[᭕᭖ 56B]
᭕᭖
ᬫ᭄ᬩᬵᬫᬩ᭄ᬗᬤ᭄ᬲᬺᬯᬶᬣᬶᬢᬕ᭄ᬢᬕ᭄ᬕᭂᬫ᭄ᬧᬸᬓ᭄ᬲᬶᬭᬢ᭄ᬫᬬᬦᬾᬫᬩᬵᬗᬤ᭄᭟ᬳᬸᬦ᭄ᬢᬸᬦᬾᬧ᭄ᬢᬓ᭄ᬗᬸᬮᬾᬮᬫ᭄ᬳᬧᬶᬢ᭄ᬱ᭄ᬮᭂᬫ᭄ᬩᬸ᭠ᬓᬵᬫᬡ᭄ᬦᬶᬓ᭄ᬮᬢᬶᬦᬾᬩᬗ᭄ᬓᬶᬢ᭄ᬗᬦ᭄ᬢᬶᬭᬄᬧᬫᬸᬮᬸᬦᬾᬜᬮᬂᬕᬤᬶᬂᬭᬕᬵᬫ᭄ᬭᭀᬲ᭄ᬗᬾᬤᬦᬶᬦ᭄ᬦᬓᬵᬓᬤᬶᬫᬦᬶᬓ᭄ᬩ
ᬜᬸᬢᬸᬳᬸᬢᬦ᭄ᬧᬳᬸᬧᬫᬯ᭄ᬬᬓ᭄ᬢᬶᬳ᭄ᬬᬂᬲ᭄ᬫᬗᬸᬧ᭄ᬢᬶᬳᬦ᭄ᬤᬦᬶᬓᬸᬂᬲᬲᭀᬮᬄᬗᬯᬾᬧᬺᬧᬜ᭄ᬘ᭟ᬳᬸᬧᬲᬶᬂᬯᭀᬂᬲᬦᬕᬭᬯ᭄ᬬᬓ᭄ᬢᬶᬧᬭᬕᬬᬦ᭄ᬫᬦᬶᬲ᭄ᬓᭀᬭᬢᬸᬫᬯᬲ᭄ᬢ᭄ᬭᬵᬫ᭄ᬮᬄᬕᬕᬸᬮᬸᬂᬤᬤᬸᬗ᭄ᬭᬯᬶᬢ᭄ᬓ᭄ᬜᭂᬫ᭄ᬫᬗᬦ᭄ᬤᬶ
ᬓᬵᬮᬶᬦ᭄ᬤᬶᬤᬾᬄᬓᬫ᭄ᬩᭂᬦᬾᬫᬳᬶᬫᬮᬸᬮᭀᬅ᭄ᬗᬄᬭᬭᬶᬲ᭄ᬫᬗᬢᬸᬭᬂᬢ᭄ᬧᬶᬘᬦ᭄ᬤᬦᬵᬓᬓᬯᬶᬫᬧᬧᭂᬓᭂᬓ᭄ᬩᬢᬶᬓ᭄ᬲᬸᬢᬺᬲᬸᬫᬮᬶᬬᬵ᭟ᬫᬓᬫ᭄ᬧᬸᬄᬲᬸᬢᬺᬮᬸᬲ᭄ᬮᬸᬲᬦ᭄ᬓᬶᬦᬸᬮᬮᬢᬾᬂᬫᬲ᭄ᬳᬤ᭄ᬟᬶᬩᬸᬮᬂᬓᬫ᭄ᬧᬸᬳᬾᬗᬮ᭄ᬬᬮᬄᬓ
ᬯᬘᬫᬭᬾᬦ᭄ᬤᬄᬳᬮᬶᬫ᭄ᬫᭀᬤ᭄ᬭᬾᬩᬶᬦ᭄ᬢᬂᬩᬄᬦᬭᬶᬤᬲ᭄ᬢᬃᬭᬾᬲᬸᬩᬵᬫᬧᬳᬸᬢ᭄ᬢᬗᬶᬜ᭄ᬮᭂᬕ᭄ᬫᬧ᭄ᬭᬤ᭄ᬟᬵᬫᬩᬸᬗ᭄ᬓᬸᬂᬯᬶᬦ᭄ᬢᭂᬦ᭄ᬤᬶᬓᬘᬶᬂᬲᬸᬩᬵᬧᬳᬸᬢ᭄ᬫᬜᬸᬂᬓ᭄ᬮᬶᬢ᭄ᬳᬶᬚᬬᬵᬮᬤᬵ᭟ᬗᬘᭀᬭᬂᬍᬗᬶᬲ᭄ᬓ᭄ᬫᬶᬢᬦᬲᭀᬭᭀᬄ
[᭕᭗ 57A]
ᬧᬗᬗ᭄ᬕᭀᬦ᭄ᬚᬶᬫ᭄ᬰᬓ᭄ᬢᬶᬲᬸᬩᬫᬶᬲᬶᬕᬕᭂᬫᭂᬢᬦ᭄ᬲᬶᬂᬓ᭄ᬦᭂᬳᬂᬍᬂᬍᬂᬧᬮᬶᬂᬮᬳᬸᬢ᭄ᬗᬦ᭄ᬤᬶᬓᬵᬳᬭᬶᬲ᭄ᬳᬶᬕᬭᬾᬂᬕᬭᬶᬢ᭄ᬟᬵᬫᬶᬮᬸᬭᬭᬶᬲ᭄ᬳᬶᬤ᭄ᬟᬵᬓᬳᭀᬤᬮ᭄ᬧᬘᬦᬗᬦ᭄ᬧᭀᬮᬾᬂᬧᬜ᭄ᬚᬶᬫᬩᬸᬘᬸᬫᬲ᭄ᬫᬲᬮᬸᬤᬶᬭᬵᬗ᭄ᬭᬜᬩ᭄᭟ᬲᬸᬩᬵᬢ᭄ᬓ
ᬤᬶᬩᬜ᭄ᬘᬶᬗᬄᬳᬶᬬᬦ᭄ᬟᬵᬯᭂᬬᬩᭂᬚᬶᬢ᭄ᬩᬦᬾᬲᬸᬩᬫᬩᬳᬩᬄᬫᬓᬶᬮᬢ᭄ᬩᬳᬸᬧᬢᬶᬢᬶᬲ᭄ᬫ᭄ᬧᭀᬓ᭄ᬳᬫ᭄ᬧᭀᬓ᭄ᬫᬲ᭄ᬳᬤᬶᬫᬲᭂᬲᭀᬘᬦ᭄ᬳᭂᬦ᭄ᬤᬶᬄᬫᬸᬭᬸᬩ᭄ᬓᬫᬯᭀᬦ᭄ᬧᬢᬓᬵᬫᬲ᭄ᬫᬕᭂᬋᬄᬓᬧᬢ᭄ᬫᬲ᭄ᬳᬤᬶᬫᬧᬗᬦ᭄ᬟᭂᬓ᭄ᬧᭀ
ᬦ᭄ᬢᬂᬚᬗ᭄ᬮᬫᬫ᭄ᬦᬂ᭟ᬘᬫ᭄ᬢᬶᬫᬲᬮᬸᬤᬶᬭᬵᬓᭀᬭᬢᬸᬫᬗ᭄ᬮᬜ᭄ᬘᬢ᭄ᬕᭂᬮᬶᬲ᭄ᬘᬋᬫ᭄ᬘᭂᬧᭂᬢ᭄ᬧᬤ᭄ᬟᬵᬗ᭄ᬮᬜ᭄ᬘᬢ᭄ᬳ᭄ᬦᭂᬗᬓᬭᬶᬭᬶᬂᬫᬃᬕᬶᬳᬸᬘᬧᬂᬤᬶᬦᬕᬭᬶᬳᬶᬤᬾᬯᬕᬸᬂᬳᬚᬶᬢ᭄ᬟᬸᬦ᭄ᬧᬘᬂᬗᬓ᭄ᬱᬶᬯᬦ᭄ᬢᬶᬮᬦ᭄ᬤᬾᬦᬶᬂᬓᬢᬸᬃᬧᬸᬧᬸᬢ᭄ᬩ᭄ᬘᬶ
ᬓ᭄ᬗᭂᬦ᭄ᬤᬶᬄᬫᬸᬭᬸᬩ᭄ᬢ᭄ᬯᬭᬤᬵᬩᬓᬢ᭄ᬓᭂᬦᭂᬳᬂ᭟ᬲᬫ᭄ᬧᬸᬦ᭄ᬭᬯᬸᬄᬭᬶᬂᬯᬦ᭄ᬢᬶᬮᬦ᭄ᬮᬾᬤᬂᬳᬶᬤᬾᬯᬕᬸᬂᬳᬚᬶᬗ᭠ᬓ᭄ᬱᬶᬧᬤᬦ᭄ᬟᬵᬧᬲᬮᬶᬂᬢᬶᬫ᭄ᬩᬮ᭄ᬧᬗᬍᬫ᭄ᬳᬍᬫᬾᬳᭂᬦ᭄ᬢᬶᬭᬭᬶᬲ᭄ᬫᬢᬸᬮᬓ᭄ᬫᬮᬶᬄᬭᬶᬂᬩᬜ᭄ᬘᬶᬗᬄᬫᬮᬸᬗ᭄ᬕᬸᬄᬓᭀᬘ᭠
Page:Bali-lontar-gaguritan-cokoratu-04-300ppi.pdf/57
This page has been proofread.
