᬤᬶᬭᬗ᭄ᬭᬜᬩ᭄᭟ᬲᬸᬩᬵᬢ᭄ᬓᬤᬶᬩᬜ᭄ᬘᬶᬗᬄᬳᬶᬬᬦ᭄ᬥᬵᬯᭂᬲᬶᬬᬩᭂᬚᬶᬢ᭄ᬩᬦᬾᬲᬸᬩᬫᬩᬵᬳᬩᬄᬫᬓᬶᬮᬢ᭄ᬩᬳᬸᬧᬢᬶᬢᬶᬲ᭄ᬳᬫ᭄ᬧᭀᬓ᭄ᬳᬫ᭄ᬧᭀᬓ᭄ᬫᬲ᭄ᬳᬤᬶᬫᬲᭂᬲᭀᬘᬦ᭄ᬳᭂ
ᬦ᭄ᬤᬶᬄᬫᬸᬭᬸᬩ᭄ᬓᬧᬯᭀᬦ᭄ᬧᬢᬓᬵᬧᬲ᭄ᬫᬕᭂᬋᬄᬓᬧᬢ᭄ᬫᬲ᭄ᬤᬤᬶᬫᬧᬂᬗᬦ᭄ᬤᭂᬓ᭄ᬧᭀᬦ᭄ᬢᬂᬚᬗ᭄ᬕᬮᬫᬫ᭄ᬦᬂ᭟ᬘᬫ᭄ᬢᬶᬫᬲᬮᬸᬤᬶᬕᬵᬓᭀᬭᬢᬸᬧᬗ᭄ᬮᬜ᭄ᬘᬢ᭄ᬕᭂᬮᬶᬲ᭄ᬘᬋᬫ᭄ᬘᭂᬧᭂᬢ᭄ᬧᬤ᭄ᬥᬵᬗ᭄ᬮᬜ᭄ᬘᬢ᭄ᬳ᭄ᬦᭂᬗᬓᬭᬶᬭᬶᬂᬫᬃᬕᬶᬳᬸ
ᬘᬧᬂᬤᬶᬦᬕᬭᬶᬳᬶᬤᬾᬯᬕᬸᬂᬳᬚᬶᬢ᭄ᬥᬸᬦ᭄ᬧᬘᬂᬗᬓ᭄ᬱᬶᬯᬦ᭄ᬢᬶᬮᬦ᭄ᬤᬾᬦᬶᬂᬓᬢᬸᬃᬧᬸᬧᬸᬢ᭄ᬩ᭄ᬥᬶᬓ᭄ᬗᭂᬦ᭄ᬤᬶᬄᬫᬸᬭᬸᬩ᭄ᬢ᭄ᬯᬭᬤᬵᬩᬓᬢ᭄ᬓᭂᬦᭂᬳᬂ᭟ᬲᬫ᭄ᬧᬸᬦ᭄ᬭᬯᬸᬄᬭᬶᬂᬯᬦ᭄ᬢᬶᬮᬦ᭄ᬮᬾᬤᬂᬳᬶᬤᬾᬯᬕᬸᬂᬳᬚᬶᬗ
ᬓ᭄ᬱᬶᬧᬤᬦ᭄ᬥᬵᬧᬲᬮᬶᬂᬢᬶᬫ᭄ᬩᬮ᭄ᬧᬗᬧᬗᬮᭂᬫ᭄ᬳᬓᬸᬧᬾᬢᭂᬦ᭄ᬢᬶᬭᬭᬶᬲ᭄ᬫᬢᬸᬃᬮᬓ᭄ᬫᬮᬶᬄᬭᬶᬂᬩᬜ᭄ᬘᬶᬗᬄᬫᬮᬸᬗ᭄ᬕᬸᬄᬓᭀᬘᬧ᭄ᬳᬶᬤ᭄ᬯᬕᬸᬂᬧᬸᬢ᭄ᬭᬫᬶᬋᬂᬳᬚᬶᬦ᭄ᬥᬵᬧᬗᬓ᭄ᬱᬶᬤᬤᬶᬕ᭄ᬮᬸᬭᬭᬶᬲ᭄ᬳᬶᬤᬵᬓᬩᬜ᭄ᬘᬶᬗᬄ᭟ᬭᬚ
Page:Bali-lontar-gaguritan-cokoratu-02-250ppi.pdf/115
This page has been proofread.
