[᭔᭓ 43B]
᭔᭓
ᬗᬮ᭄ᬬᬩ᭄ᬗᬦ᭄ᬤᬶᬓᬵᬜᬾᬦ᭄ᬓᬚᬓ᭄ᬕᬭᬶᬢ᭄᭟ᬳᬶᬕᬭᬶᬢ᭄᭟ᬩ᭄ᬘᬢ᭄ᬫᬦᬶᬫ᭄ᬩᬮ᭄ᬲᬧᬲᬾᬦ᭄ᬢᭂᬦ᭄ᬗᬩᬩᬩᭀᬓᭀᬃᬭᬾᬦᬶᬓᬶᬓᭀᬭᬢᬸᬫᬓᬤᬶᬮᬳᬸᬢ᭄ᬳᬶᬓᬘᬶᬬᬮ᭄ᬓᬘᬶᬗᬓ᭄ᬘᭀᬓᭀᬭᬢᬸᬓ᭄ᬜᭂᬫᬗᬦ᭄ᬤᬶᬓᬵᬳᬮᬸᬲ᭄ᬫ
ᬳᬶᬓᬾᬤᬶᬦᬶᬧᬳᭂᬓᬂᬩ᭄ᬮᬶᬧ᭄ᬗᭂᬂᬕᬢᬶᬕᬢᬶ᭟ᬦᬄᬫᬮᬸᬫᬢᬸᬢᬸᬭᬦ᭄ᬳᬶᬓᬘ᭄ᬬᬮ᭄ᬫ᭄ᬧᭂᬲ᭄ᬫᬳᬢᬸᬃᬳᬭᬶᬲ᭄ᬦᬧᬶᬢᬶᬢ᭄ᬬᬂᬲᬶᬲᬶᬧ᭄ᬯᬯᬸᬤᬤᭀᬲ᭄ᬳᬶᬫ᭄ᬩᬸᬄᬓᭀᬤ᭄ᬬᬦ᭄ᬘᭀᬓᭀᬃᬭᬢᬸᬓ᭄ᬜᭂᬫᬦᬓᭀᬦᬶᬦ᭄ᬚᬸᬚᬸᬢ᭄ᬳᬶᬘᬶᬬᬮ᭄ᬫᬧᬶᬤᬃᬢ᭄ᬣᬲ
ᬢᬶᬗ᭄ᬓᬄᬧ᭄ᬭᬓᬭᬳᬶᬦ᭄ᬤᬶᬓ᭄᭟ᬓᭀᬭᬢᬸᬓ᭄ᬤᬾᬓ᭄ᬫᬦᬶᬫ᭄ᬩᬮ᭄ᬜᬾᬦ᭄ᬱᬶᬧᭀᬗᬄᬲᬶᬧᭀᬓ᭄ᬧᬘᬂᬫᬦ᭄ᬤᬮᬶᬄᬳᬶᬤ᭄ᬯᬕᬸᬧᬸᬢᬺᬜᬮᬸᬓ᭄ᬱᬸᬓ᭄ᬜᬗ᭄ᬓᬶᬮ᭄ᬩᭀᬓᭀᬃᬜᬦ᭄ᬤᬬᬂᬳᬭᬄᬩᬸᬤᬸᬄᬢ᭄ᬯᬭᬫᬸᬜᬶᬦ᭄ᬳᬦᬓ᭄ᬳᬕᬸᬂᬳᬶᬩᬸᬂᬫ᭄ᬩᬂᬢ᭄ᬓᬫᬜ᭄ᬤᬢ᭄ᬓ᭄ᬜᭂᬫ᭄ᬮᬳᬸ
ᬢ᭄ᬣᬫᬫᬸᬜᬶ᭟ᬳᬭᬄᬦᬧᬶᬲᬶᬳᭀᬫᭀᬂᬗᬂᬢ᭄ᬬᬂᬮᬬᬄᬕᬢᬶᬳᬸᬮᬶᬳᬶᬢᬸᬦᬶᬓᭀᬭᬢᬸᬓ᭄ᬜᭂᬫᬢ᭄ᬭᬄᬦᬾᬢᬾᬫᬮᬸᬤᬶᬗᭂᬳᬂᬢ᭄ᬬᬂᬕ᭄ᬮᬸᬓᬢᬶᬩᬾᬦᬦ᭄ᬳᬸᬮᬸᬳᬸᬮᬸᬗᭂᬦᭂᬳᬂᬳᬶᬤ᭄ᬯᬕᬸᬂᬧᬸᬢᬺᬜᬦ᭄ᬤᬬᬂᬩᭀᬓᭀᬃᬭᬾᬦᬶᬓᬶ᭟ᬳᬶᬩᬸᬂᬫ᭄ᬩᬂ
[᭔᭔ 44A]
ᬓᭂᬦ᭄ᬤᭂᬮ᭄ᬗ᭄ᬤᬾᬓᬂᬲᬕᬾᬢ᭄ᬓᬳᬶᬕᬸᬦ᭄ᬢᬂᬢ᭄ᬭᬸᬧ᭄ᬓ᭄ᬜᬶᬂᬳᬧᬳᬤᬳᭀᬋᬕ᭄ᬫᬸᬳᬸᬕ᭄ᬳᬶᬩᬸᬂᬫ᭄ᬩᬂᬫᬜᬤᬸᬯᬂᬧᬤᬵᬮ᭄ᬕᬗ᭄ᬤᬾᬓᬂᬫᬢ᭄ᬭᬸᬄᬢ᭄ᬭᬸᬄᬳᬶᬢ᭄ᬭᬸᬧ᭄ᬮᬳᬸᬢ᭄ᬜᭂᬩᬾᬭᬂᬳᬭᬄᬩᬳᬸᬤ᭄ᬕᬢᬶᬕᬢᬶ᭟ᬫᬃᬕ᭄ᬕᬶᬓᬾᬚᬦᬶᬗᬚᬗᬂᬚ᭄ᬦᭂᬂ᭠
ᬳᬬᬸᬩ᭄ᬦᬲᬶᬢ᭄ᬓᬳᬶᬢᬸᬦᬶᬓᭀᬭᬢᬸᬓ᭄ᬜᭂᬫᬲᬳᬸᬢ᭄ᬳᬶᬧᬦᬫᬸᬦ᭄ᬢᬸᬦ᭄ᬤᬾᬦᬂᬫ᭄ᬮᬶᬳ᭄ᬗᬾᬳᬶᬓᬘᬬᬮ᭄ᬫᭂᬧᭂ᭠ᬲ᭄ᬫᬢᬸᬃᬭᬢᬸᬢᬶᬢ᭄ᬬᬂᬫᬺᬲᬗ᭄ᬕᬵᬬᬂᬦᬾᬫᬗ᭄ᬓᬶᬦ᭄ᬚᬕᬵᬫᬧᬫᬶᬢ᭄᭟ᬓᭀᬭᬢᬸᬓ᭄ᬜᭂᬫ᭄ᬗᬦ᭄ᬤᭂᬕᬂᬦ᭄ᬤᬾᬦ᭄ᬚᬫᬮᬸᬲᬶ
ᬓᭀᬘᬳᬶᬫᬗ᭄ᬯᬶᬓᭀᬦᬶᬦ᭄ᬳᬢᬸᬭᬂᬩ᭄ᬮᬶᬓᬢᭂᬧᬸᬓ᭄ᬧᬸᬍᬲ᭄ᬢᬓᬸᬢ᭄ᬗᬶᬗ᭄ᬲᬦᬂᬓᬮᬶᬳᬜᬘᬳᬶᬦᬵᬫ᭄ᬧᬓᭀᬦ᭄ᬢ᭄ᬭᬓ᭄ᬧᬘᬸᬅ᭄ᬜᬦᬦ᭄ᬲᬶᬜᬓᬢᬓᬾᬦᬦ᭄ᬳᬢᬸᬭᬂᬳᭀᬜᬗᬂᬕᬢᬶ᭟ᬲᬂᬢᬶᬕᬵᬗᬸᬫ᭄ᬩᬸᬮ᭄ᬳᬸᬫ᭄ᬩᬸ
ᬮᬂᬧᬤᭂᬓᭂᬦ᭄ᬤᭂᬮ᭄ᬜᬸᬯᬓᬂᬮᬸᬢ᭄ᬫᬫᬸᬜᬶᬢ᭄ᬯᬶᬢ᭄ᬯᬄᬳᬸᬧᬬᬦ᭄ᬯᬶᬱ᭄ᬡᬸᬢ᭄ᬯᬭᬩᬓᬢ᭄ᬓ᭄ᬦᭂᬳᬂᬓᬾᬦ᭄ᬓᬾᬦ᭄ᬘᬶᬬᬮ᭄ᬳ᭄ᬜᬓᬾᬧᬘᬂᬲᬧᬳᬸᬢ᭄ᬳᬶᬓᭂᬘᬶᬬᬮ᭄ᬫᬗ᭄ᬤᬾᬓᬂᬓᭀᬭᬢᬸᬗᬦ᭄ᬤᬶᬓᬵᬳᬭᬶᬲ᭄᭟ᬦᬲᬶᬦᬾᬢᬸᬦ᭄ᬤᬸᬦᬂᬜ᭄ᬫᬓ᭄ᬲᬸᬩᬵ
Page:Bali-lontar-gaguritan-cokoratu-04-300ppi.pdf/44
This page has been proofread.
