[᭖᭘ 68B]
᭖᭘
ᬤᬯᬸᬄᬢ᭄ᬮᬸᬭᬚᬧᬸᬢ᭄ᬭᬦᬾᬲᬫ᭄ᬬᬦ᭄ᬤᬶᬳᬫ᭄ᬩᬾᬦᬾᬲᬶᬋᬧ᭄ᬱᬫᬶ᭟ᬳᬶᬤᬾᬯᬕᬸᬂᬧᬸᬢᬺᬳᭀᬲᬄᬢ᭄ᬯᬭᬫᬢᬺᬓᬶᬬᬧ᭄ᬳᬗᬦ᭄ᬳᬓᬶᬓᬶᬢ᭄ᬩᬮᬶᬲᬄᬧᬺᬧᬜ᭄ᬘᬲᬸᬳᬸᬂᬮᬸᬢ᭄ᬫᬢᬗᬶᬫᬕᬾᬩ᭄ᬭᬲ᭄ᬳᬶᬓᭂᬘ᭄ᬬᬮ᭄ᬫᬤᬸᬦ᭄ᬤᬸᬦ᭄ᬫᬢᬜ᭄ᬚᬂᬢᬜ᭄ᬚᬸᬂᬩᬗᬸᬦ᭄ᬚᬮ
ᬦ᭄ᬓᬩᬮᬾᬳᭂᬫᬲ᭄ᬓᬳᬶᬳᬶᬗᬸᬄᬧᬶᬲᬦ᭄ᬤᬶᬦᬶ᭟ᬫᬫᬃᬕᬶᬮᬸᬢ᭄ᬗᬧᬸᬭᬶᬬᬂᬲᬸᬩᬭᬳᬸᬄᬤᬶᬩᬮᬾᬫᬲ᭄ᬫᬗ᭄ᬭᬭᬶᬲ᭄ᬓᬳᬫ᭄ᬩᬾᬦᬾᬗᬦ᭄ᬤᬶᬓᬵᬳᬮᬸᬲ᭄ᬘᬶᬬᬮ᭄ᬩᭂᬘᬢ᭄ᬳᬾᬗ᭄ᬕᬮ᭄ᬓ᭄ᬫᬤᬸᬦ᭄ᬤᬸᬦᬾᬮᬮᬶᬫᬵᬧᬂᬗᬩᬗᬸᬦ᭄ᬳᬶᬯᬶᬱᬵ
ᬭᬕᬵᬓᬮᬯᬦ᭄ᬳᬶᬯᬶᬱᬵᬭᬭᬲ᭄ᬳᬶᬯᬶᬲᬵᬭᬰ᭄ᬫᬶᬦ᭄᭟ᬫᬦᬶᬭᬲ᭄ᬫᬶᬦ᭄ᬫᬦᬶᬭᬕᬵᬳᬶᬓᬘᬶᬬᬮ᭄ᬫᬚᬮᬦ᭄ᬗᬯᬵᬲᬸ᭠ᬦ᭄ᬤᬶᬄᬓᬲᬶᬗ᭄ᬕᬵᬋᬧᬵᬫᬗ᭄ᬮᬳᬸᬢ᭄ᬦᬸᬦ᭄ᬤᬸᬦᬾᬦᬾᬮᬮᬶᬫᬵᬩ᭄ᬘᬢ᭄ᬩᬗᬸᬦ᭄ᬧᬤᬬᬧᬸᬗᬸᬦ᭄ᬧᬸᬗᬸᬦ᭄ᬳᬭᬄᬢ᭄ᬬᬂᬩ᭄ᬬᬦᬗᬫᬄ᭠
ᬳᬶᬓᬘᬶᬬᬮ᭄ᬳ᭄ᬓᭂᬮ᭄ᬗᭂᬤᬾᬓᬶᬦ᭄᭟ᬮᬳᬸᬢ᭄ᬲᬫ᭄ᬩᬶᬮᬂᬗᬋᬧᬂᬳᬭᬄᬫᬃᬕᬶᬄᬫ᭄ᬩᭀᬓ᭄ᬳᬾᬗ᭄ᬕᬮ᭄ᬳᬾᬗ᭄ᬕᬮ᭄ᬕᬢᬶᬫᬚᬮᬦ᭄ᬧᬤᬫᬩ᭄ᬭᬶᬬᬸᬓ᭄ᬦᬗᬶᬂᬦᬸᬓᬧᬸᬧᬸᬗᬦ᭄ᬢ᭄ᬓᬤᬶᬩᬾᬫᬲ᭄ᬜᬍᬗ᭄ᬓᭂᬂᬫᬚᬸᬚᬸᬓ᭄ᬳᬶᬓᬘᬶᬬᬮ᭄ᬫᬢᬸᬃᬜᬸᬫ᭄ᬩᬄᬧᬸ
[᭖᭙ 69A]
ᬦᬶᬓᬶᬲᬫᬶᬳᬸᬲ᭄ᬧ᭄ᬭᬧ᭄ᬢᬶ᭟ᬳᬶᬤ᭄ᬯᬕᬸᬂᬧᬸᬢᬺᬗᬦ᭄ᬤᬶᬓᬵᬦᬄᬢᬸᬦ᭄ᬤᬾᬦᬂᬬᬧᬤᬗ᭄ᬮᬳᬸᬢ᭄ᬫᬳᬶᬘᬶᬬᬮ᭄ᬫᬫᬸᬜᬶᬳᬮᬸᬲ᭄ᬗ᭄ᬕᬶᬄᬧᬤᬵᬫ᭄ᬦᬾᬓᬦ᭄ᬦᬾᬮᬮᬶᬫᬵᬫᭂᬦ᭄ᬤᭂᬧ᭄ᬦᬕᬶᬄᬦᬸᬫᬚᬸᬚᬸᬓ᭄ᬢ᭄ᬯᬭᬦᬯᬂᬧᬯᬶᬮᬗᬦ᭄ᬳᬶᬓᬘ᭄ᬬᬮ᭄ᬫᬢᬸᬃᬕ᭄ᬮᬶᬲ᭄᭟ᬓ
ᬳᬸᬮᬦ᭄ᬘᭀᬓᭀᬃᬳᬶᬤᬾᬯᬵᬓᬧᬸᬧᬸᬗᭂᬦ᭄ᬩᬗᭂᬢ᭄ᬧᬶᬲᬦ᭄ᬧᬸᬦᬶᬓᬶᬳᬶᬤ᭄ᬯᬕᬸᬂᬫᬗ᭄ᬭᬭᬶᬲ᭄ᬢᭂᬤᬸᬦ᭄ᬓ᭄ᬜᭂᬫ᭄ᬜᭂᬜᭂᬃᬗᬦ᭄ᬤᬶᬓᬵᬫᬳᬶᬫᬮᬸᬫᬓ᭄ᬚᬂᬧᬤᬫᬕ᭄ᬮᬸᬢ᭄ᬫᬢᬶᬫ᭄ᬩᬮ᭄ᬫᬳᬭᬲ᭄ᬳᬭᬲᬦ᭄ᬮᬸᬢ᭄ᬣᬳᬶᬗᭂᬢ᭄ᬜᭀᬗ᭄ᬓᭀᬓ᭄ᬱᬫᬶ᭟ᬳᬶᬤ᭄ᬯᬕᬸᬂᬓ᭄ᬜᭂᬫ᭄ᬗ
ᬦ᭄ᬤᬶᬓᬵᬫᬳᬶᬫ᭄ᬦᬾᬓ᭄ᬢᭀᬗᭀᬲᬶᬦ᭄ᬓᬳᬶᬤᬶᬦᬶᬦᬾᬮᬮᬶᬫᬵᬚᭂᬚᭂᬳᬾᬫᬸᬧᬸᬢ᭄ᬫᬲᬶᬄᬧᬤᬦᬸᬂᬓᬲᬂᬲᬸᬩᬵᬫ᭄ᬦᬾᬓ᭄ᬫᬚᬮᬦ᭄ᬳᬶᬧᬸᬦ᭄ᬫᬩ᭄ᬭᬶᬬᬸᬓ᭄ᬜᭀᬂᬓᭀᬓ᭄ᬤᬶᬳᬋᬧᬦ᭄ᬳᬸᬦ᭄ᬤᬕ᭄ᬳᬶᬤ᭄ᬯᬕᬸᬂᬗᬦ᭄ᬤᬶᬓᬵᬳᬭᬶᬲ᭄᭟ᬩᬶᬄᬫᬳᬶᬧᬤᬵᬧᬳᭂᬓᬂᬤ᭄ᬱᭂ᭠
ᬓᬳᬶᬦᬾᬮᬮᬶᬫᬵᬲᭂᬫᬸᬚ᭄ᬭᬶᬄᬫ᭄ᬧᭂᬲ᭄ᬬᬧᬤᬵᬫᬗᬸᬦ᭄ᬢᬸᬓ᭄ᬩᬬᬸᬦ᭄ᬜᬦᬾᬗᬢᬸᬕ᭄ᬢᬕ᭄ᬳᬶᬤᬾᬯᬕᬸᬂᬲ᭄ᬋᬂᬗᬦ᭄ᬤᬶᬓᬵᬬᬂᬳᬶᬧᬸᬦ᭄ᬓᬶᬲᭂᬮ᭄ᬧᬤᬵᬫᬓ᭄ᬭᬶᬯᭂᬤᬦ᭄ᬳᬶᬤ᭄ᬯᬕᬸᬂᬗᭂᬤᭂᬂᬫᬗ᭄ᬭᬭᬶᬲ᭄᭟ᬫ᭄ᬤᭂᬫᬂᬫᬓᬮᬮᬶᬫᬵᬯᬶᬭᬾᬄᬚᬤ᭄ᬫᬵᬦᬸᬫᬓᭂ
Page:Bali-lontar-gaguritan-cokoratu-04-300ppi.pdf/69
This page has been proofread.
