[᭑᭕ 15B]
᭑᭕
ᬤᬗᬚ᭄ᬗᬢ᭄ᬓ᭄ᬦᬧᬓᭂᬮᬾᬗ᭄ᬮᬶᬂᬓᬸᬤ᭄ᬬᬗᬓᬾᬦᬶᬂᬓᭀᬭᬢᬸᬳᬶᬧᬲᭂᬓ᭄ᬦᬕᬶᬄᬦᬶᬜ᭄ᬚᬓ᭄ᬓᭀᬭᬢᬸᬩ᭄ᬘᬢ᭄ᬗᬯᬸᬓᬶᬦ᭄ᬕᬭᬾᬂᬕᬭᬶᬢ᭄ᬦᬾᬫᬮᬸᬧᬥᬧᬳᭂᬓᬂ᭟ᬦᭀᬗᭀᬲ᭄ᬦᭀᬗᭀᬲ᭄ᬳᬶᬩᬚᬸᬫᬄᬳᬶᬚᭂᬗᬶᬦ᭄ᬳᬸᬫᬳᬾᬤᬶᬦᬶᬳᬦᬓ᭄ᬓᬳᬶᬗᬦ᭄ᬢ᭄ᬬᬂᬮᬸᬯᬲ᭄ᬢᬕᬶᬳᬂᬳ
ᬯᬓᬾᬧᬶᬧᬶᬲ᭄ᬳᬶᬕᬭᬾᬂᬫᬗᬗ᭄ᬕᬸᬢᬶᬦ᭄ᬓᭀᬭᬢᬸᬮᬾᬤᬗᬾᬫᬸᬧᬸᬢ᭄ᬗᬦ᭄ᬤᬶᬓᬵᬓ᭄ᬫᬳᬾᬗ᭄ᬕᬮ᭄ᬦᬓᬕᬸᬂᬗᬸᬭᬄᬳᬢᬸᬭᬶᬦ᭄ᬮᬸᬢ᭄ᬫᬚᬮᬦ᭄ᬳᬶᬕᬭᬶᬢ᭄ᬓᬲ᭄ᬫᬭᬵᬮᬬ᭟ᬢᬸᬗᬸᬭᬄᬲᬸᬩᬲᬸᬤ᭄ᬫᬳ᭄ᬬᬲ᭄ᬫᬯᬲ᭄ᬢ᭄ᬭᬕᬕᬸᬮᬸᬂᬳᬮᬶᬫ᭄ᬤᬤᬸᬢᬸᬃᬫᬓᬓᬬᭀᬦᬦ᭄ᬧᬯ᭄ᬓᭂᬓ᭄ᬱᬸᬩᬦᬶ
ᬭᬸᬓ᭄ᬢᬶᬩᬢᬶᬓ᭄ᬕᬤᬗᬾᬳᬮᬶᬫ᭄ᬲᭀᬭᭀᬄᬩᬗ᭄ᬰᬵᬳᬸᬫᬸᬃᬲᬵᬢᬸᬲᬸᬩᬫᬳᬸᬲᬧ᭄ᬳᬫ᭄ᬜᬃᬫᬭᬢᬸᬲ᭄ᬚ᭄ᬗᬤ᭄ᬓᬲ᭄ᬢᬸᬭᬶᬫᬶᬳᬶᬓ᭄ᬗᬮᬸᬧ᭄ᬳᭂᬜᬾᬦᬾᬫᬶᬬᬸᬳᬶᬬᬸᬭᬦ᭄᭟ᬳᬶᬕᬭᬶᬢ᭄ᬓᬵᬫᬭᬾᬗᬂᬢᬸᬗᬸᬭᬄᬕ᭄ᬮᬶᬲ᭄ᬗᬸᬮᬧᬶᬦ᭄ᬳᬶᬕᬭᬶᬢ᭄ᬳᭂᬗ᭄ᬲᬧ᭄ᬓᬾᬦ᭄ᬳᬢᬸᬃᬓᬾᬦᬾᬓᭀᬭᬢᬸᬓᬾ
ᬦ᭄ᬢ᭄ᬬᬂᬦᬓᬕᬸᬂᬗᬸᬭᬄᬳᬢᬸᬭᬶᬦ᭄ᬳᬾᬗ᭄ᬕᬮ᭄ᬳᬾᬗ᭄ᬕᬮ᭄ᬳᬶᬧᬲᭂᬓ᭄ᬥᬾᬓ᭄ᬦᬓᭀᬦᬂ᭟ᬘᭀᬓᭀᬃᬭᬢᬸᬳᬶᬤ᭄ᬥᬤᬶᬚᬵᬜᬾᬦ᭄ᬤᬶᬢᬸᬩᬳᬸᬫᬗᬶᬭᬶᬂᬳᬶᬕᬭᬶᬢ᭄ᬫᬳᬢᬸᬃᬢᬯᬄᬓ᭄ᬮᬾᬳᭀᬓᬭᬢᬸᬗ᭄ᬮᬶᬂᬓ᭄ᬮᬾᬳᬤᬾᬫᬲᬶᬄᬗ᭄ᬮᬶᬂᬢᬸᬗᬸᬭᬄᬗᬦ᭄ᬤᬶᬓᬵᬳᬮᬸᬲ᭄ᬗ᭄ᬭᬳᬶᬲ᭄ᬗᬚᬓ᭄ᬜᬩᬾᬤᬦ᭄
[᭑᭖ 16A]
ᬚᬮᬄᬧᬤᬓᬩᬢᬯᬶᬮᬸᬢ᭄ᬫᬫᬃᬕ᭄ᬕᬵᬫᬩ᭄ᬭᬶᬬᬸᬓ᭄ᬗᬶᬭᬶᬂᬲᬫᬶᬬᬦ᭄᭟ᬧᬢᬶᬄᬭᬢ᭄ᬣᬢ᭄ᬩᭂᬂᬗᬫ᭄ᬩ᭄ᬬᬃᬤᬶᬦᬢᬄᬫᬧᬬᬲ᭄ᬲᬫᬶᬲ᭄ᬜᭂᬃᬜᬦᬾᬧᬥᬩᬶᬗᬃᬩᬦᬾᬗᬦ᭄ᬢ᭄ᬬᬂᬗᬶᬭᬶᬂᬫᬸᬮᬶᬄᬦᬾᬤᬤ᭄ᬯᬗᬸᬦ᭄ᬗᬸᬦ᭄ᬲ᭄ᬥᬶᬄᬢ᭄ᬯᬩᬮᬸᬗ᭄ᬲᬬᬦ᭄ᬩᬕᬸᬲ᭄ᬫᬲᬶᬄᬧᬤᬫᬧᬲᬲ᭄ᬓᭀᬭᬢᬸᬜᭂᬜᭂᬃ
ᬫᬗᬓ᭄ᬱᬶᬲᬕᬾᬢ᭄ᬭᬯᬸᬄᬦᬓᬕᬸᬗᬸᬭᬄᬦᬫ᭄ᬧᭂᬓ᭄ᬓᬂ᭟ᬧᬸᬕ᭄ᬓᬾᬦ᭄ᬓᬾᬦ᭄ᬧᬓ᭄ᬦᭂᬄᬢ᭄ᬬᬂᬦᬳᬶᬤᬧᬤᬓ᭄ᬦᭂᬳᬶᬦ᭄ᬳᬢᬸᬭᬂᬧᬗᬸᬦ᭄ᬤᬂᬚᬸᬫᬄᬬᬦᬕᬶᬄᬯ᭄ᬓᬲ᭄ᬲᬂᬫᬳᬶᬫ᭄ᬩᬳᬦ᭄ᬢᭀᬗᭀᬲ᭄ᬫᬧᬫᬶᬢ᭄ᬫ᭄ᬥᬄᬳᬗ᭄ᬕᭀᬧᬦᬦ᭄ᬢᬸᬜᬕ᭄ᬚᬕᬶᬦ᭄ᬢᬫ᭄ᬬᬸᬚᬸᬫᬄᬢᬸᬗᬸᬭᬄᬫᬳᬢᬸᬃᬳᬭᬶᬲ᭄
ᬜᬦ᭄ᬤᬂᬩ᭄ᬘᬶᬓ᭄ᬦᬸᬦᬲ᭄ᬫᬗ᭄ᬓᬶᬦ᭄ᬓᬦᬵᬕᬭ᭟ᬓᭀᬭᬢᬸᬭᬭᬶᬲ᭄ᬓᬯ᭄ᬤᬮ᭄ᬫᬩ᭄ᬭᬶᬬᬸᬓ᭄ᬫᬗᬶᬭᬶᬂᬲᬫᬶᬕ᭄ᬮᬶᬲ᭄ᬫᬦᬸᬗ᭄ᬕᬮ᭄ᬲᬫ᭄ᬧᬾᬤᬗᭂᬲᭂᬃᬢᬦ᭄ᬧᬾᬦ᭄ᬤᬄᬮ᭄ᬯᬶᬭᬗᬶᬦ᭄ᬲᬓ᭄ᬱᬡᬭᬯᬸᬄᬕ᭄ᬮᬶᬲ᭄ᬭᬶᬂᬦᬵᬕᬭᬲᬵᬫ᭄ᬧᬸᬦ᭄ᬢᭂᬤᬸᬦ᭄ᬤᬶᬲᬸᬫ᭄ᬦᭂᬧ᭄ᬳᬸᬘᬧᬂᬳᬶᬤ᭄ᬯᬕᬸᬂᬫᬮᬶᬗ᭄ᬕᬶᬄᬘᭀᬓᭀᬃᬤ᭄ᬥᬧᬸᬭᬶᬓᬗᬶᬦᬦ᭄
ᬕᬸᬲ᭄ᬢᬶᬗᬸᬭᬄᬦ᭄ᬤᬢᬦ᭄ᬓᬭᬶᬧᬋᬓᬦ᭄ᬭᭀᬩᬦ᭄ᬢᬶᬢᬶᬩ᭄ᬚᬕ᭄ᬳᭂᬩᭀᬫᬶᬳᬶᬓ᭄ᬫᬳᬶᬬᬸᬃᬢᬗ᭄ᬓᬶᬮᬦ᭄ᬲᬫᬶᬫ᭄ᬭᬾᬗᬂᬜᬤᬗᬂᬘᬘᬶᬗᬓ᭄ᬮᬶᬦ᭄ᬤᬶᬲᬕᬾᬢ᭄ᬭᬳᬸᬄᬓᭀᬭᬢᬸᬭᬋᬂᬢᬸᬗᬸᬭᬄ᭟ᬳᬶᬤ᭄ᬯᬕᬸᬂᬘᬦᭂᬕ᭄ᬫᬜᬶᬗᬓ᭄ᬢᬸᬫ᭄ᬩᬾᬦ᭄ᬫᬩᬭᬗᬦ᭄ᬦᬗ᭄ᬓᬶᬮ᭄ᬓ᭄ᬜᭂᬫ᭄ᬭᬭᬶᬲ᭄ᬫᬗᬦ᭄ᬤᬶᬓᬵᬦᬄ
Page:Bali-lontar-gaguritan-cokoratu-05-250ppi.pdf/16
This page has been proofread.
