[᭒᭔ 24B]
᭒᭔
ᬭᬢᬸᬲᬫᬶᬗᬤ᭄ᬬᬦᬶᬦ᭄᭟ᬢᬦ᭄ᬱᬓᬾᬂᬢᬶᬢ᭄ᬬᬂᬍᬗ᭄ᬕᬵᬦᬓᬤᬶᬦᬸᬮᬓ᭄ᬧᬗ᭄ᬮᬫᬃᬳᬫ᭄ᬧᬭᬳᬸᬕᬶᬲᬦᬾᬫᬗ᭄ᬓᬶᬦ᭄ᬫᬦ᭄ᬢᬸᬓ᭄ᬤᬸᬫᬸᬦ᭄ᬳᬸᬢᬸᬭᬂᬧᬗᬸᬦᬶᬗᬢᬶᬢ᭄ᬬᬂᬤᬯᭂᬕ᭄ᬧᬺᬲᬗ᭄ᬕᬵᬗᬢᬸᬭᬶᬦ᭄ᬢᭂᬤᬸᬦ᭄ᬤᬶᬦᬦ᭄ᬓᬬ᭄ᬬᬭᬳᬤᬾᬦ᭄ᬢᬫ᭄ᬩᬭᬳᬕ᭄ᬭᬶᬫ᭄᭟ᬓ᭄ᬜᭂᬫ᭄ᬦᬶᬫ᭄ᬩᬮᬲ᭄ᬬᬕ᭄ᬢᬃᬫᬩ
ᬭᬶᬬᬸᬓ᭄ᬭᬤᬾᬦ᭄ᬩᬕᬶᬦ᭄ᬤᬳᬮᬶᬧᬘ᭄ᬩᬾᬃᬫᬲᬳᬸᬃᬫᬦᬸᬓ᭄ᬭᬤᬾᬦ᭄ᬯᬶᬭᬭᬢ᭄ᬫᬚᬭᬵᬤᬾᬦ᭄ᬯᬶᬦ᭄ᬤᬵᬤᬶᬳᬩ᭄ᬭᬸᬫ᭄ᬢᬩᬸᬳᬾᬳᬮᬸᬲ᭄ᬭᬢᬸᬧᬸᬦᬶᬓᬶᬓᬂᬘᬶᬢ᭄ᬭᬩ᭄ᬘᬶᬓᬦ᭄ᬓᬧᬸᬭᬶ᭟ᬲᬫᬗ᭄ᬤᬾᬲᬂᬭᬚᬓᬦ᭄ᬬᬳᭀᬮᬶᬄᬗᬓ᭄ᬱᬶᬬᬦ᭄ᬢᬦ᭄ᬦᬧ᭄ᬢᬶᬲᬂᬧ᭄ᬭᬩᬸᬓ᭄ᬜᭂᬫᬲᬳᬸᬃᬭ
ᬢᬸᬲᬫ᭄ᬧᬸᬦ᭄ᬗᭀᬩ᭄ᬢᬂᬢᬶᬢ᭄ᬬᬂᬧᬫᬶᬢ᭄ᬓᬧᬸᬭᬶᬳᬶᬭᬢᬸᬤᬸᬫᬸᬦ᭄ᬫᬂᬗ᭄ᬭᬭᬶᬲ᭄ᬓᬧᬲᬗ᭄ᬕ᭄ᬭᬳᬦ᭄ᬦᬾᬜᬦᬦ᭄ᬫᬮᬶᬄᬯᬯᬦᬶᬦ᭄᭟ᬲᬂᬧ᭄ᬭᬩᬸᬓᬚ᭄ᬭᭀᬧᬶᬲᬵᬦ᭄ᬓᬂᬳᬸᬢᬸᬲᬦ᭄ᬫᬭᬶᬂᬓᬧᬢ᭄ᬬᬦ᭄ᬲᬫᬶᬢᬦ᭄ᬓᭀᬘᬧ᭄ᬳᬸᬲ᭄ᬧᬶᬦᬲᬸᬕᬸᬄᬳᬶᬩ᭄ᬭᬳ᭄ᬫᬭᬵᬳᬸᬘᬧᬂᬲᬸᬩᬢᬸᬮᬓ᭄᭠
ᬰᬧᬸᬭᬶᬫᬶᬤᬃᬢ᭄ᬣᬧᬸᬧᬸᬢ᭄ᬧ᭄ᬭᬧᬸᬢ᭄ᬭᬶᬳᬾᬕᬃᬫᬶᬋᬗᬂᬫᬓᭂᬚᬂᬧᬤ᭄ᬟᬦᬓᭀᬦᬶᬦ᭄᭟ᬩᬶᬄᬫᬳᬶᬤᬶᬦᬶᬬᬦᭂᬕᬓ᭄ᬦᬄᬢᬸᬢᬸᬭᬂᬤᬶᬩᬜ᭄ᬘᬶᬗᬄᬳᬶᬢᬸᬦᬶᬜᬾᬦ᭄ᬜᬾᬦ᭄ᬗᬶᬭᬶᬂᬧᬤᬤᬶᬢᬸᬳᬓᬸᬤᬓᬂᬳᬸᬢᬸᬲᬦ᭄ᬳᬶᬩ᭄ᬭᬫᬭᬜᭀᬗ᭄ᬓᭀᬓ᭄ᬜᬸᬫ᭄ᬩᬄᬫᬢᬸᬃᬳ
[᭒᭕ 25A]
ᬮᬸᬲ᭄ᬢᬫ᭄ᬫᬢᬗ᭄ᬓᭂᬧᬾᬢ᭄ᬯᬶᬤᬕ᭄ᬟᬲᬭᬭᬲ᭄ᬗ᭄ᬭᬶᬫᬗᬶᬳᬢ᭄ᬣᬶ᭟ᬳᬶᬤᬚᬶᬦ᭄ᬘᭀᬓᭀᬭᬶᬤᬾᬯ᭄ᬯᬵᬩᬳᬸᬤᬦ᭄ᬤᬵᬧᬢᬶᬄᬧᬸᬗ᭄ᬕᬯ᭄ᬯᬗᬶᬭᬶᬂᬲᭂᬲᭂᬓ᭄ᬭᬶᬩᬜ᭄ᬘᬶᬗᬄᬤ᭄ᬯᬕᬸᬂᬲᬸᬮᬶᬗ᭄ᬕᬶᬄᬢ᭄ᬩᭂᬂᬳᬢᬧ᭄ᬲᬶᬮᬶᬄᬲ᭄ᬟᬵᬢ᭄ᬩᬩᬳᭀᬲᬾᬲᬫᬶᬘᬶᬧᬸᬂᬧᬸᬢᬸᬲᬦ᭄ᬲᬋᬂᬧᬢ᭄ᬩᭂᬮᬲ᭄ᬭᬢᬸᬩᬕᬸ
ᬲ᭄ᬩᬕᬸᬲ᭄ᬱᬫᬶ᭟ᬧᬸᬦᬶᬓᬦᬾᬓᬫᬗ᭄ᬕᬵᬮᬧᬗᬶᬭᬶᬗᬾᬳᬶᬦᬩ᭄ᬮᬗ᭄ᬓᬸᬂᬳᬓᭂᬢᬶᬫᬓ᭄ᬢᬧᬦᭀᬫᬄᬫᬢᬸᬭᬸᬢ᭄ᬫᬳᬾ᭠ᬦ᭄ᬤᬄᬳᬾᬦ᭄ᬤᬄᬧᬾᬮᬕ᭄ᬋᬦᬋᬡᬶᬫᬤᬸᬮᬸᬃᬲᬸᬭᬵᬢ᭄ᬓᬳᬢᬸᬃᬕᬸᬲ᭄ᬢᬶᬫᬗᬸᬭᬶᬜ᭄ᬩᬾᬭᬂᬫᬫᬳᭀᬲ᭄ᬲᬸᬭᬢᬾᬲᬫᬶ᭟ᬳᬦᬕᬸᬂᬳ
ᬬᬗᬸᬭᬄᬫᬗᬦ᭄ᬤᬶᬓᬕᭂᬢᬃᬢᬩᬸᬳᬾᬓᬮᬶᬲ᭄ᬦᬄᬓᬾᬢᬸᬢᬸᬭᬂᬢᭀᬫᬮᬸᬳᬸᬦᬶᬦ᭄ᬳᬶᬓᬂᬲᬾᬯᬮᬳᬶᬩ᭄ᬭᬫᬭᬵᬗᬢᬸᬭᬂᬲᬢᬶᬗ᭄ᬓᬄᬧᬸᬧᬸᬢ᭄ᬳ᭄ᬦᭂᬗᬂᬚᬦᬶᬳᬸᬘᬧᬂᬲᬂᬧ᭄ᬭᬩᬸᬲᬸᬩᬓᬧᬸᬭᬶ᭟ᬲᬶ᭟ᬕᭀᬗ᭄ᬱᭀᬃᬲᬂᬧ᭄ᬭᬸᬫᬫᬃᬕ᭄ᬕᬵᬓᬧᬕᬮᬸᬳ
ᬦ᭄ᬫᬗ᭄ᬭᬭᬶᬲ᭄ᬧᬸᬗ᭄ᬕᬯᬮᬶᬬᬸᬗᬶᬭᬶᬗᬂᬧᬤᬦ᭄ᬤᬭᬳᬶᬫᬸᬘᬸᬓᬶᬦ᭄ᬧᬤᬦ᭄ᬤᬵᬯᬬᬦ᭄ᬱᬗ᭄ᬲᬶᬢ᭄ᬧᬤᬦ᭄ᬤᬵᬓ᭄ᬢᬸᬢ᭄ᬓᬸᬫᭂᬦᬸᬄᬫᬕᬺᬤᭂᬕᬦ᭄ᬭᬶᬂᬗᬯᬦ᭄ᬓᬫᬤᬭᬗᬫᬃᬕᬶᬦᬶᬦ᭄ᬩᭂᬦᭂᬄᬓᬳᬸᬄᬭᬶᬂᬲ᭄ᬫᬭᬵᬩᬯᬗᬮᬾᬭᬂ᭟ᬳ᭄ᬦᭂᬗᬂᬚᬦᬶᬭᬶᬂᬗᬯᬦ᭄ᬭᬚ
Page:Bali-lontar-gaguritan-cokoratu-03-250ppi.pdf/25
This page has been proofread.
