[᭖᭖ 66 B]
᭖᭖
ᬫᬗᬤᭂᬕ᭄ᬲᭀᬭᬶᬂᬓᬢᬧᬂ᭟ᬓᬨᬮᬾᬲᬸᬩᬫᬮᬬᬃᬲᬸᬗᬸᬦ᭄ᬜᬦᬾᬗᭂᬫ᭄ᬩᭀᬜᭂᬭᬶᬢ᭄ᬜᭂᬍᬃᬧᬮᬬᬭᬾᬕᬗ᭄ᬲᬃᬩ᭄ᬘᬢᬦ᭄ᬢ᭄ᬓᬦᬶᬂᬳᬗᬶᬦ᭄ᬳᬦ᭄ᬤᬸᬲᬾᬜᭂᬍᬕ᭄ᬧᬸᬢᬶᬄᬫᬧᬫ᭄ᬗᬸᬭᬸᬗᬦ᭄ᬳᬓᬸᬢᬸᬲ᭄ᬜ᭄ᬚᬸᬚᬸᬃᬢᬸᬩᬦ᭄ᬓᭀᬭᬶᬧᬦ᭄ᬩ᭄ᬘᬢᬸᬦ᭄ᬤᬶᬲ᭄ᬓᬧᬲᬶᬲᬶᬳᬶᬚᬸᬭᬕᬦ᭄ᬫᬸᬮᬂᬫᬗ᭄ᬕᬃ
ᬮᬸᬢ᭄ᬫᬘᬂᬘᬂ᭟ᬓᬢᬸᬗ᭄ᬓᬾᬮᬗᬦ᭄ᬲᬜ᭄ᬚᬢ᭄ᬯᬭᬲᬶᬤᬵᬢᬸᬳᬸᬦ᭄ᬚᬦᬶᬫᬗᬶᬦᭂᬧ᭄ᬳᬶᬧᬸᬦ᭄ᬤᬶᬓᬨᬮ᭄ᬧ᭄ᬢᭂᬂᬢᬦ᭄ᬓᭀᬘᬧ᭄ᬦᬾᬫᬗ᭄ᬓᬶᬦ᭄ᬩᬸᬫᬭᬩᬳᬕ᭄ᬓᬗᬶᬦ᭄ᬳᬶᬚᬸᬭᬕᬦ᭄ᬧᬤᬫᬸᬳᬸᬕ᭄ᬦᬸᬳᬸᬦᬂᬲ᭄ᬢᬸᬫ᭄ᬩ᭄ᬭᬕᬲ᭄ᬚᬸᬓᬸᬂᬧᬗᬸᬜ᭄ᬚᬮ᭄ᬫᬓᬤᬶᬮᬳᬸᬢᬸᬳᬸᬦ᭄ᬩᬩᬦ᭄ᬤᬭᬦᬾᬫᬓ᭄ᬚᬂ᭟
ᬫ᭄ᬓᬤᬶᬳᬶᬚᬶᬢᬵᬭᬕᬵᬩ᭄ᬘᬢ᭄ᬲᬸᬩᬤᬶᬧᬲᬶᬲᬶᬫᬭᬾᬭᬾᬦ᭄ᬧᬤᬵᬫᬦ᭄ᬕᬓ᭄ᬳᬶᬯᬶᬭᭀᬤᬬᬗᬸᬮᬧᬶᬦ᭄ᬦᬾᬗᭂᬤᬾᬦᬶᬦ᭄ᬧᬲᬶᬲᬶᬫ᭄ᬦᬕᬶᬄᬚᬮᭂᬫᭂᬮᬳᬸᬢ᭄ᬓᬮ᭄ᬗᬩᬩᬩᬦ᭄ᬤᬭᬦ᭄ᬳᬶᬓᬮ᭄ᬬᬂᬫᬗᬭᬳᬶᬦ᭄ᬭᬾᬜ᭄ᬘᬂᬮᬶᬬᬸᬤᬶᬧᬲᬶᬲᬶᬲᬸᬩᬩᬸᬶᬗᬫ᭄ᬩ᭄ᬬᬃ᭟
ᬢᬦ᭄ᬓᭀᬘᬧ᭄ᬲᬸᬩᬫᬚᬮᬦ᭄ᬳ᭄ᬦᭂᬗᬂᬫᬮᬸᬤᬶᬫᬃᬕ᭄ᬕᬶᬓᭀᬭᬢᬸᬚᬦᬶᬳᬸᬘᬧᬂᬤᬶᬳᬫ᭄ᬩᬾᬦ᭄ᬮᭀᬚᬶᬫᬮᬶᬗ᭄ᬕᬶᬄᬧᬢᬶᬄᬭᬢ᭄ᬣᬦᬾᬦᬗ᭄ᬓᬶᬮ᭄ᬦᬾᬦᬾᬤᬤ᭄ᬯᬩᬋᬂᬤᬶᬢᬸᬧᬤᬗᬤᭂᬧᬾᬍᬫᬄᬤ᭄ᬬᭂᬫ᭄ᬢ᭄ᬯᬭᬩᬦᬶᬗᬸᬢᬶᬢ᭄ᬘᭀᬓᭀᬭᬢᬸᬓ᭄ᬜᭂᬫ᭄ᬭᬭᬶᬲ᭄ᬫᬗ
[᭖᭗ 67 A]
ᬦ᭄ᬳᬶᬓ᭟ᬚᬦᬶᬓᬳᬶᬗᬦ᭄ᬢ᭄ᬬᬂᬮᬸᬯᬲ᭄ᬓᬦᬵᬕᬭᬧᬘᬂᬦᬗ᭄ᬓᬶᬮ᭄ᬓ᭄ᬫᬗᬮᬶᬄᬲᬶᬲᬶᬳ᭄ᬳᬾᬗ᭄ᬕᬮ᭄ᬧᬲᬳᬦᬾᬳᬩᬫᬳᬶᬧᬢᬶᬄᬧᬢᬶᬄᬭᬢ᭄ᬣᬗᬬᬳᬶᬦ᭄ᬓᭀᬭᬢᬸᬓᬩᬾᬚᬶᬲᬫ᭄ᬧᬸᬦ᭄ᬮᭀᬅ᭄ᬳᬤᬾᬜ᭄ᬫᬓ᭄ᬯᬲ᭄ᬢ᭄ᬭᬮᭀᬅ᭄ᬗᬫᬲᬸᬯᬂᬍᬗᬶᬲ᭄ᬧ᭄ᬢᬶᬦ᭄ᬤᬲ᭄ᬢᬃᬳᬮᬶᬳᬮᬶᬦ᭄ᬓᬯᬘᬵ᭞ᬓᭀᬭᬢᬸᬲᬸᬩᬫᬲᬶ
ᬭᬫ᭄ᬓᬳᬫ᭄ᬩᬾᬦ᭄ᬮᭀᬚᬶᬫᬲᬸᬭᬶᬫᬗᬶᬮᭀᬦᬧ᭄ᬳᬧᬂᬭᭀᬫᬓ᭄ᬜᭂᬫᬗᬦ᭄ᬤᬶᬓᬵᬳᬭᬶᬲ᭄ᬓᬫ᭄ᬩᭂᬦᬾᬳᬩᬫᬳᬶᬮᭀᬅ᭄ᬳᬤᬾᬗᬢᬸᬭᬂᬲᬫ᭄ᬧᬸᬦ᭄ᬯᬲ᭄ᬢ᭄ᬭᬕᬕᬸᬮᬸᬂᬕᬤᬂᬫᬓᬓᬬᭀᬦᬦ᭄ᬗᬾᬤᬦᬶᬦ᭄ᬲᬸᬩᬧᬳᬸᬢ᭄ᬫᬧᬧ᭄ᬓᬓ᭄ᬩᬢᬶᬓ᭄ᬲᬸᬢ᭄ᬭ᭟ᬫᬓᬫ᭄ᬧᬸᬄᬧᬧᬳᬸᬢᬦ᭄ᬕᬕᬸᬮᬸᬂᬤᬤᬸᬶᬤᬸᬫ
ᬢ᭄ᬮᬸᬓᬶᬫᬳᬸᬫ᭄ᬧᬮ᭄ᬓᬸᬦᬶᬂᬲᬸᬢ᭄ᬭᬲ᭄ᬓᬯᬘᬵᬩᬶᬮᬸᬤ᭄ᬭᬸᬢᬗᬶᬫᭀᬤ᭄ᬭᬾᬩᬶᬦ᭄ᬢᬂᬩᬄᬦᬭᬶᬳᬗ᭄ᬕᬯᬾᬭᬕᬵᬓᬸᬂᬮᬸᬮᬸᬢ᭄ᬭᬕᬵᬫ᭄ᬭᭀᬲ᭄ᬗᬮᬸᬗ᭄ᬕᬂᬢᬗᬦᬾᬳᬮᬸᬲ᭄ᬗᬾᬤᬦᬶᬦ᭄ᬚ᭄ᬭᬶᬚᬶᬭᬸᬭᬸᬲ᭄ᬳᬮᬶᬳᬮᬶᬫᬫᬦᬶᬲᬦ᭄᭟ᬫᬜᬸᬂᬓ᭄ᬮᬶᬢ᭄ᬳᬶᬚᬬᬮᬩᬓ᭄ᬜᭂᬫ᭄ᬫᬗᬦ᭄ᬤᬶᬓᬵᬳᬭᬶᬲ᭄ᬘᬫ᭄ᬘ᭄ᬬᭀᬚᬭᬦᬾᬳᬩᬧ
ᬘᬂᬳᬢᬸᬭᬂᬓᬧᬸᬭᬶᬳᬶᬕᬭᬾᬂᬗᬩᬧ᭄ᬢᬶᬳᬶᬕᬭᬶᬢ᭄ᬓᬫ᭄ᬧᬾᬓᬾᬢᬶᬓᬸᬮ᭄ᬧᬢᬶᬄᬭᬢ᭄ᬣᬦᬾᬲᬫ᭄ᬬᬦ᭄ᬧ᭄ᬭᬬᬜᬧᬘᬂᬫᬗᬶᬭᬶᬂᬘᭀᬓᭀᬭᬢᬸᬗᬦ᭄ᬤᭂᬕᬂᬭᬭᬶᬲ᭄ᬫᬫᬃᬕ᭄ᬕᬵ᭟ᬚᬗ᭄ᬕᭂᬮᬗ᭄ᬳᭂᬦᬸᬤᬶᬚᬮᬦ᭄ᬳᬶᬚᬯᬵᬭᬕᬵᬩᬮᬶᬓᬶᬦ᭄ᬲᬸᬩᬢ᭄ᬓᬤᬶᬦᭂᬕᬭᬳᬶᬤᬳᬶᬤᬾ
Page:Bali-lontar-gaguritan-cokoratu-02-250ppi.pdf/67
This page has been proofread.
