[᭔᭕ 45 B]
᭔᭕
᭞ᬓᬮᬶᬳᬜᬓᬳᬸᬢᬸᬲ᭄ᬳᬦ᭄ᬢᬸᬓ᭄ᬳᬶᬤ᭄ᬯᬕᬸᬂ᭞ᬧᬗ᭄ᬕᬵᬲᬸᬩᬦᭂᬦ᭄ᬫᬗᬯᬕ᭄᭞ᬳ᭄ᬜᬾᬦ᭄ᬳᬦᬓᬾᬢᬓᭀᬦᬶᬦ᭄᭟ᬳᬶᬢ᭄ᬭᬸᬧ᭄ᬓ᭄ᬤᬾᬓ᭄ᬫᬦᬶᬫ᭄ᬩᬮ᭄᭞ᬳᬭᬄᬗᬸᬤᬤ᭄ᬩᬕᬸᬲ᭄ᬓᬸᬭᬶᬂᬧᬮᬶᬂ᭞ᬫᬲᭂᬲ᭄ᬋᬧ᭄ᬧᬢᬶᬳᭂᬦ᭄ᬢᬸᬮ᭄ᬫᬗ᭄ᬓᬶᬦ᭄ᬢ᭄ᬬᬂᬗᬦ᭄ᬤᬬᬂ᭞ᬳᬦᬓᬕᬸᬂᬩᬕᬸᬲ᭄ᬓᬭᬂᬧᬮᬶᬂ
ᬤᬸᬳᬸᬃ᭞ᬦᬾᬫᬧᬧᬰᬶᬄᬳᬶᬤᭀᬤᬵ᭞ᬧᬸᬦᬶᬸᬢ᭄ᬭᬾᬂᬚᬕᬵᬭᬕ᭄ᬕᬯ᭄ᬬᬓ᭄ᬢᬶ᭟ᬩᬕᬸᬲ᭄ᬢᬸᬃᬧ᭄ᬭᬕᬮ᭄ᬩᭂ᭞ᬭᬕᬵᬮᬫᬸᬤ᭄ᬧᬫᬸᬮᬸᬲᬯᬂᬢᬗᬶ᭞ᬜᬮᬂᬳᬮᬸᬲ᭄ᬩᬸᬓᬵᬕ᭄ᬭᬸᬲ᭄ᬘᬘᬶᬗᬓ᭄ᬗᭂᬤᬄᬘᬓ᭄ᬘᬓ᭄᭞ᬩᬶᬦ᭄ᬱ᭄ᬯᬩᬯ᭄ᬯᬫᬦᬶᬲ᭄ᬫᬳᭀᬫ᭄ᬩᬓᬦ᭄ᬚᬸᬭᬸᬄ᭞ᬢᬦ᭄ᬧᬾᬦ᭄ᬤᬄ
ᬕᬦ᭄ᬤᬃᬯ᭄ᬯᬭᬚᬵ᭞ᬳᬶᬤᬾᬯᬕᬸᬂᬮᬶᬦ᭄ᬢᬂᬳᬚ᭄ᬭᬶᬄ᭟ᬫᬮᬶᬄᬳᬶᬤᬵᬦᬾᬳᬮᬶᬢᬦ᭄᭞ᬳᬦᬓᬕᬸᬂᬩᬕᬸᬲ᭄ᬗᬸᬭᬄᬧᬧᬰᬶᬄ᭞ᬳᬶᬤᭀᬕ᭄ᬓᬾᬦ᭄ᬢᭂᬦ᭄ᬳᬶᬤᬾᬯᬕᬸᬂᬩᬕᬸᬲ᭄ᬫᬦᬶᬲ᭄ᬫᬜᬤᬦ᭄᭞ᬘᬘᬶᬗᬓᬾᬜᭂᬜᭂᬃᬫᬦᬶᬲ᭄ᬲᬤᬮᬸᬭᬸ᭞ᬧᬦ᭄ᬢᭂᬲ᭄ᬯᬳᬸᬤᬶᬧᬫᬺᬫ
ᬦ᭄᭞ᬦᬶᬓᬵᬧᬸᬢ᭄ᬭᬾᬂᬘᬭᬂᬲᬭᬶ᭟ᬲᬫ᭄ᬮᬶᬄᬦᬾᬳᬶᬦᬸᬘᬧ᭄᭞ᬧᬮᬶᬂᬓᬾᬫᬦ᭄ᬢᬢ᭄ᬓᬮᬵᬭᬶᬂᬚᬶᬦᭂᬫ᭄ᬭᬶᬓ᭄᭞ᬘ᭄ᬝᬵᬫᬦᬢᬓᬶᬦ᭄ᬓᬬᬸᬦ᭄ᬫᬦᬶᬲ᭄ᬩᬕᬸᬲ᭄ᬫᬩ᭄ᬗᬤ᭄᭞ᬳᬦᬓᬕᬸᬂᬩᬕᬸᬲ᭄ᬚ᭄ᬮᬦ᭄ᬝᬶᬓ᭄ᬦᬶᬓᬵᬓᬲᬸᬩ᭄᭞ᬭᬚᬧᬸᬾᬢᬺᬲ᭄ᬫᬭᬧᬸᬭᬵᬳᬶᬧ᭄ᬕᭂᬕ᭄ᬋᬓᬾᬧ
[᭔᭖ 46 A]
ᬧᬰᬶᬄ᭟ᬭᬚᬵᬧᬸᬢ᭄ᬭᬾᬂᬓᭂᬫ᭄ᬩᬃᬚ᭄ᬜᬃᬯᬃᬡ᭄ᬦᬩᬕᬸᬲ᭄ᬢᬸᬳᬸᬮᬦᬂᬗᬶᬂᬚᬸᬭᬶᬢ᭄᭞ᬓᬤᬶᬳᬧ᭄ᬱᬭᬵᬳᬦᬸᬭᬸᬦ᭄ᬩᬕᬸᬲ᭄ᬭᬳᬶᬧ᭄ᬱᬾᬗᬦ᭄᭞ᬲᬦᬾᬲᬓᬶᬂᬧᬦ᭄ᬤᬦ᭄ᬲᬮᬲ᭄ᬩᬕᬸᬲ᭄ᬦᬸᬮᬸᬲ᭄᭞ᬳᬦᬓᬕᬸᬂᬩᬕᬸᬲ᭄ᬳᬶᬓᬵ᭞ᬲᬫᬶᬓᬧᬺᬡ᭄ᬦᬄᬫᬶᬗ᭄ᬓᬮᬶᬄ᭟ᬦᬓᬕᬸᬂᬩᬕᬸᬲ᭄ᬫ
ᬤᬾᬳᬶᬤᬵ᭞ᬫᬧᬧᬚᬂᬰᬶᬄᬳᬶᬓᭂᬲ᭄ᬬᭂᬕ᭄ᬫᬫᬶᬗ᭄ᬲᬶᬓᬶ᭞ᬳᬦᬓ᭄ᬩᬕᬸᬲ᭄ᬫᬦᬶᬲ᭄ᬋᬫ᭄ᬧᬸᬄ᭞ᬕ᭄ᬢᬃᬢᬦ᭄ᬧᬤᬵᬧᬤᬵ᭞ᬯᬶᬘᬓ᭄ᬱᬡ᭄ᬦᬦᬾᬦ᭄ᬢᭂᬦ᭄ᬢᬳᬾᬦ᭄ᬳᬗᬦ᭄ᬋᬗᬸ᭞ᬧᬗᬸᬲ᭄ᬱᬶᬂᬲᭀᬮᬳᬂᬳᬶᬤᬵ᭞ᬧᬳᬸᬢᬸᬃᬭᬫ᭄ᬬᬦᬶᬂᬩᬸᬤ᭄ᬥᬶ᭟ᬓᭀᬭᬢᬸᬋᬲᭂᬧ᭄ᬫᬶᬋᬗᬂ᭞ᬭᬕᬵ
ᬭᬕᬦ᭄ᬓ᭄ᬜᭂᬫ᭄ᬗᬦ᭄ᬤᬶᬓᬵᬳᬭᬶᬲ᭄᭞ᬩ᭄ᬦᭂᬄᬓᬾᬓᬲᬳᬸᬩ᭄ᬓᬲᬸᬫ᭄ᬩᬸᬂᬓᬢ᭄ᬓᬾᬂᬦᬸᬲᬦ᭄ᬢᬭᬵ᭞ᬧᬭᬵᬧ᭄ᬭᬪᬸᬢ᭄ᬯᬭᬳᬤᬵᬧᬘᬂᬫᬕᬸᬢ᭄᭞ᬳᭀᬋᬕ᭄ᬭᬫ᭄ᬬᬦᬶᬂᬦ᭄ᬕᬭᬵ᭞ᬩᬦ᭄ᬓᬲᬸᬓᬦ᭄ᬤᬶᬦᬵᬭᬢ᭄ᬭᬶ᭟ᬳᬶᬤ᭄ᬯᬕᬸᬂᬧᬸᬢᬺᬳᬶᬦᬸᬘᬧ᭄᭞ᬲᬩ᭄ᬬᬂᬫᬦᭀᬪᬵᬯ᭄ᬯᬳᬫᬶᬦ᭄ᬤᬾᬂᬩᬸᬫᬶᬳᬾᬧ᭄
ᬱᬭᬵᬫᬭᬶᬦᬸᬭᬸᬦ᭄᭞ᬯ᭄ᬬᬓ᭄ᬝᬶᬢᬦ᭄ᬧᬳᬸᬧᬫᬵ᭞ᬤᬤᬾᬅ᭄ᬳᭀᬓᬵᬓ᭄ᬜᭂᬫ᭄ᬫᬜᬳᬸᬢᬶᬦ᭄ᬳᬮᬸᬲ᭄᭞ᬭᬢᬸᬢᬦ᭄ᬲᬶᬯᬄᬳᬓ᭄ᬘᬧ᭄᭞ᬮᬶᬂᬦᬶᬂᬯᭀᬂᬳᬫᬸᬚᬶᬫᬸᬚᬶ᭟ᬫᬗ᭄ᬭᬯᭀᬲ᭄ᬧᬲᬮᬶᬂᬢᬶᬫ᭄ᬩᬮ᭄᭞ᬢ᭄ᬯᬭᬫᬢᬺᬓ᭄ᬬᬧ᭄ᬳᬗᬦ᭄ᬳᬓᬶᬓᬶᬢ᭄᭞ᬓᬓ᭄ᬭᬸᬬᬸᬓ᭄ᬲᬶᬬᬧᬾᬫᬸᬳᬸᬕ᭄᭞
Page:Bali-lontar-gaguritan-cokoratu-02-250ppi.pdf/46
This page has been proofread.
