[᭒᭐ 20 B]
᭒᭐
ᬳᬭᬶᬲ᭄᭟ᬳᬭᬄᬓ᭄ᬭᬸᬭᬵᬮ᭄ᬕᬦ᭄ᬳᬶᬬᬗᬾᬓᬮᬶᬯᬢ᭄᭞ᬳᬫ᭄ᬩᬸᬮ᭄ᬓᬸᬚᬦᬦ᭄ᬫᬡ᭄ᬦᬶᬵᬓ᭄ᬳᬶᬬᬸᬳᬸᬲᬦ᭄ᬜᬸᬫ᭄ᬩᬄ᭞ᬭᬢᬸᬧᬸᬦᬶᬓᬶᬲᬸᬭᬵᬢ᭄ᬫᬤᬸᬮᬸᬃᬓ᭄ᬭᬶᬲ᭄ᬳᬲᬶᬓᬶ᭞ᬚᬯᬶᬦᬶᬂᬲᬸᬭᬢ᭄ᬢᬶᬢ᭄ᬬᬂᬓᬧᬶᬢ᭄ᬮᬲᬫᬶ᭟ᬘᭀᬓᭀᬃᬭᬢᬸᬫᬗᬸᬗ᭄ᬓᬩ᭄ᬲᬸᬭᬢ᭄ᬤᬮᬸᬯᬂ᭞ᬫᬸᬜᬶᬦ᭄ᬢᬸᬮᬶᬲᬾᬫᬦᬶ
ᬲ᭄ᬭᬢᬸᬕᬸᬲ᭄ᬢᬶᬦ᭄ᬢᬶᬢ᭄ᬬᬂ᭞ᬲᬫ᭄ᬧᬸᬦ᭄ᬭᬢᬸᬓᬦᬾᬧ᭄ᬬᬦ᭄ᬳᬾᬮᬶᬗᬂᬭᬢᬸᬦᬾ ᬭᬶᬳᬶᬦ᭄᭞ᬧᬶᬢ᭄ᬓᭂᬢ᭄ᬢᬶᬢ᭄ᬬᬂᬫᬗᬾᬲᬶᬤᬓᬧᬗ᭄ᬕᬶᬄ᭟ᬦᬶᬓᬶᬢ᭄ᬭᬶᬲ᭄ᬫᬯᬲ᭄ᬢᭂᬳᬶᬚᬬᬮᬩᭂ᭞ᬓ᭄ᬦᬶᬤᬶᬢ᭄ᬗᬄᬧᬲᬶᬄᬲᬸᬗ᭄ᬓᭂᬮᬶᬢ᭄ᬫᬜᬯᬶᬢ᭄ᬣ᭞ᬫᬱᬦᬾᬓ᭄ᬢᭂᬦ᭄ᬜᬶᬤᬬᬂᬭᬶᬂᬫᬬᬲᬺᬗ᭄ᬕᬵᬫᬧᬸᬭᬶ
᭞ᬢᬶᬢ᭄ᬬᬂᬗᬢᬸᬭᬂᬭᬢᬸᬧᬸᬦᬶᬓᬵᬲᬫᬶ᭟ᬲᬸᬩᬢᬸᬢᬸᬕ᭄ᬓᭀᬭᬢᬸᬫᬳᭀᬲᬶᬦ᭄ᬱᬸᬭᬵᬢ᭄᭞ᬓ᭄ᬦᭂᬫ᭄ᬗᬦ᭄ᬤᬶᬓᬵᬳᬭᬶᬲ᭄ᬢᬦ᭄ᬲᬓᬾᬂᬓᬮᬾᬧ᭄ᬬᬦ᭄᭞ᬳ᭄ᬬᬂᬦᬸᬗᬮᬶᬄᬢᬤᬄᬳᬧᬂᬤ᭄ᬥᬵᬩ᭄ᬬᬸᬃᬦᬾᬤᬶᬦᬶ᭞ᬫᬦᬶᬳ᭄ᬬᬂᬮ᭄ᬯᬲ᭄ᬦᬗᬶᬫᬍᬲᬢ᭄ᬜᬶᬮᬶᬩ᭄᭟ᬲᬕᬾᬢ᭄ᬓᭂᬳᬶ
ᬘᬫ᭄ᬘ᭄ᬬᭀᬳᬶᬤᭀᬓ᭄ᬧᬤᬵ᭞ᬗᬩᭂᬯᭀᬄᬳᬦ᭄ᬕᭂᬮᬶᬲ᭄ᬱᬸᬫᬲᬮᬫ᭄᭞ᬘᭀᬓᭀᬃᬭᬢᬸᬗᬦ᭄ᬤᬶᬓᬵᬤᭀᬓ᭄ᬳᬶᬘ᭄ᬧᬸᬕ᭄ᬮᬶᬲ᭄ᬳᬮᬶᬄ᭞ᬳᬶᬤᭀᬓ᭄ᬫᬍᬲᬢ᭄ᬕ᭄ᬮᬶᬲ᭄ᬭᬯᬸᬄᬤᬶᬧᬸᬭᬶ᭟ᬢ᭄ᬩᭂᬂᬢᬶᬢᬶᬩ᭄ᬢᬗ᭄ᬓᬶᬮᬦᬾᬦᬓᬕᬸᬂᬗᬸᬭᬄ᭞ᬤᬶᬳᬫ᭄ᬩᬾᬦᬾᬫᬮᬶᬗ᭄ᬕᬶᬄ
[᭒᭑ 21 A]
ᬦᬩᬸᬄᬕᬕᬫ᭄ᬮᬦ᭄᭞ᬮᬗᬵᬫᭀᬫ᭄ᬩᬓ᭄ᬳᭀᬫ᭄ᬩᬓᬦ᭄ᬢᬢᬩᬸᬳᬦᬾᬗᬺᬋᬗᬶᬄ᭞ᬤᬮᬂᬓᬭᬡ᭄ᬦᬵᬮᬗᬵᬦᬸᬤᬸᬢ᭄ᬳᬢᬶ᭟ᬲᬕᬾᬢ᭄ᬓᭂᬳᬶᬤᭀᬓᬜᭀᬗ᭄ᬓᭀᬓ᭄ᬫᭂᬧᭂᬲ᭄ᬜᬸᬫ᭄ᬩᬄ᭞ᬗᬶᬂᬢ᭄ᬯᬭᬳᬤᬳᬸᬦᬶᬂᬢᬶᬗ᭄ᬓᬄᬜᬦᬾᬢ᭄ᬓᭂ᭞ᬢᬸᬗᬸᬭᬄᬩᬸᬫᬜᬶᬗᬓ᭄ᬓ᭄ᬜᭂ᭠
ᬫ᭄ᬭᬭᬶᬲ᭄ᬢᭂᬤᬸᬦ᭄ᬕᭂᬮᬶᬲ᭄᭞ᬜᬭᬸᬫᬫᬃᬕ᭄ᬕᬵᬓᬕ᭄ᬥᭀᬂᬘ᭄ᬭᬶᬫᬶᬗ᭄ᬭᬜ᭄ᬚᬶᬂ᭟ᬳᬶᬤᭀᬓ᭄ᬫᬢᬸᬃᬦᬸᬦᬲ᭄ᬕᭂᬮᬶᬲᬂᬓᬢᬫᬦ᭄᭞ᬳᬸᬢᬸᬲᬦ᭄ᬲᬓᬶᬂᬕᬶᬮᬶᬭᬯᬸᬄᬯᬳᬸᬧᬶᬲᬦ᭄᭞ᬭᬢᬸᬗᬸᬭᬄᬫᬦᬶᬫ᭄ᬩᬮ᭄ᬦᬄᬚᬮᬦ᭄ᬩᬋᬂᬦᬾᬚᬦᬶ᭞ᬭᬭᬶᬲ᭄ᬳᬕ᭄ᬮᬶᬲ᭄ᬳᬸᬫᬫ᭄ᬩᬸᬃᬲᬋᬂᬓᬮᬶᬄ
᭟ᬳᬲᬓ᭄ᬱᬡᬫᬓ᭄ᬩᬸᬃᬲᬸᬩᬤᬶᬢᬫᬦ᭄᭞ᬓᬢ᭄ᬗᬄᬢ᭄ᬮᬕᬵᬗ᭄ᬭᬭᬶᬲ᭄ᬢᬸᬗᬸᬭᬄᬫᬜᬧᬵ᭞ᬳᬫ᭄ᬩᬃᬘ᭄ᬬᭀᬓᭀᬢ᭄ᬓᭂ᭞ᬳᬶᬬᬫ᭄ᬩᬃᬘ᭄ᬬᭀᬫᬩᬓ᭄ᬢᬶ᭞ᬓᭀᬭᬢᬸᬦᬶᬫ᭄ᬩᬮ᭄ᬤᬾᬢᬸᬮᬶᬲ᭄ᬩᬮᬶᬳᬶᬦ᭄᭟ᬳᬦᬓᬕᬸᬂᬗᬸᬭᬄᬫᬫᬯᭀᬲᬶᬦ᭄ᬱᬸᬭᬢ᭄᭞ᬯᬢ᭄ᬭᬲᬫ᭄ᬧᬸᬦ᭄ᬓᬳᬓ᭄ᬱᬶ
ᬳᬸᬦᬶᬦᬶᬂᬲᬾᬯᬮᬵ᭞ᬓ᭄ᬜᭂᬫᬳᬢᬸᬃᬕ᭄ᬢᬃᬦᬸᬦᬲ᭄ᬳᬕᬾᬬᬂᬫᬫᬃᬕ᭄ᬕᬶ᭞ᬓᭀᬭᬢᬸᬦᬶᬫ᭄ᬩᬮ᭄ᬳᬶᬤᬤ᭄ᬥᬵᬮᬸᬯᬲ᭄ᬚᬦᬶ᭟ᬳᬦᬓᬕᬸᬂᬗᬸᬭᬄᬫᬢᬸᬃᬗᭂᬫ᭄ᬩᭂᬂᬯᬲ᭄ᬧᭂ᭞ᬫᬧᬶᬦᬸᬦᬲ᭄ᬫᬗᬶᬭᬶᬂᬧᬸᬦᬧᬶᬲᬶᬳᬶᬯᬂᬢ᭄ᬬᬂᬳᬶᬭᬶᬓᬶᬓᬸᬢᬂ᭞ᬓᭀᬭᬢᬸᬚᬕ᭄ᬕᬦᬶᬗ᭄ᬕᬮᬶᬦ᭄᭞
Page:Bali-lontar-gaguritan-cokoratu-02-250ppi.pdf/21
This page has been proofread.
