[᭕᭓ 53 B]
᭕᭓
ᬦᬾᬧᬢ᭄ᬧᬢ᭄ᬲᬸᬩᬵᬧᬤᬵᬫᬗᬋᬧᬂᬫ᭄ᬧᭂᬲᬸᬫ᭄ᬩᬳᬾ ᬳᬲᬶᬦ᭄ᬘ᭄ᬧᬶᬂᬩᬕᬸᬲ᭄ᬩᬾᬢᬓ᭄ᬢᬗ᭄ᬓᭂᬧ᭄ᬚᬾᬗ᭄ᬮᬃᬧ᭄ᬭᬢᬫᬵᬧᬳᬸᬢ᭄ᬤᬤᬶᬢ᭄ᬭᬶᬦᬵᬮᭀᬚᬶᬳᬶᬤ᭄ᬯᬕᬸᬂᬧᬸᬢᬺᬜᭂᬜᭂᬃᬜᭂᬜᭂᬃᬫᬗᬓ᭄ᬱᬶ᭟ᬳᬦᬓᬵᬕᬸᬂᬩᬕᬸᬲ᭄ᬓᬭᬂᬫᬗᭂᬦ᭄ᬤᬶᬓᬵᬦᬾᬳᬶᬩ
ᬧᬘᬂᬫᬸᬮᬶᬄᬗᬶᬂᬤᬤᬓ᭄ᬤᬤᬓᬦ᭄ᬳ᭄ᬥᬵᬫᬓ᭄ᬮᭀᬚᬸᬫᬄᬳᬾᬗ᭄ᬕᬮ᭄ᬫᬮᬶᬧᭂᬢᬦ᭄ᬫᬳᬶᬫᬩ᭄ᬭᬶᬬᬸᬓ᭄ᬜᬸᬫ᭄ᬩᬄᬲᬦᬾᬓᬤᬸᬳᬸᬄᬲᬫᬶ᭟ᬳᬦᬓᬵᬕᬸᬂᬩᬕᬸᬲ᭄ᬭᬫᬾᬢᬸᬃᬕ᭄ᬢᬃᬤᬾᬯᬕᬸᬂᬫᬵᬃᬕ᭄ᬕᬶᬤ᭄ᬮᭀᬓᬶᬦ᭄ᬳᬶᬤᬾᬯᬕᬸᬂᬮᬦᬂᬲᬶᬜᬢᬾᬲᬗᭂᬢ᭄ᬲᬸᬗᬓᬦ᭄ᬳᬶᬢᬸ
ᬦᬶᬭᬸᬓ᭄ᬱᬓ᭄ᬢᬸᬃᬕ᭄ᬲᬶᬢ᭄ᬳᬶᬤ᭄ᬯᬕᬸᬂᬧᬸᬢᬺᬓ᭄ᬜᭂᬫ᭄ᬗᬦ᭄ᬤᬶᬓᬵᬳᬭᬶᬲ᭄᭟ᬚᬮᬄᬧᬤᬦ᭄ᬮᭀᬓᬶᬦ᭄ᬳᬚᬓ᭄ᬫᬓ᭄ᬚᬂᬩ᭄ᬭᬶᬬᬸᬓ᭄ᬱᬫᬶᬫᬫ᭄ᬭᬵᬕ᭄ᬕᬶᬳᭂᬦᭂᬗᬗᬸᬘᬧᬂᬤᬶᬓᭀᬭᬶᬧᬦ᭄ᬘ᭄ᬭᬶᬢᬬᬂᬓᭀᬭᬢᬸᬗ᭄ᬮᬾᬤᬗᬶᬦ᭄ᬕᬸᬫᬶᬫᬲᬸᬓᬦ᭄ᬲᬸᬓᬦ᭄ᬭᬫᬾᬭᬳᬶᬦᬵᬯ᭄ᬗᬶ᭟ᬢᬗ᭄ᬓᬶᬮᬦᬾ ᬤᬶᬲᬸ
ᬫ᭄ᬦᭂᬧ᭄ᬘᬭᬶᬢ᭄ᬣᬬᬂᬧᬤᬦ᭄ᬥᬵᬫᬶᬦᬵᬓᬤᬶᬳᬶᬤᬩᬕᬸᬲ᭄ᬗᬸᬭᬄᬧᬸᬗ᭄ᬕᬯᬵᬮᬦ᭄ᬧᬺᬫᬜ᭄ᬘᬫᬓᬤᬶᬘᭀᬓᭀᬃᬤ᭄ᬥᬭᬳᬶᬳᬶᬕᬸᬲ᭄ᬢᬸᬗᬸᬭᬄᬲᬫᬸᬗᬤᭂᬧᬾᬂᬲᬶᬣᬶ᭟ᬳᬶᬤᬾᬯᬕᬸᬂᬳᬚᬶᬓ᭄ᬜᭂᬫ᭄ᬫᬗᬦ᭄ᬤᬶᬓᬵᬜᭂᬜᭂᬃᬫᬢ᭄ᬭᬸᬄᬕᭂᬦ᭄ᬤᬶᬲ᭄ᬧᬭᬄᬦᬾᬤᬶᬗᭂᬳᬂᬘᬳᬶᬧ᭄ᬦᬾ ᬓᬂᬯ᭄ᬯᬵᬓᬧ᭠
[᭕᭔ 54 A]
ᬗ᭄ᬓᬢ᭄ᬫᬦ᭄ᬤᬤᬶᬯᬓᬶᬮ᭄ᬫᬗᬶᬲᬶᬧᬜ᭄ᬚᬓ᭄ᬥᬵᬘᬳᬶᬫᬓ᭄ᬮᬶᬤ᭄᭟ᬘᭀᬓᭀᬃᬭᬢᬸᬫ᭄ᬧᭂᬲᬗ᭄ᬕᬫᬵᬢᬸᬃᬜᭂᬫ᭄ᬩᬄᬦ᭄ᬤᬯᭂᬕᬂᬫᬢᬸᬃᬲᬶᬲᬶᬧ᭄ᬤᬸᬭᬸᬂᬳᬦᬂᬧᬬᬃᬫ᭄ᬓᬤᬶᬧᬤᬾᬤᬾᬲᬦ᭄ᬯ᭄ᬬᬤᬶᬦ᭄ᬳᬤᬢᬾᬳᬶᬭᬶᬓᬶᬧᬸᬗ᭄ᬓᬸᬃᬭᬦ᭄ᬭᬢᬸᬢᬶᬢ᭄ᬬᬂᬲᬳᬶᬭᬶᬂ᭟ᬧᬂ᭟ᬓᭀᬃᬤ᭄ᬥ
ᬭᬳᬶᬫᬦᬶᬫ᭄ᬩᬮ᭄ᬦᬄᬳᬶᬗᭂᬢᬂᬤ᭄ᬥᬵᬫᬗ᭄ᬮᭀᬗᬶᬦ᭄ᬫᬸᬜᬶᬧᬤᬦ᭄ᬥᬵᬫᬲᬳᬸᬃᬫᬦᬸᬓ᭄ᬲᬫᬶᬮᬾᬤᬂᬫᬢᬸᬢᬂᬳᬶᬤᬾᬯᬕᬸᬂᬳᬚᬶᬮᬾᬤᬗᬾᬓᬤᬸᬭᬸᬲ᭄ᬓᭀᬭᬢᬸᬫ᭄ᬧᭂᬲ᭄ᬫᬜᬸᬫ᭄ᬩᬄᬫᬳᬢᬸᬃᬳᬭᬸᬫᬵᬫᬦᬶᬲ᭄᭟ᬭᬢᬸᬢᬶᬢ᭄ᬬᬂᬫᬦ᭄ᬤᬯᬕᬂᬗ᭄ᬮᬸᬗ᭄ᬲᬸᬃᬮᬸᬕᬺᬧᬘᬂ
ᬫᬓᬵᬃᬬ᭄ᬬᬢᬗ᭄ᬲᬶᬭᬶᬂᬫᬬᬵᬰ᭄ᬭᬗ᭄ᬕᬵᬤᬾᬯᬕᬸᬂᬤᬗᬶᬦ᭄ᬢᬫᬦ᭄ᬧᬸᬦᬶᬓᬵᬓᬦ᭄ᬢᭂᬦᬧᬓ᭄ᬓᬓᬬᭀᬦᬦ᭄ᬳᬶᬧᬸᬦᬢᬸᬩ᭄ᬭᬚᬸᬫᬵᬲ᭄ᬫᬚᬚᬃᬚᬚᬃᬗᬸᬗᬗ᭄ᬓᬦ᭄ᬢᭂᬦ᭄ᬲᬓᬶᬂᬫᬵᬃᬕ᭄ᬕᬶ᭟ᬳᬶᬤ᭄ᬯᬕᬸᬂᬘᬦᭂᬕ᭄ᬫᬶᬋᬗᬂᬲᬸᬯᬾᬫ᭄ᬦᭂᬂᬢ᭄ᬯᬭᬵᬕᬦ᭄ᬢᬲ᭄ᬜᬯᬸᬭᬶᬦ᭄ᬫᬗᬵᬫᬧᬶᬦᭂᬄᬤᬶᬓᬬᬸᬦ᭄ᬩ
ᬦ᭄ᬢᭂᬗᭂᬢᬾᬓᬮᬶᬦ᭄ᬢᬂᬤᬤᬶᬫᬵᬃᬫ᭄ᬫᬮᬳᬸᬢ᭄ᬫᬗᬦ᭄ᬤᬶᬓᬵᬳᬮᬸᬲ᭄ᬓᬸᬤᬸᬜᬓ᭄ᬫᬧᬗᬶᬤᬶᬳᬦ᭄ᬦᬕᬶᬄᬦᬾᬤᬸᬃᬕ᭄ᬕᬫᬵᬯᬶᬱ᭄ᬝᬶ᭟ᬢᬦ᭄ᬲᬓᬾᬂᬯ᭄ᬯᬵᬫᬗᬺᬓᭂᬢᬂᬮᬾᬦᬦ᭄ᬢᬕᬶᬄᬤᬶᬢᬸᬩᬲ᭄ᬢ᭄ᬗᭂᬢ᭄ᬕᬢᬶᬢᭀᬜᬦ᭄ᬜᬦᬾᬓᭀᬘᬧ᭄ᬤᬶᬢᬸᬩᬦᬲ᭄ᬧᬢᬶᬭᬚᬵᬓ᭄ᬭᬸᬭᬓᬭᬵ
Page:Bali-lontar-gaguritan-cokoratu-02-250ppi.pdf/54
This page has been proofread.
