[᭑᭘ 18B]
᭑᭘
ᬘᬂᬫᬳᬾᬤᬾᬗᬶᬦ᭄ᬧᬸᬢ᭄ᬭᬶᬤᬶᬢᬸᬮᬳᬸᬢ᭄ᬳᬧᬶᬓᬶᬦ᭄ᬢᬗ᭄ᬓᭂᬧᬾᬳᬧᬗᬧᬳᬸᬢ᭄ᬭᬭᬲᬂᬫᬗ᭄ᬤᬾᬫ᭄ᬮᬄᬳᬶᬤᬾᬯᬕᬸᬂᬧ᭄ᬢ᭄ᬭᬓ᭄ᬜᬶᬂᬫᬗᬦ᭄ᬤᬶᬓᬵᬩᬸᬓᬵᬗ᭄ᬘᭀᬃᬤᬂᬤᬂᬕᬸᬮ᭟᭐᭟ᬳᬭᬄᬳᬭᬄᬳᬫᭂᬗ᭄ᬕᬢᬶᬕᬢᬶᬫᬃᬫ᭄ᬫᬤᬳᬢ᭄ᬢ᭄ᬬᬂᬫᬗᭂᬦᭂᬳᬂᬢ᭄ᬓᬾᬦ᭄ᬢᭀ
ᬧᬭᬧᬸᬢ᭄ᬭᬶᬦᬾᬧᬘᬂᬧ᭄ᬱᬸᬜᬮᬸᬓ᭄ᬱᬸᬓ᭄ᬧᬓᬶᬲᭂᬳᭂᬩ᭄ᬗᬯᬲ᭄ᬗ᭄ᬮᬶᬬᬢᬶᬦ᭄ᬦᬾᬧᬘᬂᬳᬗ᭄ᬕᭀᬲᭀᬫᬄᬢᭀᬲᬶᬂᬓᬾᬬᬳᬶᬩᬸᬓ᭄ᬫᬓᬤᬶᬦ᭄ᬜᬦᬾᬮᬚ᭄ᬚᬶᬢᬧᬘᬂᬫᬧᬲ᭄ᬧ᭄ᬭᬭᬢᬸᬧᬤᭂᬧᬤᭂᬗ᭄ᬓᬶᬓ᭄ᬫᬗᬓᬓ᭄ᬭᬸᬭᬓᬭᬵ᭟ᬳᬶᬤᬾᬯᬕᬸᬂᬭᬳᬶ
ᬭᬭᬶᬲ᭄ᬩᬸᬤᬓᬾᬦ᭄ᬢᭂᬦ᭄ᬬᬦ᭄ᬫᬦᬳᬂᬢᬶᬢ᭄ᬬᬂᬳᬦ᭄ᬢᬸᬓ᭄ᬓᬮᬶᬦ᭄ᬢᬗ᭄ᬳᬚ᭄ᬭᬶᬄᬳᬾᬳᬶᬤ᭄ᬯᬕᬸᬂᬮᬦᬂᬦᭂᬫ᭄ᬩᬸᬂᬢ᭄ᬓᬩᬦᬶᬢ᭄ᬬᬂᬦᬶᬤᭀᬗᬶᬦ᭄ᬬᬦ᭄ᬢ᭄ᬯᬭᬤᬕᬕᬕᬢ᭄ᬭᬦ᭄ᬢᬼᬩ᭄ᬧᬘᬂᬘᬸᬫ᭄ᬧᬸᬓᬳᬸᬦ᭄ᬤᬂᬗᬂᬧᬭᬭᬢ᭄ᬯᬦᬶᬂᬓᬾᬦ᭄ᬓᬾᬦᬾᬧᬬᬸᬦ᭄ᬤᬂᬢ᭄ᬓᭂᬤ᭄ᬫᬳᬶᬳᬶᬓᭂᬲ᭄ᬬᭂᬕ᭄ᬫᬜᭂᬩᬾᬭᬂ᭟
ᬜᬾᬦ᭄ᬲᬶᬧᬜ᭄ᬚᬓ᭄ᬭᬓ᭄ᬳᬮᬶᬄᬧᬭᬄᬓᬲᬸᬫ᭄ᬦᭂᬧ᭄ᬳᬾᬗ᭄ᬕᬮ᭄ᬳᬶᬬᬲ᭄ᬢ᭄ᬭᬓᬵᬮᬶᬲ᭄ᬢᬗ᭄ᬓᭂᬧᬾᬜᬸᬫ᭄ᬩᬄᬫᬚᬮᬦ᭄ᬮᬯᬸᬢ᭄ᬳᬲᬓ᭄ᬱᬡᬲᬕᬾᬢ᭄ᬫᬫᬯᬮᬶᬫ᭄ᬧᭂᬲ᭄ᬜᬸᬫ᭄ᬩᬄᬗᬢᬸᬭᬂᬓᭀᬘᬧ᭄ᬘᭀᬓᭀᬃᬭᬢᬸᬳᬶᬤᬲᬶᬋᬧ᭄ᬯᬯᬸᬧᬶᬲᬦ᭄ᬭᬚᬧᬸᬢ᭄ᬭᬫᬩ᭄ᬭᬶᬬᬸᬓ᭄ᬧᬘᬂᬫᬧᬫᬶᬃ
[᭑᭙ 19A]
ᬢ᭄ᬮᬶᬬᬸᬗ᭄ᬮᬄᬧᬦᬮᬃ᭟ᬲᬸᬩᬧ᭄ᬢᭂᬂᬳᬶᬗᬦ᭄ᬤᬳᬸᬄᬓᬮᬶᬄᬘᭀᬓᭀᬃᬭᬢᬸᬫᬭᬫᬗᭂᬮ᭄ᬬᬩ᭄ᬦᬓᭀᬦᬂᬧᬢᬶᬄᬭᬢ᭄ᬣᬦᬾᬳᬶᬢ᭄ᬭᬸᬧ᭄ᬳᬤᬾᬂᬫᬳᬢᬸᬃᬳᬶᬧᬸᬦ᭄ᬓᬭᬶᬲᬫᬶᬳᬶᬭᬶᬓᬶᬓᭀᬦᬂᬭᬢᬸᬳᬤᬾᬂᬦᬶᬫ᭄ᬩᬵᬮ᭄ᬢᬸᬦ᭄ᬤᬾᬦᬫᬸᬮᬶᬄᬫᬮᬸᬧᬗᬧᬤᬫᬤᬩ᭄ᬤᬩᬦ᭄ᬭᬾᬄᬤ
ᬤᬓᬦ᭄ᬧᬚᬮᬦᬾᬗᬦ᭄ᬢ᭄ᬬᬂᬫᬸᬮᬶᬄᬳᬶᬢ᭄ᬭᬸᬧ᭄ᬫᬦ᭄ᬤᬵᬯᬸᬳᬂ᭟ᬧᬢᬄᬭᬢ᭄ᬯᬩ᭄ᬭᬶᬬᬸᬓ᭄ᬩᬸᬤᬮ᭄ᬲᬫᬶᬕᬕᬗ᭄ᬲᬭᬦ᭄ᬍᬕᬦ᭄ᬜᬦᬾᬮᬶᬯᬢ᭄ᬢᬦ᭄ᬓᭀᬘᬧ᭄ᬬᬥᬶᬫᬃᬕ᭄ᬕᬦᬾᬳᬶᬤ᭄ᬯᬕᬸᬂᬓᬂᬯᬶᬦᬸᬯᬸᬲ᭄ᬳᬶᬗᬸᬄᬩᬸᬗ᭄ᬲᬂᬧᬶᬦᭂᬄᬤᬶᬋᬤᬶᬧ᭄ᬥᬲ᭄ᬢᭀᬂᬤᬤᬶᬚᭂᬧᬢ᭄ᬩᬦᬾᬫᬸᬮᬩᬸᬤᬸᬄᬢ᭄ᬯᬭᬦᬯᬂᬤᬸᬃ
ᬬᬳᬶᬤᬾᬯᬕᬸᬂᬓᬾᬢᭀᬫᬶᬦᭂᬄᬤᬶᬭᬤᬶᬲᬓ᭄ᬱᬡ᭄ᬦᬓᬩᬮᬾᬫᬲ᭄᭟ᬕᭂᬩ᭄ᬬᬸᬕ᭄ᬫᬺᬫ᭄ᬤᬶᬭᬜ᭄ᬚᬂᬗᬾᬲᬃᬯ᭄ᬯᬶᬦᬯᬂᬢᬶᬗ᭄ᬕᬮ᭄ᬢᬦ᭄ᬮᬾᬦ᭄ᬳᬶᬓ᭄ᬘᬶᬬᬮ᭄ᬫᬗᬶᬭᬶᬂᬢ᭄ᬯᬭᬩ᭄ᬮᬵᬲᬾᬳᬶᬤ᭄ᬯᬕᬸᬂᬗᬦ᭄ᬤᬶᬓᬮᬸᬲ᭄ᬘ᭄ᬬᬮ᭄ᬩ᭄ᬘᬢ᭄ᬳᬶᬩᬫᬢ᭄ᬮᬶᬓ᭄ᬓᬲᬸᬫ᭄ᬦᭂᬧ᭄ᬤᬲᬂᬦᬸᬓᬾᬬᬤᬶᬢᬸᬳᬶᬓ᭄ᬘᬶᬬᬮᬸᬢ᭄ᬫᬚᬮᬦ᭄ᬕᬕᬗᬸ
ᬗ᭄ᬲᬭᬦ᭄ᬫᬗ᭄ᬭᬜ᭄ᬚᬶᬂᬓᬩᬮᬾᬩ᭄ᬱᬶᬓᭀᬭᬢᬸᬩᬸᬫᬜᬶᬗᬓ᭄᭟ᬢ᭄ᬓᬓᭂᬲ᭄ᬬᬃᬲ᭄ᬜᭂᬫ᭄ᬗᬦ᭄ᬤᬶᬓᬭᬶᬲ᭄ᬫᭂᬫ᭄ᬩᬄᬕᬸᬮᬩᬶᬄᬕᬸᬲ᭄ᬢᬶᬦᬾᬤᬶᬚᬳᬶᬘ᭄ᬬᬮ᭄ᬳᬤᬾᬂᬤᬂᬳᬢᬸᬭᬾᬤᬭᬳᬶᬜ᭄ᬘᭀᬓᭀᬃᬭᬢᬸᬲᬦᬾᬯᬯᬸᬭᬶᬂᬩᬮᬾᬭᬸᬓ᭄ᬫᬶᬜᬾᬦ᭄ᬤᬶᬢᬸᬳᬚᬓᬭᬢᬸᬲᬸᬳᬸᬂᬕᬫ᭄ᬧᬸᬂᬦᬾᬗ᭄ᬓᬶᬦ᭄ᬧᬶᬮᬶᬄᬗᬭᬕ᭄ᬕᬵ
Page:Bali-lontar-gaguritan-cokoratu-05-250ppi.pdf/19
This page has been proofread.
