[᭓᭕ 35B]
᭓᭕
ᬲ᭄᭟ᬇᬗ᭄ᬕᬶᬄᬤᬾᬯᬫᬗ᭄ᬭᬭᬶᬲ᭄ᬓᬲᬧ᭄ᬢᬂᬲᬫ᭄ᬬᬦ᭄ᬲᬂᬯᬯᬸᬧ᭄ᬭᬧ᭄ᬢᬲᬫᬶᬫ᭄ᬧᭂᬲ᭄ᬦᬸᬦᬲ᭄ᬮᬸᬕᬺᬧ᭄ᬭᬦᬫ᭄ᬬᬲᬤᬗᬲᬩ᭄ᬢᬗ᭄ᬓᭂᬧᬾᬫᬤᬸᬤᬸᬢ᭄ᬳᬢᬶᬩᬕᬸᬲ᭄ᬧ᭄ᬭᬢᬫ᭄ᬫᬧᬳᬸᬢ᭄ᬧᬦᬘᬮᬶᬭᬶᬂ᭟ᬢᬸᬤᬾᬅ᭄ᬳᭀᬓᬢᬸᬤᬾᬅ᭄ᬭᬳᬶᬜᬶᬗ᭄ᬱᬾᬗᬯᬲ᭄ᬋᬲᭂᬧ᭄ᬭᬲᬦᬶᬂ
ᬳᬢᬶᬰ᭄ᬭᬶᬭᬚᬾᬂᬫᬤᬸᬭᬓ᭄ᬜᭂᬫᬳᭂᬫ᭄ᬩᬄᬕᬸᬮᬵᬢᬩᬸᬳᬾᬭᬸᬫᬫᬦᬶᬲ᭄ᬳᬦᬓᬕᬸᬂᬗᬧᬵᬲ᭄ᬯᬓᬃᬬ᭄ᬬᬫᬗ᭄ᬭᬯᬸᬳᬶᬦ᭄᭟ᬢᬸᬤᬾᬅ᭄ᬗᬸᬭᬄᬓᬵᬤ᭄ᬕᬵᬗ᭄ᬳᭂᬤ᭄ᬫᭂᬧᭂᬲᬗ᭄ᬕᬵᬚ᭄ᬭᬶᬚᬶᬭᬸᬭᬸᬗᬾᬲ᭄ᬗᬤᬦᬶᬦ᭄ᬦᬓᬧᬢᬶᬓᬺᬤᬧ᭄ᬓ᭄ᬫᬶᬓᬦ᭄ᬫᬦᬶᬲ᭄ᬕᭂᬢᬃᬢᬶᬢ᭄ᬬᬂᬓᬤᬯᬸᬄ᭠
ᬫᬗᬶᬭᬶᬂᬓᭀᬭᬢᬸᬮᬸᬗᬚᬕ᭄ᬕᬵᬓᬰᬺᬗ᭄ᬕᬵᬧᬸᬭᬶ᭟ᬲᬸᬩᬧᬸᬧᬸᬢ᭄ᬢ᭄ᬮᬵᬲᬫᬶᬓᬧᬤᬃᬢ᭄ᬣᬭᬚᬾᬂᬫᬥᬸᬭᬦᭀᬮᬶᬄᬳᬶᬘᬧ᭠ᬳᬶᬧᬱ᭄ᬱᬦᬄᬢᬸᬦ᭄ᬤᬾᬦᬂᬦᬩ᭄ᬤᬩᬂᬢᭀᬤᬶᬢᬫᬦ᭄ᬲᬸᬦ᭄ᬬᬯᬢᬶᬧᬘᬂᬤᬸᬦᬸᬗᬦ᭄ᬤᬶᬦᬶᬩᬲ᭄ᬓᬾᬲᭂᬓ᭄ᬕᬢᬶ᭟ᬢᬸᬤᬾᬅ᭄ᬓᬮᬶᬄᬦ᭄ᬤᬯᬸ
ᬳᬶᬦ᭄ᬤᬶᬧᬢᬶᬄᬭᬢ᭄ᬣᬵᬕᭀᬂᬲᭀᬃᬳᬶᬧᬸᬦ᭄ᬫᬧᬫᬶᬢ᭄ᬫᬩ᭄ᬭᬶᬬᬸᬓ᭄ᬫᬓ᭄ᬚᬂᬫᬸᬮᬶᬄᬓᬢᬫᬦ᭄ᬱ᭄ᬓᬃᬕᬾᬯᬃᬫᬢᭂᬮᬄᬕ᭄ᬮᬶᬲ᭄ᬫᬲ᭄ᬯᬂᬤᬫᬃᬕᬮᬂᬢ᭄ᬓᭂᬦ᭄ᬓᬫᬃᬕᬶ᭟ᬮᬾᬦ᭄ᬢᭀᬩ᭄ᬯᬶᬦ᭄ᬩᬶᬮᬂᬩᬜ᭄ᬚᬃᬫᬳᭀᬮᬳᬦ᭄ᬤᬤᬓᬦ᭄ᬧᬋᬚᬦᬶᬳᭀᬋᬕ᭄ᬭᬫᬾᬳᬸᬫ᭄ᬬᬂᬳᬦᬾᬂᬫᬥᬸ
[᭓᭖ 36A]
ᬭᬭᬚᬵᬤᬶᬩᬜ᭄ᬘᬶᬗᬄᬚᭂᬚᭂᬮ᭄ᬳᬶᬢᬶᬩ᭄ᬢᬦ᭄ᬧᬮᬶᬗ᭄ᬕᬭᬦ᭄ᬭᬾᬄᬧᬫᬕ᭄ᬕᬶᬦᬾᬫᬦᬶ᭟ᬲᬸᬩᬧ᭄ᬢᭂᬂᬢᬵᬫ᭄ᬬᬸᬦᬾᬓᬧᬲᬗ᭄ᬕ᭄ᬭᬳᬦ᭄ᬭᬶᬂᬢᬫᬦ᭄ᬲᬸᬦ᭄ᬬᬯᬢᬶᬢᬦ᭄ᬲᬄᬢᬸᬤᬾᬅ᭄ᬳᭀᬓᬢᬸᬤᬾᬅ᭄ᬭᬳᬶᬦᬩ᭄ᬤᬩᬂᬗᬶᬦᭂᬧᬶᬦ᭄ᬤᬶᬢᬫᬦ᭄ᬲᬭᬶᬳᬲᬶᬄᬢ᭄ᬓᬾᬂᬢ᭄ᬯᬲ᭄ᬲᭀᬢᬦᬶᬂ
ᬚᬬᬂᬭᬲ᭄ᬫᬶᬦ᭄᭟ᬦᭂᬗᬓ᭄ᬦᬵᬲᭀᬮᬳᬾᬳᬦᬾᬂᬫᬥᬸᬭᬤᬶᬕᬶᬮᬶᬩᬶᬦ᭄ᬩᬵᬮᬶᬦ᭄ᬦ᭄ᬤᬦ᭄ᬚᬕᬧᬫᬃᬕᬭᬤᬾᬦ᭄ᬲᬸᬃᬬ᭄ᬬᬤᬶᬦ᭠ᬢ᭄ᬣᬭᬶᬂᬩᬜ᭄ᬘᬶᬗᬄᬲᬫ᭄ᬧᬸᬦ᭄ᬫᬮᬶᬗ᭄ᬕᬶᬄᬰᬺᬕᭂᬧ᭄ᬲᬬᬕᬧ᭄ᬭᬭᬢᬸᬤᬶᬢᬸᬲᬫᬶ᭟ᬲᭂᬲᭂᬓ᭄ᬚᭂᬚᭂᬮ᭄ᬓᬂᬩᬮᬢᬦ᭄ᬧᬮᬶᬕᬭᬵᬦ᭄ᬓ
ᬢ᭄ᬓᬾᬂᬧᬲᬶᬃᬧᬲᬶᬃᬫ᭄ᬯᬗᬦᬾᬂᬩᬮᬾᬩᬂᬳᬤᭂᬦ᭄ᬤᭂᬦ᭄ᬓᬂᬤᬶᬫᬃᬕ᭄ᬕᬵᬳᬲᬓ᭄ᬱᬡᬳᬍᬧ᭄ᬳᬰ᭄ᬭᬶᬢᬸᬗ᭄ᬕᬸᬮ᭄ᬫ᭄ᬯᬂᬕᬸᬩᬃᬩᭂᬦ᭄ᬤᬾᬢᬫ᭄ᬩᬸᬃᬦᬮᬶᬤᬶ᭟ᬲᭀᬧᬘᬭᬳᬓᬦ᭄ᬤᬓᬦ᭄ᬤᬵᬳᬲᬶᬦᬫᬶᬚᬶᬮ᭄ᬲᬂᬯᬶᬭᬓᬮᬶᬄᬮ᭄ᬯᬶᬃᬩᬲ᭄ᬓᬭᬵᬓᭂᬫ᭄ᬩᬃᬳᬶᬗᬶᬭᬶᬗᬶᬂᬳᬧ᭄ᬱᬭᬧ᭄ᬭᬧᬸᬢ᭄ᬭᬳᬦ᭄ᬯᬫᬧ᭄ᬓᬶᬓ᭄ᬓᬩ᭄ᬯ
ᬢᬦ᭄ᬭᬭᬲ᭄ᬯ᭄ᬬᬓ᭄ᬢᬶᬲᬲᬭᬦ᭄ᬮᭂᬯᬶᬄ᭟ᬭᬤᬾᬦ᭄ᬲᬸᬃᬬ᭄ᬬᬤᬶᬦᬢ᭄ᬣᬲᭂᬭᭀᬤ᭄ᬢᭂᬤᬸᬦᬦ᭄ᬢᬗ᭄ᬓᬶᬮᬦ᭄ᬩᬸᬩᬃᬲᬫᬶᬓᭀᬭᬢᬸᬗᬦ᭄ᬤᬶᬓᬩᬧᬵᬦᬸᬦᬲ᭄ᬓᬾᬫᬫᬃᬕ᭄ᬕᬫᬸᬗ᭄ᬧᬸᬂᬤᬬᬸᬳᬓᬶᬤᬶᬓ᭄ᬧᬤᬳᬍᬓᬲ᭄ᬫᬓ᭄ᬩᭂᬃᬲᬮᬶᬂᬢᬸᬮᬶᬳᬶᬦ᭄᭟ᬳᬲᬓ᭄ᬱᬡ᭄ᬦᬫᬫ᭄ᬩᬸᬃᬕ᭄ᬮᬶᬲ᭄ᬗᬯᬂᬗ
Page:Bali-lontar-gaguritan-cokoratu-03-250ppi.pdf/36
This page has been proofread.
