[᭗᭙ 79 B]
᭗᭙
ᬮᬶᬢᬦ᭄ᬮᬸᬢ᭄ᬫᬯᬗ᭄ᬲᬶᬢ᭄ᬢᬸᬳᬸᬦ᭄ᬫᬓ᭄ᬚᬂᬚᬭᬓ᭄ᬧᬕ᭄ᬭᬾᬄᬕᬾᬄᬜᭂᬭᬶᬢ᭄᭟ᬳᬶᬩᬦ᭄ᬤᬾᬲᬵᬫᬫᬸᬜᬶᬫᬃᬕ᭄ᬕᬶᬫᬮ᭄ᬬᬦ᭄ᬳᬶᬧᬲᭂᬓ᭄ᬫᬗᭀᬭᬳᬶᬦ᭄ᬭᬾᬜ᭄ᬘᬗᬮᬶᬄᬧᬤᬳᬶᬩᬦ᭄ᬤᬾᬲᬵᬢ᭄ᬯᬢ᭄ᬓᬫᬫᬸᬜᬶᬜᬧᭂᬳᬫᬦᬶᬲ᭄ᬤᬾᬅ᭄ᬳᬫ᭄ᬧᬸᬭᬬᬂᬜᬶᬗ᭄ᬕᬳᬶᬦ᭄ᬜ
ᬫᬵᬫᬶᬲ᭄ᬓᬶᬦ᭄᭟ᬧᬤᬓ᭄ᬜᭂᬫ᭄ᬧᬢᬶᬄᬭᬢ᭄ᬣᬦᬾᬫᬓ᭄ᬚᬂᬫᬲᬳᬸᬢ᭄ᬭᬸᬫᬫᬦᬶᬲ᭄ᬢᬦ᭄ᬜᬦ᭄ᬤᬂᬫᬜ᭄ᬚᬗᬂᬩᬦ᭄ᬤᬾᬲᬵᬢ᭄ᬯᬦᬶᬫ᭄ᬩᬮ᭄ᬗ᭄ᬕᬶᬄᬫᬦ᭄ᬢᬸᬓᬦ᭄ᬗ᭄ᬭᬭᬶᬲ᭄ᬳᬶᬧᬢᬶᬄᬭᬢ᭄ᬣᬘᬋᬫᬦ᭄ᬢᬸᬓᬦ᭄ᬱᬫᬶ᭟ᬲᬸᬩᬢ᭄ᬓᭂᬤᬶᬩᬮᬾᬮᬦ᭄ᬢᬂᬧ᭄ᬭᬦᬫ᭄ᬬᬫᬦᬓ᭄ᬩᬢ᭄ᬮᬦ᭄ᬢᬾᬧᬲ᭄ᬢᬶᬳᬶᬩ
ᬦ᭄ᬤᬾᬲᬵᬢᬸᬯ᭄ᬯᬵᬤᬶᬢᬸᬦ᭄ᬕᬓ᭄ᬫᭂᬦᭂᬫᬦ᭄ᬳᬶᬧᬲᭂᬓ᭄ᬳᬾᬜ᭄ᬘᭀᬂᬗᬳᬸᬓᬶᬦ᭄ᬭᬾᬜ᭄ᬘᬂᬦᬸᬦ᭄ᬤᬾᬦᬂᬦᬩ᭄ᬥᬩᬂᬓᬸᬧᬶᬕ᭄ᬮᬶᬲ᭄᭟ᬲᬸᬩᬧ᭄ᬭᬕᬢ᭄ᬫᬢᬦ᭄ᬤᬶᬂᬓᬸᬧᬶᬮᬦ᭄ᬚᬚᬵᬫᬯᬤᬄᬦᬭᬾᬧᬲ᭄ᬢᬶᬲᬸᬩᬧᬤᬧ᭄ᬭᬕᬢ᭄ᬓᬺᬤᬫ᭄ᬧᬦᬾᬓᭀᬯᬦ᭄ᬭᬾ
ᬜ᭄ᬘᬂᬜᬦᬾ ᬗᬩᬲᬫᬶᬢ᭄ᬓᬫᬓ᭄ᬚᬂᬤᬶᬦᬢᬄᬧ᭄ᬢᭂᬂᬢᬶᬢᬶᬕ᭄᭟ᬲᬸᬩᬧ᭄ᬭᬕᬢ᭄ᬫᬓᬦ᭄ᬤᬗᬦ᭄ᬢ᭄ᬬᬂᬫᬚᬮᬦ᭄ᬢᬗ᭄ᬓᭂᬧᬾᬘᬮᬶᬭᬶᬂᬮᭀᬅ᭄ᬗᬄᬫᬗᬾᬦ᭄ᬢᭂᬭᬂᬗ᭄ᬕᬶᬄᬓᬾᬳᬫ᭄ᬧᬸᬭᬵᬩ᭄ᬮᬶᬚᬚᬦᬾᬓᬲᬃᬫᬘᭂᬫᬘᭂᬫᬦ᭄ᬩᬮᬶ᭟
[᭘᭐ 80 A]
ᬢᬸᬶᬦ᭄ᬓᭀᬸᬶ᭞ᬢᬦ᭄ᬓᭀᬘᬧᬤᬶᬢᬸᬬᬫᬲᬸᬓᬦ᭄ᬱᬸᬓᬦ᭄ᬓᭀᬭᬢᬸᬩᬶᬦ᭄ᬩᬮᬶᬓᬶᬦ᭄ᬚᬦᬶᬘᬭᬶᬢᬬᬂᬢ᭄ᬓᭂᬤᬶᬫᬬᬰ᭄ᬭᬗ᭄ᬕᬵᬲᬸᬳᬸᬗᬾᬫᬳᬶᬭᬶᬩ᭄ᬧᬦ᭄ᬢᬶᬳᬶᬕ᭄ᬭᬦ᭄ᬤᬸᬢ᭄ᬤ᭄ᬯᬂᬫᬗᬶᬚᭂᬂᬤᬶᬩᭂᬢᬯᬶ᭟ᬘᭀᬓᭀᬭᬢᬸᬓ᭄ᬜᭂᬫ᭄ᬭᬭᬶᬲ᭄ᬫᬗᬦ᭄ᬤᬶᬓᬵᬩᬶᬄᬓ᭄ᬚᬲᬸᬳᬸᬂᬤᬶᬦᬶᬦᬂᬕᬸ
ᬭᬦ᭄ᬤᬸᬢ᭄ᬦᬶᬫ᭄ᬩᬮ᭄ᬢᬶᬢ᭄ᬬᬂᬦ᭄ᬤᬾᬦᭂᬗᬶᬚᭂᬂᬩᬾᬦᬵᬢᭂᬦ᭄ᬲᬸᬓᬾᬦᬫᬕ᭄ᬤᬶᬓᭀᬘᬧᭂᬮᬸᬗᭂᬧᬸᬦᬶᬓᬓᬧᭀᬄᬕᬤᬶᬂ᭟ᬘᭀᬓᭀᬭᬢᬸᬓ᭄ᬜᬶᬂᬫᬗ᭄ᬭᬭᬶᬲ᭄ᬫᬸᬗ᭄ᬕᬳᬦ᭄ᬮᬸᬢ᭄ᬫᬗᬦ᭄ᬤᬶᬓᬵᬩ᭄ᬯᬶᬦ᭄ᬓ᭄ᬫᬳᬮᬶᬄᬳᬾᬗ᭄ᬕᬮ᭄ᬳᭀᬭᬳᬂᬓᬳᬶᬢ᭄ᬓᭂᬦᬂᬕᬸᬭᬦ᭄ᬤᬸᬢ᭄
ᬜ᭄ᬫᬓ᭄ᬳᬭᬶᬢ᭄ᬮᬸᬢᬫᬚᬮᬦ᭄ᬢᬦ᭄ᬘᬭᬶᬢ᭄ᬣᬤᬶᬫᬃᬕ᭄ᬕᬶ᭟ᬤᬶᬧᭀᬄᬕᬤᬶᬂᬳᬸᬘᬧᬂᬫᬾᬦᬓᬾᬦᬓᬦ᭄ᬲᬸᬳᬸᬤ᭄ᬗᬫᬄᬫᭂᬮᬮᬶᬫᬦ᭄ᬤᬸᬵᬲ᭄ᬓᬫᬦ᭄ᬤ᭄ᬭᭀᬲᬸᬩᬫ᭄ᬥᬮᬂᬚᬭᬦ᭄ᬫᬗ᭄ᬮᬳᬸᬢ᭄ᬬᬓᬫᬫ᭄ᬮᬶᬂᬩᬶᬮᬂᬳᬤᬗ᭄ᬓᬵᬦᬓᭀᬦᬂᬧᬬᬃᬤᬾᬲᬶ᭞᭠
ᬳᬲᬓ᭄ᬱᬡ᭄ᬦᬲᬸᬩᬬᬢ᭄ᬓᭂᬤᬶᬧᬲᬃᬩᬦ᭄ᬤᬾᬲᬵᬫᬯᬗ᭄ᬰᬶᬢ᭄ᬗᬚᬓᬶᬦ᭄ᬫᬭᬭ᭄ᬬᬦ᭄ᬘᬦᭂᬕ᭄ᬧᬤ᭄ᬳᬫᬓ᭄ᬚᬂᬢᬸᬳᬸᬦ᭄ᬫᬗᬕᭂᬫ᭄ᬘᬫ᭄ᬢᬶᬦ᭄ᬕᬓ᭄ᬫᬗᬫ᭄ᬩ᭄ᬬᬃᬩᬢᬦ᭄ᬩᬳᬶᬗᬶᬦ᭄᭟ᬳᬶᬯᭀᬂᬤᬕᬂᬤᬶᬫᬫ᭄ᬮᬶᬂᬓᬕᬯᭀᬓᬦ᭄ᬢᬸᬫ᭄ᬩᬾᬦ᭄ᬜᬦᬾᬦ᭄ᬧᬸᬓᬶᬦ᭄
Page:Bali-lontar-gaguritan-cokoratu-02-250ppi.pdf/80
This page has been proofread.
