[᭑᭓ 13B]
᭑᭓
ᬅ᭄ᬕᬸᬦ᭄ᬕᬂᬩ᭄ᬘᬢ᭄ᬗᬾᬗ᭄ᬕᬮᬂᬫᬦᬸᬢᬸᬕ᭄ᬩᬶᬄᬦᬧᬶᬲᬶᬭᬯᭀᬲᬂᬳᬭᬄᬢ᭄ᬬᬂᬲ᭄ᬮᬂᬕᬢᬶ᭟ᬓᭀᬭᬢᬸᬓ᭄ᬤᬾᬓ᭄ᬫᬦᬶᬫ᭄ᬩᬮ᭄ᬳᬭᬄᬕᬯᭀᬓ᭄ᬢ᭄ᬬᬂᬓᬾᬦ᭄ᬤᬤᬾᬅ᭄ᬭᬳᬶᬫᬶᬭᬶᬩ᭄ᬳᬦᬓ᭄ᬱᬓᬶᬢ᭄ᬩᬬᬸᬮᬕᬸᬢᬾᬫᬦ᭄ᬓᬬᬂᬬᬳᬶᬕᬸᬦ᭄ᬢᬂᬓ᭄ᬤᬾᬓ᭄ᬫᬜᬕᬸᬃ᭠
ᬮᬓᭀᬦ᭄ᬤ᭄ᬩᬕᬸᬲ᭄ᬩᬕᬸᬲ᭄ᬩᬚᬶᬕᬃᬳᬧᬲᬶᬩᬓᬮ᭄ᬢᬗᬭᬶᬦ᭄᭟ᬢᬶᬫ᭄ᬧᬮᬾᬧᬤᬗ᭄ᬤᬾᬓᬂᬲᬸᬩᬲᬜ᭄ᬚᬳᬶᬗᬦ᭄ᬧᭂᬢᬂᬧᬦᬮᬶᬓ᭄ᬓᭀᬭᬢᬸᬗᬚᬓᬶᬦ᭄ᬫᬦ᭄ᬤᬸᬲ᭄ᬧᬤᬳᬚᬓ᭄ᬫᬓ᭄ᬚᬂᬮᬯᬸᬢ᭄ᬜᭂᬫᬓ᭄ᬓᬤᬸᬢᬦ᭄ᬧᭂᬲᬸᬫᬩ᭄ᬭᬶᬬᬸᬓ᭄ᬫᬩᬭᬦ᭄ᬗᬚ
ᬩᬬᬂᬢ᭄ᬓᭂᬤᬶᬧ᭄ᬭᬩᬲᬵᬕ᭄ᬮᬶᬲ᭄᭟ᬢᬦ᭄ᬓᭀᬘᬧ᭄ᬱᬸᬩᬫᬲᬶᬭᬫ᭄ᬘᭀᬓᭀᬭᬢᬸᬮᬸᬢ᭄ᬗᬯᬸᬓᬶᬦ᭄ᬳᬶᬕᬭᬶᬢ᭄ᬓᬫ᭄ᬧᬾᬓᬾᬧᬳᭂᬓᬂᬫᬮᬸᬳᬶᬕᬭᬶᬢ᭄ᬫᬗᬢᬸᬭᬂᬘᭀᬓᭀᬭᬢᬸᬫᬗᬫ᭄ᬩᬶᬮ᭄ᬮᭂᬂᬗᬶᬲ᭄ᬲᬢᬫ᭄ᬩᬸᬮ᭄ᬮ᭄ᬗᬶᬲ᭄ᬕᬭᬸᬫᬶᬯᬄᬳᬫ᭄ᬩᬃᬢ᭄ᬓᭂᬦᬶ᭠
ᬚᭂᬩᬤ᭄ᬓᬲ᭄ᬢᬸᬭᬶ᭟ᬳᬶᬢ᭄ᬭᬸᬧ᭄ᬮᬸᬢ᭄ᬫᬦᭂᬲᭂᬓᬂᬦᬲ᭄ᬓᬾᬢ᭄ᬬᬂᬚᬦᬶᬫᬶᬮᬸᬫᬍᬗᬶᬲ᭄ᬓᭀᬭᬢᬸᬓ᭄ᬜᭂᬲᬳᬢ᭄ᬫᬧᬤᬧᬳᭂᬓᬂᬚᬓ᭄ᬫᬓ᭄ᬚᬂᬤᬤᬾᬅ᭄ᬕᬸᬦ᭄ᬢᬂᬚ᭄ᬗᬄᬩᬗᬸᬦ᭄ᬩᬦᬾᬦ᭄ᬓᬬᬂᬓᬦ᭄ᬚᬶᬦ᭄ᬓᭀᬭᬢᬸᬦ᭄ᬱᭂᬓ᭄ᬜᬸᬕᬶᬦᬶᬦ᭄᭟ᬳᬶᬕᬸᬦ᭄ᬢᬂ
[᭑᭔ 14A]
ᬫᬦᬫ᭄ᬧᬾᬮᬶᬫᬵᬘᭀᬓᭀᬭᬢᬸᬜᬸᬫᬗ᭄ᬓᬶᬦᬂᬜᬸᬕᬶᬦᬶᬦ᭄ᬭᬢᬬᬂᬫᭂᬦᬾᬓ᭄ᬢᬸᬳᬸᬦ᭄ᬳᬶᬩᬸᬗ᭄ᬩᬂᬫᬗ᭄ᬤᬾᬓᬂᬤᬤᬾᬅ᭄ᬭᬳᬶᬫᬫᬸᬜᬶᬤᭂᬗ᭄ᬓᬮ᭄ᬤ᭄ᬩᬕᬸᬲ᭄ᬬᬾᬦᬧᬓ᭄ᬭᬡᬦᬾᬩᬸᬯᬂᬩᬸᬤᬸᬄᬗᬸᬢᬂᬍᬗᬶᬲ᭄᭟ᬳᬭᬄᬲᬸᬳᬸᬤ᭄ᬚᬵᬫᬘ
ᬦ᭄ᬟᬵᬲᬸᬩᭂᬧ᭄ᬢᭂᬂᬚᬮᬄᬚᬦᬶᬓᬧᬸᬭᬶᬮᬳᬸᬢ᭄ᬫᬚᬮᬦ᭄ᬫᬩ᭄ᬭᬶᬬᬸᬓ᭄ᬢ᭄ᬓᭂᬤᬾᬤᬶᬩᬜ᭄ᬘᬶᬗᬄᬘᭀᬓᭀᬭᬢᬸᬗᬗᬶᬦᬂᬜᬸᬚᬸᬃᬤᬶᬫᬮᬸᬳᬶᬩᬸᬂᬫ᭄ᬩᬂᬮᬳᬸᬢ᭄ᬫᬜᬫ᭄ᬧ᭄ᬭᬓ᭄ᬳᬄᬗᬸᬤᬲᬶᬩ᭄ᬦᭂᬄᬓᬗᬶᬦ᭄᭟ᬓᭀᬭᬢᬸᬮᬸᬢ᭄ᬫᬢᭀᬮᬶᬳᬦ᭄ᬢ᭄ᬬᬂᬚ᭄ᬮᬧ᭄ᬧᬘᬂ
ᬜᬶᬗ᭄ᬕᬳᬶᬦ᭄ᬢᬸᬮᬶᬲ᭄ᬳᬶᬩᬸᬂᬫ᭄ᬩᬂᬕ᭄ᬟᭂᬕ᭄ᬫᬦᬸᬢᬸᬕ᭄ᬳᬶᬢ᭄ᬭᬸᬧ᭄ᬫᬗᭂᬤᬾᬓᬂᬘᭀᬓᭀᬭᬢᬸᬫᭂᬦ᭄ᬟᭂᬧ᭄ᬗᬸᬮᬳᬂᬓᬫᬮᬸᬩᬸᬢ᭄ᬓᭂᬤᬶᬚᬩᬢ᭄ᬗᬄᬫᬦ᭄ᬤᭂᬕ᭄ᬓ᭄ᬤᬾᬓ᭄ᬬᬗᬸᬮᬧᬶᬦ᭄᭟ᬳᬶᬩᬸᬂᬫ᭄ᬩᬂᬫᬫᬸᬜᬶᬗᬫ᭄ᬧᬃᬳᬧᬳᬤᬲᬗ᭄ᬓᬅ᭄ᬚᬗ᭄ᬕᭂᬮ᭄ᬫᬯᬗ᭄ᬰᬶᬢ᭄ᬤᭀᬂ
ᬓ᭄ᬫᬲᬸᬩᬫᬗ᭄ᬮᬳᬸᬢ᭄ᬲᬶᬩ᭄ᬯᬶᬦ᭄ᬢᬶᬬᬂᬘᭀᬓᭀᬭᬢᬸᬓ᭄ᬤᬾᬓ᭄ᬫᬦᭀᬮᬶᬄᬫᬲᬳᬸᬢ᭄ᬢ᭄ᬬᬂᬦᬸᬫᬧᬦ᭄ᬢᬶᬳᬶᬤᬫᬓ᭄ᬚᬂᬧᬤᬗ᭄ᬤᬾᬓᬾᬦ᭄᭟ᬳᭂᬜᬦᬾᬫᬶᬬᬸᬭᬶᬬᬸᬭᬦ᭄ᬫᭀᬂᬧᭀᬂᬢᬾᬫ᭄ᬩᭀᬓ᭄ᬳᬶᬚᬶᬯᬭᬕᬵᬦᭀᬮᬶᬄᬳᬧ
Page:Bali-lontar-gaguritan-cokoratu-04-300ppi.pdf/14
This page has been proofread.
