[᭙᭓ 93 B]
᭙᭓
ᬭᬢᬸᬫᬳᬶᬓᬾᬤᬶᬦᬶᬧᬳᭂᬓᬂᬩ᭄ᬮᬶᬫᬭᬓᭀᬦ᭄ᬳᬓᬶᬓᬶᬢ᭄᭟ᬳᬶᬤᬾᬯᬕᬸᬂᬳᬶᬤ᭄ᬥᬤᬶᬚᬵᬜᬾᬦ᭄ᬫᬗᬶᬭᬶᬂᬳᬶᬘᬶᬬᬮ᭄ᬫᬢᬸᬃᬳᬭᬶᬲ᭄ᬲᬫᬶᬓᬧᬶᬤᬃᬢ᭄ᬣᬲᬫ᭄ᬧᬸᬦ᭄ᬚᬦᬶᬗᬸᬤ᭄ᬬᬂᬘᬳᬶᬫᬕᬤᬂᬓᬳᬸᬢᬸᬲ᭄ᬢᬶᬢ᭄ᬬᬂᬫᬗᬺᬋᬄ
ᬲᬸᬫᬕᬵᬳᬶᬩᬸᬂᬫ᭄ᬩᬂᬗᬮᬧᬂᬳ᭄ᬮᬶᬲ᭄᭟ᬳᬚᭂᬧᬦ᭄ᬲᬕᬾᬢ᭄ᬢ᭄ᬓᬲᬸᬩᬗᬩᬵᬲᬸᬫᬕᬵᬩᬳᬕ᭄ᬗᭂᬦ᭄ᬤᬶᬄᬓᭀᬭᬢᬸᬓ᭄ᬜᭂᬫᬢ᭄ᬭᬸᬄᬦᬾᬩᭀᬓᭀᬃᬳᬗ᭄ᬕᭀᬯᬤᬄᬤᬤᬾᬅ᭄ᬳᬡ᭄ᬝᬶᬓ᭄ᬫᬗ᭄ᬯᬤᬳᬶᬦ᭄ᬜᭀᬓᭀᬃᬲᬫ᭄ᬧᬸᬦ᭄ᬓᭀᬭᬢᬸᬩ᭄ᬯᬶ
ᬦ᭄ᬗᬦ᭄ᬤᬶᬓᬵᬫᬦᬶᬘᬵᬳᬶᬗᬩᬫᬳᬶ᭟ᬓᬮᬶᬄᬦᬾᬲᬮᬓ᭄ᬳᬓᬶᬘᬘᬳᬶᬗ᭄ᬮᬄᬩ᭄ᬮᬶᬫ᭄ᬩᬳᬂᬘᬳᬶᬳᬶᬓᭂᬘᬬᬮ᭄ᬓ᭄ᬜᭂᬫ᭄ᬫᬢᬸᬃᬭᬢᬸᬢᬶᬢ᭄ᬬᬂᬫᬫᬶᬢᬂᬮᬸᬢᬩᬸᬤᬮ᭄ᬤᬶᬓᬫᬦ᭄ᬢ᭄ᬭᬶᬬᬦ᭄ᬲᬫ᭄ᬧᬸᬦ᭄ᬳᬶᬧᬸᬦ᭄ᬗᬢᬸᬭᬂᬲᬸᬫᬕᬵᬳᬶ
ᬤ᭄ᬯᬕᬸᬂᬮᬸᬢ᭄ᬫᬦᬓᬾᬦᬶᬦ᭄᭟ᬩᬶᬄᬳ᭄ᬜᬾᬦ᭄ᬗᬮᬯᬂᬳᬶᬩᬮᬸᬢᬫᬢᬸᬃᬭᬢᬸᬤᬫᬤᬾᬚ᭄ᬮᬡ᭄ᬝᬶᬓ᭄ᬗᬦ᭄ᬤᬶᬓᬵᬩᬶᬦ᭄ᬳᬶᬤ᭄ᬯᬕᬸᬂᬳᭂᬩᭀᬦ᭄ᬧᬥᬳᬚᬓᬵᬢᭀᬬᬗᬸᬤ᭄ᬬᬂᬢ᭄ᬧᬸᬓᬶᬦ᭄ᬳᬶᬩᬳᬸᬶᬳᬶᬩᬳᬸᬳᬶᬓᬲᬶᬚᬸᬶᬬᬮ᭄ᬫᬗ
[᭙᭔ 94 A]
ᬢᬸᬭᬂᬤᬤᬾᬳᭀᬓᬵᬤᬤᬾᬭᬳᬶ᭟ᬧᬋᬓᬜ᭄ᬘᭀᬓᭀᬃᬳᬶᬤᬾᬯᬳᬶᬤᬩᬕᬸᬲ᭄ᬗᬸᬭᬄᬭᬢᬸᬓᬧᬗ᭄ᬕᬶᬄᬳᬶᬭᬶᬓᬵᬲᬋᬂᬫᬓᬸᬫ᭄ᬧᬸᬮ᭄ᬗ᭄ᬭᬳᭀᬲ᭄ᬭᬶᬂᬩᬮᬾᬓᬨᬮ᭄ᬓᬮᬶᬄᬗᬶᬘᬾᬦ᭄ᬩᭀᬓᭀᬃᬚᬕᬵᬯᬤᬄᬤ᭄ᬯᬕᬸᬂᬲᬦᬾᬩᬾ
ᬜ᭄ᬚᬂᬫᬗ᭄ᬤᬾᬢᬶᬢ᭄ᬬᬂᬗᬢᬸᬭᬂᬩᭀᬓᭀᬃᬧᬸᬦᬶᬓᬶ᭟ᬳᬶᬤᬩᬕᬸᬲ᭄ᬚ᭄ᬮᬡ᭄ᬝᬶᬓ᭄ᬤᬶᬗ᭄ᬲᬂᬫᬜ᭄ᬩᬾᬭᬂᬳᬧᬫᬓᬶᬲᬘ᭄ᬦᬶᬓ᭄ᬳᬶᬓᬵᬘᬶᬬᬮ᭄ᬳᬤᬾᬂᬫᬢᬸᬃᬭᬢᬸᬤᬵᬩᬕᬸᬲ᭄ᬗᬸᬭᬄᬗᬶᬘᬾᬦ᭄ᬢᬶᬢ᭄ᬬᬂᬬᬦ᭄ᬧᬸᬦᬧᬶᬤᬕᬗᬶᬧᬸᬦ᭄ᬳᬶᬤ᭄ᬯᬕᬸᬂᬳᬤᬾ
ᬗᬦ᭄ᬤᬶᬓᬵᬳᬭᬄᬫ᭄ᬮᬓ᭄ᬗᬶᬤᬶᬳᬶᬤᬶᬄ᭟ᬭᬢᬸᬢᬶᬢ᭄ᬬᬂᬦᬾᬦ᭄ᬢᭂᬦ᭄ᬦᬸᬦᬲ᭄ᬤᬕᬸᬲ᭄ᬓ᭄ᬭᬾᬬᭀᬯᬓ᭄ᬜᭂᬧ᭄ᬫᬦᬶᬫ᭄ᬩᬮ᭄ᬳᬭᬶᬲ᭄ᬤᬾᬦᬶᬂᬳᬓ᭄ᬚᬸᬮᬓᬲᬸᬩ᭄ᬤᬦᬵᬳᬸᬧᬫᬭᬶᬂᬭᬢ᭄ᬤᬤᬶᬓ᭄ᬜᭂᬫ᭄ᬳᬶᬋᬜᬫ᭄ᬳᬤᬾᬂᬦᭂᬫ᭄ᬩᬸᬂᬢ᭄ᬓᬲᬶᬂᬳᬤᬵᬫᬫᭂᬦ᭄ᬤᬓ᭄
ᬳᬶᬩ᭄ᬘᬢ᭄ᬕ᭄ᬢᬃᬜᬯᬸᬢᬶᬦ᭄᭟ᬤᬾᬦᬶᬂᬳᬦᬓ᭄ᬓᬲᬸᬩ᭄ᬓᬾᬫᬦ᭄ᬧ᭄ᬤᬲ᭄ᬓᬦ᭄ᬤᭂᬕ᭄ᬢ᭄ᬯᬭᬚᬶᬘᬦ᭄ᬫᭂᬦ᭄ᬤᬓᬶᬦ᭄ᬳᬦᬓ᭄ᬫᬸᬓ᭄ᬫᬸᬮᬳᬶᬤᬾᬯᬕᬸᬂᬲᬚᬚ᭄ᬦᭂᬂᬢᬦ᭄ᬧᬶᬯᬄᬤᬤᬶᬭᬫᭂᬲ᭄ᬭᬳᭀᬲᬾᬧᬲᬮᬶᬂᬢᭂᬫ᭄ᬩᬸᬂᬲᬕᬾᬢ᭄ᬫᬕᬼᬦ᭄ᬤᬾᬂᬧᬶᬂᬱ
Page:Bali-lontar-gaguritan-cokoratu-02-250ppi.pdf/94
This page has been proofread.
