[᭖᭖ 66B]
᭖᭖
ᬚᭀᬄᬢ᭄ᬯᬭᬧᬘᬂᬜᬶᬤᬬᬂᬳᬶᬬᭀᬲ᭄ᬢᭀᬲ᭄ᬢᬸᬃᬲᬢᬦ᭄ᬤᬶᬂ᭟ᬳᬓᬾᬢᭀᬫᬮᬸᬳᬸᬘᬧᬂᬳᬶᬤᬾᬯᬕᬂᬧᬸᬢᬺᬚᬦᬶᬩᬮᬶᬓᬶᬦ᭄ᬓ᭄ᬜᭂᬫ᭄ᬫᬗᬦ᭄ᬤᬶᬓᬵᬳᬮᬸᬲ᭄ᬳᬶᬄᬳᬶᬩᬫᬤᬸᬭᬭᬲ᭄ᬓ᭄ᬫᬩ᭄ᬘᬢ᭄ᬜᭂᬫᬓ᭄ᬱᬸᬯᬄᬓᬫ᭄ᬩᭂᬦ᭄ᬮᬯᬸᬢ᭄ᬩᬗᬸᬦ᭄ᬳ᭄ᬬ
ᬳᬚᬓᬵᬧᬢ᭄ᬧᬢ᭄ᬢ᭄ᬓᬫᬗᬢᬸᬭᬂᬕ᭄ᬮᬶᬲ᭄᭟ᬳᬶᬤ᭄ᬯᬕᬸᬂᬭᬭᬶᬲ᭄ᬫᬗᬶᬸᬢᬶᬸᬳ᭄ᬬᬲ᭄ᬲᬸᬩᬧᬸᬧᬸᬢ᭄ᬓᭂᬜᭂᬫ᭄ᬗᬦ᭄ᬤᬶᬓᬵᬳᬭᬶᬲ᭄ᬘᬶᬬᬮ᭄ᬓ᭄ᬫᬳᬶᬩᬫᬮᬸᬳᬮᬶᬄᬢᬶᬫ᭄ᬧᬮᬾᬳᭀᬜᬂᬤᬤᬶᬓ᭄ᬜᭂᬫ᭄ᬳᬶᬫᬤᬸᬭᬕᬵᬫᬳᬢᬸᬃᬦᬶᬓᬶᬳᬦᬓ᭄ᬚᬕᬶᬓ᭄ᬚᬳᬶᬤ᭄ᬯᬵ
ᬕᬸᬂᬓ᭄ᬜᭂᬫ᭄ᬜᬳᬸᬭᬶᬦ᭄᭟ᬚᬦᬶᬓᬳᬶᬫᬗᬶᬦ᭄ᬤᬬᬂᬗᭂᬦ᭄ᬤᭀᬦ᭄ᬫᬘᭂᬓᬶᬓᭀᬘᬧ᭄ᬤᬶᬳᬸᬓᬶᬃᬓᬯᬶᬫᬚᬕᭀᬩᬦ᭄ᬲᬸᬓᬸᬲᬸᬓᬸᬳᬄᬓᭀᬘᬧ᭄ᬭᬫᭂᬲ᭄ᬧᬶᬲᬦ᭄ᬤᬤᬶᬓ᭄ᬤᬾᬓ᭄ᬳᬶᬫᭂᬮᬢᬶᬮᬳᬸᬢ᭄ᬫᬢᬸᬃᬦᬶᬓᬦᬓ᭄ᬘᬵᬓᭀᬃᬳᬶᬤᬾᬯᬓ᭄ᬦᬧᬶᬦᬾᬦ᭄ᬢᭂᬦ᭄ᬫᬗᬶᬭᬶᬂ᭟ᬳᬶ
ᬫᬤᬸᬭᬲ᭄ᬫᬶᬦ᭄ᬗ᭄ᬤᬾᬓᬂᬢᬸᬫ᭄ᬩᬾᬦ᭄ᬧᬲᬄᬚ᭄ᬦᭂᬂᬢᬾᬫᬯᬶᬬᬤ᭄ᬟᬶᬤᬤᬶᬓ᭄ᬜᭂᬫ᭄ᬳᬶᬤᬾᬯᬕᬸᬂᬦᬄᬓᬗ᭄ᬕᭀᬳᬩᬫᬃᬡ᭄ᬦᬮᬸᬢ᭄ᬫᬫᬃᬕᬶᬧᬋᬓᬦ᭄ᬘᭂᬭᬶᬓ᭄ᬫᬩ᭄ᬭᬶᬬᬸᬓ᭄ᬤᬶᬳᬸᬓᬶᬃᬓᬯᬶᬳᬸᬘᬧᬂᬘ᭄ᬓᬶᬭᬫᭂᬲ᭄ᬕᬢᬶᬕᬢᬶ᭟ᬳᬢᬸᬳᬢᬶᬓ᭄ᬓᭀᬲᭀᬂᬧᬶᬲᬦ᭄ᬲᬸᬩᬵᬓᬮᬄᬳ
[᭖᭗ 67A]
ᬤᬗᬦ᭄ᬱᬾᬓᭂᬢ᭄ᬭᬶᬗ᭄ᬕᬶᬢ᭄ᬳᬶᬤᬾᬯᬕᬸᬂᬧᬸᬢᬺᬭᬯᬸᬄᬓ᭄ᬜᭂᬫ᭄ᬭᬭᬶᬲ᭄ᬗᬦ᭄ᬤᬶᬓᬵᬜᬾᬦ᭄ᬓᬢᬦ᭄ᬤᭂᬲ᭄ᬤᬾᬄᬢ᭄ᬬᬂᬜᬮᬸᬓᬶᬦ᭄ᬫ᭠ᬮᬸᬳᬢᬸᬳᬢᬶᬓ᭄ᬜᭂᬫ᭄ᬦᬶᬫ᭄ᬩᬮ᭄ᬗ᭄ᬕᬶᬄᬦᬶᬓᬶᬢ᭄ᬬᬂᬕᭂᬦ᭄ᬢᬶᬦᬶᬦ᭄ᬳᬶᬤᬾᬯᬕᬸᬂᬜᬫ᭄ᬩᬸᬢ᭄ᬳᬾᬗ᭄ᬕᬮ᭄ᬤᬤᬶᬧᬮᬶᬂᬦᬾᬘ᭄ᬦᬶᬓ᭄ᬘᭂᬦᬶᬓ᭄ᬕᬶᬲᬶ
ᬤᬾᬦᬶᬂᬧᬺᬧᬜ᭄ᬘᬦᬾᬜᬸᬲᬸᬧ᭄ᬢ᭄ᬯᬭᬤᬤᬶᬲᬭᬸᬯᬂᬳᬸᬓᬸᬄᬜᬕᬵᬧᬗᬓ᭄ᬱᬶᬦᬾᬳᬗ᭄ᬕᭀᬦᬸᬭᬸᬢ᭄ᬲᬸᬫᬶ᭠ᬗ᭄ᬓᬶᬦ᭄ᬢᭀᬂᬫ᭄ᬩᬳᬦ᭄ᬤᭀᬗ᭄ᬕᬵᬧᬬᬸᬓ᭄ᬦᬵᬲ᭄ᬮᬳᬾᬭᬶᬗ᭄ᬕᬶᬢ᭄᭟ᬳᬢᬸᬳᬢᬶᬓ᭄ᬕ᭄ᬮᬸᬜᬶᬗᬓ᭄ᬳᬶᬤᬾᬯᬕᬸᬂᬦᬸᬤᬸᬓ᭄ᬱᬫ᭄ᬧᬾᬳ᭠
ᬓᬢᬶᬄᬗᬸᬳᬸᬕ᭄ᬮᬯᬂᬗᬸᬢᬂᬕᬸᬕᬸᬂᬳᬢᬸᬳᬢᬶᬓ᭄ᬗᭂᬢᬭᬂᬢ᭄ᬓᭂᬢᬯᬄᬳᬶᬤ᭄ᬯᬕᬸᬂᬫᬘ᭄ᬓᬶᬩᬸᬤᬸᬳᬭᬄᬫ᭄ᬭᬶᬓᬵᬚᬫᬓᬳᬤ᭄ᬗᬸᬤ᭄ᬬᬂᬚ᭄ᬮᬧ᭄ᬗᬸᬢᬂᬭᬶᬗ᭄ᬕᬶᬢ᭄᭟ᬳᬢ᭄ᬬᬂᬦᬾᬦ᭄ᬢᭂᬦ᭄ᬜᬓ᭄ᬓᬮᬄᬧᬲᬶᬮᬶᬳᬶᬦ᭄ᬳᬶᬤ᭄ᬯᬕᬸᬂᬫᬤᬾᬓ᭄ᬜᬶᬂᬳᬢᬸᬬᬄᬓ᭄ᬜᭂᬫᬦᬸᬦ᭄ᬤᬸᬳᬢᬶᬓ᭄ᬫ
ᬗ᭄ᬤᬾᬓᬂᬳᬶᬤᬾᬯᬕᬸᬂᬧᬸᬢᬺᬓ᭄ᬜᭂᬫ᭄ᬗᬦ᭄ᬤᬶᬓᬵᬳᬮᬸᬲ᭄ᬦᬄᬤ᭄ᬧᬂᬢ᭄ᬬᬂᬓᬢᭂᬫ᭄ᬧ᭄ᬯᬦ᭄ᬮᬳᬸᬢ᭄ᬦᬸᬦ᭄ᬤᬾᬦ᭄ᬜ᭄ᬫᬓ᭄ᬭᬶᬗ᭄ᬕᬶᬢ᭄᭟ᬢᬓ᭄ᬓᭀᬘᬧ᭄ᬱᬸᬩᬫᬚᬮᬦ᭄ᬳᬶᬤᬾᬯᬕᬸᬂᬧᬸᬢᬺᬩᬸᬤᬮ᭄ᬫᬗ᭄ᬭᬭᬶᬲ᭄ᬦᬗ᭄ᬓᬶᬮ᭄ᬓᬧᬲᬭᬾᬦ᭄ᬳᬕᬸᬂᬳᬚᬶᬦ᭄ᬟᬵᬩᬳᬸᬓᭀᬤᬮ᭄ᬳᬶ
Page:Bali-lontar-gaguritan-cokoratu-04-300ppi.pdf/67
This page has been proofread.
