[᭒᭕ 25B]
᭒᭕
ᬢ᭄ᬜᬺᬧ᭄ᬜᭂᬋᬧᬂᬓᭀᬭᬢᬸᬗᬦ᭄ᬤᬶᬓᬵᬳᬭᬶᬲ᭄᭟ᬤᬶᬚᬳᬮᬶᬄᬳᬓ᭄ᬢᬦᬶᬦᬯᬂᬧᬬᬃᬦᬾᬤᬤ᭄ᬯᬢ᭄ᬯᬄᬗᬚᬓᬶ᭠ᬦ᭄ᬤᬧᬶᬦ᭄ᬧᬗᬓ᭄ᬢᭂᬓᬦ᭄ᬳᬶᬕᬸᬭᬦ᭄ᬤᬸᬢ᭄ᬫᬦᬶᬫ᭄ᬩᬮ᭄ᬓᭀᬘᬵᬧ᭄ᬲᬫ᭄ᬧᬸᬦ᭄ᬫᬤᬳᬃᬲᬫᬶᬳᬦᬓ᭄ᬫᬗᬾᬩᬢ᭄ᬳᬶ
ᬭᬶᬓᬵᬭᬶᬂᬧᭀᬄᬕᬤᬶᬂ᭟ᬤᬤᬶᬓ᭄ᬜᭂᬫ᭄ᬓᭀᬭᬢᬸᬳᬦᬯᬂᬢᬶᬗᬮ᭄ᬚᬭᬦ᭄ᬗᬭᬾᬕᬾᬄᬳᬢ᭄ᬭᬶᬬᬗᬸᬫ᭠ᬭᬢ᭄ᬓᬵᬓᭀᬭᬢᬸᬫᬗᬦ᭄ᬤᬶᬓᬵᬧ᭄ᬢᬦᬸᬓ᭄ᬫᬚᬕ᭄ᬚᬕᬶᬦ᭄ᬧᬤᬘ᭄ᬮᬸᬧᬂᬧᬂᬤᬗᭂᬫ᭄ᬧᭂᬗᬶᬦ᭄ᬓᭀᬧᬶᬂ᭟ᬗᬚᬩᬬᬂᬦᬂ᭠
ᬧ᭄ᬢᬦᬸᬦᬦ᭄ᬤᬦ᭄ᬚᬭᬦ᭄ᬓᭀᬭᬢᬸᬦᬸᬫᬮᬶᬗ᭄ᬕᬶᬄᬧᬭᬦ᭄ᬢᬾᬬᬦ᭄ᬕᬾᬯᬃᬦᬩ᭄ᬤᬩᬂᬧᬗᭀᬧᬶᬬᬦ᭄ᬓᭀᬭ᭠ᬢᬸᬢ᭄ᬟᬸᬦᬦ᭄ᬕᭂᬮᬶᬲ᭄ᬓᬮᭂᬓᭂᬤᬲᬵᬦᬳᭂᬦ᭄ᬓᭀᬭᬶᬫᬓᬜ᭄ᬘᬶᬂ᭟ᬜᬭᬸᬜᬭᬸᬫᬫᬃᬕᬶᬓᬩ᭄ᬮᬓᬂᬚᬯᬵᬜᬶᬂ
ᬲᬾᬧ᭄ᬭᬬᬫᬗᬶᬦ᭄ᬢᬶᬧ᭄ᬗᬤᭂᬕ᭄ᬫᬳᬮᬶᬗᬦ᭄ᬳᬶᬧᬢᬶᬄᬭᬢ᭄ᬣᬦ᭄ᬕᬓ᭄ᬧᬭᬦ᭄ᬢᬾᬬᬦ᭄ᬗᬩᬓᭀᬧᬶᬜᭂᬩᭂᬂᬳᬶᬚᬫᬃᬫᬫᬸᬜᬶᬢᬸᬂᬢᬸᬂᬚᭂᬗᬶᬲ᭄᭟ᬲᬸᬩᬩ᭄ᬢᭂᬓ᭄ᬦᬂᬕᬸᬭᬦ᭄ᬤᬸᬢ᭄ᬧᬢᬸᬦᬸᬮᬸᬢ᭄ᬫᬦᬶᬫ᭄ᬩᬮ᭄ᬚ᭄ᬭᭀᬦᬵᬫᭂᬗ᭄ᬕ
[᭒᭖ 26A]
ᬳᬾᬲᬶᬲᬶᬧ᭄ᬢ᭄ᬬᬂᬧᬬᬸᬲᬮᬄᬳᬶᬲᬤᬍᬲᬄᬦᬶᬫ᭄ᬩᬮ᭄ᬲᬶᬦ᭄ᬢᬸᬂᬍᬕᬦᬾᬫᬮᬮᬶᬳᬤᬵᬩᬦ᭄ᬯ᭄ᬯᬵᬫᭂᬦ᭄ᬤᭂᬧ᭄ᬓ᭄ᬫᬵᬫᬕ᭄ᬤᬶ᭟ᬢᭀᬩᬸᬤᬮᬂᬓᭀᬧᬶᬚᬚᬦᬾᬫᬓ᭄ᬚᬂᬓᭀᬭᬢᬸᬫᬶᬋᬂᬓ᭄ᬜᬶᬂᬮᬳᬸᬢ᭄ᬫᬗᬦ᭄ᬤᬶᬓᬵᬗᬸᬤ᭄ᬬᬂᬧ᭄ᬢᭂᬂᬦᬢᬄᬓᬾ
ᬦ᭄ᬓᬾᬦ᭄ᬢᬸᬲᬶᬂᬳᬤᬍᬗᬶᬲ᭄ᬳᬶᬧᬢᬶᬄᬭᬢ᭄ᬣᬫᭂᬦ᭄ᬤᭂᬧᬤᬵᬫᬫᭂᬦ᭄ᬤᬶᬮ᭄᭟ᬳᬶᬲᬸᬫᬦ᭄ᬢ᭄ᬭᬶᬫᬸᬮᬶᬬᬦ᭄ᬜ᭄ᬫᬓ᭄ᬩᬩᬓ᭄ᬩᬩᬲᬅ᭄ᬓᭀᬭᬢᬸᬦᬸᬢᬸᬕ᭄ᬮᬶᬲ᭄ᬓ᭄ᬜᭂᬫ᭄ᬫᬗᬦ᭄ᬤᬶᬓᬵᬓ᭄ᬚᬩ᭄ᬯᬶᬦ᭄ᬫᬤᬩ᭄ᬤᬩ᭄ᬓᬤᬸᬂᬤᬫ᭄ᬧᬸᬓ᭄ᬳᬸᬮᬶᬢᬸᬦᬶᬮᬸᬯᬲ᭄ᬫᬗ᭄ᬓᬸᬳᬦ᭄ᬤᬶᬚᬢᬾᬗᬶᬤᬶ
ᬳᬶᬤᬶᬄ᭟ᬳᬶᬲᬸᬫᬦ᭄ᬢ᭄ᬭᬶᬕ᭄ᬟᭂᬕ᭄ᬓ᭄ᬦᭂᬳᬾᬓᬮᬶᬯᬢ᭄ᬓᬤᬮᬶᬄᬗᬶᬤᬶᬳᬶᬤᬶᬄᬫᬲᬳᬸᬢ᭄ᬗᬫ᭄ᬩ᭄ᬭᬾᬲᬂᬯ᭄ᬬᬓ᭄ᬢᬶᬢ᭄ᬬᬂᬓᬫᬸᬮᬦ᭄ᬲᬳᬶᬜᭀᬘᭀᬓ᭄ᬗᬶᬤᬶᬳᬶᬤᬶᬄᬗᬢᬸᬭᬂᬫᬾᬭᬂᬳᬸᬮᬶᬫᬤᬸᬭᬫ᭄ᬭᬶᬓᬶ᭟ᬘᭀᬓᭀᬭᬢᬸᬓ᭄ᬜᭂᬫ᭄ᬮ
ᬳᬸᬢ᭄ᬫᬗᬦ᭄ᬤᬶᬓᬵᬮᬸᬯᬲ᭄ᬓᬶᬚᬳᬶᬢᬸᬦᬶᬫᬓᬢᬂᬯᭀᬄᬯᭀᬳᬦ᭄ᬳᬶᬲᬸᬫᬦ᭄ᬢ᭄ᬭᬶᬫᬦᬶᬫ᭄ᬩᬮ᭄ᬦᬾᬦ᭄ᬢᭂᬦ᭄ᬢᬶᬢ᭄ᬬᬂᬲᬓᬶᬂᬗᬶᬤᬶᬄᬲᬶᬭᬢᭀᬗ᭄ᬮᬄᬫᬢ᭄ᬯᬦᬾᬤᬶᬫᬫ᭄ᬮᬶᬂ᭟ᬬᬦ᭄ᬢᭀᬓᭀᬘᬧ᭄ᬩᬳᬸᬢ᭄ᬬᬂᬧᭀᬮᬶᬄᬓᬩᬃᬦᬾᬦᬾᬫ᭄ᬦᬾᬓ᭄ᬳᬶ
Page:Bali-lontar-gaguritan-cokoratu-04-300ppi.pdf/26
This page has been proofread.
