[᭔᭔ 44B]
᭔᭔
ᬫ᭄ᬩᬮᬦ᭄ᬧᬕ᭄ᬭᬸᬂᬫᬯᬗ᭄ᬲᬶᬢ᭄ᬱᬮᬶᬂᬢᬶᬫ᭄ᬩᬵᬮ᭄ᬳᭂᬩᬸᬓ᭄ᬫᬲᭂᬧᬸᬓ᭄ᬤᬶᬫᬃᬕ᭄ᬕᬶᬳᬦ᭄ᬤᬸᬲ᭄ᬫ᭄ᬮᭂᬧᬸᬕ᭄ᬳᭂᬦ᭄ᬢᬸᬢ᭄ᬫᭀᬢᭀᬃᬫᬳᬶᬬᬸᬭᬦ᭄᭟ᬓᭀᬭᬢᬸᬫᬲ᭄ᬬᬃᬕ᭄ᬚᬃᬧᬸᬦ᭄ᬤᬸᬧᬦ᭄ᬤᬸᬯᬂᬳᬶᬗᭂᬢᬶᬦ᭄ᬢᬶᬫ᭄ᬧᬮᬾᬬᬵᬫᬓ᭄ᬚᬂᬭᬳᬤᬾᬦ᭄ᬲᬸᬃᬬ᭄ᬬᬤᬶᬧᬢᬶᬢᬶᬢ᭄ᬬᬂᬭᬢᬸᬦ᭄ᬤᬳᬸᬳᬶᬦ᭄ᬓ᭄ᬦᬶᬳᬶᬧᬸᬦ᭄ᬧᬸ
ᬦ᭄ᬤᬸᬄᬧᬸᬦ᭄ᬤᬸᬄᬦᬸᬦᬲ᭄ᬭᬢᬸᬫᬭᬭ᭄ᬬᬦ᭄ᬳᬶᬭᬶᬓᬶᬬᬦ᭄ᬭᬢᬸᬓᬶᬤᬶᬓ᭄ᬱᬫ᭄ᬧᬸᬦ᭄ᬩ᭄ᬭᬬᬸᬓ᭄ᬫᬫᬃᬕ᭄ᬕᬶᬳᬚᬓ᭄ᬫᬓ᭄ᬚᬂ᭟ᬜᬸᬚᬸᬃᬕ᭄ᬦᬄᬳᬾᬦᬧᬓᬯᬶᬭᬾᬄᬧᬗᬶᬭᬶᬗᬾᬢᬶᬢᬶᬩ᭄ᬤᬍᬄᬚᬶᬫ᭄ᬩᬃᬦᬧᬓ᭄ᬭᬳᬤᬾᬦ᭄ᬲᬸᬃᬬ᭄ᬬᬤᬶᬧᬢᬶᬯᬢᭂᬓ᭄ᬳᭂᬚᬶᬫᬾᬲᬫᬶᬗᭂᬫ᭄ᬧᬸᬃᬢ᭄ᬯᬭᬓ᭄ᬦᬾ
ᬗᬶᬢᬸᬂᬢ᭄ᬓᭂᬤ᭄ᬓᬩᬸᬓᬶᬢ᭄ᬧᭀᬦ᭄ᬤ᭄ᬭᬵᬭᬳᬤᬾᬦ᭄ᬲᬸᬃᬬ᭄ᬬᬤᬶᬫᬢᬶᬫᬢᬸᬃᬭᬢᬸᬩ᭄ᬘᬶᬓᬦ᭄ᬫᬗ᭄ᬓᬶᬦ᭄ᬫᬭᬭ᭄ᬬᬦ᭄᭟ᬗ᭄ᬭᬭᬶᬲ᭄ᬫᬸᬗ᭄ᬕᬄᬲᬋᬂᬲᬫ᭄ᬬᬦ᭄ᬭᬶᬂᬩᬜ᭄ᬘᬶᬗᬄᬢᬫᬵᬦ᭄ᬫ᭄ᬮᬶᬗ᭄ᬕᬶᬄᬲᬓ᭄ᬱᬡ᭄ᬦᬲᬕᬾᬢ᭄ᬓᬵᬧᬺᬩ᭄ᬓᭂᬮ᭄ᬓᭀᬢ᭄ᬣᬦ᭄ᬕᬭᬶᬫᬩ᭄ᬭᬶᬬᬸᬓ᭄ᬜᬸᬫ᭄ᬩᬄᬲᬫᬶᬫᬳᬢᬸᬃᬫᬃᬤᬵᬯ᭄ᬯᬫᬭᬸᬫ᭄
ᬭᬢᬸᬲᬫ᭄ᬧᬸᬭᬢᬶᬢ᭄ᬬᬂᬮᬶᬦ᭄ᬢᬂᬓᬲᬾᬧ᭄ᬫᬫᭂᬦ᭄ᬤᬓᬶᬦ᭄ᬦᬸᬦᬲ᭄ᬤ᭄ᬯᬕᬸᬂᬫᬗ᭄ᬭᬭᬲ᭄ᬓᬧᬲᬗ᭄ᬕ᭄ᬭᬳᬦ᭄᭟ᬘᭀᬓᭀᬭᬢᬸᬓ᭄ᬜᭂᬫ᭄ᬦᬶᬫ᭄ᬩᬮ᭄ᬩᬸᬓᬗ᭄ᬘᭀᬃᬫᬥᬸᬕᭂᬦ᭄ᬤᬶᬲ᭄ᬦᬄᬧᬤᬳᬫ᭄ᬧᬸᬭᬢ᭄ᬬᬂᬳ᭄ᬤᭂᬧᬶᬲᬦ᭄ᬲᬮᬄᬢᬫ᭄ᬧᬶᬜᬮᬶᬢ᭄ᬓᭀᬢᬸᬮᬓ᭄ᬚᬦᬶᬯᬶᬭᬾᬄᬓᬾᬦᬾᬳᬚᬓ᭄ᬮᬶᬬᬸ
[᭔᭕ 45A]
ᬫᬦᬶᬩ᭄ᬯᬶᬦ᭄ᬤᬩ᭄ᬤᬩᬂᬤ᭄ᬧᬶᬦ᭄ᬢ᭄ᬬᬂᬫᬮᬸᬤᬶᬦᬶᬩᬳᬸᬤᬦ᭄ᬤᬵᬧ᭄ᬭᬫᬜ᭄ᬘᬩ᭄ᬭᬶᬬᬸᬓ᭄ᬫᬜᬸᬫ᭄ᬩᬄ᭟ᬧᬤᬓᬯ᭄ᬗᬦ᭄ᬫᬮᬶᬬᬢ᭄ᬕᬯᭀᬓᬾᬢᬦ᭄ᬲᬶᬦᬶᬧᬶᬧᬤᬫᬫᬸᬜᬶᬤᬶᬫᬦᬄᬢᬸᬳᬸᬲᬂᬳ᭄ᬬᬂᬯᬶᬲ᭄ᬦᬸᬫᬹᬃᬢ᭄ᬢᬶᬬᬂᬲ᭄ᬫᬭᬫᬗ᭄ᬭᬕᬦᬶᬦ᭄ᬓ᭄ᬭᬦᬢ᭄ᬯᬭᬩᬓᬢ᭄ᬢᬸᬧ᭄ᬢᬸᬧ᭄ᬩᬕᬸᬲ᭄ᬫᬦᬶᬲ᭄ᬰᬺᬗ᭄ᬕᬭᬭᬵᬤᬸ
ᬫᬤᬓ᭄ᬚᬵᬳᬗ᭄ᬕᭀᬦ᭄ᬕᬸᬲ᭄ᬢᬶᬦᬳᬓᬾᬢᭀᬧᬧᬶᬦᭂᬳᬶᬧᬸᬦ᭄ᬤᬶᬫᬦᬄ᭟ᬫᬩ᭄ᬭᬶᬬᬸᬓ᭄ᬫᬧᬫᬶᬢ᭄ᬜᬸᬫ᭄ᬩᬄᬳ᭄ᬦᭂᬗᬂᬳ᭄ᬦᬸᬤᬶᬫᬃᬕᬶᬤᬶᬚ᭄ᬭᭀᬧᬸᬭᬘᬭᬶᬢᬬᬂᬧ᭄ᬭᬧᬸᬢ᭄ᬭᬶᬦᬾᬕᬾᬯᬲᬫᬶᬳᬤᬦᬸᬦ᭄ᬤᬾᬦ᭄ᬫᬢ᭄ᬮᬶᬓ᭄ᬳᬤᬦᬸᬦ᭄ᬤᬾᬦ᭄ᬧᬘᬂᬦᬸᬳᬸᬃᬳᬤᬦᬩ᭄ᬤᬩᬂᬯᬲ᭄ᬢ᭄ᬭᬗᬢᬸᬭᬂᬧᬘᬂᬧᬲ
ᬮᬶᬦ᭄ᬳᬤᬕᬸᬧᬸᬄᬫᬦᬩ᭄ᬤᬩᬃᬧᬗ᭄ᬯᬾᬤᬗᬦ᭄᭟ᬳᬶᬤ᭄ᬯᬕᬸᬂᬳᬶᬲ᭄ᬢ᭄ᬭᬶᬕᬕ᭄ᬮᬂᬗᬦ᭄ᬤᬶᬓᬳᬤᬾᬂᬢᬦ᭄ᬲᬶᬧᬶᬦᬳᬚᬓ᭄ᬫᬓ᭄ᬚᬂᬲᬶᬜᬢᬾᬫᬓ᭄ᬭᬦᬲᬶᬲᬶᬧ᭄ᬭᬾᬄᬢ᭄ᬯᬭᬳᬵᬤᬳᬸᬦᬶᬂᬢ᭄ᬓᬾᬦ᭄ᬢᬶᬗ᭄ᬓᬄᬓᬦ᭄ᬤᬵᬢᬸᬳᬸᬢᬦᬸᬭᬸᬂᬧᬘᬂᬚ᭄ᬗᬄᬓᬳᬸᬘᬧ᭄ᬓᬮᬶᬦ᭄ᬢᬂᬩ᭄ᬚᬶᬢ᭄ᬫᭂᬦ᭄ᬤᬓ᭄ᬢᬫ᭄ᬬᬸᬤ᭄ᬧᬶ
ᬦ᭄ᬚᬫᬦᬶᬧ᭄ᬭᬕᬢᬂ᭟ᬓᬧᬢᬸᬢ᭄ᬳᬚᬓ᭄ᬫᬓ᭄ᬚᬂᬲᭀᬓ᭄ᬮᬾᬤᬗᬾᬢᬦ᭄ᬲᬶᬧᬶᬲᬫᬶᬓᬸᬫ᭄ᬧᬸᬮ᭄ᬢ᭄ᬯᬭᬩ᭄ᬮᬵᬲ᭄ᬮᬮᬶᬗᬬᬸᬦᬂᬫᬗᬸᬧᬶᬫᬚᬕᬺᬲᬋᬂᬲᬫᬶᬫᬗ᭄ᬭᬳᭀᬧᬲᬮᬶᬂᬢᭂᬫ᭄ᬩᬸᬂᬢ᭄ᬯᬭᬵᬤᬫᬢᬺᬓᬶᬬᬧ᭄ᬲᬕᬾᬢ᭄ᬮᭂᬫᬄᬕᬢᬶᬕᬢᬶᬦᭂᬓ᭄ᬦᬵᬤᬶᬩᬕᬾᬦ᭄ᬤᬵᬘᬭᬶᬢᬬᬂ
Page:Bali-lontar-gaguritan-cokoratu-03-250ppi.pdf/45
This page has been proofread.
