[᭕᭘ 58B]
᭕᭘
ᬦᬾᬳᬦ᭄ᬢᬶᬲᬓ᭄ᬦᭂᬄᬩ᭄ᬮᬶᬤᬶᬦᬶᬭᬚᬧᬸᬢᬺᬲᬮᬾᬂᬢᭂᬫ᭄ᬩᬸᬂᬤᬕᬶᬂᬧᬤ᭄ᬟᬵᬗᭂᬦ᭄ᬤᭂᬓᬂᬓᭀᬭᬢᬸᬫᬾᬲᭂᬫᬶᬂᬳᬢᬶᬳᬶᬤᬾᬯᬕᬸᬂᬧᬸᬢᬺᬦᬯᬂᬦᬯᬂᬳᬸᬮᬢ᭄᭟ᬓᭀᬭᬢᬸᬫᬳᬢᬸᬃᬩᬦ᭄ᬩᬦ᭄ᬩᬸᬓᬵᬫᭂᬫ᭄ᬩᬄᬫᬤᬸᬕᭂᬡ᭄ᬟᬶᬲ᭄ᬭᬢᬸᬮᬾᬤ᭄ᬟᬂ
ᬧᬓᬬᬸᬦᬦᬢᬶᬢ᭄ᬬᬂᬧᬶᬢ᭄ᬮᬲ᭄ᬫᬗᬶᬭᬶᬂᬤᭀᬄᬧᬘᬂᬫᬫᬶᬯᬮᬶᬦ᭄ᬓᬾᬯᬦ᭄ᬢᭂᬦ᭄ᬲᬫ᭄ᬧᬸᬦ᭄ᬓᬤᬯᬸᬄᬭᬶᬂᬓᬧ᭠ᬦ᭄ᬤᬸᬭᬸᬲ᭄ᬗᭂᬦ᭄ᬤᭀᬦ᭄ᬭᬚᬧᬸᬢᬺᬮᬾᬤ᭄ᬟᬂᬲᬫᬶᬳᬶᬤᬾᬯᬕᬸᬂᬳᬚᬶᬓ᭄ᬜᭂᬫ᭄ᬫᬗᬦ᭄ᬤᬶᬓᬵ᭟ᬢᭀᬚᬭᬦᬾᬮᬶᬬᬸᬧᬶᬲ
ᬦ᭄ᬜᬾᬦ᭄ᬲᬶᬧᬤᬵᬫᬦᬵᬕᬓᬶᬦ᭄ᬓᭀᬭᬢᬸᬫᬳᬢᬸᬃᬳᬮᭀᬦ᭄ᬯᬾᬦ᭄ᬢᭂᬦ᭄ᬭᬾᬜ᭄ᬘᬂᬢᬶᬢ᭄ᬬᬂᬯ᭄ᬬᬓ᭄ᬢᬶᬧᬢᬶᬄᬭᬢ᭄ᬣᬧᬸᬦᬶᬓᬶᬳᬶᬧᬸᬦ᭄ᬕᬓᬶᬦ᭄ᬤᬾᬯᬕᬸᬂᬳᬦ᭄ᬢᬸᬓᬾᬚᬕᬵᬮᬸᬗᬵᬳᬶᬤ᭄ᬯᬕᬸᬂᬗᬦ᭄ᬤᬶᬓᬵᬫᬮᬶᬄᬦᬄᬢᬸᬦ᭄ᬤᬾᬦᬂᬫᬳᭂ
ᬓᬂᬧᬤᬵᬫᬓ᭄ᬚᬂ᭟ᬓᭀᬭᬢᬸᬫᬯᬗ᭄ᬰᬶᬢ᭄ᬳᬾᬗ᭄ᬕᬮ᭄ᬳᬶᬫᬃᬬ᭄ᬬᬸᬦ᭄ᬧᬭᬦᬶᬂᬳᬓ᭄ᬱᬶᬫ᭄ᬧᭂᬲ᭄ᬳ᭄ᬬᬮᬳᬸᬢ᭄ᬫᬚᬮᬦ᭄ᬗᬯᬸᬓᬶᬦ᭄ᬢᬶᬫ᭄ᬧᬮᬵᬲᬫᬶᬧᬢᬶᬄᬭᬢ᭄ᬣᬦᬾᬕ᭄ᬮᬶᬲ᭄ᬫ᭄ᬦᬾᬓᬦ᭄ᬳᬶᬧᬸᬦ᭄ᬫᬩ᭄ᬭᬶᬬᬸᬓ᭄ᬲ᭄ᬩᭂᬂᬧᬤᬵᬦᬶᬩᬬᬵᬢ᭄ᬓᬵᬫᬗ
[᭕᭙ 59A]
ᬕᭂᬫ᭄ᬘᬫ᭄ᬢᬶᬩᬕᬸᬲ᭄ᬩᬕᬸᬲ᭄ᬲᬲ᭄ᬮᬶᬭᬦ᭄ᬯᭀᬂᬫᬤᬸᬭᬵ᭟ᬲᬸᬩᬵᬧᬤᬦ᭄ᬕᬓ᭄ᬳᬢᬧ᭄ᬕᬯᭀᬓ᭄ᬢᬗ᭄ᬓᬶᬮᬦᬾᬲᬫᬶᬫ᭄ᬓᬤᬶᬳᬶᬤ᭄ᬯᬕᬸᬂᬧᬸᬢᬺᬳᬦᬓᬕᬸᬂᬳᬕᬸᬂᬲᬫᬶᬧᬵᬤᬢ᭄ᬮᭂᬩ᭄ᬫᬗᬓ᭄ᬱᬶᬧᬋᬓᬦ᭄ᬭᭀᬩᬦ᭄ᬫᬩ᭄ᬭᬶᬬᬸᬓ᭄ᬳᬗᭀᬩ᭄ᬘᬋᬫᬮᬶᬬᬢ᭄
ᬓᭀᬭᬢᬸᬫᬧᬧᬲ᭄ᬳᬓ᭄ᬱᬶᬭᬶᬂᬳᬶᬤ᭄ᬯᬕᬸᬂᬤᬶᬗᬃᬬ᭄ᬬᬦ᭄ᬳᬲ᭄ᬫᬸᬋᬲ᭄ᬢᬄ᭟ᬳᬶᬤᬾᬯᬕᬸᬂᬳᬚᬶᬜᬶᬗᬓ᭄ᬓ᭄ᬜᭂᬫ᭄ᬫᬗᬦ᭄ᬤᬶᬓᬵᬳᬭᬶᬲ᭄ᬦᬾᬳᬧᬵᬧᬤᬵᬳᬫᭀᬗᬵᬕᭀᬩᬦᬾᬧᬢᬸᬄᬘᬮᬶᬭᬶᬂᬓᭀᬭᬢᬸᬫᬢᬸᬃᬳᬭᬶᬲ᭄ᬳᬶᬧᬸᬦ᭄ᬧᬢᬶᬄ
ᬭᬢ᭄ᬣᬤ᭄ᬯᬕᬸᬂᬧᬤᬦ᭄ᬟᬵᬭᬳᬶᬦᬶᬫ᭄ᬩᬮ᭄ᬤ᭄ᬩᬕᬸᬲ᭄ᬢ᭄ᬬᬂᬢᬸᬢᬸᬭᬶᬦ᭄ᬓ᭄ᬭᬦᬵᬳᬶᬧᬸᬦ᭄ᬫᬳᬤᬦ᭄ᬳᬶᬧᬢᬶᬄᬭᬢ᭄ᬣ᭟ᬓᭀᬭᬢᬸᬓ᭄ᬜᭂᬫᬦᬶᬫ᭄ᬩᬮ᭄ᬢᬩᬸᬳᬾᬫᬺᬤᬸᬳᬫᬦᬶᬲ᭄ᬧᬸᬦᬶᬓᬶᬯᬶᬲᬬᬾᬩᬸᬭᭀᬦ᭄ᬓᬸᬢᬸᬦ᭄ᬳᬮᬲ᭄ᬜᬩ᭄ᬭᬦ᭄ᬫᭂᬤᬶᬮ᭄ᬢᬦ᭄ᬯᬾᬦ᭄ᬢᭂ
ᬦ᭄ᬳᬸᬦᬶᬂᬢᬺᬩᬶᬲ᭄ᬬᬤᬶᬦ᭄ᬭᬾᬚᬾᬂᬚᬸᬭᬂᬧᬂᬓᬸᬂᬦᬺᬩᬓ᭄ᬳᬮᬲ᭄ᬤᬸᬃᬕ᭄ᬕᬫᬵᬫᬳᬯᬦᬦ᭄ᬳᬶᬧᬸᬦ᭄ᬱᬫᬶᬗᬫᭀᬂᬓᬸᬤᬵᬫᬯᬲ᭄ᬢᬳᬶᬧᬢᬶᬄᬭᬢ᭄ᬣ᭟ᬳᬶᬤ᭄ᬯᬕᬸᬂᬳᬚᬶᬗᬦ᭄ᬤᬶᬓᬵᬓᭀᬭᬢᬸᬧᬭᬦᬶᬗᬓ᭄ᬱᬶᬧᬭᬄᬜᬾᬦ᭄ᬳᬤᬜᬳᭂᬦ᭄ᬢᭀᬚ᭠
Page:Bali-lontar-gaguritan-cokoratu-04-300ppi.pdf/59
This page has been proofread.
