[᭔ 4B]
᭔
ᬓᬕᬸᬗᬾᬦᬸᬤᬸᬓ᭄ᬧ᭄ᬭᬧᬸᬢ᭄ᬭᬶᬦᬾᬳᬲ᭄ᬬᬓᭀᬘᬧ᭄ᬤᬶᬦᬶᬧᬳᬶᬘᬦ᭄ᬳᬶᬤᬬᬂᬢᬸᬤᬸᬄᬭᬤᬾᬦ᭄ᬭᬢ᭄ᬫᬚᬯᬶᬚᬬᬧ᭄ᬭᬲ᭄ᬩᬦ᭄ᬤᬦᬾᬫᬶᬭ᭠ᬕᬶ᭟ᬫᬵᬓ᭄ᬩᬸᬃᬳᬕ᭄ᬮᬶᬲ᭄ᬗ᭄ᬕᬕᬡ᭄ᬦᬫᬗᬯᬲᬂᬲᬦᬾᬧᬘᬂᬢ᭄ᬥᬸᬦᬶᬦ᭄ᬳᬲᬓ᭄ᬱᬦᬲᬕᬾᬢ᭄ᬭᬳᬸᬄᬤᬶᬦ᭄ᬕᬭᬕ᭄ᬮᬶᬲ᭄ᬢ᭄ᬭᬂᬫᬧᬯᬲᬦ᭄ᬤᬶᬩ
ᬢᬦ᭄ᬩᬦ᭄ᬘᬶᬗᬄᬳᬕᬸᬂᬢ᭄ᬯᬭᬳᬤᬳᬦᬓ᭄ᬦᬯᬂᬧ᭄ᬭᬢᬶᬗ᭄ᬓᬳᬶᬂᬳᭂᬚᬶᬫ᭄ᬱᬓ᭄ᬢᬶ᭟ᬤᬶᬧᬸᬭᬶᬚᬦᬶᬳᬸᬘᬧᬂᬧᬋᬧᬸᬢ᭄ᬭᬶᬤᬶᬗᬃᬭ᭄ᬬᬦ᭄ᬳᬾᬕᬃᬲᬫᬶᬫᬧᬬᬲ᭄ᬧᬤᬫᬩ᭄ᬭᬶᬬᬸᬓ᭄ᬳᬬᬢ᭄ᬚᬕᬓ᭄ᬱᬾᬗᬦ᭄ᬳᬦᬓᬕᬸᬂᬳᬬᬸᬗᬸᬭᬄᬲᬦᬾᬫᬸᬗ᭄ᬕᬸᬄᬧ᭄ᬭᬫᬸᬓᬓᬢ᭄ᬯᬗᬶᬂᬭᬭᬲ᭄ᬱᬭ
ᬭᬲ᭄ᬢ᭄ᬓᬫᬦ᭄ᬢᭂᬲᬶ᭟ᬩᬬᬲᬗ᭄ᬬᬂᬲ᭄ᬫᬭᬵᬓᬦ᭄ᬬᬳᬫᬶᬦ᭄ᬤᬾᬂᬭᬵᬢ᭄ᬳᬸᬧᬲᬶᬂᬯᭀᬂᬲᬩᬸᬫᬶᬮᬗᭂᬦᬶᬂᬧᬲᬶᬃᬫ᭄ᬯᬂᬕᬸᬦᬸᬂᬓᬧᭂᬲ᭄ᬢᬦ᭄ᬯᬦ᭄ᬬᬢᬗ᭄ᬕᬵᬮ᭄ᬧᬧᬸᬧᬸᬮᬦ᭄ᬫᬦᬶᬲ᭄ᬫᬳᭀᬫ᭄ᬩᬓᬦ᭄ᬚᬸᬭᬸᬄᬧᬭᬶᬧᭀᬮᬄᬲᬸᬂᬭᬶᬫᬂᬓ᭄ᬜᭂᬫᬗᬦ᭄ᬤᬶᬓᬳᬭᬶᬲ᭄᭟ᬜᬾᬦ᭄ᬳᬶᬩᬧᬜ᭄ᬚᬓ᭄ᬩᭂᬢᬾᬦ
ᬦ᭄ᬓ᭄ᬫᬩᭂᬘᬢ᭄ᬳᬬᬸᬓ᭄ᬢ᭄ᬮᬶᬓᬶᬦ᭄ᬲᬕᬾᬢ᭄ᬓᬳᬦᬓᬕᬸᬂᬦᬾᬫ᭄ᬦᭂᬫᬭᬗᬦ᭄ᬲᬸᬩᬫᬬᬵᬲ᭄ᬧᬧᬢᬸᬳᬦ᭄ᬢ᭄ᬓᬳᬦᬸᬢ᭄ᬫᬓᬫ᭄ᬩᭂᬦ᭄ᬩᬢᬶᬓ᭄ᬳᬳᬾᬮᬫ᭄ᬩᬗ᭄ᬲᬸᬳᬚᬶᬲ᭄ᬮᬳᬾᬭᬶᬗ᭄ᬕᬶᬢ᭄᭟ᬲᬩᬸᬓ᭄ᬲᬸᬢ᭄ᬭᬓᬮᬶᬬᬕ᭄ᬕᬵᬫᬲᭂᬗ᭄ᬓᬸᬳᬸᬩ᭄ᬕᬕᬸᬮᬸᬂᬥᬥᬸᬳᬮᬶᬫ᭄ᬩᭀ
[᭕ 5A]
ᬦᬾᬫᬶᬳᬶᬓ᭄ᬱᬸᬩᬗᬮᬸᬫ᭄ᬲᬸᬩᬫᬳᬸᬲᬧ᭄ᬳᬫ᭄ᬩᬃᬍᬗᬶᬲ᭄ᬕᬭᬸᬫᬭᬢᬸᬲ᭄ᬤᬾᬤᬾᬲ᭄ᬢᬶᬗ᭄ᬕᬮᬸᬂᬩᭀᬦᬾᬫᬶᬬᬸᬭᬶᬬᬸᬭᬦ᭄ᬧᬢᬸᬄᬢᬸᬃᬫᬕ᭄ᬮᬂᬩᬢᬶᬲ᭄᭟ᬋᬋᬧ᭄ᬲᬸᬦᬾᬳᬶᬦᬸᬘᬧ᭄ᬫᬧᭂᬲᬾᬗᬦ᭄ᬦᬓᬕᬸᬂᬳᬬᬸᬭᬳᬶᬰᬺᬗ᭄ᬕᬭᬳᬫᬸᬮᬸᬄᬋᬫ᭄ᬧᬸᬄᬭᬕᬫᭂᬭᭀᬲ᭄ᬗ
ᬮᬸᬗ᭄ᬕᬂᬚ᭄ᬭᬶᬚᬶᬭᬸᬭᬸᬲ᭄ᬘᬘᬶᬗᬓᬾᬗ᭄ᬘᭀᬃᬚᬸᬭᬸᬧᬫᬮᬸᬦᬾᬕᬥᬶᬂᬜᬮᬂᬲᬭᬭᬲ᭄ᬢ᭄ᬓᬗ᭄ᬭᬶᬫᬗᬶᬂ᭟ᬲᬫᬮᬶᬄᬲᬦᬾᬳᬮᬶᬢ᭠ᬦ᭄ᬳᬦᬓᬕᬸᬗ᭄ᬳᬬᬸᬫᬤᬾᬓᬧᬸᬳᬶᬋᬋᬲ᭄ᬧᬧᬲᬶᬄᬳᬦᬸᬢ᭄ᬚ᭄ᬕᬾᬕ᭄ᬫᬦᬶᬲ᭄ᬰ᭄ᬭᬗ᭄ᬕᬭᬵᬭᬕᬕᬵᬜ᭄ᬚᬶᬂᬧᬫᬸᬮᬸᬦᬾᬜᬦ᭄ᬤᬢ᭄ᬮᬸᬫ᭄ᬮᬸᬫ᭄ᬓ᭄ᬫᬶ᭠
ᬓᬦ᭄ᬫᬗ᭄ᬘᭀᬃᬕᬸᬮᬧᬳᬸᬢ᭄ᬲᬶᬂᬭᬭᬲᬂᬳᬲᬶᬦ᭄᭟ᬦᬾᬧᬢ᭄ᬧᬢ᭄ᬫᬲᬶᬄᬲᬯᬯ᭄ᬯᬧᬤᬫᬦᬶᬲ᭄ᬰ᭄ᬭᬗ᭄ᬕᬭᬭᬫᬾᬩᬸᬤᬶᬳᬦ᭄ᬳᬗ᭄ᬕᬯᬾᬓᬸᬂ᭠
ᬧ᭄ᬓ᭄ᬜᭂᬫ᭄ᬜᭂᬩᬾᬭᬂᬳᬬᬸᬅ᭄ᬗᬸᬤᬤᬾᬭᬾᬂᬫᬶᬬᬲ᭄ᬫᬲᬸᬭᬶᬳᬬᬸᬅ᭄ᬓ᭄ᬜᭂᬫ᭄ᬫᬢ᭄ᬭᬸᬄᬫᬥᬸᬳ᭄ᬬᬂᬦᬸᬗᬦ᭄ᬢᬶᬬᬂᬳᬶᬤᬳᬦᬓᬕᬸᬂᬳᬵᬬᬸᬭᬳᬶᬫᬤᭂᬤᬳᬸᬄᬜᬾᬦ᭄ᬳᬶᬩᬧᬜ᭄ᬚᬓ᭄ᬩ᭄ᬢᬾᬦᬦ᭄ᬩ᭄ᬘᬢ᭄ᬳᬾᬗ᭄ᬕᬮ᭄ᬗᬮᬶᬄᬲᬸᬭᬶ᭟ᬫᬜᬸᬫ᭄ᬩᬵᬄᬳᬶᬫᬬᬭᬕ᭄ᬕᬵᬫᬬᬲᬭᬶᬓᬮᬯᬦ᭄ᬫᬬᬯᬢᬶ
Page:Bali-lontar-gaguritan-cokoratu-03-250ppi.pdf/5
This page has been proofread.
