[᭒᭗ 27B]
᭒᭗
ᬕᬵᬜᬸᬫ᭄ᬩᬄᬓ᭄ᬜᭂᬫ᭄ᬫᬢ᭄ᬭᬸᬄᬥᬸᬕᭂᬡ᭄ᬤᬶᬲ᭄ᬭᬢᬸᬤ᭄ᬯᬕᬸᬂᬯᬾᬦ᭄ᬢᭂᬳᬶᬤ᭄ᬟᬵᬩᬕᬸᬲ᭄ᬗᬸᬭᬄ᭟ᬳᬶᬤᬵᬯᬸᬦ᭄ᬘᭀᬓᭀᬃᬳᬶᬤᬾᬯ᭄ᬯᬭᬶᬂᬩᬮᬾᬘᬶᬡ᭄ᬦᬫᬮᬶᬗ᭄ᬕᬶᬄᬧᬸᬦᬶᬓᬵᬤᬵᬩᬕᬸᬲ᭄ᬗᬸᬭᬄᬓᬦ᭄ᬢᭂᬦᬦ᭄ᬢᬶᬢ᭄ᬬᬂᬫᬗᬶᬭᬶᬂᬓ᭄ᬮᬫ᭄ᬩᬸᬧᬸᬦᬶᬓᬵᬲ
ᬫᬶᬢ᭄ᬟᬸᬦ᭄ᬭᬧᭂᬢ᭄ᬭᬢᬸᬤ᭄ᬯᬕᬸᬂᬳᬸᬲᬾᬫᬓᬃᬬ᭄ᬬᬲᬸᬭᬢ᭄ᬓ᭄ᬮᬫ᭄ᬩᬸᬫᬸᬗ᭄ᬕᬄᬕᬮᬂᬲᬫᬶᬓᬦ᭄ᬢᭂᬦ᭄ᬩᬕᬸᬲ᭄ᬯᬃᬡ᭄ᬦᬦᬾᬧ᭄ᬭᬢᬫᬾᬂᬭᬭᬲ᭄᭟ᬩᬩᬳᬾᬲ᭄ᬯ᭄ᬬᬓ᭄ᬢᬶᬘ᭄ᬢᬵᬧ᭄ᬭᬚ᭄ᬜᬾᬂᬕᬶᬢ᭄ᬣᬵᬓᬭᬳᬦᬸᬢᬶᬂᬲ᭄ᬯᬩᬯᬵᬫᬦᬶᬲ᭄ᬧᬸᬦᬶ
ᬓᬋᬓᬾᬳᬾᬫᬦ᭄ᬗᬶᬭᬶᬂᬳᬦᭀᬫ᭄ᬭᬫ᭄ᬬᬦᬶᬂᬩᬸᬤ᭄ᬟᬶᬮ᭄ᬬᬦ᭄ᬗ᭄ᬮᬾᬤᬗᬶᬦ᭄ᬱᬓᬬᬸᬦ᭄ᬓᬧᬶᬦᬂᬓᬾᬫᬦ᭄ᬧᬶᬲᬦ᭄ᬭᬶᬂᬲᬸᬫ᭄ᬦᭂᬧ᭄ᬜᬩ᭄ᬭᬦ᭄ᬯᭂᬗᬶᬯᬃᬡ᭄ᬦᬩᬕᬸᬲ᭄ᬰᬺᬗ᭄ᬕᬭᬵᬫᬺᬢᬫᬾᬂᬭᬭᬲ᭄᭟ᬳᬶᬯᬶᬭᭀᬦ᭄ᬤᬬᬫ
ᬜᬸᬫ᭄ᬩᬄᬫᬢᬸᬃᬫᬢ᭄ᬭᬸᬄᬕᭂᬦ᭄ᬤᬶᬲ᭄ᬧᬢᬸᬢ᭄ᬧᬸᬦᬶᬓᬵᬓᬮᬸᬫ᭄ᬩ᭄ᬭᬄᬲᬦᬾᬫᬗ᭄ᬮᬾᬤᬗᬶᬦ᭄ᬕᬸᬫᬶᬫᬦᬳᬂᬢᬶᬢ᭄ᬬᬂᬯ᭄ᬬᬓ᭄ᬢᬶᬧᬭᬕᬬᬦ᭄ᬫᬦᬶᬲ᭄ᬳᬶᬓᬸᬫᭀᬫ᭄ᬩᬓᬦ᭄ᬕᬸᬮᬤ᭄ᬭᬯᬵᬯ᭄ᬬᬓ᭄ᬢᬶᬗ᭄ᬕᬯᬾᬜᬸᬤ᭄ᬳᬢᬶᬲᬦᬾᬫᬸᬗ᭄ᬕᬸᬄᬤᬤᭀ᭠
[᭒᭘ 28A]
ᬲ᭄ᬩᬸᬗ᭄ᬓᬳᬶᬂᬢᬗ᭄ᬓᬶᬮᬦ᭄ᬫᬓ᭄ᬚᬂᬋᬲᭂᬧ᭄ᬫᬶᬋᬗᬂᬓᬢᬭᬾᬂᬳᬓ᭄ᬱᬶᬮ᭄ᬯᬶᬃᬕᭂᬦ᭄ᬤᬶᬲ᭄ᬫᬓᬤᬶᬳᬶᬤ᭄ᬯᬕᬸᬂᬧᬸᬢᬺᬫ᭄ᬦᭂᬩ᭄ᬫ᭄ᬦᭂᬩ᭄ᬤᬶᬚ᭄ᬭᭀᬦᬶᬂᬋᬤᬶᬳᬦᬯᬂᬦᬯᬂᬳᬓ᭄ᬱᬶᬢᬦ᭄ᬲᬸᬫ᭄ᬮᬧᬶᬂᬧᬦ᭄ᬤᬸᬮᬸᬳᬫᬬᬫᬬᬲᬸᬭᬢ᭄ᬯᬶᬦᬘᬕᬶᬦᬦ᭄ᬢᬶ
ᬕᬦ᭄ᬢᬶᬤᬤᬶᬫᬢᬸᬃᬳᬦᬓ᭄ᬓᬕᬸᬂᬩᬕᬸᬲ᭄ᬓᬭᬂ᭟ᬤᬾᬯᬕᬸᬂᬗ᭄ᬕᬶᬄᬓᬾᬫᬜᬸᬭᬢ᭄ᬳᬶᬦ᭄ᬤᬬᬂᬧᬤᬩᭀᬂᬫ᭄ᬩᭀᬗᬶᬦ᭄ᬳᬶᬤᬾᬯᬕᬸᬂᬧᬸᬢᬺᬦᬶᬫ᭄ᬩᬮ᭄ᬳᬭᬄᬢᭀᬂᬜᬶᬤ᭄ᬟᬬᬂᬲᬧᬶᬄᬧᬦ᭄ᬩᬧᬵᬫᬸᬍᬓᬶᬜ᭄ᬘᬶᬢ᭄ᬳᬶᬧᭂᬕᭂᬕ᭄ᬓ᭄ᬜᭂ
ᬫ᭄ᬫᬳᬢᬸᬃᬳᬭᬄᬢᭀᬂᬕᬓᬮᬄᬲᬮᬘᬸᬃᬮᬘᬸᬃᬭᬾᬲᬧᬶᬄᬤᬤᬶᬢᬸᬢᬸᬢ᭄ᬳᬶᬤ᭄ᬯᬕᬸᬂᬧᬸᬢᬺᬫᬜᬸᬭᬢ᭄᭟ᬳᬶᬓᭂᬲ᭄ᬬᭂᬕ᭄ᬩ᭄ᬘᬢ᭄ᬫᬜ᭄ᬫᬓ᭄ᬫᬦ᭄ᬤᬸᬓᬂᬯᬶᬭᬵᬲ᭄ᬢ᭄ᬭᬕ᭄ᬮᬶᬲ᭄ᬗᬓᬓ᭄ᬮᬯᬸᬢ᭄ᬫᬲᬲᬸᬯᬓ᭄ᬳᬭᬄᬲᬧᬶᬄᬕᬢᬶᬕᬢᬶᬲᬫᬶ
ᬳᬶᬤ᭄ᬟᬵᬫᬗᬓ᭄ᬱᬶᬮᬳᬸᬢ᭄ᬫᬃᬡ᭄ᬦᬲᬮᬶᬂᬢᭂᬫ᭄ᬩᬸᬂᬩᬶᬦ᭄ᬤᬃᬧᬤᬵᬗ᭄ᬮᭂᬕᬬᬂᬳᬶᬤᬾᬯᬕᬸᬂᬧᬸᬢᬺᬫᬶᬗᬶᬲ᭄ᬜᬭᬸᬜᬭᬸ᭠ᬓ᭄ᬜᭂᬫ᭄ᬮᬳᬸᬢ᭄ᬫᬗᬦ᭄ᬤᬶᬓᬵ᭟ᬚᬮᬄᬚᬦᬶᬫᬤᬩ᭄ᬟᬩᬦ᭄ᬦᬗ᭄ᬓᬶᬮ᭄ᬫᬗᬢᬸᬭᬂᬢᬸᬮᬶᬲ᭄ᬚᬮᬦᬂᬚᬦᬶᬓᬢᬸᬩᬦ᭄
Page:Bali-lontar-gaguritan-cokoratu-04-300ppi.pdf/28
This page has been proofread.
