[᭕ 5B]
᭕
ᬢᬸᬦ᭄ᬤᬾᬦᬂᬕᬸᬲ᭄ᬢᬶᬦ᭄ᬳᬶᬩᬦᬾᬫᬳᬶ᭟ᬳᬶᬗ᭄ᬕᬶᬄᬢᬫ᭄ᬬᬸᬳᬭᬶᬦᬵᬳᬓᬾᬄᬧᬲᬚᬦ᭄ᬩᬾᬦ᭄ᬢᭂᬦ᭄ᬓᭀᬩᭂᬃᬫᬭᬶᬓᬶᬳᬶ᭠ᬩᬸᬗ᭄ᬩᬂᬫᬜᬫ᭄ᬧ᭄ᬭᬓ᭄ᬮᬸᬢ᭄ᬳᬾᬗ᭄ᬕᬮᬗᬩᬸᬤᬮ᭄ᬢ᭄ᬓᭂᬤ᭄ᬬᬤᬶᬫᬬᬰᬺᬗ᭄ᬕᬶᬚᬦᬶᬳ᭄ᬦᭂᬗᬂᬤᬶᬕᬕ᭄ᬮᬂᬩᬮᬶᬓᬶᬦ᭄᭟ᬳᬶᬤᬾ
ᬯᬕᬸᬂᬧᬸᬢ᭄ᬭᬳᬧᬶᬦ᭄ᬤᬲᬸᬗ᭄ᬓᬯᬩᬦᬾᬫᬚᬮᬦ᭄ᬚᬦᬶᬲᬸᬭᬢ᭄ᬲᬸᬩᬧ᭄ᬭᬕᬢ᭄ᬧᬤᬫᬯᬶᬚᬶᬲᭀᬯᬂᬫ᭄ᬓᬤᬶᬳ᭠ᬚᬶᬦ᭄ᬤᬵᬓᬮᬶᬄᬳᬭᬶᬳᬭᬶᬦ᭄ᬤᬵᬫᬯᬶᬦᬦ᭄ᬓᬧ᭄ᬭᬶᬬᬢᬶᬦ᭄᭟ᬓᬘᬭᬶᬢ᭄ᬣᬦᬾᬧᬢ᭄ᬧᬢ᭄ᬲᬸᬩᭂᬫᬧᬳ᭄ᬬᬲ᭄ᬫᬓᬫ᭄ᬩᭂᬦ᭄ᬤ
ᬤᬸᬫᬲ᭄ᬮᬶᬫ᭄ᬲᬩᬸᬓ᭄ᬩᬢᬶᬓ᭄ᬕᬤᬂᬲᬧᬸᬢᬾᬫᬗ᭄ᬭᬦᬂᬗᬶᬂᬢᬸᬭᬄᬘᬭᬫᬗᬸᬳ᭄ᬯᬶᬳᭂᬫ᭄ᬩᭀᬢ᭄ᬳᭂᬫ᭄ᬩᭀᬢ᭄ᬲᬸᬢ᭄ᬭᬓᬘ᭄ᬬᬮ᭄ᬳᬮᬶᬫ᭄᭟ᬮᬫ᭄ᬩᬾᬳᭂᬩᬸᬦ᭄ᬓᬸᬮᬫ᭄ᬩᬶᬩᬶᬮᬸᬤ᭄ᬭᬸᬕᬤᬂᬫᬫᭀᬤ᭄ᬭᬾᬳ᭄ᬫᬵᬲ᭄ᬲᬫᬶᬲᬸᬓᬸᬲᬸᬓᬸᬧᬢ᭄ᬧᬢ᭄ᬫᬳᬸᬤᭂᬂᬩ
ᬢᬶᬓᬺᬫ᭄ᬩᬂᬫᬩᬸᬗ᭄ᬓᬸᬂᬫᬶᬭᬄᬤᬶᬓᬘᬶᬩᬕᬸᬲ᭄ᬫᬩᭂᬗᬤ᭄ᬧᬧᬭᬲᬦᬾᬫᬶᬗᬶᬤ᭄᭟ᬓ᭄ᬜᭂᬫ᭄ᬫᬦᬶᬲ᭄ᬕᬶᬕᬶᬦᬾᬧᬸᬢᬶᬄᬢᬸᬃᬳᬢᬧ᭄ᬳ᭄ᬩᭀᬫᬲ᭄ᬧᬸᬓ᭄ᬫᬶᬳᬶᬓ᭄ᬬᬫᬳᬸᬲᬧ᭄ᬳᬫ᭄ᬩᬃᬫᬚᬮᬦ᭄ᬗᬧᬸᬬ᭄ᬬᬂᬳᬶᬚᬶᬯᬵᬭᬕᬫᬸᬘᬸᬓᬶᬦ᭄ᬳᬶᬯᬶᬭᭀ
[᭖ 6A]
ᬦ᭄ᬤᬬᬕᬕᬭᬂᬢᬫᬾᬂᬯᬶᬱ᭄ᬝᬶ᭟ᬳᬶᬤᬾᬯᬕᬸᬂᬧᬸᬢ᭄ᬭᬜᬶᬗᬓ᭄ᬢᬦ᭄ᬧᬚᬶᬯᬓ᭄ᬜᭂᬫ᭄ᬗᬦ᭄ᬤᬶᬓᬵᬳᬭᬶᬲ᭄ᬭᬲᬵᬫᬫ᭄ᬩᬸᬄᬕᬸᬮᬫᬳᬶᬳᬶᬩᬧᬳᭂᬓᬂᬤᬵᬳᬶᬩᬫᬓ᭄ᬮᭀᬫᬸᬮᬶᬄᬧᬤᬳᬶᬗᭂᬢᬂᬫᬸᬜᬶᬦ᭄ᬓᬳᬶᬦᬾᬳᬶᬩᬶ᭟ᬲᬕᬾᬢ᭄ᬓᬳᬶᬧ᭄ᬕᭂᬕ᭄ᬱᬸᬩᬫᬧᬬ᭠
ᬲ᭄ᬳ᭄ᬩᭀᬫᬲ᭄ᬧᬸᬓ᭄ᬫᬶᬳᬶᬓ᭄ᬧᬦ᭄ᬫᬸᬮᬤᭀᬤᭀᬬᬦ᭄ᬲᬳᬶᬫᬳᬸᬲᬧ᭄ᬳᬫ᭄ᬩᬃᬮᬾᬮᬾᬢ᭄ᬢᭀᬂᬳᬤᬦᬦ᭄ᬤᬶᬗᬶᬦ᭄ᬤ᭄ᬫᭂᬦ᭄ᬫᬩᬸᬗᭂᬲᬶᬦ᭄ᬯᬫ᭄ᬦᬶᬂᬦᬵᬕᬲᬭᬶ᭟᭜᭟ᬤᬾᬯᬕᬸᬂᬫᬃᬕᬶᬄᬚᬮᬸᬯᬲᬫ᭄ᬩᬶᬮᬂᬫᬮᬮᬶᬮᬮᬶᬧ᭄ᬦᬾᬓᬂᬚᬶᬯᬭᬕᬵᬧᬂᬤ᭄ᬟᬵ
ᬲ᭄ᬭᬦ᭄ᬢᬵᬤᬶᬫᬃᬕᬶᬳᬶᬤ᭄ᬯᬕᬸᬂᬜᭂᬜᭂᬃᬗᬓ᭄ᬱᬶᬲ᭄ᬯᬩᬯᬫᬢ᭄ᬭᬸᬄᬚᬸᬭᬸᬄᬦᬄᬓᬗ᭄ᬕᭀᬲᬸᬩᬳᬶᬤᬵᬢᬶᬫ᭄ᬧᬮᬾᬧᬤᬵᬳ᭠ᬚᬓᬶᬦ᭄ᬩᬧᬫᬦ᭄ᬤᬸᬲ᭄ᬫᬮᬸᬳᭀᬧᭂᬓᬾᬮᬶᬯᬢ᭄᭟ᬚᬕ᭄ᬭᬯᬸᬄᬦᬾᬦᬾᬮᬮᬶᬫᬵᬫᬳᬦ᭄ᬤᬃᬳᬦ᭄ᬤᬃᬫᬃᬕ᭄ᬕᬶᬳᬶᬤᭀᬕ᭄ᬓ
ᬮᬯᬦ᭄ᬳᬶᬤᭀᬤᬵᬳᬶᬩᭂᬜ᭄ᬘᭂᬂᬓᭂᬲ᭄ᬬᭂᬕ᭄ᬫᬓᬤᬶᬳᬶᬩ᭄ᬢᬄᬢᬗ᭄ᬕᬸᬤᬸᬭᬶᬳᬶᬤᭀᬤᬵᬗᬦ᭄ᬤᬶᬓᬵᬳᬮᬸᬲ᭄ᬳᬶᬤ᭄ᬯᬕᬸᬂᬧᬸ᭠ᬢ᭄ᬭᬤᬶᬚᬳᬶᬧ᭄ᬕᭂᬕ᭄ᬓ᭄ᬜᭂᬫ᭄ᬜᬯᬸᬢᬶᬦ᭄ᬦᬸᬫᬲᬶᬭᬫ᭄ᬚᬦᬶᬓᭀᬦᬾᬗᬦ᭄ᬢ᭄ᬬᬂᬮᬸᬯᬲ᭄᭟ᬳᬶᬤᭀᬤᬵᬓ᭄ᬜᭂᬫᬦᬶᬫ᭄ᬩᬮ᭄ᬳᬸᬓᬸᬄᬢ᭄ᬬᬂ
Page:Bali-lontar-gaguritan-cokoratu-04-300ppi.pdf/6
This page has been proofread.
