[᭑᭑ 11B]
᭑᭑
ᬭᬾᬦ᭄ᬳᬕᬸᬂᬓ᭄ᬜᭂᬫ᭄ᬭᬭᬶᬲ᭄ᬫᬗᬦ᭄ᬤᬶᬓᬵᬦᬶᬓᬶᬕᬧ᭄ᬕᬧᬦ᭄ᬢᬧ᭄ᬢᬶ᭟ᬳᬶᬤ᭄ᬯᬕᬸᬂᬩ᭄ᬬᬂᬩᬸᬜᬶᬗᬓ᭄ᬘᭀᬓᭀᬭᬢᬸᬓ᭄ᬜᭂᬫ᭄ᬗᬦ᭄ᬤᬶᬓᬵᬳᬭᬶᬲ᭄ᬢᬸᬫ᭄ᬩᬾᬦ᭄᭟ᬍᬄᬳᬶᬮᬳᬶᬮᬲᬚᬓᬾᬗ᭄ᬕᬳᬾᬳᬸᬫᬄᬘᭀᬓᭀᬭᬢᬸᬫ᭄ᬧᭂᬲ᭄ᬫᬢᬸᬃᬳᬮᬸᬲ᭄ᬲ
ᬯ᭄ᬬᬓ᭄ᬢᬶᬭᬶᬂᬫᬬᬰᬺᬗ᭄ᬕᬵᬢᬶᬢ᭄ᬬᬂᬗᭂᬦ᭄ᬢᭀᬲ᭄ᬩᬦᬲ᭄ᬧᬢᬶ᭟ᬳᬶᬤ᭄ᬯᬕᬸᬂᬳᬚᬶᬗᬦ᭄ᬤᬶᬓᬵᬳᬶᬤ᭄ᬟᬵᬳᬶᬲ᭄ᬢ᭄ᬭᬶᬩᬦ᭄ᬢᬲᬸᬭᬢ᭄ᬧᬸ᭠ᬦᬶᬓᬶᬓᬳᬸᬓᬶᬃᬓᬯᬶᬢᬺᬗ᭄ᬕᬦᬸᬧᬤᬦ᭄ᬟᬵᬦᬫ᭄ᬧᬲᬸᬭᬢ᭄ᬳᬶᬤᬾᬯᬕᬸᬂᬩ᭄ᬬᬂᬗᬫ᭄ᬩᬶᬮ᭄ᬲᬸᬭᬢ᭄ᬱᬵᬫ᭄ᬧᬸᬫ᭄ᬫᬫᬯᭀ
ᬲ᭄ᬤᬶᬧᬓᬬᬸᬦᬦ᭄ᬧᬸᬧᬸᬢ᭄ᬓᭂᬜᭂᬫ᭄ᬫᬢᬸᬃᬭᬭᬶᬲ᭄᭟ᬓᬓᬚᬶᬦᬶᬓᬶᬦ᭄ᬤᬶᬓᬬᬂᬫᬍᬲ᭄ᬢᬸᬮᬶᬲ᭄ᬳᬧᬗᬳᬾᬗ᭄ᬕᬮ᭄ᬫᬸᬮᬶᬄᬓᭀᬭᬢᬸᬫᬳᬢᬸᬃᬳᬮᬸᬲ᭄ᬧᬢᬸᬢ᭄ᬭᬢᬸᬕ᭄ᬮᬶᬲᬂᬚᬕᬵᬗᬸᬤ᭄ᬬᬂᬲᬸᬯᬾᬫᬦᬶᬗ᭄ᬕᬮ᭄ᬦᬕᬦ᭄ᬢᬸᬦ᭄ᬳᬶᬤ᭄ᬯᬕᬸᬂᬳᬚᬶᬗᬦ᭄ᬤᬶᬓᬵ
ᬧᬭᬄᬘᬳᬶᬫᬍᬲ᭄ᬫᬦᬶ᭟ᬓᭀᬭᬢᬸᬫ᭄ᬧᭂᬲ᭄ᬫᬜᬸᬫ᭄ᬩᬄᬮᬸᬢ᭄ᬫᬧᬫᬶᬢ᭄ᬗ᭄ᬮᬯᬸᬢ᭄ᬓᬩᬮᬾᬩ᭄ᬱᬶᬳᬶᬩᬸᬗ᭄ᬓᬸᬂᬕᬸᬦ᭄ᬢᬂᬳᬶᬢ᭄ᬭᬸᬧ᭄ᬧᬤᬳᬾᬗ᭄ᬕᬮ᭄ᬫᬜ᭄ᬚᬕ᭄ᬚᬕ᭄ᬘᭀᬓᭀᬭᬢᬸᬓ᭄ᬜᭂᬫᬗᬦ᭄ᬤᬶᬓᬵᬳᬮᬸᬲ᭄ᬩᬶᬳᬧᬫ᭄ᬩᬳᬦ᭄ᬕᬧ᭄ᬕᬧᬦ᭄ᬳᬶᬕᬸᬦ᭄ᬢᬂᬫᬲ
[᭑᭒ 12A]
ᬳᬸᬢ᭄ᬓ᭄ᬜᬶᬂ᭟ᬢᭂᬦ᭄ᬗᬩᬗᬦ᭄ᬢᭂᬂᬓ᭄ᬮᬄᬚ᭄ᬮᬫᬕ᭄ᬭᬢ᭄ᬘᭀᬓᭀᬭᬢᬸᬫᬜᬳᬸᬢᬶᬦ᭄ᬳᬭᬄᬫᬳᬸᬓ᭄ᬜᬾᬦ᭄ᬫᬗᬸᬕᬸᬢᭀᬂᬦᬸᬕᬵᬳᬤᬮᬾᬦᬦ᭄ᬧᬘᬂᬦᬫ᭄ᬧᬶᬳᬶᬧᬸᬦ᭄ᬗᬩᬮᬸᬳᬸᬂᬮᬸᬳᬸᬂᬢ᭄ᬯᬭᬤᬤ᭄ᬯᬓᬮ᭄ᬩᬳᬗᬬᬦᬸᬗᬦ᭄ᬢᬶᬓᬮᬤᬾᬲᬶ᭟
ᬳᬶᬕᬸᬦ᭄ᬢᬂᬫᬜᬕᬸᬃᬧ᭄ᬳᭂᬢᭀᬂᬫᬤᬬᬤ᭄ᬩᬕᬸᬲ᭄ᬩᬾᬕᬓ᭄ᬚᬳᬶᬮ᭄ᬓᭀᬭᬢᬸᬓ᭄ᬤᬾᬓ᭄ᬫᬲᬤᬸᬤᬅ᭄ᬢᭀᬂᬦᬸᬕᬵᬲᬮᬄᬢᬓᭂᬄᬢ᭄ᬬᬂᬳᬶᬢ᭄ᬭᬸᬧ᭄ᬕ᭄ᬢᬃᬫᬲᬳᬸᬢ᭄ᬳᬫ᭄ᬩᬸᬮ᭄ᬬᬦᬾᬓ᭄ᬦᭂᬳᬂᬳᬭᬄᬩ᭄ᬦᭂᬂᬕᬢᬶᬕᬢᬶ᭟ᬓᭀᬭᬢᬸᬲ᭄ᬩᭂᬗᬾᬩᬶᬦᬮ᭄ᬤ
ᬤᬾᬅ᭄ᬳᬦ᭄ᬝᬶᬓ᭄ᬮᬸᬢ᭄ᬫᬢᬕᬶᬳᬶᬦ᭄ᬢᬸᬮᬶᬲ᭄ᬧᬦ᭄ᬓᬦᬾᬦᬾᬳᬶᬩᬳᬸᬓᭀᬘᬧ᭄ᬢ᭄ᬓᭂᬧᬲᬚᬵᬤᬶᬚᬓ᭄ᬚᬂᬦᬄᬓᬾᬧᬢᬸᬚᬸᬳᬶᬦ᭄ᬫᬮᬸᬓᬮ᭄ᬳᬮᬶᬄᬓᬩᬮᬾᬓᬨᬮ᭄ᬫᭂᬗ᭄ᬓᭂᬩᬂᬩᬢᬦ᭄ᬕᬕᬸᬮᬶᬂ᭟ᬤᬤᬾᬅ᭄ᬳᬦ᭄ᬝᬶᬓ᭄ᬕ᭄ᬟᭂᬕ᭄ᬟᭂᬕ᭄ᬜᬮᬄᬤᬤᬶᬦ᭄ᬟᬾᬓ᭄ᬤ᭄ᬩᬕᬸᬲ᭄ᬗᭀ
ᬕᬢᬶᬜᭂᬦ᭄ᬩᭂᬳᭂᬢ᭄ᬬᬂᬤ᭄ᬩᬕᬸᬲ᭄ᬤ᭄ᬫᭂᬦ᭄ᬫᬗ᭄ᬭᬕ᭄ᬭᬕ᭄ᬢᬯᬄᬘᭀᬓᭀᬭᬢᬸᬓ᭄ᬟᬾᬓ᭄ᬗᬯᬸᬓᬶᬦ᭄ᬳᬶᬢ᭄ᬭᬸᬧ᭄ᬩᬶᬄᬚᬮᬄᬓᬩᬮᬾᬓᬨᬮ᭄ᬫᬤᬓ᭄ᬧᬂᬦ᭄ᬧᬸᬓᬶᬦ᭄ᬢᬸᬮᬶᬲ᭄᭟ᬳᬶᬩᬸᬗ᭄ᬩᬂᬓ᭄ᬟᬾᬓ᭄ᬗᬗ᭄ᬰᭀᬓᬂᬯᬶᬭᬾᬄᬲᬚᬢᭀᬦ᭄ᬤᬾᬦ᭄ᬓᬬᬂᬢᬸᬮᬶᬲ᭄ᬗ᭄ᬕᬶᬄ
Page:Bali-lontar-gaguritan-cokoratu-04-300ppi.pdf/12
This page has been proofread.
