[᭔᭙ 49 B]
᭔᭙
ᬳᬶᬤᬳᬶᬤ᭄ᬯᬕᬸᬂᬓᬮᬶᬄ᭞ᬓᬤᬮᭀᬦ᭄ᬧᬶᬦᬳᬦ᭄ᬢᭂᬥᬸᬄᬮᬮᬶᬢ᭄ᬓᬾᬦ᭄ᬗᬢᬸᬦᬂ᭞ᬧᬦᬮᬶᬓᬦ᭄ᬳᬗ᭄ᬕ᭄ᬬᬢᬶᬂᬧᬶᬂᬮᬶᬫᬫᬸᬓᬸᬮ᭄ᬳᬶᬤ᭄ᬯᬕᬸᬂᬓ᭄ᬜᭂᬫ᭄ᬗᬦ᭄ᬤᬶᬓᬵ᭞ᬓ᭄ᬫᭂᬓᬲᬸᬫ᭄ᬦᭂᬧ᭄ᬫᬸᬮᬶᬄ᭟ᬓᭀᬭᬢᬸᬫ᭄ᬧᭂᬲ᭄ᬫᬜᬸᬫ᭄ᬩᬄ᭞ᬦᬸᬦᬲ᭄ᬮᬸᬕᬺᬭᬶᬂᬳᬶᬤᬾᬯᬕᬸᬂ
ᬓᬮᬶᬄ᭞ᬭᬯᬸᬄᬭᬶᬂᬲᬸᬫ᭄ᬦᭂᬧ᭄ᬱᬫ᭄ᬧᬸᬦ᭄ᬳᬶᬩᬸᬂᬫ᭄ᬩᬸᬂᬧᬸᬍᬲ᭄ᬧᬤᬵ᭞ᬘᭀᬓᭀᬭᬢᬸᬗᭀᬘᭀᬓ᭄ᬩᬶᬄᬦᬄᬧᬤᬵᬩᬗᬸᬦ᭄᭞ᬳᬶᬕᬸᬦ᭄ᬢᬂᬲᬸᬩᬵᬗᬮ᭄ᬬᬩ᭄᭞ᬓᭂᬜᭂᬫ᭄ᬮᬳᬸᬢ᭄ᬣᬫᬫᬸᬜᬶ᭟ᬳᬭᬄᬮᬬᬄᬧᬶᬲᬦ᭄ᬢ᭄ᬬᬂ᭞ᬫᬮᬄᬢ᭄ᬬᬂᬳᬶᬢᬸᬦᬶᬫ᭄ᬮᬶᬦᬲᬶ
᭞ᬳᬚᭂᬗᬦ᭄ᬕᬶᬩᬸᬗᬦ᭄ᬭᬳᬸᬄᬫᬃᬕᬶᬄᬚᬦᬶᬗᬚᭂᬗᬂ᭞ᬲᬕᬾᬢ᭄ᬓᬧᬳᬶᬘ᭄ᬮᬩ᭄ᬯᬶᬦ᭄ᬫᬗ᭄ᬮᬸᬗ᭄ᬲᬸᬃ᭞ᬲᬸᬩᬲᬸᬳᬸᬤ᭄ᬫᬗᬚᭂᬗᬂ᭞ᬳᬶᬕᬭᬾᬂᬕᬭᬶᬢ᭄ᬜᬢ᭄ᬫᬜᬭᬶᬓ᭄᭟ᬳ᭄ᬦᭂᬗᬂᬦᬾᬤᬶᬓᭀᬭᬶᬧᬦ᭄ᬤᬶᬕᬕ᭄ᬮᬂᬚᬦᬶᬳᬸᬘᬧᬂᬓᬶᬓᬶᬢ᭄ᬦᬕᬭᬦᬾᬮᬶᬦ᭄ᬢᬂᬮᬗᬸ
ᬲᬓ᭄ᬱᬢ᭄ᬤᬶᬳᬶᬦ᭄ᬤᬻᬮᭀᬓᬵᬳᬯᬺᬕ᭄ᬳᬸᬫ᭄ᬬᬂᬕᬸᬫᬸᬭᬸᬄᬲᬓᬸᬯᬸᬓᬸᬯᬸᬢᬦᬦᬵᬩᬬᬓᬭᬲᬵᬓᬦ᭄ᬲ᭄ᬬᬂᬭᬢ᭄ᬭᬶ᭟ᬲᬭᬯᬸᬄᬳᬶᬤ᭄ᬯᬕᬸᬂᬧᬸᬢᬺᬫᬗ᭄ᬯᬸᬯᬸᬳᬶᬦ᭄ᬍᬕᬦ᭄ᬚᬕᬢᬾᬲᬫᬶᬫ᭄ᬓᬤᬶᬜᬳᬶᬤᬾᬯᬕᬸᬂᬳᬚᬶᬳᬶᬤ᭄ᬯᬕᬸᬂᬩ᭄ᬬᬂᬳᬶᬤᬾᬯᬕᬸᬂᬮᬦᬂᬓᬮᬶᬦ᭄ᬢᬗᬶᬂ
[᭕᭐ 50 A]
ᬳᬦᬸᬢ᭄ᬢ᭄ᬯᬭᬤᬵᬢᬳᬾᬦ᭄ᬧᬧᬲᬄᬫᬗᬶᬭᬶᬂᬲᬳᬸᬭᬳᬭᬶᬄ᭟ᬤᬤ᭄ᬯᬧ᭄ᬭᬧᬸᬢ᭄ᬭᬾᬂᬕᬕ᭄ᬮᬂᬳᬤᭂᬕ᭄ᬘ᭄ᬧᬶᬂᬩᬸᬫᬭᬫ᭄ᬦᬾᬓ᭄ᬮᬶᬄᬯᬃᬡ᭄ᬦᬦᬾᬳᬩᬕᬸᬲ᭄ᬩᬕᬸᬲ᭄ᬫᬩᭂᬩᬭᭀᬧᬜᬮᬄᬭᬕᭂᬕᭂᬜ᭄ᬚᬶᬂᬧᬫᬸᬮᬸᬦᬾᬜᬮᬂᬳᬮᬸᬲ᭄ᬫᬧᬧᬲᬶᬳᬦ᭄ᬤᬶᬕᬜ᭄ᬚᬃᬳᬦᬓ
ᬕᬸᬂᬗᬸᬭᬄᬚ᭄ᬮᬵᬡ᭄ᬝᬶᬓ᭄᭟ᬲᬫᬮᬶᬄᬦᬾᬦᬾᬳᬮᬶᬢᬦ᭄ᬩᬕᬸᬲ᭄ᬕᭂᬜ᭄ᬚᬶᬂᬢᬗ᭄ᬓᭂᬧ᭄ᬲᬤ᭄ᬥᬵᬘᬮᬶᬭᬶᬂᬫᬦᬶᬲᬶᬂᬢ᭄ᬫᬶᬓᬂᬧᬗᬸᬲ᭄ᬩᬶᬱᬵᬫᬗᬮᬧ᭄ᬚᬶᬯᬵᬤᬤᬶᬕ᭄ᬮᬶᬦ᭄ᬳᬶᬤᭀᬤ᭄ᬥᬓ᭄ᬫᭂᬩ᭄ᬭᬶᬬᬸᬓ᭄ᬳᬶᬕᬗ᭄ᬲᬶᬃᬧᬧᬲᬶᬳᬶᬤ᭄ᬥᬵᬳᬦᬓᬵᬕᬸᬂᬫᬤᬾᬚ᭄ᬮᬵᬡ᭄ᬝᬶᬓ᭄᭟ᬳᬶᬤ᭄ᬯᬕᬸᬂᬧᬸᬢᬺᬳᬶᬘᬧᬂᬚᬕᬦ
ᬗ᭄ᬓᬶᬮ᭄ᬳᬬᬢ᭄ᬚᬕᬵᬫᬧᬫᬶᬢ᭄ᬚ᭄ᬜᭂᬫ᭄ᬫᬗᬦ᭄ᬤᬶᬓᬵᬳᬮᬸᬲ᭄ᬢ᭄ᬓᭂᬳᬮᬶᬄᬳᬶᬤᭀᬤ᭄ᬥᬵᬫ᭄ᬧᭂᬲ᭄ᬜᭂᬫ᭄ᬩᬄᬳᬶᬓ᭄ᬘᬶᬬᬮ᭄ᬩᬘᬢ᭄ᬩᬗᬸᬦ᭄ᬚᬤ᭄ᬫᬵᬫᬸᬮᬘᬾᬲ᭄ᬢᬓᬭᬵᬘ᭄ᬝᭂᬢᬸᬃᬧ᭄ᬭᬢᬫᬾᬂᬯᬗ᭄ᬲᬶᬢ᭄᭟ᬤᬶᬩᬺᬚᬶᬓᭂᬜ᭄ᬚᭂᬓᬦ᭄ᬳᬸᬫ᭄ᬬᬂᬳᬦᬓᬕᬸᬂᬲᬮᬾᬂᬕᭀᬜ᭄ᬚᬓᬶᬦ᭄ᬓᬜ᭄ᬘᬶᬢ᭄ᬳᬶᬓ᭄ᬘᬶᬬᬮ᭄ᬭᬯᬸᬄᬫ᭄ᬧᬶ᭠
ᬲ᭄ᬜᭀᬗ᭄ᬓᭀᬓ᭄ᬫᬜᬸᬫ᭄ᬩᬄᬭᬢᬸᬤ᭄ᬯᬕᬸᬂᬢᬶᬢ᭄ᬬᬂᬓᬤᬯᬸᬄᬫᬦᬸᬳᬸᬃᬧᬮᬸᬗ᭄ᬕᬸᬄᬘᭀᬓᭀᬃᬳᬶᬤᬾᬯ᭄ᬯᬳᬶᬤᭀᬤ᭄ᬥᬵᬓ᭄ᬜᭂᬫ᭄ᬜᬯᬸᬢᬶᬦ᭄᭟ᬳᬶᬤᬾᬯᬕᬸᬂᬚᬦᬶᬤᬶᬚᬵᬜᬾᬦ᭄ᬫᬦᬗ᭄ᬓᬶᬮ᭄ᬳᬶᬘᬶᬬᬮ᭄ᬫᬢᬸᬃᬳᬭᬶᬲ᭄ᬲᬦᬾᬯᬳᬸᬓᬭᬶᬲᬸᬳᬸᬂᬓᬾᬫᬳᭀᬦ᭄ᬜᬫᬵᬭᭀᬩᬦ᭄ᬳᬶᬤᬾ
Page:Bali-lontar-gaguritan-cokoratu-02-250ppi.pdf/50
This page has been proofread.
