[᭗᭓ 73 B]
᭗᭓
ᬦ᭄ᬱᬶᬓᬸᬩ᭄ᬯᬶᬦ᭄ᬓ᭄ᬤᬾᬓᬾᬫᬩ᭄ᬭᬶᬬᬸᬕ᭄ᬘᭀᬓᭀᬭᬢᬸᬗᬸᬮ᭄ᬬᬂᬢᬸᬮᬶᬲ᭄᭟ᬭᬫᭂᬲ᭄ᬮᬸᬢ᭄ᬫᬕᬕᭀᬜ᭄ᬚᬓᬦ᭄ᬲᬸᬩᭂᬧ᭄ᬢᭂᬂᬳᬶᬗᬦ᭄ᬧ᭄ᬢᬂᬧᬸᬮᬶᬓ᭄ᬳᬶᬩᬸᬂᬫ᭄ᬩᬂᬫᬭᬲᬳᬬᬸᬩ᭄ᬤᬤᬶᬫᬫᬸᬜᬶᬗᬫ᭄ᬧᬃᬚᬮᬦ᭄ᬧᬤᬵᬫᬸᬮ᭄ᬬᬦ᭄ᬤᬶᬦᬶᬩᬰᬬᬸᬩ᭄ᬫᬩ᭄ᬭᬶᬬᬸᬓ᭄ᬧᬤᬵᬫᬸᬮ᭄ᬬᬦ᭄
ᬫᬕᬩ᭄ᬬᬸᬕ᭄ᬲᬮᬶᬂᬮᬂᬓᬸᬗᬶᬦ᭄᭟ᬲᬫ᭄ᬩᬶᬮᬂᬫᬭᬭᬳᭀᬲᬦ᭄ᬢ᭄ᬯᬭᬫᬢ᭄ᬭᬓᬶᬬᬧ᭄ᬳᬗᬦ᭄ᬳᬓᬶᬓᬶᬢ᭄ᬯᬶᬭᬾᬄᬢᬼᬩ᭄ᬧᬤᬜᬸᬫ᭄ᬧᬸᬤᬶᬓ᭄ᬦᭂᬄᬧᬤᬵᬳᬤᬵᬫᬓᬮ᭄ᬫᬄᬫᬗ᭄ᬭᬳᭀᬲ᭄ᬧᬤᬮᬶᬂᬕᬸᬮ᭄ᬕᬸᬮ᭄ᬓᭀᬭᬢᬸᬲᬤᬵᬓᬢᬺᬲᬦ᭄ᬤ᭄ᬫᭂᬦ᭄ᬓᬾᬦ᭄ᬳᬶᬢᬫᬾᬂᬯᬶᬱ᭄ᬝᬶ᭟
ᬧᬤᬫᬗ᭄ᬮᬄᬳᬫᭀᬗᬦ᭄ᬫᬓᬧᬢ᭄ᬧᬢ᭄ᬮ᭄ᬕᬦᬾᬢᬦ᭄ᬲᬶᬦᬶᬧᬶᬤᬾᬦᬶᬂᬧᬯᬶᬮᬗᬦ᭄ᬧᬢᬸᬄᬧᬤᬵᬩᬶᬦᬮ᭄ᬲᬳᬾᬓᬵᬢ᭄ᬯᬭᬧᬸᬍᬲᬕᬾᬢ᭄ᬧᬦᬮᬶᬓ᭄ᬧᬶᬂᬧᬶᬢᬸᬓᭀᬭᬢᬸᬫᬢᬭᬾᬓ᭄ᬩᬸᬤᬮ᭄ᬜᬦᬦ᭄ᬢ᭄ᬬᬂᬩ᭄ᬯᬶᬦ᭄ᬫᬳᬶ᭟ᬳᬶᬚᬶᬯᬵᬭᬕᬵᬫᬗ
ᬯᬕ᭄ᬮᬯᬾᬸᬶᬯᭀᬦ᭄ᬳᬚᬸᬫ᭄ᬧ᭄ᬢᭂᬂᬫᬕᭀᬕᭀᬫᬸᬮᬶᬄᬳᬶᬢᬫᬾᬂᬯᬶᬱ᭄ᬝᬶᬫᬲᬳᬸᬢ᭄ᬤᬢᬧᬧᬓ᭄ᬳᬦ᭄ᬤᭂᬕᬂᬘᭀᬓᭀᬭᬢᬸᬓ᭄ᬜᭂᬫ᭄ᬩᬸᬓᬵᬫᭂᬫ᭄ᬩᬄᬚᬸᬭᬸᬄᬢᬦ᭄ᬓᭀᬭᬧᬲᬸᬩᬮ᭄ᬫᬄᬭᬭᬶᬲ᭄ᬩᬸᬤᬮ᭄ᬱᬋᬂᬲᬫᬶ᭟ᬘᬢᬸᬃᬧᬦ᭄ᬤᬸᬗᬾᬳᬘᬧᬂᬲᬸᬩᬢ᭄ᬓᭂᬤ᭄
[᭗᭔ 74 A]
ᬗ᭄ᬮᬳᬸᬢ᭄ᬓᬩᬮᬾᬩ᭄ᬱᬶᬳᬶᬩᬸᬂᬫ᭄ᬩᬸᬂᬫᬫᬸᬜᬶᬳᬮᬸᬲ᭄ᬤ᭄ᬩᬕᬸᬲ᭄ᬫᬕᬶᬄᬜᭂᬫ᭄ᬧᬂᬘᭀᬓᭀᬭᬢᬸᬓ᭄ᬜᭂᬫ᭄ᬩᬸᬓᬫᭂᬫ᭄ᬩᬄᬚᬸᬭᬸᬄᬢᬳᬦᬂᬳᬸᬧᬳᬾᬤᬗ᭄ᬓᬮ᭄ᬩᬶᬦ᭄ᬳᭂᬚᭂᬧ᭄ᬳᬶᬤ᭄ᬯᬕᬸᬂᬫᬸᬶᬓᬸᬶᬮᬸᬶ᭄ᬫᬶᬚᬶᬮ᭄᭟ᬳᬬᬢ᭄ᬫᬲᬸᬘᬶᬲ᭄ᬫᭂᬗᬦ᭄ᬗ᭄ᬕᬳᬾᬲᬸᬭᬢ᭄ᬧᬫᬗᬸ
ᬲ᭄ᬮᬶᬬᬸᬕᬢᬶᬳᬶᬕᬸᬦ᭄ᬢᬂᬳᬤᬾᬂᬫᬲᬳᬸᬢ᭄ᬧᬶᬦ᭄ᬢ᭄ᬬᬂᬢᬳᬦᬗᭂᬦᬧᬶᬳᬗ᭄ᬕᭀᬦ᭄ᬗᬶᬮᬂᬗᬂᬓ᭄ᬬᬧ᭄ᬤ᭄ᬩᬕᬸᬲ᭄ᬓᭀᬭᬢᬸᬓ᭄ᬜᭂᬫ᭄ᬫᬦᬶᬫ᭄ᬩᬮ᭄ᬓᬾᬢᬾᬮᬾᬢᬸᬦ᭄ᬤᬾᬦ᭄ᬫᬸᬦ᭄ᬧᬸᬦᬶᬦ᭄᭟ᬚᬮᬄᬗᬸᬧᬶᬧᬂᬤᬵᬓ᭄ᬬᬧ᭄ᬚᬦᬶᬫᭀᬢᬄᬧᬲ᭄ᬫᭂᬗᬦ᭄ᬗᭀᬧᬶᬍᬕ
ᬫᬃᬡ᭄ᬦᬳᬯᬓ᭄ᬩᬸᬤᬸᬄᬳᬶᬢ᭄ᬭᬸᬧ᭄ᬤᬤᬾᬦᬶᬫ᭄ᬩᬮ᭄ᬳᬸᬭᬦ᭄ᬤᬸᬗᭂᬦ᭄ᬳᬸᬬᬸᬦ᭄ᬓᭀᬢ᭄ᬬᬂᬤ᭄ᬩᬕᬸᬲ᭄ᬢ᭄ᬯᬭᬫᬫ᭄ᬭᬱᬗᭂᬜ᭄ᬚᭂᬓ᭄ᬢᬦᬄᬳᬭᬄᬳᬶᬗ᭄ᬕᬸᬂᬕᬢᬶᬕᬢᬶ᭟ᬓᭀᬭᬢᬸᬮᬸᬢ᭄ᬗ᭄ᬕᬳᬾᬲᬸᬭᬢ᭄ᬦᬕᬶᬄᬳᬫ᭄ᬩᬃᬢ᭄ᬓᬾᬦ᭄ᬚ᭄ᬩᬤ᭄ᬓᬲ᭄ᬢᬸᬭᬶᬳᬸᬤᭂᬂᬧᬢ᭄ᬧᬢ᭄ᬦᬾ
ᬦᬾᬧᬢᬸᬄᬢ᭄ᬓᬾᬦᬶᬂᬩᬢᬶᬓᬺᬫ᭄ᬩᬂᬲᬸᬢ᭄ᬭᬳᭂᬲᬮ᭄ᬧᬢ᭄ᬧᬢ᭄ᬓᬾᬦ᭄ᬭᬶᬗ᭄ᬕᬶᬢ᭄ᬲᬢᬸᬲ᭄ᬬᬮᬓᬃᬢᬶᬢᬶᬧᬂᬮᬸᬯᬲ᭄ᬳᬾᬗ᭄ᬕᬮ᭄ᬢᬸᬮᬓᬂᬳᬶᬕᬭᬶᬢ᭄᭟ᬳᬶᬕᬭᬶᬢ᭄ᬩᬩᬃᬫᬚᬮᬦ᭄ᬗᬩᬢᬸᬮᬶᬲ᭄ᬢ᭄ᬓᭂᬤᬶᬫᬬᬰᬺᬗ᭄ᬕᬶᬵᬧᬢᬶᬄᬭᬢ᭄ᬣ
Page:Bali-lontar-gaguritan-cokoratu-02-250ppi.pdf/74
This page has been proofread.
