[᭘᭙ 89 B]
᭘᭙
ᬢ᭄ᬭᬶᬩᬕᬸᬲ᭄ᬢᬸᬃᬲᬢᬦ᭄ᬤᬶᬂᬯ᭄ᬬᬓ᭄ᬢᬶᬬ᭄ᬬᬂᬲ᭄ᬫᬭᬫᬦᬸᬭᬸᬦ᭄ᬫᬦᬶᬲ᭄ᬕᭂᬢᬃᬰ᭄ᬭᬗ᭄ᬕᬭᬫ᭄ᬧᭂᬲᬗ᭄ᬕᬫᬢᬸᬃᬳᬭᬶᬲ᭄ᬦᬸᬦᬲ᭄ᬩᬧᬵᬩᬾᬜ᭄ᬚᬂᬫᬦ᭄ᬢᬸᬓᬓᭀᬭᬶᬧᬦ᭄᭟ᬘᭀᬓᭀᬃᬤᬵᬭᬳᬶᬫᬦᬶᬫ᭄ᬩᬮ᭄ᬩᬸᬓᬫᬢ᭄ᬭᬸᬄᬫᬬᬸᬕᭂᬦ᭄ᬤᬶᬲ᭄ᬦ᭄ᬤᬾᬦ᭄ᬧᬶᬤᬦ᭄ᬢ᭄ᬬᬂᬫᬗ᭄ᬦᬄ
ᬕᬸᬫᬦᬵᬧᬘᬂᬫᬦᬗ᭄ᬓᬶᬮ᭄ᬧ᭄ᬭᬧᬸᬢ᭄ᬭᬰᬸᬃᬧᬓ᭄ᬱᬶᬫᬗ᭄ᬭᬯᭀᬲ᭄ᬧᬲᬮᬾᬂᬢᭂᬫ᭄ᬩᬸᬂᬲᬕᬾᬢ᭄ᬳᬶᬤ᭄ᬯᬕᬸᬂᬮᬦᬂᬗ᭄ᬮᬯᬦᬶᬦ᭄ᬫᬲᬶᬄᬫᬦᬗ᭄ᬓᬶᬮ᭄ᬯᬃᬡ᭄ᬦᬳᬘᬸᬫ᭄ᬧᬫᬃᬕ᭄ᬕᬶᬦᬾᬫᬕᬫ᭄ᬧᬭᬦ᭄᭟ᬭᬕᬦᬾᬫ᭄ᬭᭀᬲ᭄ᬳᬮᬸᬗ᭄ᬕᬲᬸᬲᬄᬦᬶᬂᬭᭀᬫᬗ᭄ᬭᬶᬫᬗᬶᬜᭂᬜᭂᬃ
ᬜᭂᬜᭂᬃᬭᬶᬂᬘᬘᬶᬗᬓ᭄ᬩᬸᬓᬵᬫᭂᬫ᭄ᬩᬄᬫᬤᬸᬕᭂᬦ᭄ᬤᬶᬲ᭄ᬫ᭄ᬧᭂᬲ᭄ᬫᬳᬢᬸᬃᬳᬭᬶᬲ᭄ᬲᬫ᭄ᬧᬸᬃᬭᬵᬢᬶᬢ᭄ᬬᬂᬤᬾᬯᬕᬸᬂᬢᬦ᭄ᬯᬾᬦ᭄ᬢᭂᬦ᭄ᬗᬶᬭᬶᬂᬩᬾᬜ᭄ᬚᬂᬳᬶᬤ᭄ᬯᬕᬸᬂᬧᬸᬢ᭄ᬭᬫᬗᬓ᭄ᬱᬶᬤᬤᬶᬓ᭄ᬜᭂᬫ᭄ᬳᬭᬄᬤᬵᬩ᭄ᬯᬶᬦ᭄ᬮᬦ᭄ᬢᬗᬂ᭟ᬘᭀᬓᭀᬃᬤ᭄ᬥᬵᬭᬳᬶᬫ
ᬦᬶᬫ᭄ᬩᬮ᭄ᬲᬚᬵᬳᬫ᭄ᬧᬸᬭᬬᬂᬕᬢᬶᬭᬾᬄᬳᬦᬓ᭄ᬳᭂᬦᬸᬲᬂᬓᬍᬳᬶᬤ᭄ᬯᬕᬸᬂᬧᬸᬢ᭄ᬭᬦᬶᬫ᭄ᬩᬮᬶᬦ᭄ᬓ᭄ᬜᭂᬫᬳᬸᬶᬳᬢᬸᬃᬳᬭᬶᬲ᭄ᬩᬧᬵᬢᬶᬢ᭄ᬬᬂᬳᬸᬦᬶᬂᬲᬫ᭄ᬧᬸᬦ᭄ᬳ᭄ᬦᭂᬗᬜᬭᬶᬢ᭄ᬣᬬᬂᬳᬧᬦ᭄ᬲᬸᬩᬢᭂᬤᬸᬄᬮᬶᬂᬲᬶᬃᬢ
[᭙᭐ 90 A]
ᬢᬗ᭄ᬓᬶᬮᬦᬾᬫᬧᬫᬶᬢ᭄ᬧᬤᬵᬫᬓ᭄ᬚᬂ᭟ᬫᬦᬶᬲ᭄ᬫᭂᬂᬘᬭᬶᬢ᭄ᬣᬬᬂᬫᬤᬩ᭄ᬥᬩ᭄ᬦᬾᬧᬘᬂᬫᬗᬶᬭᬶᬂᬫᬫᬃᬕ᭄ᬕᬶᬧᬘᬂᬓᬢᬸᬩᬦ᭄ᬳᬶᬤ᭄ᬯᬕᬸᬂᬳᬚᬶᬜᬋᬗᬶᬦ᭄ᬳᭀᬋᬕ᭄ᬲᬫ᭄ᬧᬸᬦ᭄ᬫᬫᬃᬕ᭄ᬕᬶᬦ᭄ᬤᬢᬦ᭄ᬓᬯᬃᬡ᭄ᬦᬲᬫ᭄ᬧᬸᬦ᭄ᬭᬯᬸᬄᬭᬶᬂᬢᬸᬩᬦ᭄ᬤᬶᬧᬲᬶᬲᬶ
ᬗᬫ᭄ᬩ᭄ᬬᬃᬫ᭄ᬮᬶᬗ᭄ᬕᬶᬄᬲ᭄ᬭᬦ᭄ᬢᬵᬫᬸᬗ᭄ᬕᬄᬳᬚᬶᬦ᭄ᬥᬵᬗᬦ᭄ᬤᭂᬕ᭄ᬩᬸᬲᬦ᭄ᬩᬸᬲᬦ᭄᭟ᬤᬳᬸᬄᬮᬶᬫᬵᬯᬳᬸᬫᬸᬗ᭄ᬕᬄᬳᬶᬤ᭄ᬯᬕᬸᬂᬳᬚᬶᬲ᭄ᬫᬸᬢᬗᬶᬲ᭄ᬕ᭄ᬮᬶᬲ᭄ᬫᬦ᭄ᬢᬸᬓ᭄ᬫᬸᬭᬂᬫᬸᬭᬂᬦ᭄ᬤᬢᬦ᭄ᬘᬭᬶᬢ᭄ᬣᬭᬶᬂᬕ᭄ᬕᬶᬲᬫ᭄ᬧᬸᬦ᭄ᬭᬳᬸᬄᬭᬶᬂᬧᬸᬭᬶᬚᬕᬢ᭄ᬕᬕ᭄ᬮᬗᬾᬲᬫ᭄ᬧᬸᬦ᭄ᬦᬾᬤᬶᬓ
ᬨᬮ᭄ᬳᬸᬘᬧᬂᬫᬳᬸᬫ᭄ᬬᬦ᭄ᬳᬶᬫ᭄ᬬᬦ᭄ᬤᬶᬧᬲᬶᬄᬤᬯᬸᬄᬧᬶᬢᬸᬦᬦ᭄ᬤᭂᬲ᭄ᬤᬶᬢᬸᬩᬦ᭄ᬓᭀᬭᬶᬧᬦ᭄᭟ᬳᬶᬲᬸᬩᬦ᭄ᬤᬃᬧᬤᬕᬾᬯᬃᬦᬩ᭄ᬥᬩ᭄ᬲᬲᬗᬦᬦ᭄ᬓᭀᬧᬶᬓᬮᬶᬄᬚᬸᬓᬸᬂᬧᬗᬸᬜ᭄ᬚᬮᬦ᭄ᬲᬸᬩᭂᬓᬢ᭄ᬗᬄᬫᭂᬦ᭄ᬤᬓᬶᬦ᭄ᬲᬸᬗᬸᬦᬾᬗ᭄ᬭᬸᬂᬜ᭄ᬚᭂᬭᬶᬢ᭄ᬢ᭄ᬓᭂ
ᬤ᭄ᬓᬦᬕᬭᬢᬗ᭄ᬕ᭄ᬮᬸᬲ᭄ᬩᬸᬓᬗ᭄ᬭᭂᬲᬂᬫᬦᬄᬤᬶᬦᬕᬭᬕᬾᬯᬃᬲᬫᬶᬳᬶᬤᬾᬯᬕᬸᬂᬳᬚᬶᬧᬧᬸᬢᬸᬲᬦ᭄ᬦᬢᬲ᭄᭟ᬳᬶᬤᬾᬯᬕᬸᬂᬧᬸᬢ᭄ᬭᬳᬸᬘᬧᬂᬲᬫ᭄ᬧᬸᬦ᭄ᬢ᭄ᬤᬸᬦ᭄ᬱᬋᬂᬲᬫᬶᬫᬗ᭄ᬭᬭᬶᬲ᭄ᬳᬶᬤᬓᬩᬗ᭄ᬰᬮ᭄ᬭᬶᬂᬩᬮᬅ᭄ᬳᬶ
Page:Bali-lontar-gaguritan-cokoratu-02-250ppi.pdf/90
This page has been proofread.
