[᭘᭓ 83 B]
᭘᭓
ᬭᬶᬫᬓᬜ᭄ᬘᬶᬂ᭟ᬜᬭᬸᬜᬭᬸᬫᬫᬃᬕᬶᬓᬩ᭄ᬮᬓᬂᬚᬯᬵᬜᬶᬂᬲᬾᬧ᭄ᬭᬬᬫᬗᬶᬦ᭄ᬢᬶᬧ᭄ᬗᬤᭂᬧ᭄ᬫᬳᬮᬶᬗᬦ᭄ᬳᬶᬧᬢᬶᬄᬭᬢ᭄ᬣᬦ᭄ᬕᬓ᭄ᬧᬭᬦ᭄ᬢᬾᬬᬦ᭄ᬗᬩᬓᭀᬧᬶᬜᭂᬩᭂᬂᬳᬶᬚᬫᬃᬫᬫᬸᬜᬶᬢᬸᬂᬢᬸᬂᬚᭂᬗᬶᬲ᭄᭟ᬲᬸᬩᬩ᭄ᬢᭂᬓ᭄ᬦᬂᬕᬸᬭᬦ᭄ᬤᬸᬢ᭄ᬧᬢᬦᬸᬮᬸᬢ᭄ᬫᬦᬶᬫ᭄ᬩᬮ᭄
ᬚ᭄ᬭᭀᬕ᭄ᬥᬾᬫᭂᬗ᭄ᬕᬳᬾᬲᬶᬲᬶᬧ᭄ᬢ᭄ᬬᬂᬧᬬᬸᬲᬮᬄᬳᬶᬲᬤᬍᬲᬄᬦᬶᬫ᭄ᬩᬮ᭄ᬲᬶᬦ᭄ᬢᬸᬂᬍᬕᬦᬾᬫᬮᬮᬶᬳᬤᬩᬦ᭄ᬯ᭄ᬯᬵᬫᭂᬦ᭄ᬤᭂᬧ᭄ᬓ᭄ᬫᬫᬕ᭄ᬥᬶ᭟ᬢᭀᬩᬸᬤᬮᬂᬓᭀᬧᬶᬚᬚᬦᬾᬫᬓ᭄ᬚᬂᬓᭀᬭᬢᬸᬫᬶᬋᬂᬓ᭄ᬜᬶᬂᬮᬳᬸᬢ᭄ᬫᬗᬦ᭄ᬤᬶᬓᬵᬗᬸᬤ᭄ᬬᬂᬧ᭄ᬢᭂᬂᬤᬶᬦᬢᬄᬓᬾ
ᬦ᭄ᬓᬾᬦ᭄ᬢᬸᬲᬶᬂᬳᬤᬍᬗᬶᬲ᭄ᬳᬶᬧᬢᬶᬄᬭᬢ᭄ᬣᬫᭂᬦ᭄ᬤᭂᬧᬤᬵᬫᬫᭂᬦ᭄ᬤᬶᬮ᭄᭟ᬳᬶᬲᬸᬫᬦ᭄ᬢ᭄ᬭᬶᬫᬸᬮᬶᬬᬦ᭄ᬜ᭄ᬘᬓ᭄ᬩᬩᬲᬅ᭄ᬓᭀᬭᬢᬸᬦᬸᬢᬸᬕ᭄ᬮᬶᬲ᭄ᬓ᭄ᬜᭂᬫ᭄ᬫᬗᬦ᭄ᬤᬶᬓᬵᬓ᭄ᬚᬩ᭄ᬯᬦ᭄ᬫᬤᬩ᭄ᬤᬩ᭄ᬓᬤᬸᬂᬤᬫ᭄ᬧᬸᬔᬸᬮᬶᬢᬸᬦᬶᬮᬸᬯᬲ᭄ᬫᬗ᭄ᬓᬸᬳᬦ᭄ᬤᬶᬚᬢᭀᬗᬶ
ᬤᬶᬳᬶᬤᬶᬄ᭟ᬳᬶᬲᬸᬫᬦ᭄ᬢ᭄ᬭᬶᬕ᭄ᬥᭂᬕ᭄ᬓ᭄ᬦᭂᬳᬾ ᬓᬮᬶᬯᬢ᭄ᬓᬤᬮᬶᬄᬗᬶᬤᬶᬳᬶᬤᬶᬄᬫᬲᬳᬸᬢ᭄ᬗᬫ᭄ᬩ᭄ᬭᬾᬲᬂᬯ᭄ᬬᬓ᭄ᬢᬶᬢ᭄ᬬᬂᬓᬫᬸᬮᬦ᭄ᬲᬳᬶᬜᭀᬘᭀᬓ᭄ᬗᬶᬤᬶᬳᬶᬤᬶᬄᬗᬢᬸᬭᬂᬫᬾᬭᬂᬳᬸᬮᬶᬫᬤᬸᬭᬫ᭄ᬭᬶᬓᬶ᭟ᬘᭀᬓᭀᬭᬢᬸ
[᭘᭔ 84 A]
ᬓ᭄ᬜᭂᬫ᭄ᬮᬳᬸᬢ᭄ᬫᬗᬦ᭄ᬤᬶᬓᬵᬮᬸᬯᬲ᭄ᬓᬶᬚᬳᬶᬢᬸᬦᬶᬫᬓᬢᬂᬯᭀᬄᬯᭀᬳᬦ᭄ᬳᬶᬲᬸᬫᬦ᭄ᬢ᭄ᬭᬶᬫᬦᬶᬫ᭄ᬩᬮ᭄ᬓᬾᬦ᭄ᬢᭂᬦ᭄ᬢᬶᬢ᭄ᬬᬂᬲᬓᬶᬂᬗᬶᬤᬶᬄᬲᬶᬭᬢᭀᬗ᭄ᬮᬄᬫᬢ᭄ᬯᬦᬾᬤᬶᬫᬫ᭄ᬮᬶᬂ᭟ᬬᬦ᭄ᬢᭀᬓᭀᬘᬧ᭄ᬩᬳᬸᬢᬶᬢ᭄ᬬᬂᬧᭀᬮᬶᬄᬓᬩᬃᬦᬾᬦᬾᬫ᭄ᬦᬾᬓ᭄ᬳᬶᬢᬸᬦᬶᬫ
ᬮᬬᬃᬤᬶᬢᬸᬩᬦ᭄ᬦᬶᬓᬵᬓᭀᬘᬧ᭄ᬧᬦᬓᬵᬩᬦ᭄ᬳᬶᬩᬦ᭄ᬤᬾᬲᬵᬫᬗ᭄ᬮᬶᬂᬩᬳᬸᬬᬫᭀᬃᬢ᭄ᬣᬓᭀᬘᬧ᭄ᬢᭂᬦ᭄ᬲᬶᬗ᭄ᬕᬄᬫᬸᬮᬶᬄ᭟ᬩ᭄ᬦᭂᬄᬗᬺᬋᬧ᭄ᬳᬶᬧᬸᬭᬶᬓᭀᬭᬢᬸᬦᬶᬫ᭄ᬩᬮ᭄ᬗᬯᬕ᭄ᬜᬾᬦ᭄ᬫᬦᬸᬢᬸᬭᬶᬦ᭄ᬳᬦᬓ᭄ᬢ᭄ᬯᬭᬢ᭄ᬯᬭᬧᬧᬓ᭄ᬕᬸᬕᬸᬋᬱᭂᬧᬂᬳᬶᬲᬸᬫᬦ᭄ᬢ᭄ᬭᬶ
ᬫᬜᬯᬸᬢᬶᬦ᭄ᬳᬄᬮᬓᭀᬦ᭄ᬢᬫ᭄ᬧᬕ᭄ᬳᬶᬩᬶᬫᬗᬮᬶᬄᬍᬗᬶᬲ᭄᭟ᬘᭀᬓᭀᬭᬢᬸᬜᬭᬸᬜᬭᬸᬮᬸᬢ᭄ᬗᬦ᭄ᬤᬶᬓᬵᬓ᭄ᬫᬫᬜ᭄ᬚᬸᬯᬂᬓᭀᬧᬶᬓᭀᬭᬢᬸᬮᬸᬢ᭄ᬓᭀᬤᬮ᭄ᬧᬢᬶᬄᬭᬢ᭄ᬣᬦᬾᬗᬫ᭄ᬩ᭄ᬬᬃᬫᬕᬾᬩ᭄ᬭᬲ᭄ᬩᬗᬸᬦ᭄ᬗᬬᬳᬶᬦ᭄ᬓᭀᬭᬢᬸ
ᬩᬸᬤᬮ᭄ᬗ᭄ᬭᬭᬶᬲ᭄ᬓᬩᬢᬯᬶ᭟ᬦᭂᬗᬓ᭄ᬦᭂᬯᬶᬕᬕ᭄ᬮᬂᬘᬭᬶᬢᬬᬂᬳᬚᬶᬯᬵᬭᬕᬵᬕ᭄ᬮᬶᬲ᭄ᬢ᭄ᬓᭂᬤᬶᬦᬢᬄᬜᬸᬚᬸᬃᬓᬓᬫᬦ᭄ᬢ᭄ᬭᬶᬬᬦ᭄ᬳᬦᬓ᭄ᬳᬕᬸᬂᬗᬗᬂᬲᬫᬶᬳᬶᬤ᭄ᬯᬕᬸᬂᬧᬸᬢ᭄ᬭᬮ᭄ᬯᬶᬃᬲᬶᬦᭀᬫ᭄ᬩᬩᬭᬶᬭᬶᬲ᭄᭟᭐᭞ᬲᬶ᭟ᬳᬶᬤᬾᬯᬕᬸᬂ
Page:Bali-lontar-gaguritan-cokoratu-02-250ppi.pdf/84
This page has been proofread.
